المساعد الشخصي الرقمي

مشاهدة النسخة كاملة : التحيه على روس المضايف!!!!


((بعيدالنظر))
05-01-2005, 22:02
ياسلامي على روس المضايف=من هجوسٍ كما الخيل المغيره

مايشيل الحمول إلا جملها=ياسلامي على روس المضايف

,,,,,,,,,,,,,,,,,,,,,,,,,,,,,,,,,,,,,,

علموا من يبي فرقا الولايف=لايحدد من الدنيا مصيره

كل نفسٍ تجازى في عملها=علموا من يبي فرقا الولايف
متفاائل
06-01-2005, 03:07
عليكم السلام ورحمة الله وبركاته
ياعبيد الله العرابي
تسلم لاهنت على هذا الابداع الرائع
لقد كنت ولازلت وستبقى إنشاء الله
ايها الدينموا المحرك لهذا المضيف خاصة والمضايف الاخرى عامه
تقبل فائق تحياتي
متأمل
06-01-2005, 21:58
مرحبا يا مدوّرة العجايف=ردة تجبر الرجل الكسيره
كان لك كلمة فالقلب قلها=مرحبا يا مدوّرة العجايف
-----------------------------------------------------------

من حضر كاش وفّى بالسلايف=ينطق الحق من يصدق ضميره
شحنتك يا عبيد الله شلها=من حضر كاش وفّى بالسلايف
((بعيدالنظر))
07-01-2005, 00:44
والبقا ما نوينا لك كلايف=جيت راعي بصر ولاّ بصيره
بعد كلّفت رجلك في عجلها=والبقا مانوينا لك كلايف

,,,,,,,,,,,,,,,,,,,,,,,,,,,,,,,,
أكثر الناس متزعّم وخايف=يارد الجم وحباله قصيره
قلت جابه ولا جاني بدلها=وأكثر الناس متزعّم وخايف
((بعيدالنظر))
07-01-2005, 00:48
أخي الحبيب والخلوق جداً / متفاائل
أهلاً بك وبمرورك الذي عطر هذا المتصفح وإن كان هناك إبداع فأنت شعلته ووقوده .. أشكرك على هذا الحضور الذي لمست الصدق في حروفه ..

دمت بهذا النقاء أخي المتفاائل .. ولك صادق الود
متأمل
07-01-2005, 02:06
أنت و المجلس الحربي وصايف=تشتكي للمدير و تستشيره
تحرق النار ثوب اللي شعلها=أنت و المجلس الحربي وصايف

-----------------------------------------------------------------


يحسب المرجله نشر الصحايف=من جهل بالطويله و القصيره
ماتت أمه و ورثه عند أهلها=يحسب المرجله نشر الصحايف
((بعيدالنظر))
07-01-2005, 03:08
أعجبتني سوالفه الظرايف=يحسب الأوله مثل الأخيره
قلت تمره وأخذ جمره وأكلها=وأعجبتني سولفه الظرايف

,,,,,,,,,,,,,,,,,,,,,,,,,,,,,,,,,,,

أحد هاوي وغاوي وأحد عايف=وأحد يطلب من الله الستيره
ما أعرف أصحابي الا من زعلها=أحد هاوي وغاوي وأحد عايف
متأمل
07-01-2005, 17:32
خاليٍ خرج راعين الوظايف=من فعولن غنيّات و فقيره
ما نفع شلّة الفندق بدلها=خاليٍ خرج راعين الوظايف

----------------------------------------------------------------


ما طمع فالبلد من كان شايف=لقمة العبد ياكلها خشيره
عيشة الآدمي ربي كفلها=ما طمع فالبلد من كان شايف

بدلها..في البيت الأول بمعنى جمع بدلة

الصفوف يا أهل اللعب...وينكم
((بعيدالنظر))
07-01-2005, 22:50
بعد حافك من الأيام حايف=لاتلوم الرحاه المستديره
أترك أهل الخلل وأستر خللها=بعد حافك من الأيام حايف

,,,,,,,,,,,,,,,,,,,,,,,,,,,,,,,,,

الضعيفه تروح بلا حسايف=وزنها مايجسي حبة شعيره
دوّر اللي تسرك يابطلها=والضعيفه تروح بلا حسايف
متفاائل
08-01-2005, 03:56
العرابي
متأمل
تسلمون على هذا الابداع
متابعين
الأصيل
08-01-2005, 08:16
قمه

وروعه



ياليت تستمروووون




صفووووف ياأهل المضايف
متأمل
08-01-2005, 10:19
الأخوين الكريمين...متفاءل + الأصيل

شرفتوا هذا الموضوع...و تسعدنا متابعة أمثالكم

استلم يا طويل العمر...


ينبسط في النوادي و المصايف=من عجز وقت الأيام الكبيره
كل وقفة لها من يحتملها=ينبسط في النوادي و المصايف
------------------------------------------------------------------


الذهب نعرفه لا صار زايف=صرت مع دورة الدنيا خبيره
كل نفسٍ تموت ان حان أجلها=و الذهب نعرفه لا صار زايف
((بعيدالنظر))
08-01-2005, 22:40
ماأكبر القلب وضلوعك نحايف=شايله مامعك فالأمر خيره
أترك جبالها ترقب سهلها=ما أكبر القلب وضلوعك نحايف

,,,,,,,,,,,,,,,,,,,,,,,,,,,,,,,,,,,,

فارس القوم عوّد بالنكايف=فاقد السيف متعلّق جفيره
والقبيله توارت من خجلها=فارس القوم عوّد بالنكايف
الأصيل
09-01-2005, 08:26
للنهااااااايه


هنا
متأمل
09-01-2005, 14:57
من ضرا بالردا ما طال نايف=قسمته مع هل الأريا صغيره
عملة أهل الردا محدٍ قبلها=من ضرا بالردا ما طال نايف
-----------------------------------------------------------------


الزعامة من كبار الهدايف=ما قرب يمها نفّاخ كيره
طاحت أهل الحيل بأردى حيلها=الزعامة من كبار الهدايف

الأصيل...متابعة متميزه...تحياتي لك
المشعل
09-01-2005, 23:15
لاتلوم العرب لتكون هايف=وانت هايف مع العين السهيره
والمكينه تصلح من عطلها=لاتلوم العرب لاتكون هايف

ياوحيد المراقب والنوايف=ويش علتك بالناس الخبيره
واكثر الناس ماتربط خبلها=ياوحيد المراقب والنوايف
((بعيدالنظر))
10-01-2005, 12:21
تجمع أرباع وتجمّع نصايف=ثم تظهر على شيخ العشيره
توّ ما أصحابنا قرقع هللها=تجمع أرباع وتجمّع نصايف

,,,,,,,,,,,,,,,,,,,,,,,,,,,,,,,,

العرابي بحال الناس رايف=راعي المد مع راع الشطيره
إن قطعها خصيمي ماوصلها=والله إني بحال الناس رايف
((بعيدالنظر))
10-01-2005, 12:49
وش بلا المشعل علومه زهايف=مافرقنا صياحه من صفيره
مزرعه ثومها يغلب بصلها=وش بلا المشعل علومه زهايف

,,,,,,,,,,,,,,,,,,,,,,,,,,,,,,,,

إنتظرني على محراف كايف=يامسبّل على العطشان بيره
إنصرف وإنشد أصحابك وسلها=وإنتظرني على محراف كايف
المشعل
10-01-2005, 17:41
الله الله .............


انتبه لاتوطتك القذايف=لاتزبن مخزنت الذخيره
ثم ننشد ومنهو اللي فعلها= انتبه لاتوطتك القذايف

ماتعرف الثقيل امنا الخفايف=دنيتك يالعرابي مستديره
والرذيله علام الي نزلها=مايعرف الثقيل امنا الخفايف
متأمل
10-01-2005, 18:41
التشويش كثير و الجو غائم جزئيا...

و قد تكون الرؤية معدومه...تقبلوا ما أقوله


لحفتك المشايخ باللحايف=عن ظروف الشتا و الزمهريره
بعد كنت ابيدين الناس ملهى=لحفتك المشايخ باللحايف

---------------------------------------------------------------------


لا تسبب لشمسك بالكسايف=لا تجي نشرة أخبار الجزيره
نفس طمعت فعل يدها قتلها=لا تسبب لشمسك بالكسايف

علموني كانكم بتستمرون على الشكل هذا