يا متفائل يابن الأجواد للملعب تقدم [الأرشيف]

الاصمعي

01-01-2005, 23:53

يا متفائل يابن الأجواد للملعب تقدم
والغيوم أشوف ياصاحبي قامت تردم
والشعر سلوى لخاطر من أصحابه مصدم
.
ولعوها نار والنار من شبابها

يا صاحبي أقبل سلامي فالبداه=وبعض السوالف نطلبك تشفيرها
من لا عرف كل القضيه وش بلاه=يطلق أحكامٍ قرقشي1 تأثيرها

1-قراقوش

سرحــان

02-01-2005, 01:44

الســـــــــــلام عليكم

ومساكم الله بالخير

دام الاصمعي .......... ومتفاأل

اكيد قاضب الصف معكم

تحياتي

الاصمعي

02-01-2005, 02:12

هلا والله بسمي الذيب

يا خوي أشوف اسمه ومادري وش لي شابحن نظره بعيد عن هالطاروق :)

حياك يا سرحان ولا تباعد،،

متفاائل

02-01-2005, 02:47

هلا والله بالاصمعي
اسف على التاخير

اتقدم ماتأخر عنك يالاصمعي
هات ماعندك وانا اعطيك كل اللي معي
الشعر سلوى اذا كان بالشاعر وعي
.
.
ولوعها نار والنار من شبابها
.
.
.
.[/poem]
عليكم السلام . ويش اللي تباه
المروحه عمارها . بتدويرها
العرف وفق . وكل رجال وهواه
لولا اختلاف الناس يجهل خيرها

متفاائل

02-01-2005, 02:54

سمي الذيب لاهنت
ياهلا بك نشكر متابعتك

.
.
.
.
.
عدو عيني ماله والي

الاصمعي

02-01-2005, 06:53

من قعد بالبير يغرف يبي ماتح دليه
والمصيبه كان قط الرشا فوقه خويه
لا حصل ورد وحياته غدت هي القضيه
.
ولعوها نار والنار من شبابها

الطهبله تمشي على هذا وذاه=وبعض العقول تضيع من تخديرها
لضبط القضايا تطلب شهود القضاه=اشهود ما يدهن بضحكه سيرها

الأصيل

02-01-2005, 08:17

أكيد أنا مع سمي الذيب بالصف

لم ولن أهد الصف لله :thumb:

وتحياتي للشاعرين

المخاوي

02-01-2005, 12:12

تو زان جوي :) >> منغمتن لي كم يوم وابشرك يالاصمعي فرجت :thumb:
متابعين لكم بشغف ايها الشعراء
الاصمعي & متفاائل

والكل منكم ذو نفس وبال طويل :thumb:
وشفراتكم نبي نفكه بحول الله :p:
سرحان انت والاصيل امسكوا الصف الايسر وازهلوا اليمين :)

فواز الشبيكان

02-01-2005, 12:21

الاصمعي /ومتفاائل

شعراء قمه

اتمنى لكم التوفيق ومحاورتكم تجبرنا بالمتابعه

تحياتي

سرحــان

02-01-2005, 15:32

مــــــــــــــــعكم

بالصف

المخاوي قرب جاي تراك لحالك

الاصيل ياحلو الرجحه خلك بجنبي نرجح سوا

تحياتي

متفاائل

02-01-2005, 18:47

جونا هذا متقلب وخطرٍ حيل خطري
والمناعه عندنا صايبه فيروس فطري
والوهم يقلب موازيننا فوق وحدري

ولعوها نار... والنار من شبابها

:)

لو المدافع مابدا يرجع وراه = يمكن قطعها من قبل تمريرها
قبل الهجوم يحاوره داخل حماه = لو شتته اشوى ترى من غيرها

متفاائل

02-01-2005, 18:49

الاصيل
المخاوي
القديمي
سرحان
اشكر متابعتكم المشجعه لا خلا ولا عدم

حمود الشمري

02-01-2005, 22:18

معاكم متابع بشوق

ولكم جزيل الاحترام

الاصمعي

03-01-2005, 00:04

لو رماها غير ابو زيد فارسنا سلامة
كان قلنا ما أصابت وأبشر بالسلامة
للمطر تبدا علامات وللعجة علامة
.
ولعوها نار... والنار من شبابها

تر بعض الأخطا صعبٍ عيونك تراه=والكامره ما تظهره بتصويرها
والنجم يفقد بالخشونه مستواه=كان الحكم بمجاملات يديرها

سنجار

03-01-2005, 00:21

الأصمعي ومتفائل

ونحن نستمتع بهذه المحاوره

مع الصفوف

فهد الاسلمي

03-01-2005, 00:23

الاصمعي و متفاائل معاه ,,,,,

ولعوها نار... والنار مـن شبابهـا

وانا مع اللي قاضبين الصفوف معكم

الاصمعي

03-01-2005, 01:21

الأصيل حياك الله وشكراً للمتابعة ويمدحون الصف الأيمن مقفين عن الهواء:)

المخاوي يا مرحبا الحمد لله على الإنفراج وزينة الجو:)
أما شفراتنا فشور الربع الي أنت خابر:wink:

القديمي شكراً للمتابعة والتشجيع،،

سرحان حياك الله ومتابعة مستمرة تخلي الشاعر يجيب ما ورى اذانه ،،

حمود الشمري متابعتك وتشجيعك وقود الإبداع فلك الشكر،،

الشامخ سنجار يا مرحبا وحي هالطلة،،

فهد الأسلمي "صاروخ الشعر" حياك الله وتسلم ع التشجيع،،

شكراً لكم جميعاً على التشجيع والمتابعة ولا تباعدون..

متفاائل

03-01-2005, 02:54

قالو ان العلم واصل على جنحان طير
واللجان الدائره يعرض امره للمدير
والمصانع اسم جامع فيه زين و به خطير
.
.
ولعوها نار والنار .. من شبابها

الشاعر اللي نعرفه بيته وراه = احترت راح الوقت وانا اديرها
يمكن عجل او به زعل يومه بناه= بعض العرب يرثع به بعيرها

الاصمعي

03-01-2005, 07:44

من يحارب سنة الرسل لو يحلف مكذب
لا حشا ما يقال طيب ولا رجلٍ مهذب
الا كان النحل منتوجها يقارن مع الذب*
.
ولعوها نار والنار من شبابها

*ذباب طار نصه للضرورة الشعرية:)

لا والله الا واضحٍ أمرٍ عناه=ركز شوي يبين لك تفسيرها
ان كان جر البسط من بت بذراه=لو ركبوك شداد منت أميرها

الأصيل

03-01-2005, 08:14

خلاص .. أنا بالصف الأيمن

الشباب اللي بالصف الأيسر ... اقضبو صفكم ( واقضبو أعصابكم:)

اللي عندوه جوال أبوغازي يتصل بوه بسررررعه

خلووووه يجي :thumb:

كلنا خلف الشاعرين

متفاائل

03-01-2005, 16:41

ليته طايرتن كله امنت بالله وشلون قطشته:thumb: :)

بالقضاء يطلب على المدّعي البيّنه
يطلبون شهود ومن الوثايق عينه
والمواقف تحجب الضو والا تزينه
.
.
ولعوها نار .. والنار من شبابها
.

.

.

.
اللي يبا الطولات مايقصر خطاه = ويختار من يصبر على مسيرها
راع الصخاء كلن فرح به من صخاه=والشح واهله الشح في سعيرها

متفاائل

03-01-2005, 16:52

مشرفنا القدير
حمود الشمري
الاخ العزيز سنجار
الاخ فهد الاسلمي

الاصيل اشكرك على احياء الصفوف ومتابعتك المستمره

سنجار وين الناس ينشدون عنك الــ زيــد :)

الاصمعي

03-01-2005, 18:11

يا متفائل يا متفائل علامك يا متفائل
أنثر علومي جميعه ثم ترجع تسائل
هي وساعة صدر ولا ترى ما منش طائل
.
ولعوها نار والنار من شبابها

قلبي واعرفه وخابرٍ حروة دواه=وبعض الكسور البعد هو تجبيرها

الله يوفق كل ساعي في سعاه=ويكتب لهم من ذا الخطاوي خيرها

متفائل وين إنت غادي نهاية الشيلة "رها":)

الأصيل

03-01-2005, 20:16

يامتفائل

غلطة الشاطر بخمسطعش ألف

وبرضوووه متابع للنهايه

الاصمعي

03-01-2005, 23:56

يامتفائل

غلطة الشاطر بخمسطعش ألف

وبرضوووه متابع للنهايه
^
^
انت تشوف يابو الأصايل:)

بس ولو ياهو صياد ماهر ولا يطوفه شي لولا هالعريق المبروك:thumb:

سرحــان

04-01-2005, 01:19

الله يونســـــــكم بالعافيه

معــــــــــكم

متابـــــــــــــــــع

لكم

تحياتي

متفاائل

04-01-2005, 04:07

الله المستعان ياشين يادخلت الظهر وابلشوك انجر برد :thumb:

اي غلط الله يهدييكم ماني شايف شين توكدوا :) اغديكم متوهمين :100r:

لاتكثر كلام ولاتنثر علوم
ودنا في خوي الطيب معنا يدوم
ياعميل الخير عاداتنا والسلوم.
.
.
ولوعها نار ... والنار من شبابها
.
.
.
.
.
.

التسامح والعفوا مرجله للي قواه=وان كبر حجم المواقف كبر تقديرها
كلما يكبر الموقف كبر في عطاه=والمياه ينقيه زود تكريرها

الاصمعي

04-01-2005, 07:51

خوة الأجواد يا صاحبي مابه مساوم
ولا لها دخْلٍ بمكتب بأطرافه نداوم
نهجر المكتب ولا لصحبة الطيب نقاوم
.
.
ولوعها نار ... والنار من شبابها
.
.
.
.
.
.
مع التسامح ناويٍ للي نواه=أخير من طول الحكى تقصيرها
والاصمعي أسعده وقتٍ هو قضاه=مع قاضي أشعارٍ سعى لتطويرها

الأصيل

04-01-2005, 08:12

التسامح والعفوا مرجله للي قـواه
وان كبر حجم المواقف كبر تقديرها
كلما يكبر الموقف كبر فـي عطـاه
والميـاه ينقيـه زود تكريـرهـا

ياسلالالام....

مع التسامح ناويٍ للـي نـواه
أخير من طول الحكى تقصيرها
والاصمعي أسعده وقتٍ هو قضاه
مع قاضي أشعارٍ سعى لتطويرها

ياسلامين

متفاائل

04-01-2005, 15:44

اجّل المرحال خله عقب وقت يابوخالد
دام منزالك قريب عندنا مامن بعايد
البدوا تاريخهم دايم باحداث وفوايد
.
.
.
ولعوها نار ... والنار من شبابها
.
.
.
.
.
يادفينا وانتهى هـ الشهر واللي قفاه = اضرب الديان كانك تبي تمتيرها
اسمع الاجواد والعن ابليس ورفقاه= وشاور من اهل العلوم الطيبه خبيرها

الاصمعي

04-01-2005, 18:15

لا تروح بعيد مامن بعايد يابو عامر
حولك هنيا وهنا دايماً موجود أطامر
في مضيف الريم تلقاني ومضيف ثامر
.
ولعوها نار والنار من شبابها

.
.
.
.

أبديت علمي من أوله لا منتهاه=عام جديد ومعه جا تصفيرها

أسعدتني جداً أخي الشاعر المبدع أبو عمر بهذه المحاورة الرائعة فلك جل تقديري،،

ألف شكر لجميع الأخوة على المتابعة والتشجيع المميز،،

تحياتي

متفاائل

04-01-2005, 20:27

ولو ابو خالد
العين ماتعلى على الحاجب
تلاميذك طال عمرك
سلمت ودمت

الجازي

04-01-2005, 23:50

:) :)

أجل تطامر في مضيفي :) وأنا أقول تسني أحس ببوادر تسونامي عندي في الفصيح :) إثره من مطامرك :)

صح لسانكم جميعا أو الأصح صحت ألسنتكم :)

سنجار

05-01-2005, 00:57

شعرا محاورتنا الأكارم

الأصمعي . متفائل

يعطيكم العافيه على هذه المحاوره التي أستمتعنا بها

وصح لسانكما جميعا..

هلا متفائل وشكرا على سؤالك

والأخوان هناك فيهم البركه..

الاصمعي

05-01-2005, 18:49

:) :)

أجل تطامر في مضيفي :) وأنا أقول تسني أحس ببوادر تسونامي عندي في الفصيح :) إثره من مطامرك :)

صح لسانكم جميعا أو الأصح صحت ألسنتكم :)
^
^
لا هو تسونامي بعيد عن ديار الفصيح بينه وبينه حول ست دول بس هذي الإرتدادات الزلزاليه تسفيتوا شرها:)

الشاعر العذب والخلوق/ أبو عتيق

ألف شكر على المتابعة والتشجيع ولا هنت،،

تحياتي وتقديري للجميع

ابو غازي

05-01-2005, 19:27

عزالله إنكم ماقصرتووووووووووو ياشعارنا

بارك الله فيكم جميعاً

وصح لسااان كل واحد منكم / وهذي لخشيماتكم كلكم :smooch:

http://sa7rana77.jeeran.com/right1.gif

http://bestanimations.com/Careers/Entertainment/Entertainment-02.gif