(فرصه) دبلوم عالي معتمد [الأرشيف]

مشاهدة النسخة كاملة : (فرصه) دبلوم عالي معتمد

متفاائل

29-12-2004, 00:26

السلام عليكم

الاخوان والاخوات منسوبي هذه المضايف الغاليه :thumb:

سوف يتم عقد الدوره الاولى والتي تأهل الدارس دبلوم عالي

لشعر الفكاهه والحورنيات مجاز من ادارة المضايف

<<كان ماجاء مطسس والمبنا ابو سلطان . :a:

الزبده الفكرة جت براسي عندما كنت اتجول بفلة حجاج

وشفت بعض الاخوان والاخوات يمتلكون الموهبه والابداع الجيد بهذا المجال

ولاينقصهم سوى بعض التلميحات البسيطه .

ولكون هذه المضايف تحظى بكم هائل من اساتذة الشعر المخضرمين

ارجوا ان نحضى من الجميع بالمشاركات الطيبه التي سوف تنزع بعض

الحواجز النفسيه وتساهم في رسم الابتسامه على الوجيه وتساعد

على الترابط اكثر واكثر بين اعضاء هذه المضايف .

ننتظر ارائكم ومشاركاتكم التي تعودنا عليها منكم دائماً

والله من وراى القصد .

فهد الاسلمي

29-12-2004, 01:03

يعيطك العافيه متفاائل على طرحك للموضوع هذا وهو حقا يستحق

ان يكون بين يدي اعضاء هذا المنتدى المخضرمين من الشعار من غير

امثال لأن شخصيات هذا المنتدى لا يقلون موهبة عمن سبقهم في

كتابة ونظم الشعر الحورّني .... وفعلا هذا النوع من الشعر يضيف الى

القارئ شيء من المرح بعيدا عن اجواء الرثاء وعن اجواء الغزل والمدح وما

هو غير ذلك ....... لذا اود من الاخوان منتسبي هذا المنتدى المشاركه

بكل ما لديهم من كتابات شعرية تعتني بهذا النوع من الشعر ويسعدنا

ان نحظى ولو بالقليل الذي لا يغنينا عن الكثير ... فهي منّي الى جميع

اخواني شعرائنا ان لا يبخلوا علينا بإرتداء هذا الثوب الجديد الذي يضفي

إلينا طابع المرح والفكاهه ولما له تشويق للقارئ على متابعة القصيده

حتى منتهاها وتعليقه عليها في هذا الصرح الكبير .

متفاائل سلمت ودمت لطرحك الدائم

تقبل منّي أرق وأجمل تحية معطرة ... فهد الاسلمي

الأصيل

29-12-2004, 10:50

وعليكم السلام

فكره جيده ياشاعرنا متفائل

والمضايف تزخر بشعراء وشاعرات

يمتلكون المواهب المتعدده

ولو ترجع لموضوع ( وبدأت المعركه ) (( مسوي دعايه لموضوووعووه ) :)

سوف تجد ملحمه شعريه فكاهيه نقيه عن أي شائبه أو خدش

وهذا يدل على تمكن الإخوة والأخوات

وبالتوفيق للجميع

الونش

29-12-2004, 14:56

فرصتن تذكر ولا شفنا دبلومها = مثل بيض الصعو يذكر ولاشيف
(ورنا) يالخوي نسختن بختومها = ونجيك عقبه كمالسيل له وحيف

الـمـحـروووم

29-12-2004, 22:01

متفاائل
وصلنا أخيراً
متفاائل :thumb: :thumb:
:goooood: :goooood:
أوافقك الرأي
وأنتظر بقية الشباب

متفاائل

31-12-2004, 04:02

فهد الاسلمي
الاصيل
الونش
والمحروم
ياهلا بكم جميعاً الف شكر على زيارتكم للموضوع
اشوف هالونش مستعجل قلنا نعلمكم بالوضع انتم صديق وهذا برنامجنا .
مبدئياً راح الربع يتعاقدون مع مدرسين مميزين

ابرمنا صفقة عقود = بنقاليين وهنود
شور محمد والمحمود= اللي حطوا الاعلان
...
..
اخذوهم في سياره = وادوهم يم السفاره
وقعوا عقد التجاره= واجرو لهم الامتحان
..
..
يقولون اعلى مؤهل = ونطلب المولى يسهل
لاتستعجلهم تمهل = تراها ساعة زمان
...
..
المنهج قالوا معلوم = هذا في يعطي دبلوم
قلنا والله خوش علوم = دعايه معجون اسنان
..
.
ننطر وصول الطلاب = واقفين على الباب
الشريطي والنصاب = كل حجز له مكان

......

فهد الاسلمي

01-01-2005, 02:31

وصل وصل اول طالب علم

.... لها ان تكون او لا تكون ولكن بما انها في مضيف المحاولات يجيب تعتبر محاولة.

عسى ان تحوز على رضاكم

ابدا بنظم الحكاية = حكاية مدري روايه
صارت من اول معايه = قصتها جدا عجيبه

نويت اقدم وظيفه = وظيفه حلوه خفيفه
عند الوجيه الشريفه = وهذه اكبر مصيبه

اول عطوني دفاتر = نموذج اهل الدكاتر
ويفحصونك سساتر = يجيك شكٍ وريبه

ومن بعد ذا يا مقدم = تاخذك وتعاين الدم
وتقول كم لي تقدم = يا هذه اكبر نهيبه

تمد له ما بجيبك = والخوف مالك يعيبك
يجيب لك ما يخيبك = وترد منها يخيبه

وان جاك حظ وتسنعت = ومن الوناسه تشلعت
عقب الشعر شوف صلّعت = كله لعين الحبيبه

يعطيك كم من وريقه = تشب فيك الحريقه
تجيك بالقلب ضيقه = يا والله هذه النشيبه

مكتوب فيها ملفّه = على الدواير تلّفه
تاخذ وراها مزفّه = يشيب منها الشبيبه

وعقب البطى والتردد = و اوراق تنهى وتجدد
انهيت العمر المحدد = والعمر محدٍ يجيبه

متفاائل

01-01-2005, 04:12

من متطلبات من يرغب تقدير الامتياز
الذي يستطيع به مواصله الدراسه الجامعيه والحياة العمليه .
هذه الشروط

بالليل يسهر على الدش = والصبح يجيك مقرش
وعيونه كنه محشش = تعبان من قلت النوم
واذا دخل بالفصل نام= لو ان مدرسه قدام
لاجايب-ن كتب ولا اقلام = بالزاويه متكوم كوم
وإذا رجع للبيت يافلان = يصيح يبي الاكل جيعان
واللي معه بالبيت خرفان= ماحد سأل وش درسك اليوم
طول السنه هذا مساره = درس الفلس كله خساره
والمدرسه مابه اداره = اللي يربي صح معدوم
يقول انا مالي وماله = ماني مكلف من خباله
نسي الامانه والرساله = ياجاه راتب ماهو ملزوم
وان جاه يوم الامتحاني = حصيلته حفظ الاغاني
ياليل داني ليل داني = وقصات شعر وارذل هدوم
ومدرسه يراقب مسيره = غدا وحش صحى ضميره
يالله عسى مايشوف خيره = ومن راتبه عساه محروم
جاء للاهل معه الشهاده =مايختبر يلزمه إعاده
ومن القهر خم الوساده = يقول انا شاطر ومظلوم
عقبه زعل يبي وظيفه = بشروط يشرطها بكيفه
يبي مدير او وصيفه = ومن الدلع مصيوب بثلوم

الـمـحـروووم

04-01-2005, 15:17

جيناكم نبغى الدبلوم=لاتقولوا مافي معلوم
أنا تراني المحروووم=عارف جميع القيفان
أنا عشير النطول=صاحي ولاني مهبول
وأبغى أكون المسؤول=على جميع الشيبان
أخليهم ينظبطون=يمشون سيده مايلفون
وإذا بغوا يلعبون=أقضبهم البيبان

أرجو الموافقه على طلبي
لأني أريد أن أكون المسؤول على الشيبان
وأولهم أبوغازي

متفاائل

04-01-2005, 22:48

هلا هلا بالمحروم = شكلك درست الدبلوم
لكن نعطيك المقسوم = استفتحنا بك يافلان
النطول انا اغليه =ودامك عشيره نرضيه
نعطي لك اللي تبيه =من باكر خذ لك بيان
لكن تطول بالك = تعاملهم مثل عيالك
الطالب لايغدالك=لو انه شايب خرفان
والشرط الثاني تجيب = كل شقردي حبيب
وكل شاطرٍ ولبيب =ونبي شنقل وشبيثان
والمخاوي تجيبه = لازم يأخذ نصيبه
ماهو معقول نسيبه =طبعه من تالي خربان
نبي جميع الفله = واهل المضايف كله
اللي يجي تفطله= تستقبلهم ياذيبان
اذا تثبت وجودك =وذقنا ثمر مجهودك
ابشر والله بزودك= يصبح بالمعهد لك شأن

:hala1::)

الـمـحـروووم

05-01-2005, 20:55

شنقل جالس بالفله=يفرفش ويا الشله
علتهم والله عله=يالله يالله ياستٌار
وشبيثان أكبر عاطل=ويدور للمشاكل
مجنون وماهو عاقل=ولسانه كنه منشار
ومخاوي ذا المقرود=من يومين وهو مفقود
دايم في حي المحدود=ولا في حي المطار
ما عرفنا وش جاهم=عسى الله لايبلاهم
وللخير يهداهم=يالله يالله ياغفٌار
ونشوفهم بالدبلوم=ونعطيهم المقسوم
ولافيهم المحروم=والراتب واحد دولار

متفاائل

06-01-2005, 15:46

:106r:

يالمحروم الله يهديك = ضيقته علينا اشفيك
علومك فيها تشكيك =دور لنا علم زين
سلم على ابو سلطان = قل عسى ماهو طنيان
افا.. خوت الشلقان = نفرح ياجاء لو شوين
ابداء في بعيد الداري= اللي معنا من الاخياري
لعبيدالله والشراري= وابن بادي واهل العين
سلملي على الربع = واخبرهم عن الوضع
ولاتنسى عقاب الربع = خلك مرسول فطين
باشراف الشعر الاساس = الغازي وخليف ونبراس
والاصمعي الحساس = قله يجيني هالـ حين
وابو مقرن ياسلام = وروز خان راع افلام
ولكل شاعر همام = وثامر يمكن صابه عين
ومر الاصيل وقله = يجي يجي احسن له
نسي مويضيع الفله = لايحسّبنا ناسين
خلود والدهوروريم = وريم شمر سيم سيم
فتحنا قسم الحريم =بإدارة مجموعه بادين
واعتذر عن التقصير = والله بالنيه بصير
يخونن بعض التعبير = ومع هذا نكتب عجلين

الـمـحـروووم

11-01-2005, 21:46

أنا ماأصلح مرسول=لأني دايم مشغول
أحسن تشوف النطول=هذا والله ماهو شين
يعطيك علوم الشباب=والجماعة والأصحاب
صادق ولاهو كذاب=يعطيك العلم اليقين
وإذا شفته ماجازي=وإلا جاه أنحيازي
وده يم أبوغازي=يعطيه بالمخطر أثنين

المطنوخ

12-01-2005, 03:31

ديور جاي يالمهباش=وش عندك من العلوم

تبيني اصير لك مطراش؟=العب غيره يالمحروم

ودك بمخطر بوغازي=يرسم بظهرك حواري

انحش وخلك موازي=سور بيتك الكبير

لا تفكر اني مو شاعر=انا شاعر بمشاعر

فاضت دموعي بالدفاتر=ياشين والله اغليك

ولا ودي بالشمّاته=ضحكناهم علينا بهذا

خلنا فوقهم ذيابه=يالمحروم صدرك وسيع

متفاائل

14-01-2005, 14:39

يالمحروم انت اللي جيت = وللمسئوليه بغيت
وانا لمطلوبك عطيت= وعبيت كرت التوظيف
واليوم اشوفك تهرب = تقل ماودك تدرب
وش اللي لطبعك خرب = وانا اخبرك لي حليف
مناني ترى خبرك امس = واللي لنا فرض خمس
ومن المشرق جاب الشمس= لترجع كل التكاليف
بس اعتدل في ممشاك = اترك عنك هذا وذاك
حلك على مستواك = خبري بك قلبك نظيف :)

متفاائل

14-01-2005, 14:44

متفاائل

14-01-2005, 14:46

متفاائل

14-01-2005, 15:08

هين هين يالمحروم :):goooood:

هلا هلا بالنطول = يازول جدي هالزول
لاتبلش في هالبطول =خله عنك لاتزعل
لولاك ماوظفته = من جاء على معرفته
هذا جزاك وشفته= شف جزاء اللي تجمل
ماتقل به احد غيرك = يومه يتركهم ويجيلك
لكن لاتنسى عشيرك = ولالك الا تحمل
اسمع كلامي عن زيفه= وده يشبه في ليفه
لاخلف ولا خليفه =محرومك هذا مصمل

الـمـحـروووم

15-01-2005, 16:43

يامتفاءل وش تقول=كلامك ماهو معقول
ليش ماتصير المسعول=وتعزم أهل الدكه
أنا مسافر هاليومين=عندي إجازة أسبوعين
وإن قلت لي رايح وين=تراني رايح مكه