مظيـــــع ســـــراج..!!

[عبيـــد]

بسم الله الرحمن الرحيم

السلام عليكم ورحمة الله وبركاته

عبيـــد<<<يشرفه الانضمام لكم وعساه فاتحة خير ان شاء الله

والبدايه مشاركه بسيطه عساه تلقى الاعجاب وتكون بالمستوى المطلوب00



قالوا علامك تهوجس والفكر ساج=عسا حمولك ماهي بحمولن ثقيله



وسع الصدر واطلق للسعاده حجاج=لتغيير الاقدار مالك من وسيله



قلت البلا عينن دمعها كالامواج=على خدن للعنا برَك رواحيله



كني اللي بالظلما ومظيعله سراج=ودرب الانوار عيا لايهتديله



مثل طيرن للفضا والفلا صار محتاج=اجزعنه سبوقه ونفسن كنها ذليله



السمع والطاعه اصبحن له منهاج=عقب ماهو سيدن للسما وكلن دخيله



هذي حمولي والحزن داخلي لاج=ونفسي نهارها اتراح وتمسي عليله



ادعي الله واطلب منه الافراج= لعينن خلها غاب ايامن طويله

وسلا11111متكم

[متفاائل]

اولا
ياهلا ويامرحبا بعبيد بين اهله وناسه
يشرفنا تواجدك معنا بالمضايف
وبهذا المضيف خاصة الذي نال شرف السبق بمشاركتك الاولى
صح لسانك ومحاوله جيده ولطيفه نأمل ان نحظى بالكثير من محاولاتك
لكي تفيد وتستفيد . اخي عبيد لقد كانت الصفحة كبيرة جداً لن استطيع القراءة
مما جعلني اغير بالتنسيق فعذراً اخي
بعد اذنك سوف اقدمك في مضيف الترحيب والتعارف
تحياتي

[صلفيق ابو قناة]

محاولة جيدة جداً يا عبيد

انا أشوف لك مستقبل واعد بالشعر على هالمحاولة الجميلة :thumb:

بالتوفيق

[عبيـــد]

متفاائل..

سلمت ياعزيزي..

واشكر لك ترحيبك الحار..

وبالنسبه للتعديل وغيره تراك تمون من ذا ووراه بعد..


تحياتي..

[عبيـــد]

صلفيق ابو قناة..

الجيد والمفرح مرورك على مشاركتي..

سلمت لمحبيك..


تحياتي