وين الاصيل الله يحقق له من الدنيا مناه!!!!!

[((بعيدالنظر))]

وين الأصيل الله يحقق له من الدنيا مناه=شاعر ومن شمّر وشمّر عامره برجالها

إن غاب ولاّ لن حضر ياخذ مع أصحابه سراه=وليا زعل قولوا هي الدنيا وهذا حالها

[حمود الشمري]

يسلام طاروق يستحق

المتابعه يعطيك العافيه وبنتظار الاصيل

[متأمل]

عاش العرابي...

و بانتظار الأصيل...و السرا طويل

متابع حتى النهايه

تحياتي..

[بتول آل علي]

صح لسانك شاعرنا

عبيد الله العرابي


و بانتظار شاعرنا الأصيل


و ... في الصفوووووف :thumb:


الدهور

[سلطان الشمري]

الاصيل وين انت ..العرابي غزااانا .. :thumb:



بسم الله ابي اقابل متأمل بالصف ..




طاروق مجنون يالله الاصل شد حزامك :thumb:

[الأصيل]

حيا الله شاعرنا العرابي

أبرك الساعات اللي أتشرف باللعب مع شاعر ثابت القدم رابط الجأش

وأجمل تحيه للصفوف الحاضره ..

ونبدا المسير .........







يامرحبا بك يالعرابي ... بيرنا ياصل رشاه=الصبر زين ، ومن تعجل منوته مانالها
والشعر بحر ... ومن غطس في لجة الهايج خذاه=لو زاد حملك ياعبيدالله ننيخ اجمالها

[متفاائل]

عبيد الله شعلة المضيف
والاصيل احد اركانه
تسلموووووا
الاصيل اييك بكلمة راس

.
.
.


















لاتعطيه وجه مثلي شب عليه :)

[((بعيدالنظر))]

مشرفنا المتألق / حمود الشمري
متابعنا الجميل الخلوق/متأمل
أختنا المحترمه القلم الجبار/الدهور
القلم المضيء والرجل المبدع/ نبراس
شاعرنا العنيد الصلب / المتفاائل

أشكركم جميعاً على مروركم وسروركم ومتابعتكم الغير مستغربه على كل أعضاء ومشرفي هذا الصرح العملاق .. لكل واحدٍ منكم ألف تحيه ..

الشاعر الرائع بحق / الأصيل
الشرف أنا من ناله أيها الأستاذ الكبير القلب والخلق ..

إستلم لاهنت وكن بخير

دام البقا يالشاعر اللي ماتبيّن مستواه=للحين باقي والسواقي ماقطعت حبالها

اللي تقوله صح .. وأهل الشح مثل أهل الغناه=لوّ إن الآسما تختلف مثل إختلاف أفعالها

[الأصيل]

هلا بشاعرنا متفائل ..

نصيحتك أبي آخذه بعين الاعتبار

وأجمل تحيه للعرابي ( عندوه أربع محاورات بالمضايف ) !!! الله يعين





الفعل يظهر لابلغ درب الفوارس منتهاه=والدار بالشدات ماله غير فعل عيالها

أشوف جبهاتك كثيره ... والجمل زدتو عناه=(أربع محاور) يالعرابي لاتضيع بجالها

[فهد الاسلمي]

شعّارنا شعلة منتدى المحاوره







عبيــــدالله & الاصيـــــل







من خلفكم ماسيكن الصفوف

[((بعيدالنظر))]

هلا وغلا يافهد الأسلمي مرورك يشرفني وكلماتك تضيء المتصفح .
أشكرك يالغالي وعسى عمرك طويل ..

هلا بالاصيل وإن طعتن ترى متفاائل صديق لي لكن وده إنك تتوهق ..م


إستلم لاهنت يالغالي



أشوف رعيان الغنم كلٍ بدت تومي عصاه=وأهل المضايف مانشدنا عمها عن خالها

لا تحسب إن الفكر غادي .. والمرض نعرف دواه=هذي نعقلها والأخرى مطلقين عقالها

[الأصيل]

وجودك هو الشعله يافهد الأسلمي

لاعدمناك يالغالي ،،


العرابي .. عسى الله يزيد محبتك مع متفائل ..

والخيره خفيه

واستلم لاهنت أيها الفارس...





أشوف قطعان الذيابه سارحه مع الشياه=خل الغنم ترعى .. ومالك يالعميل ومالها؟

الذيب ( مثلي ) لو يطول الليل ياكل من عشاه=مايشحذ الراعي ولكن بالمخالب نالها

[((بعيدالنظر))]

اللي بدا للمعركه ماهو كما اللي فالعباه=ذب اللثام ولاتنام ولانصتك إصحالها

العالم اللي يختفون ويلفتون الإنتباه=الواجب إنا مانعامل قرشها وريالها

[الاصمعي]

الأصيل جملنا وخابرينه :thumb:

والعرابي إعرابي تونا عارفينه :)

واصلوا بارك الله فيكم ،،

منازلة من العيار الثقيل :goooood:

[الأصيل]

والأصمعي يشرفنا بالمتابعه

كلمتك يالأصمعي مثل تشجيع جماهير الهلال :)



استلم يارفيدز الدرب




صاحي وواعي .. مرتتسييله .. ماأخاف ألا الإلـــه=هذا الفشق يملى المحازم والحدب يبرا لها

أشوف مشيك يافتى دلّى يثير الاشتباه=لكن ولو هبت رياحك ماتهز جبالها

[((بعيدالنظر))]

عز الله إني ماجردت السيف الأملح من خباه=من يوم قالوا يالأصيل الخيل من خيّالها

لو كبروا راس الغبي يمسي ويصبح في غباه=حيلتك معروفه ومكشوفه قبل تحتالها

[الأصيل]

مرااااحب على الهوا مباشره




جرّد سيوفك ..والعمى يمسي ويصبح في عماه=والكبر لله .. والخطا بالمشي لاتختالها

ياخوف قلبي يالعرابي يوم بيرك شح ماه=على الهوا .. نوّخ ذلولك خلها بجلالها

[((بعيدالنظر))]

على الهوا والظامي الهلكان يروى من ظماه=حنا على سنة محمد مانريد بدالها

أثر المعزب لأحتمى ينشب لسانه في جماه=لا . يالأصيل أهل الحصيل محاسبه بأعمالها

[الأصيل]

ارحب يالذيب ...



الله حسيبك .. والأصيل الله على السنه هداه=أقرا المعاني في كتابه دقها وجلالها

وشعاد لو بعض العرب ربك بلاني وابتلاه=لو زاد في كيل التهايم زدت في مكيالها

[سرحــان]

العرابي . . . الاصيل



اليوم بمضيف المحاوره ماني رايح


مـــــــــــــــــــــــــــــــــــــــ ـنــــــــــــوه



الله يعطبكم العافيه



بالصف معكم

[الأصيل]

هلا وغلا بسرحان


خلك قريب يامسلم

ترا العرابي حاااامي ،، وصارت على الهوا

[((بعيدالنظر))]

يا أهل البضايع سوقكم نرضاه مانطلب رضاه=ياطول مقطار الجمال ولا تعب جمالها

الشمّري ترضيه حايل والحساوي في حساه=كلٍ على سبله وشمّر ما تهمت سبالها

[((بعيدالنظر))]

هلا ياسرحان ..

الله يعطيك العافيه المحاوره على الهوا من دون سابق إنذار ..

وكله بفضل الله ثم بفضل هذا الإصيل ..إسم على مسمى

شكراً وخلك معنا لاتروح

[الأصيل]

يالأجودي خل المخفّا.. واترك البير وغطاه=السوق كاسد والبضاعه ماظهر دلاّلها

الكل يمشي في دروبه .. كل شخص ومشتهاه=ونا هواي البن والأرطه وصفر دلالها

[الأصيل]

والله يالعرابي إنك روعك روعه

وشهادتي فيك مجروووحه من زمااااان

ورب صدفه خير من ألف ميعاد


لاتباعد ياسرحااااااان

[((بعيدالنظر))]

ماعليك زود يالأصيل .. وما أضفى الروعه والجمال إلا حضورك أيها البهي بشعره وخلقه ..ولا يهون أخوي سرحان وجوده معنا أيضاً زاد من وهج المكان ..

إستلم يالغالي ..


التاجر اللي يترك البيّاع يمشي في هواه=قصده يحرك سوقها والمشتري مانالها

والسوق أبو مرزوق بيعه مافرق عن مشتراه=الله يحقق للجيوب الخاليات آمالها

[((بعيدالنظر))]

الأصيل الغالي ..

بيّض الله وجهك وأنا أشهد إنك ند قوي ورائع ومبدع وتستحق أن تكون شاعر المضايف الأول بلا منازع ..

وأعتذر عن مواصلة المحاوره لقرب صلاة الظهر ..
سعدت بهذا اللقاء الأكثر من رائع وهذه الروح الرياضيه الأكثر من جميله وشكراً لنقائك وأتمنى أن يطول لقائك ..
أستأذنك للمغادره .. حفظك الله أين ماكنت
أخوك العرابي

[الأصيل]

دائماً تكمن الروعه خلف أحرف العرابي

وبين ثنايا قوافيه

والكل يشهد

وما أنا إلا على بداية السلم

والمضايف لها شعارها

والعين ماتعلى على الحاجب


شهادتك أعتز بها


لك مني أجمل تحيه

أتركك في رعاية الله

[بتول آل علي]

شاعرينا الرائعين

عبيد الله العرابي

و الأصيل


ألف صح لسااانكم

أمتعتموناااا و بانتظار محاورات مماثلة بشغف


أختكم

الدهور