يالقديمي تعاااال ولك معي كلمتين!!!!!

[((بعيدالنظر))]

يالقديمي تعال ولك معي كلمتين=أشهد إنك تبي تتعب على شانها

وإحتزم وإلتزم لاتذبح إلا سمين=مايجيب الرسايل غير عنوانها

[حمود الشمري]

وإحتزم وإلتزم لاتذبح إلا سمين
مايجيب الرسايل غير عنوانهـا
ياسلام ياعبيد الله والقديمي شاعر متمكن

وحنا في انتظاره

[فواز الشبيكان]

الاخ/الشاعر عبيد الله العرابي


الله لا يهينك واستلم لاهنت




العرابي ماسلم طاحِ وسط الكمين=لعبةٍ العرابي شالِ قانونها

هاتِ ميه ولكن انتبه لاتلين=وكلِ لحيه عطيناها بميزانها

[((بعيدالنظر))]

شكراً لمرورك شاعرنا ومشرفنا حمود ..وألف نعم بك وبالقديمي والجميع وأحيي فيك شعورك الجميل ومتابعتك التي تعني لنا الكثير ...
ولا تهون يالقديمي

وإستلم طال عمرك
لا أنت ضامن من الدنيا ولا أنت بضمين=مايضم البضايع غير دكانها

أترك أهل الشمال وروح لهل اليمين=بيني وبينك الخصمه وميدانها

[فهد الاسلمي]

عبيدالله ,,,,,,,,,, والقديمي




ومسلسل خيالي جديد





قمة متعة المحاوره





قاضبين معكم الصف

[الأصيل]

ماشاء الله

ربيييع المحاوره عقب الجدب والمحل

وهنا


عبيدالله العرابي

والمشرف القديمي


والصفوووف تنتظر

[فواز الشبيكان]

اخواني الشعراء

حمود والاسلمي والاصيل


والله ان مروركم فخر

استلم لاهنت ياعبيدالله


مايصيبك ترا غير الذي بالجبين=ولايحفظ البضاعه غيرِ كرتونها
نعرف ان اليمين تكونِ للغانمين=والذيابه تحدحدلك بنيبانها

[((بعيدالنظر))]

ناقة البدو لو جت بالرغا والحنين=يالقديمي ترا شاني ماهو شانها

الله إنه يبارك فيك دنيا ودين=الذيابه لها البندق ونيشانها

[الأصيل]

تبي تثور البنادق :a:



والصفوووووف خلف الشاعرين

[فواز الشبيكان]

استلم لاهنت


لاتمثل بناقه ماكِ جا فيه طين=هدرة شعيل يمك تقطع ارسانها
معكِ قصه غريبه ليتها لي تبين=سيةٍ ياعميلي تمسح أحسانها

[((بعيدالنظر))]

يالقديمي عرفناْ إن الهلل له رنين=قبل لاتحلف اهل الحلف بإيمانها

ما أنت لاقي رخيصه عن راعي ثمين=لو تجينا بأهل حايل وضلعانها

[فواز الشبيكان]

لاهنت استلم


العرابي تشقلب قامِ يرطن رطين=والبلاوي قفلناها بكيلونها
انتِ راعي ثمينه والعرب طامعين=واهلِ حايل يذود العزِ بركونها

[((بعيدالنظر))]

مانبي واحدٍ ماينظر الا بعين=حميت المعركه ماشاف دخانها

يالقديمي رح المسجد وخذ ركعتين=قبل لاتحضر أهل الميت أكفانها

[متفاائل]

:a:
:)
:thumb:
http://shmmr.net/vb/images/smilies4/wavetowel2.gif

[الأصيل]

العرابي تشقلب قامِ يرطن رطين
والبـلاوي قفلناهـا بكيلونـهـا
انتِ راعي ثمينه والعرب طامعين
واهلِ حايل يذود العزِ بركونهـا



مانبي واحـدٍ ماينظـر الا بعيـن
حميت المعركه ماشـاف دخانهـا

يالقديمي رح المسجد وخذ ركعتين
قبل لاتحضر أهل الميت أكفانهـا




أنا وادزف بصف متفائل :)

[متأمل]

عاشوا الشعّار...

و لو أن كل واحد منهم رايحٍ له بطريق...

لكن الأبيات حلوه...و روح التحدي واضحه

استمروا لا هنتوا...متابعينكم

تحياتي

[فواز الشبيكان]

نحياااااااااااتي لكل من مر على موضوعنا والله شرفنا

تسلم اخوي متأمل وجهة نضرك نحترمها ونعتبرها وسام على الراس

اما من ناحية كل واحد رايح بطريق تقصد بعيد عن الموضوع اتمنى من الاخ/متأمل يقولنا ايش الموضوع/ والحقيقه مافيه موضوع الى الان بيني وبين عبيدالله (جس نبض ) وابي الكلمتين


ارجو من الاخ متأمل المراجعه


استلم لاهنت عبيدالله


كلِ منا مايبغى له كفيل ٍ ظمين=يذبح الحيه الرقطى مع السانها
اباصلي وابدعي لك مع الميتين=والمعازيبِ تحكم كلِ ضيفانها

[((بعيدالنظر))]

وين عبدالمعين اللي طلبته يعين=عندنا سالفه ماقرّ ميزانها

بندقي تقنص الذيب وطلع لي حصين=مانويت أرمي الحصني بعلمانها

[فواز الشبيكان]

استلم لاهنت



يالعرابي معاني قد سرت من سنين=العرابي غدا جمره بِغليونها
حصنيٍ ايتربص شافِ له زهرتين=وبندقك يالعرابي بانِ مكنونها


الاخ/عبيد الله ///// ميزانها سرت من عندي


يعطيك العافيه

[((بعيدالنظر))]

هلا يالقديمي .. وحده بوحده أنت بعد جبت ضمين وهي سرت عندي الله يعطيك العافيه .. مقصوده . وتراك أخلفت القافيه الأخيره بعد .مكنونها ..غليونها ..ليست هي القافيه الحقيقيه

لكن إستلم وإن عدت عدنا :d:


البكا والتشكي مايسلي حزين=لكن أهل الحزن وش يطفي أحزانها

أنت مثل الأمانه في يدين الأمين=لو يخونون كل الناس ما خانها

[فواز الشبيكان]

عبيدالله قافيتك على (نها) ثلاثيه

وضمين كل له معنى المعنى ليس بواحد

على العموم

اسستلم/


نوبِ وسط العراق ونوبِ في فلسطين =قصةٍ للعرابي فوقِ جيلانها

انتِ تلعب على حجه معه حجتين=وماتقارن اصيله بين كدشانها

[((بعيدالنظر))]

القديمي الرائع .. أشكرك على سعة صدرك وروحك الرياضيه . وبعد نظرك
وبكل صدق نحن هنا لسنا أخصاماً وهذه ليست معركه لتصفية الحسابات وإنما هو لقاء لنتعلّم من بعضنا البعض والحقيقه أن الفائده هي مانرجوه ..

شاكراً ومقدراً للجميع تواجدهم ودعمهم لنا في هذا اللقاء الذي أزعم بجماله وأزعم بأن القديمي الرائع له الدعم الأول لي للمواصله وأتشرف بهذه المحاوره التي إستفدت منها أشياء كثيره ..

تحياتي لك أخي القديمي وغلى أن نلتقي في لقاءات أخرى أستودعك الله الذي لاتضيع ودائعه ..
تحياتي للجميع

[فواز الشبيكان]

الاخ الشاعر عبيدالله العرابي


والله والله انا اللي لي الشرف باللعب مع شاعر مثلك واشهد انك شاعر محاوره محترف


واتمنى اللعب معك مره ثانيه واتمنى ان اجد موضوعك عن قريب جدا واللعب اخلاق

وانت راع الاخلاق


وانشاء الله اشوف موضوعك قريب قريب

[ساري^الليل]

والله انكم رائعين و معانيكم جزلة



اخوكم ساري الليل مر من هنا