زوجتي ولا اهلي ؟؟؟؟ [الأرشيف]

الشبث

26-12-2004, 16:20

فيه واحدن من الشباب سالته وين بتروح اليوم

قال والله اباخذ اهلي وبوديهم للسوق

قلت كل اهلك ؟؟؟؟؟ ( ماشالله عليهم عشر طعش )

قال لا اباخذ زوجتي وبروح للسوق فهمت هالحين ؟

قلت ليه ماتقول زوجتي من اول ؟

طبعا اخواني واخواتي مو بس خوينا هذا اللي كذا

فيه ناس واجد مايقول زوجتي

يقول اهلي

فمادري ليه مايقولون زوجتي وهل فيها شي اذا قال زوجتي

يعني عيــــــــــــــــــــــــــــــــــــــ ـــب وشق جيب ولا لا

فهموني بسرعه قبل اتزوج واجيب العيد

وتقلدوا تحيتي

اخو سعدى

26-12-2004, 16:47

شبثاااااااااان

وش جايبك هنا .. :)
اقول تبطي ولكن بعلمك :) :)
كثير من الناس يقولون سوف اذهب مع عيالي يقصد زوجته
وبعضهم مثل ماقلت كقولهم (( هلي ))

لكن قولك ابروح وانا زوجتي هذه للناس الهاي هاي وبس
اما مثل اشكالك لالالالالالالالالالالالالالالا

فهمت والا .. :)

الاصمعي

27-12-2004, 00:33

المطنوخ

27-12-2004, 01:11

شبيثان

اثريك بازخن بهذا تنذخ عند بعض الناس؟؟؟

اما بالنسبة لمويضيعك ياحلالي

انا اقول انها مافرقت وبعدين حنا مانقول زوجتي الا مثل ماقال الغالي الاصمعي

اللي فالينها ويصفون الاشياء بشكلها المباشر

حنا نقول مرتي

بس عند الاجانب نقول هلي والاهل تطلق على العائله ولا عيب ان قلت هلي ولا تسبب النقصان للزوجه n)

وبعدين تسان اعرست انت علمن غدي اصير عديلك ونتعلل انا وياك :p:

شنقل

27-12-2004, 16:01

شبيثاااااااان

سوعالك حوله على المتفتحين :)

مجد

27-12-2004, 21:19

http://www.asmilies.com/smiliespic/FAWASEL/059.gif
السلام عليكم
اخي الشبت ..
بالنسبة لسؤالك .. أنا أتصور أن كلمة الأهل أحسن "اكثر شخصية"
أما زوجتي او مرتي .. لا آراها مناسبة
لان اللى يقولها كأن الشخص
متروع وفرحان أن عنده زوجه http://shmmr.net/vb/images/icons/icon10.gif
لاسيما أن الزوجة = الأهل
لذلك ماالداعي لتحديد نوعية الاهل كزوجة او اخت او بنت اواو
أهل تكفي بالغرض

هذا رايي .. والله العالم
تقبل خالص شكري
http://www.asmilies.com/smiliespic/FAWASEL/059.gif
اختكم المجد

طَيْبَةْ الْفال

29-12-2004, 11:15

حياك الله اخوي الشبث :)

الرجال سواء كان الاخ او الازوج او الاب مهو شرط انه اذا تكلم عن احد من اهله يحدد من يقصد ( اخته ، زوجته ، امه ...)... وهذا اتفق فيه مع اختي مجد :smileyb:

وكلمة اهلي تقولها كنوع من التحفظ
للناس اللي ما تمون عليهم

طيب لنفرض اذا كنت بالسوق وتبي تنادي اهلك كيف تناديهم باسمهم او تقول هيه :puzzled: شي طبيعي بتقول يا هيه :) <== هالسالفه جايه عرض n)

عموما بالنهايه تظل هي من العادات التي ورثناها عن اهلنا

.

مجموعة إنسان

30-12-2004, 00:31

.

من ملاحظاتي في المجتمع

إن الشخص لايلجأ إلى مسمّى ( أهلي )

إلا في حالة الرد على سؤال شخص بعيد نوع ما

ومثل هذا النوع من الاشخاص لاحق له بالخصوصيات

فدعه لايميّز من المقصود : أم ، أخت ، زوجة ، إبنتة أو أي من أهل البيت

ولكن إن كان السؤال آتٍ من قريب كأخ ، عم ، خال أو صديق مقرّب جداً جداً

فلن يلجأ الرجل الى مسمّى ( الأهل ) بل سيحدد بقوله :

سأصطحب زوجتي ، أمي ، أختي .... أو ماشابه إلى المكان الفلاني

والله أعلــــــــــــــم

اخوي الشبث

شكرا على طيب مشاركتك معنا بموضوع من أرض الواقع

:thumb: :thumb: :thumb:
.

ابو منيف

30-12-2004, 02:51

الشبث

لا وبعضهم يقول عيالك يقصد الزوجه مثل سالفة واحد ماصارله اسبوعين متزوج يوم داوم سأله خويه ماجبت عيالك يقصد مرته

ومثل ماقالو بعضهم يستحي من ذكر الزوجه لأسباب نفسيه

أسير الماضي

30-12-2004, 02:59

أنا شخصياً

أبي اقول أهلي أما قولة زوجتي فهو يصعب على البدوي

مشكور يالشبث

الجازي

31-12-2004, 15:39

وش هالرواقة يالشبث :thumb:

بالنسبة للي يسمي زوجته (( أهلي )) هالتسمية صحيحة وشرعية مية بالمية :) >>> ياحبيلي مطوعة :)

الرسول صلى الله عليه وسلم كان يطلقها في بعض أحاديثه على الزوجة ,, فيقول : أهله ,,

أما عيالي :) فهذا لو إني من زوجته كان ماعاد أسميه إلا يبه :) عشان يتسنع ويعرف يحتسي :)

خير إن شاء الله ,, شايفها أصغر عياله يوم يقول عيالي :)

وبالنسبة لكلمة زوجتي :) فما أعتقد فيها شيء ,, وحلو بعد لو يطلع مودرن شوي ويقول المدام بتاعتي :)

وإذا ماش ماعرف يكشخ يسميها : أم فلان ,, من باب التقدير والاحترام لها ,, وفي نفس الوقت مافيها إحراج له :thumb:

يسلمو الشبث على هيك مواضيع :smileyb:

الباسم69

31-12-2004, 16:46

الشبث

01-01-2005, 10:43

شبثاااااااااان

وش جايبك هنا ..
اقول تبطي ولكن بعلمك
كثير من الناس يقولون سوف اذهب مع عيالي يقصد زوجته
وبعضهم مثل ماقلت كقولهم (( هلي ))

لكن قولك ابروح وانا زوجتي هذه للناس الهاي هاي وبس
اما مثل اشكالك لالالالالالالالالالالالالالالا

فهمت والا ..

العن ام التحطيم !!!!!!!!!

اخو سعدى انت ليه تبي تحطمن

الشرهه على اللي خلا المجال مفتوح بالمشاركه

المفروض اني استثنيك انت يالموذي :a:

وكلامك باااااااااااااااااااااااااااااااطل

وتقلد تحيتي

الشبث

01-01-2005, 10:47

هلا بأخوي الشبث

ما أشوف فرق بين الإستخدامين

فإستخدام كلمة أهلي صحيح

واستخدام كلمة زوجتي بعد صحيح ولا فيه شي

وأظن الأمر يعتمد على المجتمع ، فمثل ما قال أخو سعدي المجتمع المتعلم والمتفتح يصفون الأشياء بشكل مباشر بينما المجتمع الأقل انفتاحاً يبتعد عن الوصف المباشر <<اذا ما فهمت علي فاعرف اني أحد أفراد المجتمع الأقل انفتاحاً

تحياتي

ياهلا وغلا بالاصمعي الغالي

يالله حيوه

ايه توه تبارك الموضوع مهو مثل الوجه الودر اللي قبلك

وبعدين وانا اخوك سالفت انفتاحي وما انفتاحي

فهذي ماله اهميه عندي

يعني لازم اكون ماصخ عشان انفتح على الدنيا

الله يتسفينا الشر :)

تسلم اخوي الاصمعي على هالمشاركه

وتقلد تحيتي

الشبث

01-01-2005, 10:50

وبعدين تسان اعرست انت علمن غدي اصير عديلك ونتعلل انا وياك

يالربع ماحد يخبر وحدتن يتيمه ماله والي غدي هالمقرود مايقردن معوه :)

نطلان انت وش جايبك معي هنا ؟؟

يالله رح للفله وانا جايك n)

وتقلد تحيتي

الشبث

01-01-2005, 10:53

شبيثاااااااان

سوعالك حوله على المتفتحين

الله لا يفتحنا الا بطاعتوه

ياويلي ياثقافه ( خير الكلام ماقل ودل )

شنقل انت تسمع هالكلمه واجد مو ؟؟؟

وتقلد تحيتي

الشبث

01-01-2005, 10:57

السلام عليكم
اخي الشبت ..
بالنسبة لسؤالك .. أنا أتصور أن كلمة الأهل أحسن "اكثر شخصية"
أما زوجتي او مرتي .. لا آراها مناسبة
لان اللى يقولها كأن الشخص
متروع وفرحان أن عنده زوجه
لاسيما أن الزوجة = الأهل
لذلك ماالداعي لتحديد نوعية الاهل كزوجة او اخت او بنت اواو
أهل تكفي بالغرض

هذا رايي .. والله العالم
تقبل خالص شكري

هلا اختي المجد

بس بالنسبه لكن يالحريم ما تحسن فيها شي من التهميش :a:

على قولة اخوي الاصمعي ماتبن رجالكن يتفتحون :)

تسلمين اختي الكريمه على هالمرور

وتقلدي تحيتي

الشبث

01-01-2005, 11:03

طيب لنفرض اذا كنت بالسوق وتبي تنادي اهلك كيف تناديهم باسمهم او تقول هيه شي طبيعي بتقول يا هيه <== هالسالفه جايه عرض

طيبة الفال يالله حيه كيفكون

مليحين لو لا

ابشرتس صرت منفتح :)

طيبه

انا يا واحد اذا تزوجت وحده مابيه ورحت معه للسوق

اناديه يامره اخلصي خلصن ايامتس

اما اذا تزوجت وحده ابيه

اقوله ياعمري خلصتي ولا بعد

مشكله هذي ضريبة الانفتاح ماعنده انصاف

فلذلك زوجك لا يكون منفتح :)

وتقلدي تحيتي

الشبث

01-01-2005, 11:07

من ملاحظاتي في المجتمع

إن الشخص لايلجأ إلى مسمّى ( أهلي )

إلا في حالة الرد على سؤال شخص بعيد نوع ما

ومثل هذا النوع من الاشخاص لاحق له بالخصوصيات

فدعه لايميّز من المقصود : أم ، أخت ، زوجة ، إبنتة أو أي من أهل البيت

ولكن إن كان السؤال آتٍ من قريب كأخ ، عم ، خال أو صديق مقرّب جداً جداً

فلن يلجأ الرجل الى مسمّى ( الأهل ) بل سيحدد بقوله :

سأصطحب زوجتي ، أمي ، أختي .... أو ماشابه إلى المكان الفلاني

والله أعلــــــــــــــم

اخوي الشبث

شكرا على طيب مشاركتك معنا بموضوع من أرض الواقع

اختي الغاليه مجموعه

افهم من كلامتس اني ابلشت خويي وهو المسيكين يروغ عني يبي الفرقا :)

بس استنتاجك حلو

يعني هالاسلوب اذا بغيت اراوغ احد ومابي يفهمني :thumb:

تسلمين اختي على هالمرور الكريم

وتقلدوا تحيتي

الشبث

01-01-2005, 11:11

الشبث

لا وبعضهم يقول عيالك يقصد الزوجه مثل سالفة واحد ماصارله اسبوعين متزوج يوم داوم سأله خويه ماجبت عيالك يقصد مرته

ومثل ماقالو بعضهم يستحي من ذكر الزوجه لأسباب نفسيه

اهلا وسهلا بالغالي ابو منيف

اما عيالي :a:

ليه ياربي ارنب هو

والله مشكله طيب وش فيها ليه مايقول زوجتي وينثبر

فيها عيب ولا شق جيب؟

تسلم اخوي ابو منيف

وتقلد تحيتي

الشبث

01-01-2005, 11:14

أنا شخصياً

أبي اقول أهلي أما قولة زوجتي فهو يصعب على البدوي

مشكور يالشبث

عين العقل

وهذا الكلام اللي يجمد على الشارب

ايه ابي واحد يقولي هاللون من اليوم

حنا يالبدو مانقول زوجتي

مو اهانه له لكن حشمة له

تسلم اخوي اسير الماضي على هالصراحه

وتقلد تحيتي

الشبث

01-01-2005, 11:21

وش هالرواقة يالشبث

بالنسبة للي يسمي زوجته (( أهلي )) هالتسمية صحيحة وشرعية مية بالمية >>> ياحبيلي مطوعة

الرسول صلى الله عليه وسلم كان يطلقها في بعض أحاديثه على الزوجة ,, فيقول : أهله ,,

اللهم اصلي على محمد

ريموه انا الرايق ولا انتي

رايحتن تدورين بهالكتب ولا تحتسين الا بالادله الشرعيه :)

أما عيالي فهذا لو إني من زوجته كان ماعاد أسميه إلا يبه عشان يتسنع ويعرف يحتسي

خير إن شاء الله ,, شايفها أصغر عياله يوم يقول عيالي

الله يعين زوجك

الله العالم انك تبين تنتفين رموشوه لو يقولك يا مره

بس تدرين مدزديه :thumb:

الف شكر اختي الريم على هالاطلاله الكويسه :)

وتقلدي تحيتي

الشبث

01-01-2005, 11:27

الشبث

كلمة الأهل هي الأصح كما قالت الأخت الريم وأيدها في الأحايث وكلمة زوجتي تستخدمها في مواضع معينه عندما تتحدث مع أبيك وأمك وأخوانك والأقارب وممكن تقول اسم زوجتك للتحديد إذا كنت متزوج أكثر من واحده

اخوي الباسم

بس في مجتمعنا اذا تكلمت مع الوالد ولا الوالده تقول فلانه ( اسم زوجنك )

وعند الناس الباقين تقول اهلي يعني زوجتي ماصار له اي وجود

الا في المراجعات الرسميه في احد الدوئر الحكوميه

او في المستشفيات

تسلم اخوي الباسم على هالمشاركه

وتقلد تحيتي