المصايب تجي دفعه وحده

[الأصيل]

بالخير يابدو:d:( بقت هالكليمه بوق من حدا الأجاويد دازه برسالتوه الخاصه ):)

المصايب تجي دفعتن وحده ، تقول سباق 400 متر حواجز:c:

والمشكله إن أخوكم بغا ينفضح فضيحه بجلاجل ( مهي جلاجل اللي دون الرياض ):055r:

باختصار

هكا اليوم ..

منبطح على الكيبورد .. أراقب شريط العناوين عن كثب ( تعرفون كثب ؟؟ ):smileyb:

( شبثاااان : تعرف كثب ؟؟؟؟ ) ( أدري بك ماتعرفوه )


المهم ، وهو يطلع هكا العنوان ( شموع .. شموع ورومانسيه )

ولا أدري هالماضوع بأي مضيف ..

بس إني هقيت إنوه بالفله .

ماتساذبت خبر ...ونا لك أضغط العنوان

فتحت لي صفحه ..

قلت يابو الأصايل .. شارك ( خاصه ان اسمك ينكتب فوق إنك تسفت هنا)

المهم كتبت المقسوم ،،

ونا أضبطوه تضبيط ماحصلش

جاهز للارسال ؟؟ قال : جاهز ،،،،

ارسل ..

خلال لحظات .. فصل معي النت !!!

طلعت لي صفحه خلاصتها ( تعرفون معنى : خلاصتها ؟؟ ):p:

( نطلالالالان : تعرف معنى : خلاصتها ؟؟؟ )

خلاصتها إن مدة استخدام الكرت قد : قظت ( انتهت )


وهو يجي أبو مره ( هذا لقب للشيطان في لغة العرب ) :c:

قال : يالأصيل ... ياخوف قلبك إن الرد اللي كتبتوه تابع لمضيف ( الحريم الخاص ):puzzled:

لالالالالالالالالالالالالالالالالالالالا لالالالالالالالالالا:408r:

لأن أخونا المشرف العام ، كاتب موضوع مفاده ( تعرفون وش معنى مفاده ؟؟ )

أبوغازي : مساك الله بالخير .:315r:

مفاده إن أهل الشوارب واللحى لايجون بهذا ..

أنا بهكا الساعه تمنيت إن الكيبورد ينشق ويبلعن .:508r:

والفضيحه الكبرى إني دخلت ولاتنحنحت ولا قلت : درب درب :rolleyes:

المهم ،قلت ، لازم تمسح اللي هببتوه يالأصيل قبل لايقراو المشرف العام

والمعروف إن مدة التعديل هي ساعه واحده فقط بس لاغير:eek:

وبدأت المأساة

ركض ...........

خابر لي هنيدي عندوه بقاله ويبيع من كروت النت

كومار

نعم بابا

قلت : أبوك للنار ( عاد هو بوذي ولد بوذي أبا عن جد ):)

قلت : كرت نت بسرررررعه

قال : ماكانش يتعز ( الظاهر خوالوه من مصر):d:

لييييييييه ؟؟؟

قال : كلص ( خلص ) بابا

قلت : خلصن أيامك .

برضوه ركض إلى الموتر ،،

أقرب متسان بوه كروت على بعد 6كم

عيني على الساعه ..........

وكل همي من الشماته والشماتات .:puzzled:

قام عرقي يتخابط وحنا بالمربعانيه

( أنا لو محصل لي عامل يمسح عرقي من كثر صبوه ):thumb:


شغلت الموتر ...

دي ( أوتوماتك ) رووووح

غريب عجيب ... السياره ماتمشي ،، تسن قاضبينه أربع صعايده من الخلف:p:

حولت ... لياوالله الكفر حاط خدوه على القاع ... ( مش وأتوووووه ياكوتششش):408r:

جلست أمامه ... واضعا كفي على خدي ( أكسر الخاطر )

جا حدا الجيران ..

هاه أبوفلان .. عسى ماشر ..

قلت ، مايجيك الشر ،، شوفت عينك .

قال بسيطه ،، ركب الستبنه

وهو لك يفسر ذرعانوه ( لأنوه شباب ، وأخوكم كبر القاع )

قلت : ياولد على كيفك ،

قال : ليه

قلت : أدري ،، المصايب تجي ( ون وي ) دفعه وحده

أكيد الستبنه منبشره برضوه

وفعلاً ...

يوم ضغط عليه .. صايرتن تقل صميل .:biggrin:

المشكله إن موتروه أمريكي ،، وموتري ياباني .


بهالحتسي : قطعت الرجا بتعديل المشاركه ، ومتحري رساله توبيخ

من المشرف العام .



( الطفاقه شينه يابو الأصايل )

مفروض إنك تتركد شوين .



مالكم بالطويله ( أكثر من هالطول )

عقب ثلاث ساعات ..


حصلت على كرت

فتحت صفحة المضايف ( على استحياء ) ( تعرفون وش معنى على استحياء )


أبو مقرن : أكيد تعرف معنى ( على استحياء ) ياخوك : علّم نبراااس .:eek:


دخلت ..

وأدور موضوع : شموع شموع ( دموع ... ورجفه بالضلوووع )

آخر رد : ملاك غيدا ..

قلت : عز الله انفضحنا ، أكيد شافو مشاركتي ( عساه ماتفيد )

يوم فتحت الصفحه

مالقيت أي رد لي .

قلت : الحمد لله

ثم الحمد لله ..

الظاهر إن النت فصل قبل لايتم إرسال الرد

أفيييييييييييييييييييييييييييييييييه





لهذا ..

ومن هذا المنبر الذي أعتليه

أنصح جميع رواد الفله

وأخص التماسيح فقط شرواي ( شرواي الطيب )

لاتغركم العناوين ياشباب

بوه صفحات يشمه الذيب ويعوي

وتحياتوووووه الحاااره

[الـمـحـروووم]

الأصيل :) :)
الأصيل :thumb:

:smileyb: :smileyb: الحمد لله على السلامة :smileyb: :smileyb:
:smileyb: :smileyb:

[المطنوخ]

( نطلالالالان : تعرف معنى : خلاصتها ؟؟؟ )

اي اللي ليا قظى الفلم نقول خلص!! :g:

======================

ابوثووووب

هذا ابوسلطان المشرف سوا بك هاللون

اجل لو كنت انا المشرف تسان وش تعمل؟؟؟<<<يبي يرز نفسه ومايدري وشلون :p: :p:

[ابو غازي]

:p:هههههههههههههههههه :p:
:p:ههههههههههههههههه :p:
:p:هههههههههههههههه :p:
:p:هههههههههههههه :p:
:p:ههههههههههه :p:
:p:هههههههههه :p:
:p:هههههههه :p:
:p:ههههههه :p:
:p:ههههه :p:
:surprised
:p:
:chinese:
:p:
:puzzled:
:a: ياشين احولت عيوني وانا اتابع هالفلم :g:
تسان معلمن اجيب صلفيق ابو قنااة :(
والله مايهوطك الزقيمي وهو حولك هو والفروة والقنااة ساهده :d:

[المخاوي]

الاصيل

جاين امشي الفين

لكن لي رجعه بعدين

لاحد ياخذ دوري :)

[الجازي]

أخبر التعديل لمدة يوم وراه معك بس ساعة ؟؟ :)

<<<<<<< هذا أقصى تفاعل لها مع الموضوع :)

عموما المرة الجاية لايضيق صدرك ولا تشيل هم ,, أخواتك هناك راعيات فزعة :) من يوم يشمون ريحة تمساح :) تلقاهم شايتين رده قبل ماينزل :)

[سلطان الشمري]

بنسوااااااااااااااااار ..خيو



تئوبش البي يادب( بكسر الدال) تطلع دٍب .. بالسوري :)





تدري عاد .. والا بلاش.. انا مستعجل القلايه به ماء ابي اضبط لي راس كابتشينو :thumb:











سي يو ليترررررررررررررررررر

[ابو خليف]

بارك الله بهالفصله

الي فكتك من فضيحة جلاجل

بعدين انا ماعمري شميت شين وعويت

[شنقل]

الاصيل


يافلان من كثروه


انا ياواحدن من هالفله


مامن مضيفن الا ودوجت به

وياكثر ما تعامش انا والشبث

خارج نطاق الفله ( حلوه نطاق)

وياكثر مانكرش بس ولاهمن

[مفتاح14]

خلك مثلي وانا اخوووك اذا شفت شي متعلق بالنسوان دقيته لطمه ومسكت اقرب مخرج تحسبا لاي موقف محرج:) (الاصيل اذا ماتعرف معنى تحسّباً انشد البوذي اللي ببقالتكم:) )


كل شي يهون الا انك ترتبك مثل هالربكه..يعني عدة ارتباكات بربكه وَ حَ دَ هـ :)



على فكره شكل حبل افكاري كان مفصول(مثل اشتراكك) وانت وصلتوه بهالموضوع..




الاصيل..من زماااااااان وحنا قاطعين عليك انك غييييييييييييير..


لاتحرمنا من هالتميّز:thumb:

[غاده]

لي عوده ياالاصيل ان شاء الله !!!!!!!!!!!

[الأصيل]

المحروووم

الله يسلمك يالغالي

وعلى قولت المصري : ماتشوفش وحش :d:






نطلالالان

أثريك مثقف يامذهوب :a:

بالله عليك : منهو اللي غششك معنى كلمة ( خلاصتها )؟؟ :d:

وبعدين أشوف طموحك واصل الثريا ،،

يقول : لو إني المشرف العام !!!!!! :a:

عساك ماتتولى علينا

المثل يقول : مد رجلك على قد زبونك :d: :)






أبوغازي

ماتقصر إنت وابوقناة

لكن السالفه مهي سالفة قني ( جمع قناة ) :d:

السالفه مثل مايقول المثل ( إخيذة ضحى ) :g:

الماضوع بوه المشرف العاااااام ( وحنا على قد حالنا ) :)

وسلامة عيونك من الإحولال :thumb:







المخاوي

يابعدي

وش موازيك تمشي ألفين ؟؟؟

الركاده زينه ونا خوك

لو يضرب معك كفر ... تاصل قطع سيارتك لمضيف الألغاز :d:

ونتحرى نكستك الميمونه :thumb:








الريم

هلا بتس ياخيه

أما التعديل ، فأنا هقيت هقوه إنوه لمدة ساعه

وذلك ( انتبهي لـ وذلك ) :d:

وذلك حسب خبرتي في بعض المنتديات الأخرى :)

وبيني وبينتس ...

أنا بغيت أدز رساله خاصه لحدا الخيوات علشان تمسح تعليقي الغبر :)

لكن : خذتن العزه بالإثم

قلت والله يابو الأصايل ،، لو ياصل الدم للبلعوم ، :a:

ماأطلب من الحريم أي حاجه .

وعسى الله لايعوزنا لكنّ :)







نبراااس

بنجور أخيييي


يالبخييييل

وراك ماتعزمن على الكبتشينو ؟؟؟ :p:

عاد أنا أتسلي خفيف ، ثلاث أربع لقمات

وعقبها ( الله ينعم عليهم ... عوافي ) :d:

أهم شيء : تسثر ملح بالكبتشينو هذي

وياليت لو تشويه شوي أزين من الطبخ :a: :)

سي يو ليتر






ذيب شراف

أما حنا ... نشم ونعوي ( تخبر مالنا ظهر ) :d:

والحمد لله اللي فكنا من هالجلاجل . :)







يابو الشناقل :d:

يابو (( تونجيقيا )) الله يخليه لك ،، :p:

هي الحين تسم عمره ؟؟ عساهي تخطّي :d:

افطن هاليومين،ترا برد، لاتخلي الهوا يشفّ بنيتك ((تونجيقيا)) :thumb:

ياحبيب ألبي ..

المكامش غير ،، :)

وانت عارف إن أي موضوع لوه علاقه بالحريم

فلابد أن يخضع لجميع الابتززات والحزازيات :)






اترك عنك مكامش الشبث ... خلاص .. صرتو رجاجيل ، نبي نزوجكم :d:







مفتاح 14

ياخوي أنا لو أدري إن المهجور ( كنايه عن الموضوع )

لو أدري بوه عن النسوان تسان دقيت لطمتين وواحد ببسي :d:

لكن .. العمى عمى القلب الله لايبلانا :)

أخوك غارن غافل .. شفت موضوع شموع ( ذابحتوه الرومانسيه ) :d:

واللي حصل حصل

وأما كلمة ( تحسباً ) فما تبي له روحه للعارفه

وهي أوضح من الشمس في رابعة الغيوم .. :thumb:


وتحياتي الحاااره لك







الملاك غيدا

نهجت له حاجه

وتجي شوين .. اقظبو القاع ليما تجي :d:

[أبو مقرن]

الأصيل..
((عندنااا وعندك خير...يالعشير..)) :thumb:
هذي يابيي ياصرت مطفوق وشامط.ن. الطفاقية شوووي قرادة..
لاتستغرب مثل هالسوالف..من كثرهن (حتما) سوف تصبح القرادة سمة ً وعادة..
<<<<<<<<ألينك ماتبشّر بخيرررررررر :d:

عااااااااااد أقولك :puzzled: :puzzled:
لو ماهي بك هالسويلفة..وتلوددة هالنصيب..تسان ماإنت من الربع :smooch:
***
لي فترة.ن.غايب أعافر هالدنيا وبلاويّه
ويوم نكست أول مانطحن هالموضوع..اللي يودع الفرفشة ملابطتن
إلى وقت.ن.هقوووتي إنه يطول..وخصوصا لاصار بوه نكهة قلم الأصيل :thumb:
***
تحياتي..وعسى القرد يجنب طريدزك..يالرفيدز :tongue:

[الأصيل]

هلا وغلا بعميد الفله

أبو مقـــــرن :thumb:


والله ياخوك .. الطفاقه شينه :(

وبوه مثل يقول : من تهدا ماعثر

ونا عثرت على وجههي لكن .. ربك يحب الستر :d:




حول شوين الله لايهينك









أنا ( بيني وبينك ) خفت من حويجتن أخرى

ألا وهي ( إفطن لـ ( ألا وهي ) :)

الشيطان مامات

والصراحه خفت لايقولون الأصيل ذابحوه النذخ ، ومسير على البنيوات :d:

واللي يشوف صابري الأيمن يقول إني من مواليد 1312 هـ :thumb: :)







على العموم ..

الجميع يبتهج إذا رأى مشاركة أبومقرن

وخصوصاً ... الأصيل أبوثوب :good1:

[الشبث]

:thumb: :thumb: :thumb: :thumb:

عمووووووووووووووو الاصيل

الله يرجك رجة الشاة :)

عزالله ان عرقي قام يتصبصب معك ذالن تنكبن معك ( اللي بطنوه ريح

ما يستريح ) :)


بس وانا اخوك ادخل اي مضيف يعجبك وتلطم وشارك وتسنك ماتدري

وفض اللي براسك

وليا تنهزرك احد او سمعت دبكن حولك لذ بالفرار ( خطط الشبث ) :)




تسلم يامبدع على هالتميز

وعلى اسلوبك الرائع واللي عشنا معك هالقصه المأساويه :thumb:





وتقلد تحية اخوك الشبث

[بو رائد]

الاصيل هلا بهالطله شكلك اخذن دوره لغه عربيه صايرن مثقف بالحيل
موضوعك يحصل كثيرا مع كثير من الناس لكنك انت رجلن حياوي والا
ترا الموضوع عادي ليه؟ يمكن تستفسر عن شي المهم ياعل عمرك طويل ياالاصيل يابعد حيي ولاتبطي بالغيبه وتر عندي روحتن يم الشارقه
كان توصي بشين او تخاوي السفر مع مثلك مكسب يا الاصيل دمت بصحه وعافيه

[الأصيل]

شبثااان

وين ألوذ بالفرار ؟؟ :puzzled:

هاللي تشوفن خامر عندكم بهذا بالفله :)

حتى أهل المحاورة عجزت أسير عليهم

خايف من اللي يتعرض لي بطريدزي :awink:

وإنت عارف المساااافه اللي بيننا وبين المحاوره


( يالمذهوب ... أثريك راعي خطط )) :thumb:

عسى ماصابك اللي صابن :p:







هلا وغلا أبورايد

لكن الظاهر إن الثقافه مجنبه طريدزي يافلان :g:

تروح وترجع بالسلامه ياعزيزي


أوصيك بحاجتين

1 ـ السرعه ،، خلك من الميه وخمسطعش وجاي ( يعني لاتسرع) :d:

2 ـ لاتاخذ معك الشبث أو النطول أو شنقل:p:

(لو تسافر للهند لحالك مشي على رجليك ):thumb:

[المخاوي]

باختصار
هكا اليوم ..
منبطح على الكيبورد .. أراقب شريط العناوين عن كثب

اريت لياهالحينك منبطح عن كثب :)


جلست أمامه ... واضعا كفي على خدي ( أكسر الخاطر )

ايا بعد حي هالخد هي صفقتوه هالشمس :p:


قلت : عز الله انفضحنا ، أكيد شافو مشاركتي ( عساه ماتفيد )
يوم فتحت الصفحه
مالقيت أي رد لي .
قلت : الحمد لله

اقووول ماتغرف لي من صميل حظك لو شوي :)

الاصيل
تصدق ياخوك ان تو يفطن علي اني ابي انكس لموضوعك :p:

مدامك هلون نوبتن اخرى توقع لاتجيب العيد :)

[الأصيل]

هلا بالمخاوي

نكستك أبطت شوين ( عسى ماخلاف ):)


المهم .. تسان تبي أغرف لك من صميل حظي .. دزرب الطاسه:d:



والله يالمخاوي .. أنا ياخوك متوقع ( ولاهو مدحن بروحي ):hala1:

لكن المعثور معثور ..:chinese:

ولولا الله .. تسان أخوك جاب العيد وشوال وربيع الثاني:p::d: