الطنيه ماهى لها!

[جار أمير الحزم]

كنت اليوم فى الصباح الباكر فى سوق الغنم بعقلة بن طواله بمنطقه حائل جنوب سلمى 000وتبعد عن المضيح 30 كم

شريت لى نجد جذعات000 3 خرفان ورخلتين000الواحده 480 ريال عسى لا يخسر000وعرضتهن للبيع وسوالف طويله وعريضه000تشبع من الضحك منها لدرجه انك تطيح على ظهرك من الضحك000وفيه حدث صغير من ضمن السوالف العريضه التى حدثت صباح اليوم


شرى شخص ما 000دعميه وراح يبحث عن رباط لكى يربط الدعميه0000قلت له وانا جالس على باب الحوض المفتوح وتسكير باب الهنقلين من الشبك000قلت"ياولد بالحوض ما نا كثر الرباط 000خذ واحد000 قال "مايحتاج ابى احجزه بالسيم وأخذ السيم من الارض000وقلت له "ياولد ارحم الدابه وخذ الحبل لعلّك ترحم بسببه"ا قال "مانى رابطه00ابى أحجزها " قلت أخاف تزعل الدعميه عليك وتخمّه الطنيه وتموت" وطارت عيونه لى وقال لى"ماهى له000ماهى له" قلت المربى يغلب الاصل" قال "ولو كان ماهى له"


وعمتم مساءا

[اليم]

هههههههههههههههه


حلوه منك ياجاري :) الا الطلحه اللي جنوب الملعب هي بوه لياهالحين

والا شلتوه :)

مهو الملعب اللي عند محطة الكرهب :g: الثاني :)

نرجع ريوس


بس حلوه تخيل ان الدعمي صاكتوه ام العبيد وجايك لابسن عقالوه

ومميلوه يسار :) <<<يعني غير معتدل

ويجر راعيه بلوه حبل ويحرج عليه وش موقفك :g:

[الاصمعي]

ما أوسع من خيال الجار الا راع الدار :thumb:

[الشمري محمد فهد]

الجذعة و نعرفه :thumb:


و الخرفان و نسمع به :(


إلا الرخلة وش هي ..؟ :puzzled:


<< --- من جيل النيدو لا تواخذه :)

[هايس الشمري]

^
^
^
اسمع يبو نيدو

الرخله هي انثى الغنم :) تسان ماني غلطان :)

ههههههههههههههههههههه

امير الحزم

اضحك الله سنك

[مغترب بالشمال]

يسلموا يا جار امير الحزم

الله لايهينك :)

[حايل يا مهجتي]

اضحك الله سنك يا جار ........


الخميس الجاي وين "" الماقفه """ الظاهر الدور على العظيم ! سبحان الله العظيم ( تضييعه ) !!!


مين يعرف الماقفة والا الفرق بين العظيم والعظيم وله رخلتين !!!!!!!!!









حايل هي مهجتي .......

[مذهل]

تصدق اني احسب الرخله يعني النعجه اللي ماله داعي يعني اللي ماهي من الطيبات اللي لياصرت راعي غنم تخاف عليه وتقدره

هههههههه

تروني امزح


مجرد تواصل


تحياتي للجميع,,,