ابي اساهم ,,, وشلون ؟؟؟؟؟؟؟؟

[شـمري]

يا عيال معي ثلاثه الاف ريال مغيبهن للعازة ,,, قالولي الزقرت بالشبة استثمرهن وساهمبهن

سلتهم وشلون قالولي والله ماندري ,, وانا لا وظيفه ولا شين وابي اترزق الله,,,

وشلون اشتريبهن اسهم و شلون ابيع الاسهم و شلون اظارب بهن ؟؟؟؟؟؟

لازم اروح للبنك وظارب عن طريقه ؟؟؟؟

وشلون بعد اظارب عن طريقه ؟؟؟؟ والمظاربة وشي ؟؟؟؟؟

علموني تكفون نخيتكم ,,,,,


اخوكم فهد الصالح

[شنقل]

شمري
يالعشير خلك من المظاربه

فليساتك هذولن مالهن الا اكتتاب

شف عندك بنك البلاد مايبطي يفتتح الاكتتاب
سهم حول الخمسين ريال
وفيه اكتتاب التعاونيه بس هذا مايصلح لك
سهمهم بــــ 200 ريال


مادام وضعك كذا منت فيد مظاربات


اتحاد الاتصالات وصل سهمهم اليوم 399.25 ريال
واحسب قيمة السهم عند الاكتتاب بــــ 50 ريال
يعني يطلع لك مبلغ حليل








اقول








فهمت شي

[جار أمير الحزم]

أأولا :العيال بالأحيمر الله يرحمهم ويرحم أموات المسلمين

ثانيا:
عندك 3 الاف والله يزيدهن ان شاء الله

أولا انتظر الاكتتاب فى بنك البلاد واكتتب انت وعائلتك بها 000إذا كان الحد الادنى للإكتتاب 500 ريال

لأن 3 الاف لاتسطيع فتح محفظه بها وبهذا لن تستطيع المضاربه بالاسهم

وان شاء الله يرزقك بالوظيفه ذات الراتب المقنع


أقول000 ماتسلفن 3 الاف:475r:

[شـمري]

التعاونية حراام و قالها خطيب طلع بتلفزيون السعودية البارحة

والملوي الاكتتاب هذا وشفرقة عن المظاربة ؟؟؟؟؟؟؟؟؟؟؟

ياخي انت علمن وشلوناساهم و طريقة البنك والاكتتاب والمظاربة

وانا اخلي العجيز تدعي لك بالخير و ماعليك اذا انا فيد مظاربة

و اسهم ولا لا يا خوي لا تمن علي بالطريقة علمن و لا لا ترد

عاي يا خوي

[شـمري]

وشلون افتح المحفظة يا جار ؟؟؟؟؟؟؟؟؟؟؟

الله يبيض وجهك ما قصرت

[جار أمير الحزم]

وشلون افتح المحفظة يا جار ؟؟؟؟؟؟؟؟؟؟؟

الله يبيض وجهك ما قصرت

شمرى

ماهى بالهيلمه 000شوين 000شوين000لا تشيل السلم بالعرض 000ولا تركض مع الدرج لاتنكسر رقبتك يا الماخوذ000 ترى اسمك غالى على الجميع

3الاف ماتفتح لك محفظه000يجب عليك الانتظار حتى يعلن عن فتح باب الاكتتاب ببنك البلاد000ثم تذهب للبنك الذى فيه حسابك000 ويجب ان يكون لك حساب

عند فتح باب الاكتتاب خل عجوزك الله يعطيها الصحه تدعى ان يكون الحد الادنى للإكتتاب 500 ريال

يعنى 10 اسهم000والسهم فى كل شركه جديده هو 50 ريال

عند فتح باب الاكتتاب وأصبح الحد الادنى 500 ريال000بطاقتك وكرت العائله لعجوزك ومن معهم للعائله000 6 اشخاص "500 ×6 = 3000 ريال"

وبعد الاكتتاب بمده اسبوع واكثر سوف ينزل التخصيص 000ويحددون كم سهم للشخص الواحد000 ويردون الفائض من الاكتتاب000ينزل فى حسابك000

عندما يخصص لك اسهم بالبلاد000يكون لك اجباريا رغما عن انوف البنوك لك محفظه تضارب بها000
لاصارت لك محفظه حاضر بكل سؤال000وانت بحايل تران بالمضيّح أسأل أى واحد وقل له وين جار أمير الحزم يدليك على بيتى وانا أخوك طلال دهيمان عمير الشمرى


وأى سؤال أنا حاضر للشمرى 000تدلل

[شنقل]

ياااااااااااخي
انت خلك من العيال والشبه
رح لادنات بنك
واقرب موظف خدمة عملاء
يشرح لك الطريقه ويعلمك



وشلون تشيل المحفظه معك :p:

[شموخ]

الاخ الشمري

انصحك ببنك البلاد مثل ماقالوا الاخوان ولأنه بيفتتح هالايام الجايه ، والتعاونيه اللحين فاتحه والله مادري هل هي حلال والا حرام بس ارباحها يمكن والله اعلم ماتكون مجزيه فنصيحه تبتعد عنها اتقاء الشبهات ومحافظة على راس مالك .

اي مساهمه في اي اسهم الافضل انك تساهم أول مايفتح الاكتتاب يعنى ماهو تشترى بعد مايبدا التداول لأن السعر بعد التداول مايبدا يرتفع بالعاده ونصيحه في اي مساهمه اذا كنت محتاج مثلا 100 سهم أطلب 200 أول 250 لأن بعد التخصيص ينقص طلبك حسب شدة الطلب من المكتتبين ...

أول ماتجي البنك أطلب من الموظف استماره طلب الاكتتاب وعب البيانات الموجوده فيها بمساعدة الموظف مع ضرورة أن يكون لك رقم حساب في نفس البنك ويكون لك صندوق بريد واذا ماكان لك صندوق بريد أخذ رقم صندوق احد اصدقائك او اقاربك والرمز البريدي حق الصندق لكن رقم الحساب لازم يكون لك وبأسمك أما صندوق البريد عادى اذا ماكان لك واخذت رقم قريبك،لأن من ضمن البيانات اللي تعبى رقم صندوق البريد .

ومن اللحين افتح لك حساب في اي بنك من البنوك الكبيره علشان اذا فتح الاكتتاب في بنك البلاد تكون جاهز وبعد ماتكتب البيانات عند الموظف تعطيهم المبلغ وتنتظر اذا تم التخصيص يرسلون لك شهادة الاسهم على صندوق البريد " سواء كان لك صندوق البريد أو لقريبك عادى "وتشوف كم اعطوك سهم يعنى يمكن تكون طالب 200 وماعطوك الا 100 سهم وقيمة 100 الثانيه اللي دفعتها لهم يوم طلبت 200 سهم يرجعونها لك في رقم حسابك ، طبعا لازم تتأكد تشوف رجعو لك الفائض والا لا عن طريق الاستعلام عن رصيدك ..بعدها تتابع الاخبار في الصحف او الاخبار او من اصدقائك وتشوف بدا التداول يعنى بدا البيع والشراء بالاسهم والا لا ،وتتابع الاسهم اذا شفت انها طلعت بيع وانصحك ماتستعجل في الايام الاولى بعد بدء الاكتتاب تنتظر لان الاسعار بالعادة ترتفع يعنى يمكن تكون شارى السهم 50 ريال واول مايبدا التداول يمكن 100 او 200 او غيرها انتظر يمكن ترتفع الاسعار الى 500 او اكثر اذا ناسبك المكسب تروح للبنك وتبيع اسهمك تعبي برضوه طلب بيع اسهم واذا كنت مستعجل بالبيع يعنى مضطر للبيع بيع بسعر السوق يعنى مثلا اليوم افتتح السوق على 500 مثلا في نفس اليوم يرتفع السهم وينزل بس بالعاده مايهبط هبوط مره يعنى يمكن 505 يمكن 495 اقصد بنفس اليوم يرتفع المؤشر وينخفض إذا كنت مستعجل بيع بسعر السوق لاتحدد يعنى باي سعر في هذا اليوم هذا اذا كان افتتاح السوق طيب ومناسبك السعر فتوكل على الله وبيع لانه لو نقص في نفس اليوم ينقص بسيط ويمكن يرتفع في نفس اليوم ارتفاع بسيط ..

المحافظ فيه محافظ خطره تكون الخسائر فيها شديده و تكون الارباح كبيره يبغا لها واحد قلبه شديد ومغامر ،وفيه محافظ مانقول امينه بس ارباحها بسيطه واذا حصل خسائر تكون قليله بمشيئة الله مثل المحافظ الموجوده في بنك الرياض " محفظه الهادي والشجاع والشامخ والمقدام مثل الشامخ عالية المخاطر واذا جاء ربح يكون طيب اما محفظة الهادي منخفظه المخاطر هدفها المحافظه على راس المال واذا حصل ربح يكون قليل وجيد ، والمقدام متوازنه يعنى وسط مابين الارباح والخسائر والشجاع عاليه مخاطرها وارباحه اقدر اقول انها وسط مو ذيك الارباح هذا حسب معرفتى البسيطه بس تحتاج المحافظ الى مبلغ اكبر من المبلغ اللي عندك حسب معرفتى البسيطه ..

اذا الله اكرمك وربحت ارباح بعد مدى طويل يعنى لاتستعجل :) :) وتبغا تستثمر في اسهم عالميه ومحافظ انصحك تساهم باليورو لأنه افضل من الدولار فحسب معرفتى البسيطه ان الدولار يتعرض لخسائر في بعض الاحيان اتوقع انه نتيجه للاحداث السياسيه ، بس حاليا خلك على الاسهم المحليه والاستثمار المحلى افضل لك كمبتدئ ولأن مبلغ ثلاثه الاف ماتكفى لان اليورو على مااظن اقل شي حدود 7500 .

اتمنى انى اكون وفقت في الشرح لك واذا عندك استفسار إسال الاخوان ماراح يقصرون لانى ماراح اكون موجوده من بكره ..

تمنياتي لك بالتوفيق في مجال الاستثمار والاسهم وانصحك تبدا حياتك بالاستثمار ولاتنتظر الوظيفه :) :)

اختك
شموخ

[الغثه]

اقول يالغالي

انت اشتر اسهم من اتحاد الاتصالات خلق الله تبيع بــ 400 ريال

وهي ماشالله كل يوم تزيد 30 ريال لين ماتوصل 600 او 650 ريال وبعدين توقف

وبعد ستة اشهر من طرح هالاسهم راح يضاعفون الاسهم وانشالله تستفيد



او عطن ياهن خلن اشغلهن لك معي


اما التعاونيه فهي حرام ميه بالميه ربى عيني عينك وبنك البلاد يقولون احتمال الحد الادنى لكل شخص 100 سهم يعني خمس الاف ريال


وانت بكيفك




نايف

[عبدالعزيز]

لو هن ثلاثين الف ماآشير عليك بالمضاربة لانهن مايوكلنك عيش ووالله ياكنستهن من بين يديك لمخابي (أكبر الصغار) انه ماتاخذ ثواني بالشاشة

لذلك اترك المضاربة بعد حيي انت هالوجه وعليك بالاكتتاب مثل مااشارو عليك العيال ببنك البلاد (تسان ماسالفة الحد الأدنى للاكتتاب بالأسم الواحد100 سهم صحيحة)

الله يرزقك ويرزقنا يالغالي

[الشمري محمد فهد]

الله يرزق الجميع ..

أخوي فهد تصحيح لكلام شموخ لا تفتح حساب بالبنوك الكبيرة

زي سامبا و الراجحي و طقته و دامك بحايل انصحك بالبنك الفرنسي

بعيد عن ( قضبة السرى ) من الفجور و الزحمة بوقت الإكتتاب ..

بعدين لا يضيق صدرك لا انصكت الدنيا بوجهك وانا اخوك ,

والله ما تدري وش ربك كاتب لك بكرى , توكل على الله ورزقك عليه

بإكتتاب و أسهم و لا بغيره ..

تحية ..

[ابو غازي]

اقول يافلان :surprised

طع شوري ماعليك منهم هاالي فوق قلي بس وش رايك تسلفن اياهن لمدة 70 سنة ن بس وأرجعهن لك كما كانن مانقصن :g:

:p:

[المخاوي]

احد يضارب بثلاث الاف هذا فسقان >>> يحسبنه هوشه :p:
الا ياحبيبي هالوجه بلشانن بهاالثلاث الاف :232r:
عساهن يتربن بالحلال لياثلاثين الف وايزيد :thumb:

الاكتتاب بشركة اتحاد الاتصالات راحت عليك ولو تشري هالحين ب400 تاخذ 7 اسهم تقريبا وفايدتهن مش ولابد :biggrin:
والتعاونيه مثل ماقالولك الشباب انها حرام ابعد عنه :awink:
لكن تسانهن مضايقاتك اشتر بهن لك فروه مع بشت يدفنك بهالمربعانيه لين الله يرزقك بلك وظيفه تغنيك عن هالاسهم كله :thumb:

[المطنوخ]

^
^
^
انتم يالثنين اللي فوق لو الرجال سالمن منكم انتم وشوركم تسان هو بخير

يوم انكم تولجتم هالرجال على هالثلاثة الاف وش تبون بوه

خلوه








اقول ماعندكم سلف؟؟ :g: :g: :puzzled: :puzzled: :p:

[شـمري]

يا جار جزاك الله خير مقصرت وانا اشهد انك رجل ابن رجل يا عد حي هلوجه ,, واشرك العجيز طول البارح وهي تدعيلك ياما غلبه النوم و غفت

انا اشهد انك ما قصرت ياهالحية الغانمة,,,,,

,,,,,,,,,,,,,,,,,,,,,,,,,,,,,,,,,,,,,,,,

شمخ ما قصرتي س حتسيتس يا بيله اني اجر حدا هالزقرت معي يم المقهى و يترجمه لي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

المصحصح أصبر لين اجيب خوي يترجملي حتسي شموح و وايصحصه لي

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

العمدة عبد العزيز تسيف انت؟

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

بقية العرب بووه شبتن بموضوعن حدرنا و به مفاطيح امتسنوه

يا ملين العجرة ,,,,,,,,,