المساعد الشخصي الرقمي

مشاهدة النسخة كاملة : الظلماوي وابن رشيد


مشــــعل
23-12-2004, 01:53
ياللة حيهم

الشاعر هو دغيم بن عيد بن بشير الظلماوي من الشلقان من شمر
من اشهر الكرماء في زمانة عاش حياتة متنقلا بين ديار شمر
عاصر الامير محمد بن رشيد ثم عاصر الجنازة
وفي وقتة غضب علية الجنازة وعلى ماظن انة كان بسبب بيت شعر
فشاف المهونة بحكم الجنازة بعدة انتقل الى الطائف عام 1324هـ وهناك توفي

المهم انة بحكم الامير محمد بن رشيد"المهاد"
قال قصيدتة المشهورة

ياكليب شب النار ياكليب شبة=عليك شبة والحطب لك يجابي
والوالمة ياكليب عجل بصبة=والرزق عند اللي ينشي السحابي

فاشتهرت شهرة واسعة حتى انة اغلب شعار شمر وغيرهم كتبوا
قصائد على نفس القافية والموضوع

الوكاد يوم سمع بة الامير محمد زعل "يمكن على شان ماذكرة بة لانة على وقتة كان بن رشيد
يعطي الرجال منايح وخاصة اللي ينصونهم الضيوف من بعيد مثل دغيم"

فقام الامير محمد ودعاة يوم جاء دغيم
قال بن رشيد:وش خليت من الطيب لغيرك يادغيم

فجاوبة دغيم بهذة الابيات

مدة رهن لولاك ماقلت ياكليب=ولا قلت عند النار صر موقد لة
ياطير شلوى يابعيد المراقيب=لو تستحي ماتاخذ الطيب كلة
تملا محاليب وتكفي محاليب=وكبد تيبسها وكبد تبلة
يابو المحرول والعمى والمحاديب=وابو لمن صار العصى ثالث لة
وابو لمن يمشي قصر رجلة العيب=ومن ضامتة بقعاء تصير ولد لة
يالجوهر الناريز يالعطر يالطيب=ياعنبر من عاملة مايملة

اخوكم /مشعل الغفيلي
متفاائل
23-12-2004, 02:18
تسلم المشعل

وان كنت اظن ان الامير محمد بن رشيد اراد معرفة صحة كلام الظلماوي وقوله الوالمه وجاه بوقت متأخر من الليل وفعلا حصل الدلال على النار والمات ولما حس الظلماوي بالضيف قام يالله حيوه وتفاجاء بما شاهد وقال له الامير وش عندك يالظلماوي بها القصيد وعندها قال القصيده كما تفضلت . مده رهن لولاك ماقلت ياكليب . وبعد فراغه من القصيده قال الامير يالظلماوي اسمع والله ماتشريه من السوق طول ماني حي يابغيت قهوة تعال وخذ قال طال عمرك .

تحياتي لك
هايس الشمري
23-12-2004, 02:57
مشعل


تسلم و الله


و انا اتفق مع متفائل

اخوك

الذيب
مشــــعل
24-12-2004, 02:14
هلابك يامتفائل

والظاهر انة زي ماقلت

شاكر مرورك وتعقيبك

ماننحرم من اللي مثلك وشرواك
مشــــعل
24-12-2004, 02:19
حياك اللة يالذيب

مار ياخوان اللي يعرف القصيدة اللي ازعلت الجنازة لايذخرة

شاكر مرورك
سعد الزوبع
04-01-2005, 21:18
كما قد كتبت في العنوان اكتبه مرة ثانية نعم لبتك اكملت قصيدة دغيم الظلماوي لاني لم اصادف احداً اللي يقول البيتان من القصيدة ثم يصمت لايعرف تكملت القصيدة انا ارجو كرماً وليس امراً إذا توجد لديك القصيدة ان ترسلها على الايميل او عن طريق المشاركة saudzoba@hotmail.com هذا وتقبل من فائق الاحترام والتقدير ....
مشــــعل
06-01-2005, 00:59
هلا حياك اللة اخوي سعد

اعذرني على التاخير لاني لي فترة مادخلت الانترنت

بالنسبة للقصيدة اعرفة كاملة لكن سبب عدم ذكري لة
لانة لم تكن محور القصة اللي ذكرتة

لكن على العموم ابشر بة
المشكلة ان القصيدة لة اكثر من رواية

راح ادور لك على الرواية الاقرب للصحة وانزلة بالمنتدى باقرب فرصة

واعذرنا على القصور
الامسح
06-01-2005, 12:58
لاخ مشعل الغفيلي ,,,,, شكراً على القصه والقصيده

ونواصل الشكر للأخوان على التعليق
طير الجبل
06-01-2005, 13:40
مشكور يامشعل ونبي زيادة من قصص الاولين