اللي يخبر ببغااااااااااااااء

[مفتاح14]

.


.

.

الا على فكره هو ببغاء أو ببغان او بغبغان:)

المهم الله يحييكم ماسكتن معي هاليومين اني اشتري من فصيله هاللي يتكلمن:)

اخاف اشتري لي واحد ويطلع بالاخير ماعندوه سالفه ويضيّق صدري وانا ضايقن بليّا..




يالربع اللي يخبر شي للبيع او عندوه معلوماتن عن مكان بيعهن واسعارهن وهنا مربط الببغاء:) فلا يبخل علينا ويعلمنا وله ان كل مايسيّر علي اخليه يهربد عليه:)






مهما كان السعر مشتريه مشتريه الله لايعوق بشر..مار لو ابيع اسهمي باتحاد الاتصالات ( يمال اللي) :)

بسااااااااااع تكفوووووون

ببغااااااااااااااااااااااااااااو

[سلطان الشمري]

ببغا ااااااااااااااااا



بغبغا ااااااااااااااااااااااااان


ببغا ااااااااااااااااااااااااااااان,,



,,



ياخي طلبيتك هذي ,,صعبه ,,


الببغا ااااااااااااااا






هذا تسني سمعت بوه .. مع محارش :)


هو وحقين الفله ..طالعين واخذينه يبون ياكلونه..يوم انهم جوا يبون يذبحون الببغاااااا..



قال محارش ....














نكمل بالحلقه القادمه :)

[عبدالله المهيني]

لله ماأعطى ولله ماأخذ

والله كان الدرنفيس خوش ولد :)

لكن الظاهر إن الدنيا عملت عملتها مه :) :) << ماأعرف إختصار الا هالايقونه هذه :)


اقول يالحبيب

شف به محل قريب حيل ومشاوره خمس دقايق بس

شف ثاني محل بجنب النافورة

ابد يا صرت مقبل على النافورة ووجهك لشارع الامير خريص :) شفه قبله بمحلين


والله يعينك على تعليمه الكلمات اللي تبي

يعني مايجي طازج ومتعلم إلا كلمات يكون مدربه معلمهن له


عااااد

يا شريته وبغيت تذبح بهالمناسبة إعزمنا لا تنسى اوكى :)


شاووووووووووو

[تذكار]

السلام عليكم ورحمة الله وبركاته

أنصحك تشتري ببغاء أفريقي ( كاسكو ) لأنه يتعلم الكلام بسرعه .. ويقلد كل اللي في البيت ويردد أساميهم وبعض العبارات .. حتى أصوات الحيوانات يقلدها هههه .. وأفضل يكون صغير في العمر .. لأنه أسهل وأسرع في التعليم .. وتتأكد خلوه من الأمراض .. وسعره ما بين 2000 وزود .. وانتبه لا يغشونك ..


المهيني إرهااااابي يكره الحيوانات :a::408r:

تذكار

[محارش]

هلا والله بالغالي

شكلك قبل لا تكتب الموضوع ذليت لا احد ينقد عليك هههه صح !؟
معليك وانا اخوك تطمن من ناحيتي منا ناقدن عليك ولا شين أصلا انا قاطعن عقالك منذو مبطي خخخخخ:)

ليا زل البرم يالبناخي بوه سوق الخميس بالقطيف ( قريّب منا ) ويوجد به كل انواع الطيور حتى الدياتسه امهات ركب :)
اذا قسم الله ومريتنا نروح انا واياك يمهم وندور الماخوذ :)

واذا تبيني انشد عن اسعارهن فأبشر طال عمرك انت بس أشر .

تحياتي .

[عبدالله الجعيثن]

^
^
وانت صادز ياعمي الشيخ :)

هلا وغلا..انت القلب والريه..وباقي :puzzled: ..

بسوق القطيف بغبغانات تحكي انواع واشكال.

انت تعال يمكن بعد نتزوج انا وياك متعه :p: منهم..مايقصرون.

[فلاح السعد]

ببغانن طيب تبي ياطويل العمر


به له ببغاواتن بهالكويت يا ماصارن

كان تبي تزرقنا بهالخفجي ونهج انا وياك يمهن


انا متعكن انا مانت متحسفن عليهن حتى ولوهن

بالدينار وغلا من السعودي ولكن فرق السلعه يالبناخي


تسانك عاد جزمت على الروحه ازهمن وخلن اتولم ونخت هناك


يالربـــــــــع مالاحظتوا لكم شارعن جديده بالرياض سماو عبدالله المهيني


تبون تعرفونه











إيه ربيعي وعرفكم ماسمنة الشفاوه وتسبرت علابيه الا منكم

المهم الشارع شوفوه فوق يعني ماني ضالمن اسمه لشارع الامير

خريص



ألا هالامير يقبل معاريض وألا لا ؟؟ ههههههههه

[سلطان الشمري]

8
8
8
8


الاخ فلاح اعلاه ,, :thumb:

والله شفت اسم الشارع .. انا ماستغربه من عبدالله لا مااااااااااااااااااااخذه الرجال تعيبان :(


لكن ماهي مشكلة ان مفتااااااااااااااااا ااا ااا ح يبي يشتري ببغااااا..!!




المصيبــــــــــــــــــــــــهـ



وش الكلام اللي يبي يلعمه له :g: :( :g: :(


وشلون الببغا يبي ينطق الاتي


تسيف الحال.....يعني>>تسيف...............؟!

دزدامي....>>>دز .........؟!!



وتخبرون سوالف مفتاح مصايب ..!!

اتوقع الببغا ينقلب .. غراب تخبرون بهالشتاء كثرانات :)

ويبي يضيع كل شيء :a:




تشااااااو يصبخ تشااااااااااااو

[فلاح السعد]

نبراس اعلاه


من يضحك بالثرمان يضحك بلاسن وش هالحتسي


وش الكلام اللي يبي يلعمه له



يلعــــــــــمه هذي لحاله يانبراس وتضحك على عبدالله


ههههههههه

[شموخ]

مفتاح 14

لاتنسى تعلمه اللهجه الحايليه وبيعه بسعر اعلى لانه متعلم لهجه محليه :)

وبعد كم سنه ان شاء الله يهتمون بها ويحطون لها سوق دولي وكل بغباء واسم مدربه " عاد اللي انت مدربها شي :thumb: متعلمه لهجه حايليه وسعرها اعلى .

المدرب مفتاح 14 بتنافس سعود بن رزيق ونايف العطاوي في تدريب الخيول :) :) " :)

تحياتي
شموخ

[سلطان الشمري]

الا ليه متخفي :puzzled: هاه :puzzled:




ثم يالطربه والله شفته بس تعاجزت اعدله :(


<<<<<<<كسول حسبي على من كان السبب :)


ياشماتة ابلا .. شموخ فيا :) <<<<لانه تقراء الموضوع لحظة كتابتي للرد :p:


فلووووووووووووح :لاتدقق :g:

[فلاح السعد]

خــــــلاص ماراح ادقققققق


وترن مادريت اني متخفي



:)

[اخو سعدى]

مفتاح 14

الناس الحين وقت قنص وصيد وطلعات وصقور
وانت تسعل عن البغبغوااااااااااات :) :)

اما عن سوقهن هو سوق الطيور على طريق الحاير
بجنب التشليح :) :)

[ابو غازي]

الله يعينك يالخال :)

دلو يشوتون شوت اللي يم خريص واللي يم الحاير واللي بالقطيف واللي بالكويت :g:
مار تسان تطيع شور بناخيك / اكتبه خيره وهون اسلم لك :g:
:luvlove:
:p:
:p:
:p:
:p:
:p:
:p:
:p:
:p:
:p:
:p:
:p:
:p:
:p:
:p:
:p:
:p:
:p:
:p:
:p:
:chinese:

[سرحــان]

هــــــــــــــــــلا




ابو اربتعش حياك الله يالطربه





وشلون جت ماادري المهم



محـــــــــــــــــارش اطلع من السالفه



مفتاح غالي غالي والطلب رخيص



ابشر عندي وبلاشان يفلان فيه


ابي اسافر ولمده ثلاث شهور وخايفن انه يهفي.


ثم بعده تقوم الطلايب من ربعنا قوم الرفق بالحيوان...

هههههههههههههههه

وابشرك بكامل الموصفات المطلوبه بعد وش تبي......




ســـــــــــــــــــــــــــــــــــــــ ـــــــــــــلام

[عبدالعزيز]

هاااااااااااااااااااااااالا مفيتيح العربان

بشرنا ياجدي هالفرّة انت لقيت ببغا ولا لا وتسانك لقيته زين على زين وتسانك مالقيته عندي لك سلوقي مش بوه حالك الياما يفرجه ربك :)
وانتبه من ذيب شراف لاتنشده لأني نشدته ادور لك وقال ايه بوه بسطحنا تسانك تبي تشوفه بعشة الحمام :)

[سلطان الشمري]

ههههههههههههههههههههههههه



لعنبو بليسك ياهذا
8
8
8
اعلاه :)




ابو شراف موريك الحمام؟؟ :(


اقول كم وصل سعر الاسهم ..به واحدن بياااااااع :thumb:




بيااااع

















بياع اسهم لا تخاف :)

[شنقل]

ابو 14

عشيري وش جارين لك

بديت تخور من عشيري الاول


تسانك ملزم على البغبغان

عليك بالكاسكو
هذا النوع مايتسمى .......... :)

[المخاوي]

يالربع اللي يخبر شي للبيع او عندوه معلوماتن عن مكان بيعهن واسعارهن وهنا مربط الببغاء فلا يبخل علينا ويعلمنا وله ان كل مايسيّر علي اخليه يهربد عليه


مع الاسف اني ماقريت الموضوع الا هالحين والا والله تسانوه عندك اليوم مار مالله قسم :)

هذا طول الله عمرك ومن يقرا انا اليوم بهالكويت.... عاد ماهو شغلكم وش حاجتي هناك تسمع ياللي ببالي :awink: المهم يوم مريت مع هكالشويرع لياهالطيور اللي يغاغن :p: اشكال وانواع وهو يلفت انتباهي هكالببغاء وانا البق على طول وحنا نحول معي لي خوي ويوم جيناهم ليامار ماتشوف اقصى السوق وباسطينن بطيورن اول مره اسمع بهن حتى المريعيات يحرجون عليهن :smileyb: ولقيت بعد سلاحف مطافيل :biggrin: ويوم التفتنا لياهكالربع مجتمعين قلت خلنا نروح نزاود معهم ويوم جيناهم الا يحرجون على كلاب الله يعزكم قلت الهابو من جمعكم حلولات يامخطر ابو غازي :p: ونلتفت للي بجنبهم لياهكالشيرازيه وشيرازي ماودك العين تشوفهم :tongue: ويحرجون عليهن ب 50 دينار يعني بالعربي 625 ريال شرط الفحص :) وبط ووز وصواريخ وطرطعان :232r: المهم جينا للببغاء ولونوه اخضر فاتح :thumb: ولياهالامريكيه تحاتسيه وتقولوه are you happy ويرد عليه بنفسن شينه لا ماعندي رفيجه :p: :p: :p: >>>> تروني امزح مارد عليه كشت به :tongue: وجينا عاد حنا يامنطقت الميت :) وليامار معنا حب فصفص اعدونا هالحساويه :biggrin:وحنا نوكلوه وعجزنا نلحق عليه وقلنالوه هااه وشلونك عساك اشوى هالحين قال (جب) قلت جبك اللي ماياويلك وانا اغولوه ياما دزذف العافيه هههه قلت انت الظاهر شبوط مانت ببغى > وحنا نروح لواحدن ثاني وليامار اشوى منوه منطوق قلنا السلام قال عليكم السلام يالله حيهم قلنا لا هذا طير شلوى :) قلنا (جم هذاااا ) >>> عاد تخبرون حنا من الذهانه نغير حتسينا لايصيدونا الرجال قال باربعين دينار يعني 500 ريال من دون اجرة التوصييل :wink:

مالكم بطويله والا سوالف طرشتنا منى كثره >>> ودوه يسرده :)
يابو 14 الحراج هذا ينقالوه سوق الجمعه بالشويخ حول( جبرة الايرانيين) طب وتخير :)

[شنقل]

المهم جينا للببغاء ولونوه اخضر فاتح

لمخاوي

هذا لون كامري مهو ببغاء


تعال وشلون تروح للكويت وماتعلمن
وتمرن مطب



المهم انا الاسبوع الجاي بالكويت
وبدور لي ببغاء :)

[المخاوي]

لو حنا متخاوينن انا وياك تسان من غير شر مارجعنا :p:

خيره بغيره وخل الاخيضر والم اما يطري علي روحه مريتك >>> يبيلك عااد حروة هالسنه يمكن تطري عليه :)

[بـنـت النـور]

:p: :p: :p: :p: :p: :p:

:) :) :) :) :) :) :) :)

[مفتاح14]

سلاااااااااااااااااااااااااااااااااااااا اام

نبرااااااس

اجل بعض الناس يبون ياكلوونه ههههه كمل ياجدي وش صار بعدين؟ :)

اما(يلعمه) هههههههه قهر سبقن فلااااح عليك..اشوا ماقصر بك:)
اصلا انا مقرر اني ما احتسي عندوه الا انقلش..عشان اذا جو ضيوف ما يفشلن معهم لاني ادري انه يبي يحشهم بالعراقيب:)

حيااااااااااااااك
===============

المهيني

اول شي المفروض تقول الامير خريص رحمه الله:)
ثاني شي وصفك من جنبه..اللي يصير قبله عني هذي بنده الله يوستر عليك:)

لله ما اعطى ولله ما اخذ<<- هجوم معاكس:)

منوّووووور

==============

تذكار

الله يجزاااتس خير انا وش يعرّفن للصغير.. وبعدين وشلون يغشون بالببغاء؟:a: يعني يعطوني غراب مثلا:)؟

بس يوم علمتيني باسم (كاسكو) ابلخمهم ( أي اباغتهم) ويعرفون ان عندي خبره ( البلشه ان تلخبطت وقلت اعطوني ساسكو :) )

شكراًااًااًااًاًااًااًااً

==============

محارش

هههههههههههه والله عدّك أنا :)
تصدق كنت محتار بين اني اشتري صقر او ببغاء واخر شي قلت ياولد الناس بالشتاء وماهي سنيّة قنص مار شف لك شي بيتوتي:)
عاد ان مالقيت اللي ببالي ابشري كم حبة بلابل:) واخليهن يغرّدن فوق راسي :luvlove:

الا ما تقول لي وشلون تقدرون تروحون للقطيف؟!!
يقولون ياشافوا السني قاموا يسنّون ستساتسينهم :) افطن لروحك بعد حيي انت عندي أهم من الف ببغاء ( 1000 ببغاء من 1000 ريال = مليووون:a: بصراااحه رقم مغري:) <<- قليل خاتمه:)

ماتقصر يابعدي


=============

الغازي

يالله حيوووووووه..انت وين غاااطس:(

تصدق عاد انك موهبه ب(حرف السالفه) :)
والسالفه مهما كانت الا تقلبه للعرس والاورنجينات:)

والله يزوجك بوحدتن تمخض وتموووت بالديتس ابو ركبه اللي يقول عليه محاارش:)

منوّّّووووووور

==================

فلاح السعد

هلاااااا ومسهلا
الا مار وش رايك لو نمرك انا وشنقل والمخاوي:)
وتراك محفوول مكفووول..المصروووف على شنقل والعيشه على المخاااوي:):):)

تسللللللللم ونووورت الموضوع
====================

شموخ

الظاهر بتس عرق سوداني ههههههههه والا منهو اللي يتابع سباقات الخيل غير الزوله:)
ولاصار عندتس اهتمام بالسباقات وش رايتس نأسس اتحاد لسباق الببغاوات..(علي الافكار وعليتس التنفيذ:) )؟؟

فكري لا يفوووتك العرض:)

=============


اخو سعدى

تسيف على طريق الحاير؟:a:
مار لو هن ببلاش ماني رايحن هنا..واجليني بايعن عمري :)

الا ابسعلك..يقولون الطيور لهن تاثير على صحة الفرد والمجتمع ..هو صدز؟

بارك الله فيك وسدد خطاك ولاله عادة تطري الحاير:)

=============

ابوغازي

انت تشوووووف يالغالي وش سووا بي؟؟

مار الظاهر على قولتك ابستخير واشتري لي جوز بلابل هذولي هن عند حلاقي الخاص وكاسراتن خاطري كل ما اطلع من عندوه يتعلّقن بي:)

تسلم على الشووور المبرووووك

=============

سرحان

بعددددددددي انت هالخشم
لابالله لا تبلش بوه ولاشين..ماعليك انت بس ارسلوه لي ولاتنسى ترسل معوه الكتالوج :)
بس ماقلت لي وش الحتسي اللي انت معلموه لوه؟ اخاف انه مفشّلك بسوالفوه وتبي تخلص منوه بايتها طريئه:) اعتررررررف:)


============


عبدالعزيز

طيب هالسلوقي فيه أمل يحتسي؟ :)
وبعدين ماني خبلن مثلك ابطيع ذيب شراف..وش يجيب الببغاء بعشة الحمام؟ :)
مشكووور على جهدك اللي بذلتوه بالبحث..ونصيحتي لوجه الله وقّف بحثك اشوالك:):awink:

============

شنقل

اقص يدي اذا مانت غاشن اسم (كاسكو) من شموخ :)
اخبرك مانت حق ببغاوات..انت من المعيزا وجاااي:)

الا على طاري المعزا..ماتخبر تيس سوري للبيع؟ :)

منوّووووووووووو الحته

==============

المخااوي

ياهلااااااا وسلامة الاسفااار..
قهررر لو اني داري انك تبي تروح تسان منزلن الموضوع قبل بشوين.. غديه يطري عليك وتشري لي واحد هديه ( مار بلى هدايا:) )


مالكم بطويله والا سوالف طرشتنا منى كثره >>> ودوه يسرده :)
يابو 14 الحراج هذا ينقالوه سوق الجمعه بالشويخ حول( جبرة الايرانيين) طب وتخير

اي والله اسرده بالفله لااااهنت..بعد حيي والله ان سوالفك ماتنمل ..

اشوفك يالغالي توصّف لي..اللي يسمعك يقول اني مقطعن شوارع الكويت هالحين:)
ابشرك مابحياااتي طبيته:) تسان هالببغاء يبي يجذبنا:)

الا على فكره وليه مامريت شنقل بروحتك؟:)<<- مقرّن اشوش:)

ولو واضح من كلامك ان اسعارهن بالكويت ارخص من اهنيه:) يخوي عندنا على ذمة شموخ انه ب 2000 ريال ماهو ب500.. وعلى كذا اشتري لي رعيّه غنم خاصه واننا على وجه ربيع:awink: :)

تسلم على الشرح الوافي والكافي

==============

بنت النور

:):):):)

[الجازي]

^
^
^
أنت معزم على الشرا ؟؟

ترى ماأنصحك :)

وربي إنه فضيحة :)

أعرف لك ناس شارينه ومشخصين به :) ويوم تفرعن ولد أبوه صار يلقط حتسيهم وماخلا فضيحة من فضايحهم إلا وحتسى بها :)

والحين هم بلشينن به :) إن جاهم أحد قام يناهق ويسولف بسوالف المعزب والمعزبة وهواشهم وطقاقهم :)

وإن جو يبيعونه ,, مايدرون وشلون يفرمتونه :) الظاهر يبيله صقعتين في الجدار عشان يفقد الذاكرة وينسى الحتسي اللي حفظه :)

عاد الحين صاروا يشغلون عنده عبدالباسط كوده يحفظ القرآن وينسى حتسيهم :)

[ابو غازي]

ابو 14 مفتاح :)

:a:

ابشرك لقينا لك الحويجة اللي تنشد عنه :surprised
اليو علمتن البنتاخي ااااااااالريم n)
تقول بوه للبيع ببغاء لون ابيض ناطقة اليفه للمفاهمه _ ج 0503868667
انا مالي شغل عاد :g:

[مفتاح14]

الريم


يعني تنصحيني اشغل له عبدالباسط من أول يوم؟ :)

والله النشبه أنا ابيه يوسع صديري واثريه نكبه حزيران:)


بس يمكن هاللي تقولين عليه ماهو من النوع الاصلي ( صار عطر ماهو ببغاء:) )

الربع يمدحون ساسكو مدري كاسكو:)
وهاللي تقولين عليه وش نوعه؟ياليت تأكدي لي من نوعه قبل يطيح الفاس بالراس ونبلش:)


طيب ماينفع اسجنه قبل ابيعوه بسجن انفرادي كم يوم لين يضيّع:)؟

تشاااااو

[مفتاح14]

ابو غازي

هااااااااااااااااااالااااااا ومسهلااااااا


ابو غازي هذا رقم الببغاء والا راعيه؟ بس شكلوه ما اضاف الخمسه:)(ماودك اتميلح باخر ليل)

اي ريم اللي علمتك بوه؟ الريم اللي ردت فوق والا الريم اللي ماردت فوق؟



شكريااااااااااات ابو غازي ولو ماحنا اخر ليل تسان اتصلت على الرقم بس شكلي ابواصل مأدرش أصبر ماأدرررررررش

[تذكار]

ساسكو هههه

الكاسكو ببغاء أفريقي لونه رمادي وذيله أحمر مايل للبرتقالي شوي
اللي ما يتكلم وتبي تعلمه الكلام سعره من 3000 وزود وتراه يتعلم بسرعه بس لازم يكون صغير في العمر يعني ما تاخذ اللي عمره أكثر من سنة .. يفضل عمره 3 شهور او اربع المهم اقل من سنة

أما اللي يتكلم ويقلد بسرعه سعره بين 7000 إلى 13000
في سوق الحمام اللي بطريق الحاير قريب حراج بن قاسم :d:
في الحاير منتجع سياحي الخدمات فيه فايف ستارز هههه

وفيه نوع هندي بس الأفريقي أفضل ..

إذا شريته بعلمك شلون تربيه وش يحب وش يكره وكيف تهتم فيه .. وسبحان الله الكاسكو يغار إذا شافك مهتم بغيره من الطيور .. ينتف ريشه ويقلب صحن الاكل هههه


الببغاء اللي عندي أول ما يسمع الأذان يقول صلاة صلاة صلاة شغال في الهيئة هههه

وأي سؤال نحن في الخدمه :315r:

أختك

تذكار

[بـنـت النـور]

أنت معزم على الشرا ؟؟ :a:

ترى ماأنصحك :g:

وربي إنه فضيحة :p:



أعرف لك ناس شارينه ومشخصين به ويوم تفرعن ولد أبوه صار يلقط حتسيهم وماخلا فضيحة من فضايحهم إلا وحتسى بها

والحين هم بلشينن به إن جاهم أحد قام يناهق ويسولف بسوالف المعزب والمعزبة وهواشهم وطقاقهم


:thumb: :thumb: :thumb: