المساعد الشخصي الرقمي

مشاهدة النسخة كاملة : نادوا لي العرابي 00


وسم الوفي
18-12-2004, 17:30
نادوا لي العرابي

أسعد الله أوقات الجميع بكل خير

ويسعدني أن أتحاور مع الشاعر الكبير // عبيدالله العرابي



سلام الله من الطايف سلام الله بغير حساب=

أعممها على شمر واخصصها على المضياف


نبا نكتب نبا نلقي حكم وأمثال للأحباب=

وابستشهد عبيدالله عن المدسوس والمنشاف
((بعيدالنظر))
18-12-2004, 18:19
الشاعر / وسم الوفي
هلا ومرحبا في مضايف شمّر بين إخوتك وأخواتك .
ويسرني هذا الحضور

وإستلم لاهنت
هلا يامرحبا ترحيبةٍ تنشر بكل كتاب=وأنا عن شمّر أهل العزّ أرحب ياهل المصياف

تفضل يالمسير لاتحيّر وإطلع المرقاب=وشمّر للكرم مرسى وشمّر تحمي الميقاف
فهد الاسلمي
19-12-2004, 00:49
وسم الوافي...... وبداية اكثر من رائعه

سلام الله من الطايف سلام الله بغير حساب

أعممها على شمر واخصصها على المضياف


نبا نكتب نبا نلقي حكم وأمثـال للأحبـاب

وابستشهد عبيدالله عن المدسوس والمنشاف



عبيد الله وترحيب ولا اجمل منه


هلا يامرحبـا ترحيبـةٍ تنشـر بكـل كتـاب
وأنا عن شمّر أهل العزّ أرحب ياهل المصياف

تفضل يالمسيـر لاتحيّـر وإطلـع المرقـاب
وشمّر للكرم مرسى وشمّر تحمي الميقـاف



استمرواا قاضبين معكم الصفوف
متفاائل
19-12-2004, 02:17
وسم الوفي

عبيدالله العرابي

يالله حيهم عند اهلهم

ياهلا وسهلا بالجميع لاهنتوا وصح لسانكم

متابعين بالصفوف
وسم الوفي
19-12-2004, 04:06
سرتني كثيراً سرعتك المعهودة أخي عبيدالله


كريم ومستضيفينه رجالاً تفتل الأشناب=

يغطي جودهم صدر الشمال ويكسي الارياف

أقوله للعيون الليى تعدى رمشها الأهداب=

لها حاضرصحي بشكال والماضي ينام أصناف
وسم الوفي
19-12-2004, 04:08
الأخوين فهد ومتفائل

أشكركما على الحضور والمتابعة والتي

لها صدى إيجابي في نفوسنا

تحياتي
حمود الشمري
19-12-2004, 13:51
وسم الوفي وافي والله وافي

وعبيد الله شاعر معروف

وكلكم جزلين معنا ونحن متابعين
((بعيدالنظر))
19-12-2004, 15:36
ألا ياذيب ياسرحان لاتخشى سباع الغاب=ولا تخشى الليالي وإنتصب في عالي المشراف

وصدر العارفه صندوق مغلق واللسان الباب=ومفتاحه كلامٍ لاوزنته مايجيه خلاف
((بعيدالنظر))
19-12-2004, 15:39
الأحبه ..

فهد الأسلمي / لاهنت على مرورك وحضورك المشرّف القرم .

متفاائل / البقا يالغالي وأنا من اش المتفائلين بوجودك لاهنت ..

مشرفنا المتألق / حمود الشمري متابعتك تعني لنا الكثير وتزيد من الحماس والتواجد.. لاهنت
وسم الوفي
19-12-2004, 22:00
هلا مرحبا بالجميع من جديد

وأستلم لاهنت يا أبا وائل



يقولون الهواء غالب وأنا قول الشعر علاب

ولو يهبط ظلام الليل ما يحتاج للكشاف



يدوس الحية الرقطى وينشف سمها بالناب

وأنا وانته على كفة موازين اللحن والقاف
((بعيدالنظر))
19-12-2004, 22:53
يقولون المجرّب يكشف الصادق من الكذاب=على هونك ترى دونك بحر يعجز به الغراف

ليا جا الموت ياوسم الوفي لاتنشد الأسباب=تعلّم كيف تهذيب المعاني والسيوف رهاف
هايس الشمري
20-12-2004, 02:13
وسم الوفي وافي والله وافي

وعبيد الله شاعر معروف

وكلكم جزلين معنا ونحن متابعين
وسم الوفي
20-12-2004, 03:37
مرورك من هناء أخي الذيب زاد من روعة هذه المحاورة والتي لها طعم ونكهة خاصة مع شاعر بحجم عبيدالله العرابي


يموت الجوع في بطن الفقير إن تاب أو ما تاب =

ولا تمشي قد م والساق مثنية على الارداف

يجي للحفرة العمى تماسيحاً تسيل العاب=

واذا طاح الفتى فيها عجز ما جابه المخطاف
متفاائل
20-12-2004, 03:57
وسم الوفي ،،،،، عبيدالله العرابي
يسلموا يسلمو
ولا احلى من هذا
الله يونسكم بالعافيه ماشاء الله
بدون مجامله والله مدارس لعلوم وفن المحاوره :thumb:
---------------------
-------------------------
-----------------------------
---------------------------------
--------------------------------------
((بعيدالنظر))
20-12-2004, 17:08
(الذيب) الحبيب.. ماعليك زود يالغالي وألف شكر لمرورك المفعم بمشاعرك الصادقه ..

متفاائل / يعطيك العافيه ويشرّفنا مثل هذا الحضور وعلى عليكم زود أنتم الشعراء الرائعين ومنكم نستفيد ..لاهنت على مشاعرك الجميله ..


الوسم
.
.
.
.
إستلم لاهنت
.


تركّد لاتفشلنا وحنا في ديار أجناب=ألا ياوسم كم قلت إلك دوّر للعلوم لحاف

ليا كثر الحكي حول البنيه قلّوا الخطاب=وهي بنتٍ رهيفة حس والقلب الغبي ميلاف
وسم الوفي
21-12-2004, 02:10
ترى عذر البليد أقوى من الإجهاض والإسلاب=

يغطرف مبسم النية على سين الفّرج والكاف

وأعرف أهل الحمية والسوابق توئم الارباب=

خفيفة يدها والثقل باوزاره على الاكتاف
متفاائل
21-12-2004, 02:11
بيوت الشعر عند البدوا كله له عمد واطناب
واشوف بيوت تشمخ تدعي اهل الكيف والعراف
تحلف انه معلق بالهوى كنه جناح عقاب
بيوتن تطرب الطرقي ان شاف من السفر ماشاف

لاهنت صح لسانكم
وسم الوفي
21-12-2004, 03:38
أخي الشاعر متفائل أشكرك على تلك المداخلة الجميلة

وتفضل أخوي


تراحيب المطر هلت من الأصحاب للأصحاب=

ترددها الصفوف الحاضرة وتهتف الألاف


تغيب المعرفة أحيان لكن القمر ما غاب=


وأضن الورد له موسم وأكيد السيف للسياف
الأصيل
21-12-2004, 08:49
ألا ياذيب ياسرحان لاتخشـى سبـاع الغـاب
ولا تخشى الليالي وإنتصب في عالي المشراف

وصدر العارفه صندوق مغلق واللسان البـاب
ومفتاحـه كـلامٍ لاوزنتـه مايجيـه خـلاف

ياسلالالالالام


تراحيب المطر هلت من الأصحاب للأصحاب

ترددها الصفـوف الحاضـرة وتهتـف الألاف


تغيب المعرفة أحيان لكن القمـر مـا غـاب


وأضن الورد له موسم وأكيد السيـف للسيـاف


ياسلامين



............

من أجمل المحاورات

فهل تستمر المتعه

شاعرين .. غنيين عن شهادة مثلي
متأمل
21-12-2004, 14:05
أخويّ الكريمين...

وسم الوفي + عبيدالله العرابي

منتدى المحاوره أعيد إحياؤه بتواجدكما...و تغيّر طعمه للأفضل

استمرا لا أعدمكما الله الرأي...المعاني طيبه و الأبيات رائعه

سجلوني ضمن المتابعين و المعجبين...

تحياتي...
بتول آل علي
21-12-2004, 22:44
شاعرنا القدير ... وسم الوفي

شاعرنا المتألق ... عبيد الله العرابي


صحت ألسنتكم جميعا و لا هنتوا

استمرووووا و نحن لكم متابعين

بشغف


أختكم

الدهور
سلطان الشمري
21-12-2004, 23:09
شاعرين جزلين ورب الكعبه..

للسحاب ,,للسحاب



لاهنتوا .. صفطنا يمين ..



نتمنى المواصله


اخوكم../نبراس
((بعيدالنظر))
21-12-2004, 23:31
لياشفت السيوف المرهفه لاتنقل المشعاب=مشاعيب البدو عند الدمشقيه تروح خفاف

أنا بعطيك جمله وافيه وأضبط لك الإعراب=يموج البحر لو وسم الوفي قارب بلا مجداف
((بعيدالنظر))
21-12-2004, 23:38
الأحبه جميعاً
متفاائل
الأصيل
متأمل
الدهور
نبرااس
مرحبا تراحيب المطر .. حضوركم أعاد لنا التوهج من جديد ..
الجميع شعراء رائعين نتعلم منكم ونستضيء بنوركم ..
أنتم الأساتذه ونحن طلاب علم ..
ألف تحيّه لكلٍ منكم وألف شكر لكم جميعاً على هذه المتابعه والتي نفخر بها وبها نحاول إرضاء محبي هذا اللون .
تحياتي
سرحــان
22-12-2004, 00:54
وسم الوفي + عبيدالله العرابي



احترامي




وتقديري





لكم


على

امتاعنا بالمحاوره الراقيه


والتي تستحق المتابعه

سجلوني ضمن المتابعين و المعجبين



تحياتي
وسم الوفي
22-12-2004, 04:54
خلوووووووها


تثور البندقة ما ترفع البارك على الطبطاب

تثور بلا زناد ويحتـوي نيشانها الأهـداف

والا يالسدرة اللي تطرش العقرب وتبلع داب

مصيرعروقها تنبت على قبر الكريم اضعاف
الأصيل
22-12-2004, 10:28
يااللي قاضبين الصفوف

بدا الرمي بالبنادق


يعني

مولللللللعه

نبي نستمتع لآخر درجه


وأجمل تحيه للشعراء
ابو غازي
22-12-2004, 19:13
وسم الوفي

عبيدالله العرابي
7
7
7
والشعار اللي حضرو لكم جزيل الشكر امتعتونا بارك الله فيكم :thumb:
متفاائل
22-12-2004, 19:20
لياشفت السيوف المرهفه لاتنقل المشعـاب
مشاعيب البدو عند الدمشقيه تروح خفـاف

أنا بعطيك جمله وافيه وأضبط لك الإعـراب
يموج البحر لو وسم الوفي قارب بلا مجداف

http://www.jw2r.com/vb/images/smilies/alam%2030.gif http://www.jw2r.com/vb/images/smilies/alam%2030.gif http://www.jw2r.com/vb/images/smilies/alam%2030.gif


تثور البندقة ما ترفع البارك على الطبطاب

تثور بلا زناد ويحتوي نيشانهـا الأهـداف

والا يالسدرة اللي تطرش العقرب وتبلع داب

مصيرعروقها تنبت على قبر الكريم اضعاف

http://www.jw2r.com/vb/images/smilies/alam%2030.gif http://www.jw2r.com/vb/images/smilies/alam%2030.gif http://www.jw2r.com/vb/images/smilies/alam%2030.gif
((بعيدالنظر))
22-12-2004, 23:40
حصيلك نعرفه لاتصرفه يالخايف المرتاب=ليا طاح المطر ما أنبت شجر ياقاع ياصفصاف

أنا بنشدك كم في يدك أظافر كم بفمك أنياب=وكم تصرف وكم تغرف وكم تعرف من العرّاف
((بعيدالنظر))
22-12-2004, 23:45
الأحبه الرائعين ..

سرحان
الأصيل
أبوغازي
المتفاائل
أحييكم جميعاً على الدور الكبير الذي إن كان لنا نجاحاً فهو بدعمكم لنا ...
أشكركم جميعاً على هذا الحضور وهذه البهجه ..
لكلٍ منكم تحيّه مستقله وقبله على جبين كلٍ منكم ..
دمتم أيها الأحبه
وسم الوفي
23-12-2004, 17:55
ليا غنيت من راسي تركت الرقص للأذناب=

يميل الجسم يا عيني وصوتي يجرح الاطراف

وأغني طالما للطرق رتبة تعتليها القاب=

ولا بخشى العبيد اللى تولت ديرة الاشراف
((بعيدالنظر))
23-12-2004, 19:52
على كيفك تغني والتمني ياوسم وش جاب=تميّل مثل ماودك وسدك للعرب شفاف

ترى اللي مايحسّب للعواقب له شديد عقاب=أنا أعطيتك ذهب يابو لهب يابو هلل وأنصاف
متفاائل
23-12-2004, 23:57
احذف
امكرر
يامشرف
متفاائل
23-12-2004, 23:58
ويسم ، العرابي
ياسلام عليكم
تسلموا
نحن بالصفوف
http://www.jw2r.com/vb/images/smilies/alam%2030.gif http://www.jw2r.com/vb/images/smilies/alam%2030.gif http://www.jw2r.com/vb/images/smilies/alam%2030.gif http://www.jw2r.com/vb/images/smilies/alam%2030.gif
وسم الوفي
24-12-2004, 22:12
أعزائي الكرام في موقع الكرام

سعدنا كثيراً بالمحاورة الشيقة مع أخي وصديقي الغالي عبيدالله العرابي

ونشكر كل من حضر وسوف يكون لنا لقاء أخر00

تحياتي للجميع
فهد الاسلمي
24-12-2004, 23:16
صحت السنتكم ودمتم


حقيقه امتعتونا


وحقيقه اتحفتونا


وحقيقه اضفتم إلىالمنتدى وخصوصا مضيف المحاوره فن لعبة المحاوره

على امل ان نقرأ لكم كل جديد

عبيدالله العرابي + وسم الوفي = تقبلوا اجمل تحيه وتقدير


فهد الاسلمي
المشعل
09-01-2005, 22:06
علامك ياوسم ترمي سهامك تطعن الانساب=ترى عندك مصبغت الجنايا بالحبر والجاف
تمهل واعتدل يالي تدور للظهر مركاب=ولا عمر الاسد يالطايفي من ثعلكم قد خاف
وسم الوفي
24-01-2005, 05:04
ليا هل الفقر ما تسكن البومة بعش غراب

ولاتأكل دسم في ليليها ما تأكل الا حاف

عقيمة لا تحيض ولا تبيض وترغب الانجاب


واكيد الخد الاحمر يدرك المعصم من الأكفاف
المشعل
24-01-2005, 20:21
ترى سب الرجال الفهمه يالطايفي ماصاب=تهشون العرب وبيوتكم مكشوفتن وخفاف
وهذي من طبوع الي يجوبون العرب خراب=كما قرد الجبال الي يصيبون العرب حذاف
وسم الوفي
24-01-2005, 22:09
لبست العز بثيابه وابهدي لك نقاب وكاب
وأنا جدي صحابي وأنت جدك كاهن وعراف

مسبلها على العربان لكنك خذيت أتعاب
طراطير وعلوج اللي مصدق كذبة الصحاف
المشعل
25-01-2005, 19:39
كسرنا شجرة البوذي ورحنا ماذبحنا الداب=واظن انك عجوز الدار حروتها على المخراف
الا يالفارة النجسه عرفنا لبسك الكذاب=امنداخل بلويكم و من برى ثياب انظاف
وسم الوفي
25-01-2005, 22:03
هلا وغلا بالمشعل

أتمنى عدم تكرار كلمات الوزن والقافية

والزعل ممنوع

واستلم لا هنت


الا ياريحة الجزمة تعلق فيك يالشراب

وأظني بدفن المتردية في حفرة الاجياف

وانا ماهمني حكي الضعيف وطقطقة قبقاب

ولا بخشى سواعد جُرب تتلاقى مع الاكتاف
المشعل
26-01-2005, 00:06
لياطاحت سنونك مابقى غير الظرس والناب = نبي نعطيك خبزه يابسه وجنوبها رهاف
زبيده يا زبيده والزبد وسط القدر ماذاب = وطيرك في سمانا يالوفي مازان له رافراف
وسم الوفي
26-01-2005, 00:27
يا راعي الناقة العرجى حذاري تقرب الجلاب

بسوق الماشية تنداس بالحافر وبالاظلاف

تراجع يالبديوي يم جحر الضب والسنجاب

ولم الفحم واصنع من جلود الضاينة أصواف
المشعل
27-01-2005, 02:54
ليا شاعت زهور البري شفنا المنظر الخلاب=وليا جات السموم الحارقه صحتو على المنكاف
ليا شفت العرابي كنك الفارس معك مشعاب=وانا المشعل ليا شفته تسير اطرش مع الزفّاف
وسم الوفي
27-01-2005, 21:17
الاياهل الشمال تدحرج المشعل من السرداب

نتيجة مستحقة دهورت من يتبع الملقاف

نريد المعذرة ونصير انا وانتم أعزأصحاب

وابي غيره يغني لي بطرق( اليوم يارواف)