قم يالقديمــــــي تولّم زيّن دلالك

[فهد الاسلمي]

السلام عليكم ورحمة الله وبركاته ,,

مالكم بالطويله لي لعبة مبطيه مع الشاعر القديمي وودي العب معه واخصه ذاته ولا تهونون يالاخوان .... والبساط احمدي يالقديمي ان رديت ولا تركتها :)

قم يالقديمــــــي تولّم زيّن دلالك

يجوز لي يا عميلي شرب فنجالك

يا زينها ان كان شعري جاب موالك

والنار ماتحرق الا رجل واطيها


سلام الله عليكم يارجال الـدار =

سلامٍ يلحق الاول مع التالي

يالقديمي اشوفك تسرق الانظار=

تعال اقرب تغنّى بجرّ موالي

[متفاائل]

تسلم يافهد صح لسانك
بانتظار شاعر ومشرف المحاوره الاخ القديمي
انا ابقضب الصف .

[حمود الشمري]

تسلم يالعزوه

موال وطاروق جزل

وبنتظار القديمي

[فهد الاسلمي]

الاخ العزيز حمود الشمري ,,,, ذخر يالغالي


تسلم على مرورك وتعقيبك يشرفنا تسلم لاهنت




تقبل تحيات اخوك /فهد الاسلمي

[فهد الاسلمي]

متفائـــــــــــــــــــــل ,,,,,,,,,,, تســـــــــــــــــــــلم تسلــــم تسلم



لا خلا ولا عـــــــــــدم منكم وجودك بالصف بحد ذاته يشرفنا


تقبل تحياتي ............

[((بعيدالنظر))]

قم يالقديمــــــي تولّم زيّن دلالك
يجوز لي يا عميلي شرب فنجالك
يا زينها ان كان شعري جاب موالك
والنار ماتحرق الا رجل واطيها


سلام الله عليكم يارجال الـدار
سلامٍ يلحق الاول مـع التالـي
يالقديمي اشوفك تسرق الانظار
تعال اقرب تغنّى بجـرّ موالـي


ياسلااااااام

ياسلاااااام ياسلااااااام
فهد الأسلمي ومواااال راااائع وبداية قاف على كيف كيفك.


سلمت يافهد .. وننتظر القديمي عساه مايبطي ..

[الأصيل]

فهد الأسلمي .. والقديمي

بدايه جزله من راس جزل

وننتظر القديمي

[فواز الشبيكان]

اسف على التأخير لأن والله جهازي خربان والمقاهي والله مااجيها ولكن اعذروني


استلم /اخ فهد لاهنت ولاهانوا الجماعه


اللعبِ معاكِ كله سكرٍ حالي=وجاك القديمي وجاك اليومِ زلزالي
وانا اتحداكِ ماتاصل لفنجالي=والنار ماتحرق الا رجل واطيها



الا يامرحبا اعدادِ طير طار=واعداد ماهبت جنوب وشمالي
جاك القديمي يافهد وانتَ اختار=ياجعلِ فالك يافهد ماهو فالي

[فهد الاسلمي]

هلا بالغالي القديمي .. الحمدلله على السلامه يارجال شلونك لا خلينا منك ....

صح لسانك

واستلم لا هنت



جهازك الظاهر إنـــــه أنتهــى مــرّه

ابطى يصوّت ياربــي تكفيني شرّه

ذا الظالم اللّي يصرّ المال في صرّه


والنار ما تحرق الا رجل واطيها






انا مالي جدا ياكودِ شبّ النار

احكــر بهــا فنجال يروّق البالي

جيتك وانا في خاطري بيوت قصار

القى بها شاعر ولاّ يهيّالي ؟؟

[فهد الاسلمي]

عبيدالله العرابي تســـــــــــــــــــلم على مرورك ومتابعتك لنا

واطراءاتك الاكثر من رائعه


لا خلا ولا عدم منك يالاجودي


تقبل تحياتي

[فهد الاسلمي]

الاصيــــــــل ........ تسلم على مرورك

ولا هنت يالغالي


وهذا اخونا القديمي وصل .......



تقبل تحيات اخوك ........

[فواز الشبيكان]

استلم لا هنت


انا جهازي تراني دارس(ن) وضعه=احيانِ ذيبٍ وبعض احيانِ لاضبعه
واعرف ترا عقبِ سته تاتي السبعه=والنار ماتاكل الا رجل واطيها

شبها يافهد لكنِ لاتحتار=وادري فنجالكم ياصاحي يحلى لي
هاتِ علمك وانا ياالاسلمي جبار=وانتِ شاعر كما شعيبِ سيالي

[بتول آل علي]

شاعرنا ... فهد الأسلمي

و شاعرنا ... القديمي


صحت ألسنتكم و لا هنتوووووا

إبداع و من أهل الإبداع

استمروا فنحن متابعين



أختكم

الدهور

[سلطان الشمري]

بالصف يالربع ..وخر عني يامتفاءل :)

[سرحــان]

شاعرنا ... فهد الأسلمي

و شاعرنا ... القديمي



الله يعطيكم العافيه




بالصف مع ابو اغازي ونبراااااس



تحياتي

[فهد الاسلمي]

القديمي . صح لسانك

استلم لا هنت ...


الواحد اللّي عليم بفعل خلاّقه = جبّار.. ولا انت لا قوة ولا طاقه
يا اللهِ إغفر خطاه و زين اخلاقه = والنار ما تلحق الا رجل واطيها
ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــــــــــ
ياراكبٍ من فوق قبّ الامهار = بنت العبيّه يوم قصف الآجالي

انتم على متنها يـوم الاكوار = ولا سوالف بين قول وقوّالي

[فهد الاسلمي]

العزيزه ... الدهور

مرورك


يسعدنا




وتعليقك يبهجنا






تقبلي تحياتي ...

[فهد الاسلمي]

ســــــــــــــــــــمي الذيب سرحــــان





تخجلنـــــــــــــــا بتواجدك الدائم




سلمت وعشت يا غالي





تقبل تحياتي ........

[فواز الشبيكان]

اسلم اسلم


يا الاسلمي دامها بفعول خلق الله=ماضنتي تنلحق افعولنا لله

وسيوفنا دايمِ بالحيل منسله = والنار ماتاكل الا من يصاليها



شبت النار والليله علوم كثار=لاتحرث الجمر يصليكم الصالي

الرحى مستديره والفلك دوار=والعبيه نطحها مهرنا الغالي

[فواز الشبيكان]

الى الاخوه الشعراء

الذين مروا او قرأو الموضوع شرفونا بمرورهم


ولكم اطيب تحيه

[حمود الشمري]

احم احم القديمي ولاسلمي

ولعوها والله يستر من شرار انار

[فهد الاسلمي]

صح لسانك واستلم لا هنت ..


سقنا الركايب على حر الدخن سقنا = يوم الردي للردى والشين سابقنا

كانك تبى للـستر خلك مصادقنــا = والنــار ما تلحق الا رجل واطيها

ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــــــــــــــــــــ ـــــــ
لوّك حضرت اللي مضى ياستّار = ماهقوتي قولك يجي له مجالي

حر الدخن من فوقِ حجانك ثار = من يــد ناسٍ تحتمي للتوالـي

[فواز الشبيكان]

اسلم اسلم


لاهنت استلم

ياالا سلمي يومِ خلق الله تعاهِدنا =كله على شانِ هيبتنا وِ سطوتنا
واليومِ نفخر بسطوتنا وهيبتنا= والنار ماتاكل الا من يصاليها


ماطمعنا ولا هدينا بيت الجار=يافهد جارنادايم ترا عالي
ثارنا ماخذينه يومِ ثار غبار=ماخذينه ترا فرسانٍ قلالي

[فهد الاسلمي]

القديمي

كتبت

ابدعت

احييك على ردودك الاكثر من رائعه

عشت عشت عشت

لاهنت




والنعمِ والله هل العوجا هل العليا =

اهل السيوف الصقيله اول اللقّيا

اولاد وايل والقديمي تقدميـــا =

والنار ما تلحق الا رجل واطيها

ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــــــــــــــــــــ ــــــــ
هل العوجا رجالٍ عزها ما صار =
تعز الجار وترخص دونه المالي

يا عميلي منكم نلتمس الاعذار =

في ما ورد من عظيمات السوالي

[فواز الشبيكان]

العين ماتعلا على الحاجب
استلم لاهنت/




بفعولكم ياعميلي نشهد شهودي=يااهل اللحيسه ياأهل الطيبِ والجودي
يااهل اللحيسه ترا ماعليكم زودي=والنار ماتاكل الا رجلِ واطيها

بالمواقف شهدنا سيفكم بتار=وبالكرم ياعميلي فعل(ن)زلالي
السموحه ياراع الكيف وراع الكار=ياسلايل رجال(ن)كنه جبالي

[سرحــان]

فهد الاسلمي .......... القديمي




الله يعطيكم العافيه


وقاضب الصف


تحياتي