مشــــعل
15-12-2004, 15:27
قبل فترة سمعت قصيدة للشاعر الكبير
عبداللة بن عبار العنزي عن احوال الدنيا يقول في مطلعها
فكرت بالدنيا وشفت التعاجيب=نعيمها لو دام عجل زوالة
فحاولت اني اجاري قصيدة على غير القافية
مع اني متأكد ماراح اصل لمستوى قصيدتة كشاعر كبير
لكن هذا اللي جادت بة القريحة
وهي مهداة الى الصديق العزيز :محمد القنياوي الشمري
ياواحد(ن) يخضع لك الخلق بركوع=الرازق المنان منشي مخايلة
اغفر لنا يارب عن كل مذيوع=وارحم نفوس(ن) للخطيات شايلة
في ساعة تاتي المخاليق بخضوع=انت القدير وقدرة الخلق زايلة
وانا احمد اللة ماماشينا لممنوع=ودرب الخطا ياللة عفنا نثايلة
الرجل عن درب الردا تقصر البوع=وانحمد اللي مدني من فضايلة
سر ياقلم سجل من الشعر منفوع=اخذ جزيل القاف واترك هزايلة
اخذ جزيل القاف والشعر مطبوع=من شاعر تعجبك خطة مثايلة
وقلبي اللي بين الاضلاع مشلوع="شلعة صقر" شاف الحباري جايلة
اقبل عليها يقطع الجو بطلوع=وتفرفت من دون سطوة فعايلة
ارسلت انا خط(ن) للاجواد مدفوع=عسى الخوي يفهم معاني رسايلة
للصاحب اللي للجزيلات مرجوع=نسل الرجال اللي تزبّن دخايلة
دنياك يامحمد بة الخير منزوع=تصبح على مذهب وتمسي بّدايلة
وين الشيوخ اللي لها نزل ونجوع=وين الشيوخ اللي تشرف عمايلة
راحتبهم ياخوك روحة بلا رجوع=والشيخ منهم ماشفعت لة سلايلة
كم فارس من عقب ماينطح جموع=حدر الثرى ياخوك صارت نزايلة
انضر حكم صدام اقفى كما اسبوع=حتى النضام اليوم زالت دلايلة
ان اقبلت تعطي تباشير ونفوع=وتبقى يدينا للكرامات نايلة
وان ادبرت نشرب من الذل "طرقوع"=عقب الترف لابد نلبس سمايلة
في حزة(ن) خيرة مثل حبة الكوع=دنيا دنية قطع اللة حبايلة
واللة ماخوفي بها برد او جوع=اخشى الردي تلفي علينا جمايلة
ولا الذي من معدن الطيب مصنوع=يشفق على الصاحب ويستر خمايلة
لاتحسب ان الناس كلة على نوع=رب الملا ياخوك وزع خصايلة
احد(ن) بها في خيمة العز مرفوع=واحد(ن) حياتة يابن الاجواد مايلة
واحد(ن) على فرقاة ماتذرف دموع=واحد(ن) على فرقاة تبكي قبايلة
واحد(ن) كلامة للمخاليق مسموع=واحد(ن) تناسوا كل ماكان قايلة
واحد(ن) بها يمشي على كل موضوع=واحد(ن) قبل يمشي يحلل مسايلة
واحد(ن) شبيهه يالملازيم جربوع=واحد(ن) يشابة من عوى فوق طايلة
والادمي فعلة بدنياة مزروع=ولابد مايوم يجني حصايلة
والعمر لوطال بالموت متبوع=باتلى الزمن لابد تقفي رحايلة
وساس القصر ياعاب خطر(ن) بالوقوع=يطيح لو كانت حوامية طايلة
والراس ياصبح عن الجسم مقطوع=اخير من وقت(ن) تزاود غلايلة
وصلاة ربي عدّ ماضوت شموع=على الرسول اللي بطيبة نزايلة
الرابح اللي لدعوتة يمشي بطوع=ويرتاح من شر الجحيم وهوايلة
مشعل الغفيــــلي
عبداللة بن عبار العنزي عن احوال الدنيا يقول في مطلعها
فكرت بالدنيا وشفت التعاجيب=نعيمها لو دام عجل زوالة
فحاولت اني اجاري قصيدة على غير القافية
مع اني متأكد ماراح اصل لمستوى قصيدتة كشاعر كبير
لكن هذا اللي جادت بة القريحة
وهي مهداة الى الصديق العزيز :محمد القنياوي الشمري
ياواحد(ن) يخضع لك الخلق بركوع=الرازق المنان منشي مخايلة
اغفر لنا يارب عن كل مذيوع=وارحم نفوس(ن) للخطيات شايلة
في ساعة تاتي المخاليق بخضوع=انت القدير وقدرة الخلق زايلة
وانا احمد اللة ماماشينا لممنوع=ودرب الخطا ياللة عفنا نثايلة
الرجل عن درب الردا تقصر البوع=وانحمد اللي مدني من فضايلة
سر ياقلم سجل من الشعر منفوع=اخذ جزيل القاف واترك هزايلة
اخذ جزيل القاف والشعر مطبوع=من شاعر تعجبك خطة مثايلة
وقلبي اللي بين الاضلاع مشلوع="شلعة صقر" شاف الحباري جايلة
اقبل عليها يقطع الجو بطلوع=وتفرفت من دون سطوة فعايلة
ارسلت انا خط(ن) للاجواد مدفوع=عسى الخوي يفهم معاني رسايلة
للصاحب اللي للجزيلات مرجوع=نسل الرجال اللي تزبّن دخايلة
دنياك يامحمد بة الخير منزوع=تصبح على مذهب وتمسي بّدايلة
وين الشيوخ اللي لها نزل ونجوع=وين الشيوخ اللي تشرف عمايلة
راحتبهم ياخوك روحة بلا رجوع=والشيخ منهم ماشفعت لة سلايلة
كم فارس من عقب ماينطح جموع=حدر الثرى ياخوك صارت نزايلة
انضر حكم صدام اقفى كما اسبوع=حتى النضام اليوم زالت دلايلة
ان اقبلت تعطي تباشير ونفوع=وتبقى يدينا للكرامات نايلة
وان ادبرت نشرب من الذل "طرقوع"=عقب الترف لابد نلبس سمايلة
في حزة(ن) خيرة مثل حبة الكوع=دنيا دنية قطع اللة حبايلة
واللة ماخوفي بها برد او جوع=اخشى الردي تلفي علينا جمايلة
ولا الذي من معدن الطيب مصنوع=يشفق على الصاحب ويستر خمايلة
لاتحسب ان الناس كلة على نوع=رب الملا ياخوك وزع خصايلة
احد(ن) بها في خيمة العز مرفوع=واحد(ن) حياتة يابن الاجواد مايلة
واحد(ن) على فرقاة ماتذرف دموع=واحد(ن) على فرقاة تبكي قبايلة
واحد(ن) كلامة للمخاليق مسموع=واحد(ن) تناسوا كل ماكان قايلة
واحد(ن) بها يمشي على كل موضوع=واحد(ن) قبل يمشي يحلل مسايلة
واحد(ن) شبيهه يالملازيم جربوع=واحد(ن) يشابة من عوى فوق طايلة
والادمي فعلة بدنياة مزروع=ولابد مايوم يجني حصايلة
والعمر لوطال بالموت متبوع=باتلى الزمن لابد تقفي رحايلة
وساس القصر ياعاب خطر(ن) بالوقوع=يطيح لو كانت حوامية طايلة
والراس ياصبح عن الجسم مقطوع=اخير من وقت(ن) تزاود غلايلة
وصلاة ربي عدّ ماضوت شموع=على الرسول اللي بطيبة نزايلة
الرابح اللي لدعوتة يمشي بطوع=ويرتاح من شر الجحيم وهوايلة
مشعل الغفيــــلي