محاورة بين الجمس (أبوعبر) والجيب(أبوشنب).

[نجم الأسلمي]

هذه قصيدة فكاهية بين الجمس( أبو عبر ) والجيب الشاص ( ابو شنب ) على لساني أرجو أن تنال إعجابكم وتقبلوا تحياتي وتقديري.
يقول ( أبو شنب )


دار الزمان وعادة الوقت دوار ***= يابوعبر دورك له أعوام راحي
وش عاد لو لونك خذا من سنا النار ***= وتزبن الهراب لأرضً براحي
جيتك وأنا زبن المجلى عن الدار ***= لاضاق به وسع الفضا والمراحي
آطى عفاش القاع وآطى بالأقفار ***= وأورد العطشان للما القراحي
أخذت أنا ماكرك والحظ بك بار ***= واليوم حظك يافتى الجود طاحي
اليوم ماتسوى ولانصف دينار ***= ورجلً قناك أخطى دروب الفلاحي
شربك من الممتاز سبب لك العار ***= جاك الصحيح وخل هرج المزاحي
الفرق واضح بيننا دون الأذكار ***= فرق الحصاني عن سباع البراحي
فرد عليه (أبو عبر) وقال

يابو شنب حكيً حكيته فلا صار ***= تبي تشن الحرب تاخذ امراحي
لاشك مالك نصر في كل الأدوار ***= لا وقتنا الحاضر ولاوقت راحي
ماينشد ذويبان عن حصنيً مار ***= لو كثر التنهيت مثلك وصاحي
أنا مزبن من قست فيه الأقدار ***= لامن فاسه بأوسط الراس طاحي
يزبن على مثلي صبورً وجبار ***= بأرض العفش والا بقفرً براحي
مركوب ناسً مايهابون الأخطار ***= يوم أن ركابك عليك أستراحي
ومركوب طلقين الشوارب والأشبار***= اللي تروح أوقاتهم بالكفاحي
ومركوب بدوً دورو لأرض الأقفار ***= يتلون برقً يمة الشرق لاحي
والفرق بين التبع وفروخ الأحرار ***= فرق الليالي عن شعاع الصباحي

وسلامتكم. نجم الأسلمي.

[المطنوخ]

أنا مزبن من قسـت فيـه الأقـدار ***لامن فاسـه بأوسـط الـراس طاحـي

نجم الاسلمي

صح لسانك ملياااااار

قصيده روعه روعه

لا هنت

[طَيْبَةْ الْفال]

سلمت وصح لسانك :thumb:

[الشبث]

الله الله

صح لسانك يا نجم

وعزالله انك منت بسيط قبسته بين هالحديد :)



بس حنا بانتظار محاوره بين اللومينا وابو عبر :puzzled:









وتقلد تحية اخوك الشبث

[Majesty]

نجم ....
ودي أقول حلوه القصيده :goooood:

بس مافهمت شي..... بس شكلها حلوه :thumb:

تحتاج ترجمه :puzzled:

[أبو مقرن]

الشاعر:نجم الأسلمي
صح لسانك..
الفرق واضح بيننـا دون الأذكـار ***فرق الحصاني عـن سبـاع البراحـي

وأنا مع أبو شنيب.. :thumb: :)
بداية نفخر أن يكون مولدها فلة الحجاج..
بانتظار المزيد والجديد..
تحياتي

[ابو خليف]

صح لسانك وانا مع ابو عبر :) :) :) :) :goooood: :goooood: :goooood:

[نجم الأسلمي]

أخواني حياكم الله جميعاً وأشكركم على المرور الكريم وأشكركم على الرد الجميل.
تقبلوا تحياتي.

[سرحــان]

نجم الأسلمي




صح لسانك الله لاهنت


وانا مع ابو عبر



تحياتي

[الـمـحـروووم]

الشاعر نجم الأسلمي
صح لسانك

محاورة رائعة ومتميزة

[الداعيه / براك الفريسي الجربا]

عزالله ان اجدت لكن لو مخلي التاليه للجيب

على العموم القصيدة وافيه يالوافي


لا عدمناك

[ابو غازي]

يابو شنب حكيً حكيته فلا صـار ***تبـي تشـن الحـرب تاخـذ امراحـي
بداية التوليع :g:

لاشك مالك نصر في كـل الأدوار ***لا وقتنـا الحاضـر ولاوقـت راحـي
هو صويدز :(

ماينشد ذويبان عن حصنـيً مـار ***لـو كثـر التنهيـت مثلـك وصاحـي
وينك ياباالحصاااني عن هالبيت :g:
هههههههههههههههههه :p:


أنا مزبن من قسـت فيـه الأقـدار ***لامن فاسـه بأوسـط الـراس طاحـي
عزالله كفو ياجميساااان قول فعل عدك ناخين شنقل ولا شبيثان :a:
ماهو ابالحصاااني :g:
هههههههههههههههه :p:

خااااالي نجم :)
صـــــــــــــح لساااانك الف :thumb:
وأبشــــــــــــرو :puzzled: يالحجاجيين شعار فلة حجاج تسثرو ولله الحمد
كل يوووم طالعن لنا وجه ن جديد الله لايحرمنا من خششهم :d:

[مفتاح14]

الشـــــــــــــــاعر المبـــــــــــــدع/ نجم الاسلم..

صح لسااااااااااااانك وقصيده رووووووووعه

انت مكسب جديد لفلة الحجاج ..فقط نتمنى الاستمرار..

حياك الله ونورت الفله بهالمشاركه المميزه..

.
.

أما بالنسبه لابو شنب وابو عبر ..فأنا اقف محايدا..لأني اعشق الهمر <<- مهو حاصل:):)

.

.

.

لاعدمنا وجووووووووودك اخوي نجم..
وتقبل مني أجمل تحيه..

[نجم الأسلمي]

أخواني حياكم الله جميعاً وأشكركم على المرور الكريم وأشكركم على الرد الجميل.
تقبلوا تحياتي.

[المخاوي]

صح لسانك يالاسلمي

ولافيه مقارنه ابداً مع طير شلوى ابو شنب :thumb:

لاهنت يانجم وشرفنا انظمامك وبانتظار جديدك

[راعي الفزعة]

[QUOTE=الشبث][align=center][font=Arial][size=4]الله الله

صح لسانك يا نجم

وعزالله انك منت بسيط قبسته بين هالحديد :)



بس حنا بانتظار محاوره بين اللومينا وابو عبر :puzzled:









وشكرررررررم

[نجم الأسلمي]

المخاوي. صح بدنك ويعطيك العافية وشكراً على المرور. تحياتي لك
راعي الفزعة . يعطيك العافية وصح بدنك وشكراً على مرورك الكريم .