المساعد الشخصي الرقمي

مشاهدة النسخة كاملة : طلب ياشمر قصيده ((يانجم)) للرمالي


سناعيس الرسالين
13-12-2004, 03:25
السلام عليكم _شلونكم يالربع ابي اطلب طلب وانشالله ماتردوني وهي قصيده الرمالي ((يانجم)) وانشالله ماتقصرون معاي00
صلهام
13-12-2004, 03:53
ارحب ياطالب القصيدة

ممكن تنتظر ايام قليلة واجيبها لك كاملة
والبغى اعطيك منها مقتطفات الان
يانجم ياللي غبت من غبت مابنت
وش حال بين ايام مجدك وبينك
الشمس تطلع وانشد الصبح وين انت
وتغيب شمسي واسال الليل وينك
منهان انا منهان منهان لاهنت
منهان من شخص عجز لايهينك
ارجع متى ترجع انا انهت واسجنت
واللي سجني كان قبلي سجينك
ياقصر ياللي بدلوا طينك اسمنت
احذر تخون وتنكر اصحاب طينك
الله يخونك كان لاهل الوفا خنت
ووفيت للي بالخفا خاينينك
ياقصر ياللي .....................
اخفس قهر واخفس معك ساكنينك
صلهام
13-12-2004, 03:54
ياقصر لاتسكن وان انظمت وسكنت
اخفس قهر واخفس معك ساكنينك
راعي الوقيد
13-12-2004, 13:06
يانجم ياللي غبت.. من غبت ما بنـت=وش حال.. بين ايـام مجـدك وبينـك
الشمس تطلع.. واسأل الصبح وين انت=وتغيب شمسي.. واسأل الليـل وينـك
وين انت انا منهان.. منهـان لا هنـت=منهان من شخص.. عجـز لا يهينـك
إرجع.. متى ترجع.؟ انا انهنت وسجنت=واللي سجني.!! كـان قبلـي سجينـك
إرجع.. ورجع مجد ماضـي كماكنـت=ورجع من المديـون.. للنـاس دينـك
ياقاسي.. في وجه الأضداد مـا لنـت=ومن صاحبك.. ينعـم بعطفـك ولينـك
حتى على خصمك من إحسانك احسنت=وياما عطت.. من كـل غالـي يمينـك
بالسيف.. في شبه الجزيرة تسلطنـت=اخضعـت اهلهـا.. وملكنـه يديـنـك
مثلك ولـد.. والله فـلا جابتـه بنـت=لا شـك.. عيـن.. يمهلنـك سنينـك
اقولها وينـك.؟ وانـا دل ويـن انـت=لا شك.. من زود القهر.. قلت وينـك!؟
ويا قصر.. ياللي بدلوا طينك اسمنـت=احذر تخون.. وتنكر اصحـاب طينـك
الله يخونك.. كان لاهل الوفـاء خنت=واوفيـت للي..بالخـفـاء خاينيـنـك
ياقصر.. لا تسكن وان انضمت وسكنت=اخفس قهر.. واخفس معـك ساكنينـك
ياقصر.. مهما زينـوا فيـك.. مازنـت=زينك رحل.. وان عاد لك.!! عاد زينـك

وسلامتكم0
صلهام
14-12-2004, 00:09
تسلم ياراعي الوقيد على التعقيب لاني ماني حافظها بالضبط واشكرك على الادلاء المميز



صلهااااااااااااااااااااااااااااااااااام
راعي الوقيد
14-12-2004, 10:09
اهلين بصلهاااااااااام

مرسالك يالغالي

والله يحييك ويحيي سناعيس الرسالين

سلااااااااام ...