المساعد الشخصي الرقمي

مشاهدة النسخة كاملة : ضيدان بن قضعان...ياوجودي



المطنوخ
09-12-2004, 00:55
الشاعر الكبير ضيدان بن قضعان غني عن التعريف،،،،،


واليكم هذالقصيدة الرائعة::::::::::::



ياوجودي كل ماهب نسنـاس الشمـال=وجد من حدّه زمانه على اللي مـا يبيـه

وياوجودي كل مااغفيت ثم مال الظلال=لاغفت عينـي ولاذقـت شـيٍ مشتهيـه

وجد من قفّى وهو في رجا كلمة تعـال=والتفت من عقب مااقفى ولحدن لـدّ فيـه

وياعذابي لادنا الليل من روس الجبـال=وانتهى يومٍ من العمـر ماعـاد ارتجيـه

وانتي ابعد من سما الحلم ووصالك محال=يابعد من هلّ دمعي ضحى الفرقـا عليـه

ياغناتي لاتحسبين دمعـي يـوم سـال=ضعف والاّ خوف والاّ كـذا والاّ كذيـه

والله اني من رجالٍ يضـدون الرجـال=لكن الحظ الـردي سـاق دمعـي كلبيـه

ووالله اني كل مـادار حوليـك الجـدال=قمت كن الموت يشر على قبـري يإيديـه

ووالله ان قد لي وانا اصد لاجالك مجال=صدّت اللي لاتضايق تذّكـر قبـر اخيـه

ومن سألني قلت مدري واذا عاد السؤال=قلتله تكفى سؤالك تـرى ماهـو وجيـه

وش تبيني اقول عماََ ترى ذبحي حـلال=والخطا منها علي صرت احبـه واهويـه

عذرها لو ماتعذر مثل واضرب مثـال=واحدن مايعرف الحر الأشقـر يشتويـه

وان رجعنـا للتواصيـف لله الكـمـال=لا انتهى ليـل المزاييـن جاتـك تبتديـه

كنها غفلٍ مع البـدو طاويهـا الحيـال=ما يميز وصفهـا الاّ نبيـهٍ مـن نبيـه

واهني اللي وصلها وذاق امـن الـزلال=رشفةٍ مع غفلة النـاس مـن فيهـا لفيـه

واعزتي للي سواتي عشق ما لا يطـال=ويوم طاله ضيع الحلم بين أمـه و ابيـه

يااول احلام الطفوله على حـد الخيـال=الرجا بللي حمى البيت من حملـة بريـه

حال دونك سيف عنتر وتاسع حول حال=باثر حولٍ حال دونك وانا ادعي هيه هيه

هيه يللي غرك الحسن واطغاك الجمـال=والله ان اموت ماشفت لاوصافـك شبيـه

لو يسام الحسن والتيـه بجنيـه وريـال=مابقى في سوق غيرك لا ريال ولاجنيـه

كيف اهدك للمقابيل وانتـي راس مـال=راس مال ومال والماال مايعطى السفيـه

حافظك حفظي لعيني ورمشي لك جلال=وانتي تشحّين بالمـا وانـا شفّـي مويـه

شايفن ظلمك وساكت وطال الليل طـال=لاتركتي طعن قلبي وانـا ماقلـت ليـه ؟

لو بقا للهيل صبرن على فـوح الـدلال=مابقى للقلب صبرن علـى شـيٍ يجيـه

كنت احسب ان الغلا زال واثره لايزال=في الحشا ماكنه الا دخيـلٍ فـي وجيـه

ساقني حبك على الموت وسنيني هـزال=والظروف اقسى من الظلم للعرض النزيه

وانتي تسوقين عقلي على حـد الهبـال=تحسبين ان من بغى شي يقـدر يشتريـه

والاّ انا ياوجد حالي وجـودن مايقـال=وجد من ضحى بغاليـه لرضـا والديـه

وياوجودي يااول العمر قبل ألبس عقال=وجد من باع آآخر العمر في رغبة ذويـه

وياوجودي كل ماهب صوتش من شمال=وجد من حدّه زمانه علـى اللـي مايبيـه

سالم
11-12-2004, 11:36
الف شكر ياغالي على نقل القصيده
لـ المبدع دائماً و أبداً : ضيدان بن قضعان

ماننحرم ياغالي

الـمـحـروووم
15-12-2004, 23:43
النطول
صح لسانك ولسان الشاعر ضيدان


تسلم

شموخ
20-12-2004, 15:57
رهييييييييييب شعر ضيدان تعجبني اشعاره ...

له قصيده يقول فيها

ذعذعي ياهبايب نجد لاطاب نوم السالي ........وأنعشيني بريح من ربى نجد للشرقيّه
رحمة الله نسناسه على غترتي وعقالي ......... كنه الوصل والبيد شهباء والدار محميّه
مرحبا ياهبايب ياهلا وإن خطر في بالي ........صاحب مانساني مرحبا به على طاريّه

هي طويله القصيده بس اذكر من ظمنها
وكل ماهب نسناس الغلا من ديار الغالي ........هب في القلب من ريح الصبا عبرةِ نجديّه
وان جحدت الدموع من الملا آآه وعزالي .......وإن غشتني دموعي لعنبو الحب والحنيّه

المهم نهايتها رهيبه

وسامح الله هبوب بالغلا من ديار الغالي ........ ذعذعت لين ذعذع عبرة نجديّه

النطول نطله رهيبه تسلم عليها ....

تحياتي
شموخ

بـنـت النـور
20-12-2004, 17:36
صح لسان الشاعر
وشكرا لك النطول لنقلها

المطنوخ
20-12-2004, 19:30
الف شكر ياغالي على نقل القصيده
لـ المبدع دائماً و أبداً : ضيدان بن قضعان

ماننحرم ياغالي

السلم العفو يالغالي وبصراحه لو هالقصيده لو انها ما امتعتني كان ما جبتها

الف شكر على مرورك وجميل ردك

المطنوخ
20-12-2004, 19:31
المحرووم صح بدنك يالغالي

الف شكر على مرورك وجميل ردك

المطنوخ
20-12-2004, 19:35
ذعذعي ياهبايب نجد لاطاب نوم السالي ........وأنعشيني بريح من ربى نجد للشرقيّه
رحمة الله نسناسه على غترتي وعقالي ......... كنه الوصل والبيد شهباء والدار محميّه
مرحبا ياهبايب ياهلا وإن خطر في بالي ........صاحب مانساني مرحبا به على طاريّه

هالانسان هذا كارثه والله انه غريب ولذيذ وصعب وبسيط

تحتارين معاه




النطول نطله رهيبه تسلم عليها ....

شمـــــــــــــــــــــــــــوخ

الاجمل هو تعطير مصفحي بمرورك وتجميله بردك

الف شكر

المطنوخ
20-12-2004, 19:37
بنت النور

لو هالقصيده مو متميزه ورائعه كان مانقلتها

الف شكر على مرورك الكريم وجميل ردك

سعود بادي
20-12-2004, 23:31
النطول


قصيدة رائعة لشاعر رائع



الف شكر لك اخوي النطول



نقل جميل وذوق راقي

المطنوخ
20-12-2004, 23:48
اخوي الكبير سعود

تو ما نور الموضوع ((ولا يهونون الباقي))

الشاعر ضيدان بصراحه مجرد ورود اسمه تحت قصيده غصب الا تقراها

الف الف الف شكر على هالمرور الكريم وجميل ردك

أبو ممدوح
21-12-2004, 03:42
صح لسان الشاعر المبدع

وكثر يالنطول مثل ها النطلات وأتحفنا فيها

لك تحياتي وتقديري ,,,,,,,,,,,,,,,,,

أبو ممدوح

المطنوخ
21-12-2004, 14:12
ابوممدوح

صح بدنك يالغالي

وانشالله بحاول اللي اقدر عليه

وان حاولت انطل قصيده كبيره ابي اصوت لك تشيلها معاي :)


الف شكر على تواجدك الكريم

أبو ممدوح
23-12-2004, 03:22
أيشر بالفزعة
أشر أنت بس ؟؟؟؟؟؟؟؟؟

أبو ممدوح

المطنوخ
23-12-2004, 08:06
ذخر يابو ممدوح لا عدمنا هالوجه