مجلس ....بناااات !! [الأرشيف] - الصفحة 2

شموخ

04-02-2005, 01:25

أمحق مجلس :)

إلا بربريز أول مرة أسمع به :) تبون الصدق من اسمه مايشجع ,, أحسه بربسة مجمّعة :)

ههههههههههههههههههههه

ياويلك من ريم هذا عطرها المفضل تدرين ليش لأنه قريب من إسم برويز مشرف :wink::wink::):)

نجي للجد لا والله انا قد شميت ريحته حليو وهادي :thumb:شوفي واحكمي ماعليك من إسم العطر او حتى الشكل ..

وكوكو شانيل حلو وشانز CHANCE من شانيل بعد حليو ، وبوس حلو BOSS ولوليتا وشامجي وديلاتون والور من شانيل بعد يعنى مجموعة عطورات تعجب البعض والبعض الاخر ماتدخل مزاجه :):)

روحي وشمي واشتري مايعجبك يالريم :)

تحياتي
شموخ

الجازي

04-02-2005, 13:14

^
^
^
هههههههههههههههههههههههههاي

أجل برويز مشرف :)

طيب خلاص بشمه وأحكم عليه ,,

بس اصبري أنا ودي أبرد قلبي من ريموه ,,

الحين هالمملوحة ماسكتنا أوامر ,, نظفوا جهزوا شيلوا حطوا :) وهي وراها ماتكرف :)>>>> مشروع طقاق :)

فاصلة بيضاء تراني حاجزتس في صفي لأني اكتشفت ميولتس العدوانية :)

ريم شمر

05-02-2005, 03:49

8
8

اها بس عن الهذره الزايده :147r:

صدق حريم اذا اجتمعن وش يسكتهن

المجلس حوسه والقهوه بارده

و الحلى كله جاهز مادري وين راعيه الحلا

هي وحلاها

بس شاطره بالتعليق :148r:

فشلتونا عند العالم

وبعدين لو سمحتوا لاتجيبون طاري

اصدقاء العائله :055r:

وش فيه برويز مشرف ماملى عيونكم يعني

هو لو الله يفكه من قارورة الزيت

اللي يحطها على كشته كان خوش رجال :238r:

مجموعة إنسان

05-02-2005, 15:13

.

الله يقطع سوالفكن منك ليها :biggrin:

داخلة على الله ثم عليكن لاتجيبن طاري ( بربريز ) تراني أنغثّ

ماأطيق ريحته :359r:

وبالنسبة boss intense اللي نصحنا فيه اخونا نبراااس بموضوع سابق

وايّدته كم وحده منكن تراني ماارتحت لين جبته :008b:

وهذا هو على التسريحه يئن من الهجر

ماتحملت ريحته أبد أبد أبد :106r:

أما كوكو شانيل فرااااااااائع كل الروعه بس القديم منه اما الجديد فلااا :(

مشكورات ..

...........

تعالن هنا وربي انفتحت نفسي للتخييم بعد تخييمت عيال آدم

تتوقعن لو نخيّم حنا يابنات حوّاء بنستانس مثلهم ؟؟ :sleeping:

وإلا بيذبحنا الخوف :)

ريمووو :

ترى رحّبنا بنعومه الغاليهو ويايزن ماجبتي :thumb:

.

ريم شمر

06-02-2005, 04:55

هلا مجمج

بربريز القديم حلو وهادي وله عندي ذكرى حلوه

يمكن علشان كذا احبه:thumb:

كل مابين فتره والثانيه ارجع له

اما الجديد فعلا ماله داعي

اما بالنسبه لكشتة الربع فعلا انا حاقده عليهم :148r:

ياليت الامر بسيط بالنسبه لنا مثلهم :408r:

عموما حنا نوسع صدورنا بكشته لو بالخيال

تذكرين كشتتنا العام مع المهاة الله يذكرها بالخير :)

7
7
http://www.shmmr.net/vb/showthread.php?t=17597

فاصــ بيضاءــلة

06-02-2005, 22:22

الريم
فاصلة بيضاء تراني حاجزتس في صفي لأني اكتشفت ميولتس العدوانية

أفا ياذا العلم فصولة طلعت عدوانية..
والله أني هادية بس كل ذا كلام واذا جا الصدق طلعت العلوم السنعة

مجموعة انسان
تعالن هنا وربي انفتحت نفسي للتخييم بعد تخييمت عيال آدم

تتوقعن لو نخيّم حنا يابنات حوّاء بنستانس مثلهم ؟؟

وإلا بيذبحنا الخوف

بنات وش رايكم تجون بحوش بيتنا يعني هو على قدنا ..

ولافيه شي يخوف ..

مجموعة إنسان

07-02-2005, 14:38

.

الله على الذكريـــات الحلوه :awink::awink:

أكيد أكيد يالغاليه :tongue:

بالنسبة للمخيّم والله انك ذكرتيني بالذي مضى

تذكريــــــــــن يوم نلعب ونهيّص ونستانس :480r:

وتراهم بدباباتهم غاروا منّا لأنه بمخيمهم الأولي ماجابوا لها طاري

لكن اكيد شافوا تفحيطاتنا القديمه بمخيمنا :008b:

شافوا هالصورة :
7
7
http://shmmr.net/upload/up/up/DADA1.jpg

وغاااااااااااروا :)

الله يذكر المهاة بخير :001b:

....

فصّوله

وش بيته طال عمرك :055r:

الله يخلي بيتكم لكم وافيـــــــــه يالغاليه

بس على قول السدحان

أبي مطــــــــــر

أبي شمــــــــس :)

.

بـنـت النـور

09-02-2005, 20:16

:)

سلام عليكن
وشلووونكن وحشتوني تؤبروني :)

وانتن للحين على بربريز

الشامخة الخالدي

13-02-2005, 10:25

ماعندي سالفة بس داخلة اسلم
وفديت بركمم فعلا يجنن مو برنا متر في متر وكله حصى هههههههههههه

ريم شمر

14-02-2005, 05:57

هلا الشامخه

حياك ياغاليه

وبرنا صار بركم :)

لاتنسين انتي الحين منا وفينا

اللي تاخذ ولدنا تصير بنتنا :)

بـنـت النـور

15-02-2005, 00:43

ريم شمر :(

ريم شمر

15-02-2005, 05:03

8
8
8
بعد عمري والله نوريه

فكي هالتكشيره

ووريني ضحكتك :)

http://www.shmmr.net/vb/showthread.php?p=259684#post259684

الشامخة الخالدي

15-02-2005, 16:04

هههههههههههههههههههههه
فديت قلبج ريومة
اي بالله ولدكم ومن نفس قبيلتكم بعد لبا قلب شمر

نعومه

16-02-2005, 00:41

يؤيؤ

فاتحين مجلس ماشاء الله

خبري الدعوه كلها مقلط

اقسم بالله شعور غير طبيعي وانتي تكتبين هنا

<< كنك طالعه المزرعه من غير جلال

عاد ما اكلف عليكم ..

وين القهوه والحلى << شمت ريحتهم:)

وكني ناويه اجيب مطرحتي وافرشها في ذا

والله الجو عجيب .. يكفي انه للبنات فقط

:008b:

اهداء .. مُشلوح من ريم شمر

راجع ريم شمر في حال تعطل الرابط

http://www.geocities.com/alosh222/mta.mp3

الشامخة الخالدي

16-02-2005, 14:58

نعومة خلي القهوة علي
قهوة انما ايه
عمرك ماذقتيها انتي والبنات انها من خرابيطي هههههههههههههههههه
والله ابي اضبط القهوة مثل بنات خلق الله مو قادرة
اقول شكلي باتطلق هههههههههههههههه

ريم شمر

16-02-2005, 16:18

8
8
8
افاااااااا

من اولها رفاله شموخه :)

كلش عاد ولا ولد العم

ترى لازم تدللينه

الشمامره متعودين يدلعونهم حريمهم :)

تدرين عاد شموخه

الله يعينك والله يافيهم جلافه ماهي على غيرهم :)

نعومه صح النوم توك تجين لمجلسنا

حنا من زمان فالينها هنا

سوالف وقهاوي وخرط فاضي :)

حياك معنا ياعسل

ريم شمر

16-02-2005, 16:25

عندي سؤال غبي

وابي عليه اجابه تكون اغبي من السؤال ؟!!

لماذا تشرق الشمس بالرياض قبل مكة المكرمة ؟
:055r:

يالله يابنات

هاتو الاجابات

وترى مافيه جوائز

لاتقعدون تنشبون لي وين الجوايز ووين الهدايا :477r:

.

غاده

16-02-2005, 16:44

لاني صحيت متاخر ه خخخخخخخخخخخخخخخ

ريم شمر

16-02-2005, 16:53

حلوه ياغيدا :)

بس ابي اغبى من كذا :)

نعومه

17-02-2005, 12:24

شموخه

الله الله بصفر الدلال الي بهن ناعم الليف

والطعمه ما عليك منها

كثري الزعفران وماجاتس علي

وبعدين انتي اي شي يجي منتس زين<< اهم شي يجي :7ayyoh:

اقول ريم شمر

لا تشرهين ..

قبل امس بس حولوني من عضو مسير الى عضو ممرح

عاد وانا ادوْر بمطرحتي ادوِِر متسان افرشها لقيت مجلسكم :)

لحظـات

17-02-2005, 13:07

السلام عليكم كلكم

بما انه المجلس هذا مجلس بنات .. و سمعت انه فيه قهوة عندكم .. ودي اطلب منكم طلب صغيرووون ..

كل وحده فيكم تعطيني طريقتها في عمل القهوة العربية .. ترا مش لي للوالدة .. هي اللي عاجبتنها قهوتكم و تقول ودي اعرف الطريقة :290r:

مجموعة إنسان

17-02-2005, 14:41

القاضي :

دنيت لي مـن غالـي البـن مـالاق
بالكف صافيها عن العـذق منسـوق
احمس ثلاث يا نديمـي علـى سـاق
ريحه على جمر الغضى يفضح السوق
وايـاك والنيـه وبالـك والاحـراق
واصحا تصير بحمسة البن مطفـوق
دقـه بنجـر يسمعـه كـل مشتـاق
راع الهوى يطرب الـى دق بخفـوق
لقـم بدلـه مولـع كنـهـا ســاق
مصبوبـة مربوبـة تقـل غرنـوق
خله تفوح وراعـي الكيـف يشتـاق
الى طفح له جوهـر صـح لـه ذوق
زله على وضحا بها خمسـة ارنـاق
هيل ومسمـار بالاسبـاب مسحـوق
مع زعفران والشمطري إلى انسـاق
والعنبر الغالي على الطـاق مطبـوق
إلـى اجتمـع هـذا وهـذا بتيفـاق
صبه كفيت العوق عن كـل مخلـوق

السديري :

بجاد شب النار وادن الدلالي
وأحمس لنا يا بجاد ما يقعد الراس
ودقه بنجر يا ظريف العيالي
يجذب لنا ربع على اكوار جلاس
وزله الى منه رقد كل سالي
وخله يفوح وقنن الهيل بقياس
وصبه ومده يا كريم السبالي
يبعد همومي يوم اشمه بالانفاس
فنجال يغدي ما تصور ببالي
روابع تضرب به أخماس وأسداس

لحظات

[لوحة8] هلا بك [/لوحة8]

نعومه

18-02-2005, 21:11

وشذا الريحة الطيبه

حاطين دخووون

المهم اقعدوا ابيكم بسالفه

وابي فزعتكم الله لا يهينكم

هذا الله يسلمكم عرس وخيتي الوحيده

بيكون بالصيفيه ( ان شاء الله ) وان ماصار شي يغير المسار

عاد ابي اكشخ .. وابي ابين اني اخت عرووووس

وما يحتاج اعلمكم وش ابي

1- كوافيره تكون لاختي وفي نفس الوقت لي

يعني عصفورين بحجر واحد .. وابيها تكون سبشل

مفكرين نجيب من مشغل المعالي ( اماندا ) طبعا خبرتها 15 سنه

بس مترددين .. لان مكياجها ثقيل .. نبي شي اخف و متقن في نفس الوقت

2- الفستاااااان .. وهذا لي فقط ..

قسم بالله مقطعني ابو الحيره :456r:.. مدري وش احط الموديل

كل مره اشوف شي اقول لا خل اصبر يمكن ينزل موديلات جديده في الصيف

وتعجبني .. عاد انا ابي شي جديد .. وفي نفس الوقت حلو ..

من ناحية الخياطه .. عندنا وحده متعاملين معها .. بس السالفه كلها بالموديل

اذا عندكم اشياء حلوه .. او صادفتوها وانتم تدوجون بالنت .. لا تبخلون علينا ..

3- وهي هديتي لاختي ..

ابي اعطيها هديه عينيه .. مدري وش بتكون .. يعني فكروا معي

ما ابيها ذهب و طقوم .. كل خلق الله بيجيبون لها ذا الخرابيط

ابي شي سبشل .. بس عجزت وانا افكر مالقيت ..

قلت البوم صور ( يكون حركه وغالي من قزاز ولا مدري من وين ابدور )

وابحط اول صفحه قصيده ( عاد هنا طلب خاص من الريم:ezpi_blus )

اختي تموت على شي اسمه لغه عربيه .. وانتي ماشاء الله .. شهادتي فيتس منجرحه:) < الله يشفيها

فياااريت وما عليك امر .. تكنبين قصيده فيها << ولا تنسيني خخخخخخخ مدري وش ابي

يعني منيب متشرطه .. بس انتي و قريحتك .. وحاااقه كذا على ذوقتس

ها وش قلتي .. اذا موافقه عطيتس اسمها واسم رجلها ( الي مدري وش يبي محكوم علي احطه تهئ تهئ )

وبعد ابحطها نفسها في بداية دفتر الزوار << موب كنه قلب موقع:)

4- ابسوي لها زفه .. ومدقره بالشعر .. شكلي ابروح لمنتدى الشعر وابطلب من حدا هالشعار يقصد لنا

ولا اختصروا علي ودلوني على الشاعر النبطي المفطحل بالمنتدى .. واطلب منه على طول

كوووده يواافق:tongue:

وبعدين ابودي الابيات لاحد محلات التسجيل يسويها زفه

وذي بعد ماعندي خبره فيها .. اذا تعرفون يابنات محل زين دلوني ..

لاني ضاايعه .. وهذا اول عرس في عائلتنا .. يعني مادبر شي و لا ادري وش المطلوب

واذا عندكم افكار للزفه .. او للورود او للكوش .. او هدايا العرس.. او اي افكااار جديده شفتوها وعجبتكم

اي شي يتعلق بالزواج وتعرفون عنه شي علموني

بانتظاااااااركم

مجموعة إنسان

18-02-2005, 22:01

.

[لوحة]اللـــــــــــــــــه

يعينكــــــــــــــم[/لوحة]

فعلا حاسه بموقفك يالغاليه نعومه

بس عندي لك طلب :tongue:

كل شئ يجيبونه لك ومايعجبك احذفيه علي وانا خيّتك

[لوحة4]

تراني يمكن يعجبني ويحل لي أزمه

[/لوحة4]

الف ألف مبروووووووووك

وعقبال البكاري لأختك الله يوفقها

:23_28_116.

الشامخة الخالدي

18-02-2005, 22:24

ههههههههههههههههههههه
ريومة من عيوني لاتوصضين حريص
لا وربي الرومانسية كلها عند عيال عمك اجل وش اللي خلاني اترك ديرتي واللي فيها
فديـــــــــــــــــــــــــــــــــــــ ـــــــــت شمر
ا
تسلمين يانعومة وانتي الصادقة كفاية اني مسوية له القهوة حتى لو انها مو ذاك الزود بعد المدح يوصل ههههههههههه
وبادور لج حركات واخبرج

الشامخة الخالدي

18-02-2005, 22:49

نعومة هذي موديلات واااااااااااااااااايد عجبتني بس بالله عليج ان عجبك موديل ماتحلينه مكشوف وانا اختج ويمكن مايعجبونج بس حبيت اساعدج حبيبتي

موديلات لنعومتي (http://hawaaworld.net/showthread.php?s=&threadid=189640)

موديلات ثانية روعة لبوربي (http://hawaaworld.net/showthread.php?threadid=196524)

نعومه

19-02-2005, 00:55

مجموعة

اااااااااااااااامين

وابد ابشري .. انتي السابقه وانا الاحقه

بس من الي بيعرس .. انتي ولا احد اخوانتس؟

-------

شموخه

ياعيني على الذوق .. ماقصرتي ياقلبي

بس زدتي حيرتي

موديلات نااااااااعمه .. وانا اموت بالبسااطه

عجبوني هذولي الاثنين

http://forum.hawaaworld.com/files/21065/50.psd.jpg

http://forum.hawaaworld.com/files/21065/321.psd.jpg

خطيرين

بس لونهم ما يصلح لي ..

يعني يصلح لعرايس .. ووش رايكم لو اخليه اسود؟؟

وعلى فكره ترى التكسير دارج كثير هالسنه ..

عشان كذا ودي بموديل يصير فيه تكسير

بانتظاااااااار المزيد ياعسل

الشبث

21-02-2005, 07:54

والله ماعلي منكن

تبن تضربني اضربن

انا جاي بقول كلمه وبضف وجهي

يابنوتات يا حلوووات انتخبن شنقل

واللي ماتنتخب شنقل فترا هي

عجوز طايحاتن سنونه

خخخخخخخخخخخخخ

والله لعيب عليه بالفله

وتقلدن تحيتي

الشامخة الخالدي

21-02-2005, 11:18

[فديت قلبج نعومة فعلا ذوقج حلو
بس لو انا منج ما اختار الاسود اختار احمر داكن خطير ههههههههه
او وردي فاتح كاني بربي وكل وحدة والالوان اللي تناسبها
وبالتوفيق للعروسة وعقبالج ياقلبي

بـنـت النـور

21-02-2005, 23:02

[لوحة8] مساء الخير بنااات[/لوحة8]

نعومه

22-02-2005, 02:20

يؤيؤ

تغطوا رجاجيل

اقوول شموخه

وربي ماخاب من استشارك

تصدقين مافكرت في الاحمر (الملكي )

امووووت عليه بس ماطرى على بالي

وماغير اهوجس بالصندل الي شاريته

كذا حركات وفيه كرستال

مره عاجبني

وشريت منه لونين .. اسود واحمر << ماااش قلبي ماطاوعني افوته

عاد بما ان الاحمر كأحمر مااحبه لبس كامل

فكرت اشري اسود

بس والله اقنعتيني اشتري احمر ملكي ولا زهر فاتح

والشكوى لله ادور صندل مره ثانيه

مشكوووره يااااعسل

بس ما خبرتيني .. من ترشحين من شعراء المنتدى اطلب منهم قصيده

والله احس اني متوهقه مدري من وين اجيبها

-----------

بنت النوور

مساااء النوور والسرور

اقدعي وانا اختس :)

بـنـت النـور

22-02-2005, 02:35

هلا نعوومه
جايبتن معتس قهوه يابعدحيي هالخشم :)

الشامخة الخالدي

22-02-2005, 09:35

هلا نعومة وبنت النور شخباركم حبيبات قلبي
نعومة تسمين ياقلبي وما اوصيج بالاحمر غطي على البنات اللي بالعرس ههههههههه
وبالنسبة للشعراء مدري والله وانا اختج

نعومه

22-02-2005, 22:55

بنووته

اجل ما اجيب ؟؟ < سؤال استنكااار

اصلن ماورانا بذا المجالس الا هالقهاوي والحش << حش الزرع لا يروح بالكم بعيد :)

-------

شموخه

هههههههههههههه

والله ان فكرتي فيها .. تلقين قليل الي يلبس هذا النوع من الاحمر

ابد تامرين امر ..

بـنـت النـور

23-02-2005, 01:55

اجل ما اجيب ؟؟ < سؤال استنكااار
نعومه على كيفتس ماتجيبين :2gunsfiriالاجيبي قهوه وقدوع و هذا غير الحلويات والكيك :452r:
الشامخة الخالدي هلا بتس حبيبة قلبي اخبارنا الحمدلله :d:

بـنـت النـور

26-02-2005, 21:53

:a::a::a:

المهرة

02-03-2005, 03:15

نعومه ادخلي على المواقع اللي فيها روابط
في رابط عن تصميم الازياء وبتلقين حل هههههههههههههههه
اللي نزلتها لكم راح تلقين اللي يسرك وفيه كثير مصممين
وسعي صدرك ياغلاهم
دمتي بخير
اختك 00 المهرة

بـنـت الطنـايـا

04-03-2005, 02:20

السلام عليكم ورحمه الله

مجلسن عامر ان شاء الله
الله يجزاتس خير يابنت النور اللي دليتيني على هالمنتدى

بنات شخباركن؟

الجازي

05-03-2005, 19:46

هلا والله وحياتس الله يابنت الطنايا :)

بنت الطنايا ,, بنت النور ,, النور + الطنايا = أخوان ,, أجل أنتم بنات عم :) >>>>>>> الله لايضرني على هالمخيخ :)

بـنـت النـور

05-03-2005, 23:41

8
8
8

الله لايضرتس ماشاء الله :)

هـــلا

07-03-2005, 11:49

أولاً أنا مقصرة بالدخول للمجلس بس الحمدلله مكاني ما راح

ثايناً مرحباً بكل من شرف المجلس

ثالثاً في خاطري كلام بقولة لنعومتي النعومة

الله يوفق أختك وعقبال كل البنوتات (وأنا أولهم)

حبيبتي لاتتعبين قلبك وتسوين قصيدة للزفة الحين صايرة موضة قديمة

أختاري أغنية من أغاني الزفات الجاهزة ووديها لمحل محترم يسحب لك الموسيقى منها

وربي أحسها أروع لما تصير زفة بطيران أحلى من قصيدة وصوت موية وعصافير

<<<< مجرد وجهة نظر

بنات برجع لكم أصحى وحدة منكم تقعد بمكاني

((حقرص بقرص من جاه يقرص)) <<<< مقولة مشهورة عند البزران

ريم شمر

07-03-2005, 13:46

مرحبا بنات

وحيا الله بنت الطنايا

مشكوره بنت النور على الدعوه

ومبروك لنعومه واختها وعقبالتس تعرسين وتفكينا :)

الريم اقري المعوذات لاحد يطقتس عين الحين :)

هلاوي وينك غايبه عسى ماشر ؟!

المهم انك طيبه وبخير ولاتخافين مكانتس محفوظ :)

مجلس عامر بأذن الله
8
8
[لوحة14]منهو عامر [/لوحة14]

المهرة

07-03-2005, 18:09

هلا وغلا 00
بنت الطنايا
حياك 00 زراتنا البركه

المهم في وحده اعرفها وعدتني بالمساعده 00 بتجهز معي
>>>>>>>>>>>>>>>ماتقصد الريم 00
تقول متى تمر عليتس علشان نتقهوى
وياليت في بيتكم وتزينين الحلا والقهوة ههههههههههههههه
احب الخساير
بشوف طلعتي بشئ من مضيف الاسره تعلمتي الطبخ ولابس حدتس باونتي
ياونتي وناه هههههههههههه
سلامي الى جميع البنات 00
واخص التحايا 00 الى ريم شمر
اي هذا برنامج مايطلبه المضايف 00
والى اخواتي
الدهور 00 مجمج 00 بنت النور 00 الشامخة00 نعومه00 غيث السحايب 00مهرة00 نبض روح00تذكار
فاصلة بيضاء 00شموخ
ياربي مين بعد
واللي اول مره اعرفهم الف سلام مربع ومثلث اللي تبون

اختكم 00 مهورة

الشامخة الخالدي

08-03-2005, 11:33

مرحبا بنوتات فعلا فكرة حلوة اللي قالتها هلا وغلا
بس كيف يسحبون الموسيقى منها
اذا كذا اجل باودي لهم شغلات وايد علشان يسحبون الموسيقى منها
((وحدة من الحين تجهز لزفتها))هههههههه

طَيْبَةْ الْفال

09-03-2005, 08:26

السلام عليكم ورحمة الله وبركاته

كيف حالكم يا صبايا ان شاء الله بخير

والله وحشتونا ووحشتنا سوالفكم ان شاء الله ما طولت عليكم

هااا عسى اشتقتولي بس .. عاد هالحين انا صرت بزنس وومن يعني
لا تستغربون اذا طولت عليكم‘ البزنسيه ماخذه كل وقتي عقبالكم ..

اهم شي انتن وش اخبارتسن ريم والريم وبنت النور والمهره والشامخه
وفاصله ومجمج و...الخ
ان شاء الله تكونن بخير
يالله فمان الله وراجعه اذا فضيت باذن الله
مع السلامه ...

الشامخة الخالدي

09-03-2005, 11:46

هلا غناتي طيبة الفال
وشعندها انسة الاعمال ههههههههه
خلينا نشوف حروفج ولاياخذج البزنس منا
اكيد بسوق المناخ ههههههه

المهرة

10-03-2005, 01:22

ياااااااااااااااااهلااااااااااااا وكل الغلااااااااااا
طيبة الفال
حمد لله على السلامه نورت المضايف
دمتي بخير
اختك 00 المهرة

بـنـت النـور

10-03-2005, 02:31

هلالالالالالالا وغلالالا طيبة الفال

طولتي الغيبه حمدلله على سلامتك

طَيْبَةْ الْفال

11-03-2005, 17:40

خواتي الغاليات
( الشـــــــــــــــامخة ، المهـــــ ــ ــــــــرهـ ، بنـــــــ النورـــت )
الله يسلمكم من كل شر ويحفظكم
ووين باقي البنات وين سوالفكم وين المواضيع الزينه

؟؟؟

السطامة

12-03-2005, 02:58

اهلا ةسهلا صبايا المضايف
كيف حالكن ؟؟؟؟؟؟؟؟؟؟؟؟؟؟؟؟

وحده منكن طلبت قصايد للزفات

في موقع وصلني عبر الايميل
أول موقع عربي متخصص في زفات العرائس بأسلوب متميز وافكار جديده ..

هذا هو عنوانه. http://www.shjon.com
يسلموووووووووووووو

عيوووون باااكيه

12-03-2005, 03:43

السلام عليكم

وصبحكم الله بالخير والعاافيه

جتكم ضيفه يااابناااات المجلس عندكم قهوه تعدل الراااس والا نمشي

وترااني حااالفه على الذبيحه ما اذوقهاااااااا

وعسى مجلسكم دااايم اخو عااامر:055r:

الشامخة الخالدي

12-03-2005, 12:40

ياقلبي اسطامة مشكووووووووووورة فديت روحج
حيا الله عيون باكية
حلوة سالفة حالفة عالذبيحة ماتذوقينها
شكلج يبي لج نربط ايدج ونفتح فمك وناكلك لما تقولين بس
خبرك الكرم العربي ههههههههههههه

السطامة

12-03-2005, 19:52

لا ثانكيووووووووووووو على واجب حبيبتي

،،،،،،،،
عيوووون باكيه ،،، يا اهلا وسهلا شرفتينا ونورتي الحته
الحين البنات يزينون لك القهوة

،،،
أما الذبيحة ماهو بالضرورة تذوقيها ابلعيها بلع هههههههههه

عيوووون باااكيه

13-03-2005, 02:45

شكلج يبي لج نربط ايدج ونفتح فمك وناكلك لما تقولين بس
خبرك الكرم العربي ههههههههههههه

عزتيلي ان كاااان وحده بتربطني وبدغف الاكل في فمي

أما الذبيحة ماهو بالضرورة تذوقيها ابلعيها بلع هههههههههه

والثااانيه تبيني ابلعهاااااا بلع

وتبوني اجلس ليه عااايفه عمري :112r: الباااااب وينه يابناااات:172r:

ـــــــــــــــــــــــــــ

الله يسلمك ويحيي نبااك اختي الشااامخه

المهلي ما يولي اختي السطاامه

ولا هنتو فديتكم :406r:

المهرة

16-03-2005, 04:05

اليوم كنت اكلم ريم شمر تلفوون 00
وجلسنا نتكلم عنتس يا مجمج وحشتينااااااااااااااااااااااا مووت والله
يارب تكوني بخير وبصحه وعافيه
وتررررررررررررجعين يالله طولتيها 00 ممنوعه اجازات يا مجمج

_______________________
كيف حالكم ياااااااااااابنات ان شاء الله بخير

دمتم بود
اختكم 00 المهرة

بـنـت النـور

20-03-2005, 15:55

8

8

:( :(

الشبث

23-03-2005, 02:35

اليوم رحت للعطار

وييييييييه لقيت عنده حاجات تهبل

بس وعلي وعلى حالي فلوسي مايكملن

بس ولا يهمكن سرقت منه اغراض واببسط عندكن

واللي تبي تشتري حياها الله

بس هاااااااااااه الدين ممنوع

زين يا بنات

بالعربي طفشت وجيت اتلقف عليكن

واللي مو معجبه هذاك قسم الشكاوي

وملفي اسود وشوي ويطردوني

يعني عادي

ايه

يابنات

اسف والله من ضيقة الخلق دخلت عليكن

وتقلدن تحيتي

المهرة

23-03-2005, 03:10

هلا وغلا
فيك اخونا الشبث

______________

بصراحه انا وحشششششششششششششششششتني ريم شمر المضايف مالها طعم
بدونها رغم ازعاجي لها بالتلفون متي ترجعين ياريوومه

وووووووووووووووووووووووووووحششششششششششتن ي بعد الريم لي فتره ماشفتها
ياااااااااااااااااارب تكون بخير
ووووووووووووووووووووحشششششششششششششششتني مجمج يارب تكون بخير
المضاااااااااااااااااااااايف مالها طعم يالله ارجعوووووووووووا
دمتم بخير
اختكم 00 المهرة

اجوديه

28-04-2005, 16:03

أنا والله لي سااااعه أحاااول أفهم اللي تقووولونه بس مااافهمت شيء:g:

عمومااا مااادااامي مررريت حبيت أسلم ,اسالتكم عن حوووااالكم؟؟؟!!!

ريم شمر

28-04-2005, 16:47

هلا فيك اختي الاجوديه
وحياك الله في مجلس البنات
مع انه مهجور هاليومين :(

اما سواليفنا فخوذي وخلي

شي ينفهم وشي ماينفهم :)

بـنـت النـور

28-04-2005, 17:18

هلا فيك اختي الاجوديه

حياكِ الله في مجلس البنات http://www.my-smileys.de/smileys2/1jump.gif

اجوديه

28-04-2005, 19:06

الله يحيكم ويبقيكم وتراااهااا عااامرة بوجودكم وسواليفكم لاتحرمونااا منهااااا:)

الحجازية

04-05-2005, 18:54

مســـــــــــــاء الخير جميعا

انا ضيفة جديدة عندكم وبصراحة عجبني المجلس هذا كثييييييير

تقبلوني اكون معاكم ولا لا

شموخ

04-05-2005, 20:02

ياهلا والله بالحجاز واهله ( أجل نحن الحجاز ونحن نجد )

حياك الله يالحجازيه بين اخواتك النجديات والشماليات :)

تحياتي
شموخ

الحجازية

04-05-2005, 20:09

هلا فيكي قلبووووووووو

تسلميلي عسووولة عالترحيب

جد اسعدتيني

ان شاء الله افيدكم واستفيد

تحياتي

اجوديه

05-05-2005, 00:00

مــــــــســـــــــااااء الــــنـــــــــــوووور والــــــســـــــــرووور(الـــحـجاازية)

وحـــيــــااااك وسط أهلك ونــــااااسك

بـنـت النـور

06-07-2005, 23:10

هلالالالا (الـــحـجاازية)

حيـــاكِ الله

ليه مهجوووووور المجلس :(

بـنـت النـور

09-07-2005, 11:11

http://www.alsareha.net/vb/images/smilies/73.gif

نوف الفهد

18-07-2005, 07:02

صبحكن الله بالخير

وشلونكن يابنات

وشعلومكن

والله أنتم اللي بتراعونن

رحت للدتسة

رزيت الفيس ---> يعني الوجه

وتري على ماقالوا "رزة الفيس من طبايع التيس"

وأنا نعجة مانيب تيس -----> تبي تكحلها عمتها

وش قولكن يابنات تبون أهذر معكن ونحازي بعضنا

وإلا أقلب وجيهي عنكن

تري علوم الحريم كلها عندي

بس أنتن قولن حياتس وأنا أقولكن علوم الحريم والرجال

أنتظر ردكن

تمسون على خير

أختكن

"نــ بنت الفهد ــوف"

شموخ

18-07-2005, 18:22

[

بصراحه انا وحشششششششششششششششششتني ريم شمر المضايف مالها طعم
بدونها رغم ازعاجي لها بالتلفون متي ترجعين ياريوومه

وووووووووووووووووووووووووووحششششششششششتن ي بعد الريم لي فتره ماشفتها
ياااااااااااااااااارب تكون بخير
ووووووووووووووووووووحشششششششششششششششتني مجمج يارب تكون بخير
المضاااااااااااااااااااااايف مالها طعم يالله ارجعوووووووووووا
دمتم بخير
اختكم 00 المهرة[/font][/size][/align][/B][/color]

غبت ياما عذرناك وبولهنا انتظرناك ............. يالله ارجع بصراحه فقدناااااااااااااااااااك

صراحه فقدناهن وماينفقد غير الغالي الله يرجعهن بالسلامه ..

نـــوى

18-07-2005, 19:13

-
الله يرجعهن بالسلامه
-

المهرة

31-07-2005, 08:48

ياهلا والله بالحجاز واهله ( أجل نحن الحجاز ونحن نجد )

حياك الله يالحجازيه بين اخواتك النجديات والشماليات :)

وش تبين انت بالضبط تسوين دعايه الله يستر مارحالتس صعبه هالايام
اقول تعالي نقرقر شوين ههههههههههههههههه
تحياتي
شموخ

سيدة القـــــلم

29-08-2005, 06:35

يالربعات .. هو انتم صكيتوو مجلسكم ... او الى الحين فاتحينـه..:008b:

ابي اتأكد قبلــ ماانثر علومــي .. وطيّح وجهــي... :ezpi_blus

ღ
ღ
ღ
تحياتي
سيـدة القـلـم

بـنـت النـور

29-08-2005, 17:08

هلاسيدة القلم

مفتوح المجلس لكن البنوتات مادري وينهن عنه :)

حياتس الله

أريام

29-08-2005, 18:47

سلام يابنات كيف حالكم ان شاء الله انكن طيبات . حبيت ادخل المجلس بس مالقيت احد

بـنـت النـور

29-08-2005, 18:51

هلا ومرحبا اريام

نورتي المجلس

7
7

http://www.w6w.net/album/35/w6w200504230800262cbf9974.gif

سيدة القـــــلم

29-08-2005, 21:31

هلا فيكـ ارياام..

منووره..
شلونكـ وش اخباركـ ..؟

انا عن نفسي طيبه ..بس ياخوتس زهقت من العطله .. متى تجي الدراسه بس ..
<<--- كل ماشافت احد انواع التشكي من العطله بمناسبه وبدون مناسبه
ღ
ღ
ღ
تحياتي
عشـق القصـيد

أريام

29-08-2005, 22:29

مرحبا بوخياتي بنت النور وسيدة القلم
الحال من بعضه ,بس وراي السنة هذي هم الله يعيني علية قولي امين

سيدة القـــــلم

30-08-2005, 00:10

الله يعينكـ اريام ويوفقكـ وينجحكـ...

بس بغيت اسالك سؤالين..
انتي أريام او أربام؟؟؟

وش تدرسين انتي .؟
ღ
ღ
ღ
تحياتي
عشـق القصـيد

أريام

30-08-2005, 00:31

وش فيكي ياسيدة القلم فية احد اسمة أربام والله ضحكتيني
أنا اسمي أريام وادرس في كلية التربية قسم كيمياء
ونتي وش تدرسين ؟.

سيدة القـــــلم

30-08-2005, 01:07

معليش اريام بس من جد الياء مو واضحه ابد كأنها باء..:a:

انا ادرس لغه عربيه ..المفروض اروح للمستوى الثالث ..

بس عاد ماتوفقت هالسنه وبعيد السنه ..:408r:

بليده بعيد عنتس :008b:
ღ
ღ
ღ
تحياتي
عشـق القصـيد

أريام

30-08-2005, 01:26

سيدة القلم لكل جواد كبوه بس شدي حيلك السنة هذي اوكية

بـنـت النـور

30-08-2005, 01:46

هلا بسيدة القلم واريام اخباركن
سيدة القلم تعوضينها ان شاء الله
اريام جت الدراسه الله يعين عليها :)

سيدة القـــــلم

30-08-2005, 03:05

مشكوره بنت النـــور ..وأريـــام
ون شاءلله بشد حيلي اغديني اطلع هالسنه ...:jockey:
ياشينها بس صديقاتي بثالث ونا بثااني ...:0064:

فشيلــه ولله ..:0099:

ღ
ღ
ღ
تحياتي
عشـق القصـيد

بـنـت النـور

30-08-2005, 03:37

سيدة القلم الله يوفقك ان شاء الله

أريام

30-08-2005, 04:42

بنت النور هلا والله .
عسى استعديتي بس لسنة الجديدة ,
والله اني شايله همها مدري لية ؟
ــــــــــــــــــــــــــــــــــــــــ ــــــــــــــ

سيدة القلم مدام انهم مستوى ثالث مراح تفترقون الا الفصل الثاني لمدة اسبوعين او ثلاثة تعرفين ليش ؟

بـنـت النـور

30-08-2005, 05:18

هلا والله اريام

ولافكرت استعد :)

ليه شايله همها ؟

الله يعننا جميعاً قولي امين :)

أريام

30-08-2005, 06:18

اميييييييييييين
اناشايله همها لانه عندي تطبيق في مدارس الثانوي , وانتي عارفه طبعا بنات الثانوية . والتعميمات يقلون انها متغيرة شوي . وكلا يخوف من جهه. قوليلي وش اسوي مع ذا التخويف ؟

سيدة القـــــلم

30-08-2005, 07:34

تــهقين لــيش ..ياريــام؟؟

ღ
ღ
ღ
تحياتي
عشـق القصـيد

أريام

30-08-2005, 17:11

تــهقين لــيش ..ياريــام؟؟

ღ
ღ
ღ
تحياتي
عشـق القصـيد

لعشان يوخيتي بيرحون للمدارس يطبقون فيها ,والله يكون في عونهم من مواد اللغة العربية, بس كلها اسبوعين او ثلاثة بس المشكلة في الاسبوعين المتصلة لانه محد فاضي لاحد فيها

ريم شمر

30-08-2005, 17:38

الحمدلله خلصنا دراسه ووجع راس :)

بس والله ولهت على الدارسه وغرابيلها :(

حياكم يابنات وشكرا لكم لانعاش مجلسنا

من بعد طول هجران

ياليت باقي البنات يرجعون

بـنـت النـور

30-08-2005, 23:04

8
8

ياحظك ريووومه خلصتي :)

ياليت باقي البنات يرجعون

شموخ

31-08-2005, 00:30

أريام اميييييييييييين
اناشايله همها لانه عندي تطبيق في مدارس الثانوي , وانتي عارفه طبعا بنات الثانوية . والتعميمات يقلون انها متغيرة شوي . وكلا يخوف من جهه. قوليلي وش اسوي مع ذا التخويف

بنت اريام يالله بلا دلع داخله على وحوش انتي وش يعني بنات الثانوي:)

نرجع للجد :)

عادي اشرحي بكل هدوء واهم شي شخصيتك خليك رافعه راسك وارفع راسك انت سعودي :)لايبان عليك الاحراج والارتباك بعدين تنسين كل اللي بتقولينه :) ولو لا قدر الله نسيتي شي لاتبينين لهم ارجعي على نقطه سابقه واسئليهم فيها خليهم ينشغلون بالتفكير بالإجابه وافتحي دفتر التحضير كأنك تدورين دفتر الدرجات وناظري للنقطه اللي بعدها بس لاتنسين خليهم يجاوبون على سؤالك :)

ريم شمر

31-08-2005, 00:42

^
^
^
[لوحة]بطبع هالنصيحه واوزعها في مدارس الثانوي كلها [/لوحة]

بـنـت النـور

31-08-2005, 03:46

http://forum.eyelash.ps/images/icons/icon_heart.gifhttp://forum.eyelash.ps/images/icons/icon_heart.gif

ريم شمر

الريم

شموخ

الدهور

المهره

سارا الرياض

ايمان قويدر

سيده القلم

السطامه

غيث السحايب

مهره

*.*

مجد

نعومه

روعة

بـلـقـيـس

أم سـطـام

ام نـــــــواف

بـنـت الطنـايـا

عاشقه القيصر

ريم عسيري

اريـــــام

هلاوالله وغلا

ذيبه شراف

عيوون باكيه

وباقي البنات اعذرني اذا نسيت حديكن من كثركن ماشاء الله :)

اللي موجوده تتفضل هوون :)

http://www.w6w.net/album/35/w6w200504210657070977d570.gif

http://www.w6w.net/album/35/w6w200504230800262cbf9974.gif

http://b12n12.jeeran.com/balls.gif

http://b12n12.jeeran.com/po2.gif

وهذي كيكه جوز الهند لريووومه :) << مامداني قدمته كلت منه :)

http://b12n12.jeeran.com/untitled.GIF

http://forum.eyelash.ps/images/icons/icon_heart.gifhttp://forum.eyelash.ps/images/icons/icon_heart.gif

أريام

31-08-2005, 03:54

شموخ الله يسلمك على هذي النصايح
تصدقين عاد ذكرتيني بوحدة من البنات من الخوف مكتبت الموضوع على السبورة الابعد ايششش

أريام

31-08-2005, 04:01

هلا والله ومرحبا بوخيتي بنت النور تصدقين عاد اني مشتهيه القهوة ذا الوقت
مشاء الله بعد حلى
الا ريوومه خلت من الحلى شى الله لايضرها بشر
ريم خلى الباقي

اذا راحو ا بسلامتهم نقعد ناكلة

سيدة القـــــلم

31-08-2005, 05:17

على طاري الحلا تذكرت سالــــفه وبقوله لكن ..

الله حــق هالسالفه كانت يوم انا صغيره وماذكرها .. .. بس زوجه ابوي تحكيها..

تقولــ يوم انا كنت صغيره .. ( والحكي لسيدة القلم ) كنت موذيه وشرانيه .. وبس احوس وارثع بالمواعين..وافشلــ عمتي عند الحريم واخرب برستيجهااا
وكان كل ماتجينا حرمــه ..تقدم لها زوجه ابوي حلا وكنت اجي انا واحوس الصحوون .. وانثر الحلا..
عمتي كل ماشافتني قربت للصحن .. تقولــ للحريــم..
شفتوو منّوو ( يدلعونها بمنّووو زماااان ) تروها شااطره ماتجي الحلا ..
وهي اشطر البنات...وتجيب عمتي من هالمدح لـــي..
وكل ماقالتها انا استحي على وجهي واكفــ ايدي واجلس مؤدبــه ..
وكلــ ماقرب للصحن تعيد عمتي نفس الحكي .. ورجع انا اتأدب..
انا خلاص رســـخ براسي ان الي ياكلــ حلا عند الناس ويقرب للصحون وسخ وماهوب شااطــر..

وبمره من المرات .. كان عندنا حريــم ... والمجلس مليان حريــم ..
ووحده من الحريم جالسه تاكلــ حلا..
ونا انااااظر فيها ..:a:
وصااااارخ ....
يمممممممه هاوشيها وسخه تاكلــ حلا..
وووووع تاكل حلا...
الحرمـــه ياحرام من الفشيله غصت بلقمتها...

وعمتي طااح وجهاا عند الحريم..:ezpi_blus

عمتي حاولت تنقذ الموقف وتفهمني عند الحريم ان الكبار بس الي ياكلون حلا .. والصغار لا..عشان بس تشيلــ الاحراج من الحرمه المسكينه...
بس مااش عجزت اقتنع.. وماكان من عمتي الي تسحبني مع اذاني وترميني برا المجلس..

ولله طرى علي هالموقف حبيت اذكــره لكم..

ღ
ღ
ღ
تحياتي
عشـق القصـيد

أريام

31-08-2005, 08:03

الله يخس ابليس قولي امين ياسيدة القلم
يلومها يوم انها تسحبك لا واللسان طويل على الحريم
يوم كبرتي قابلتي الحرمة

الااقول سيدة القلم اهم شىء انتي بتاكلين من الحلى :(

لاني عارفه مدام هذي سوالف مراح يبقي شىء وبو طبيع مايوز عن طبعه:(

سيدة القـــــلم

31-08-2005, 09:16

الله يخس ابليس قولي امين ياسيدة القلم
يلومها يوم انها تسحبك لا واللسان طويل على الحريم
يوم كبرتي قابلتي الحرمة

هلا فيكـ اريــام..
لاولله ماقابلت الحرمــه ...كانت حرمه جيراننا وحنا غيرنا بيتنــا زماان.. ..
بس كأني اشوفها .. لو تشوفني الحين .. قالت لي ( كــش وجهه)

الااقول سيدة القلم اهم شىء انتي بتاكلين من الحلى :(

اايه اباكلــ بس هو يحصلــ ..؟!!

لاني عارفه مدام هذي سوالف مراح يبقي شىء وبو طبيع مايوز عن طبعه
:008b::008b::008b:

:(
.................................

بـنـت النـور

31-08-2005, 17:25

هلاومرحبا بوخيتي اريام تقهوي وحلي :)

بـنـت النـور

03-09-2005, 03:02

ريموووووه وينتس :232r:

والريم وشموخ وينهن بعد :(

:023b::023b:

الجازي

03-09-2005, 03:40

^
^
^
أنا وريموه تطاقينا على حلاتس :) وعقب طقاقنا خربت المضايف :) وانحذفت ردودنا ,,والحي أبئى من الميت :)

بـنـت النـور

03-09-2005, 07:49

8
8

انتي اللي خربتي الحلا وكليتيه مابقيتي منه لريوومه :)

الريم

ارفع عليتس قضيه واطالب بتعويض لريم شمر :)

تسوين لنا حلا وقهوه :)

و

و

والحي أبئى من الميت :)

روح أبـــوهــــا

06-09-2005, 08:12

صبحكن الله بالخير خيوواتي
اشوى انه رجعتكن الدراسه وفتحتن المجلس
ماغير بنص الاجازه بس افرفر ماعندي االوالي الكل مساااااااااافر الا انا
بس عوضتها الحمد الله لو نهاية العطله

المهم حبيت اسلم عليكن وحده وحده بدون استثناء وبدون ذكر اسامي مشان ما أنسى أحد

اللي موجوده هالوقت تجي تتقهوى معي ترني مطووله
من زمااااااان عن المضاايف ابي اجلس واغثكم بالردود ماغير اسمي اللي يمشى بالشريط

وعااد بعد القهوه نبي نسووولف عندي سالفتن وابي الفزعه

انتظركن قبل لا تبرد القهوه

تحيااتي
روح أبـــوهــــا

شموخ

06-09-2005, 14:09

هلا برووح ابوها :)
يابنت عطينا القهوه قبل لاتبرد :)
وعطينا علومك " حشا صرنا كانا شياب :tongue:

بـنـت النـور

06-09-2005, 20:09

هلالالا روح ابوها

جايتس انا وشموخ نتقهوى :)

بـنـت النـور

07-09-2005, 17:50

الريم :629r:

وين عزيمتس اللي مع بدايه السنه الجايه هههه تذكرين :)

روح أبـــوهــــا

08-09-2005, 18:19

هلا والله بشمووخ وبنت النور
وش فيكن انا تركت الدله مدن يدينكن وقهون انفسكن لا تستحن البيت بيتكن تراني رحت مشيوير
وجيت
يالله حيهن وش علومكن عساكن بخير
بعد القهوه عاد اسمعن زين ابيكن تركزن
ياطويلات العمر اسمعن سالفتي
هالاسبوع جاني تلفون من ولد خالي وهو مبسوط يقولي باركيلي اعرست خلاص بملك
قلت ياعلوه اوله الف مليوون مبروك والله انك تستاهل كل خير وبالتوفيق ان شالله متى الرقص
والفرحه على خير
قالي ان شالله ببداية 12
...
..
..
..
..
..
..
..

بعدين سكتت شوووووي لحظه صمت
قالي: شفيتس قلت افكر
قال: بأيش
قلت: بفستاااااااااااااااااااااااااااااااااااا ن عرسك واطلقت تنهيده طوويله
مسكين انحرج
قالي :عسى مالازمتس فلوس
قلت :لالالالالالالالالالالالالالا

ابي موديل بس
قال : اشوى على بالي انا
.
.
.
.
.

بعدين
قال: اخليتس تفكرين وخلي عمتي اذا جت تكلمن <<<مسيره طبعا
ومن سكرت وانا افكر
من وين اجيب موديلات انا الحين والالوان

هو صح فيه مصمم يصمم وتصاميمه حلوووووه مره وهو يجيب القماش بعد بس يكسر الظهر بحدود
3الالف
والله حراام فستاان بهالسعر ولا بعد منتي لابسته الا سااعات

صح انه حيل غالي ويستاهل اللي يتعب على عرسه بس مو هالشكل

الحين زبدة الموووضوع
ابي اي وحده جايه من زوااجات هالصيفيه والا كان عندهم زواجاات تقولي وش هي الموديلات اللي
عجبتها

والالوان بعد ابي اعرف وش دارج من الوان هالسنه مشان اغير عنهن مو اجي الزوااج والاقي نصهم نفس
لووني

وقبل لا انسى ابي بعد اسماء مشااغل " كوافير" بالريااض زينه وسنعه واسعارها مناسبه لانه انا
وبناات خوالي قبيله مشالله

عسااكن على القووه وماتقصرن
وان شالله اخدمكن بعررسكن
يالله في امان الله

هـــلا

08-09-2005, 22:11

عسى ما خلصتوا القهوة عني

خرماااااااااااااااااااااااانة قهوة اليوم

حسبي الله على عدوك يا منوووو..... ( سيدة القـــــلم )

:p:
:p: :p: :p:
:p: :p: :p: :p: :p:
:p: :p: :p: :p: :p: :p: :p:
:p: :p: :p: :p: :p:
:p: :p: :p:
:p:

ذكرتين بأساليب التربية اللي تربينى عليها

نفس الطباع كانت عندنا ممنوع ناكل عند الحريم

أصلاً ما كنا ندخل عندهم نسلم ونطلع

بذكر لكم مغامرة وأنا صغيرة

كنا في بيت خوالي وعندهم حريم

بس كاناو حاطين سلة حلاو تفتح النسف صراحة

وأنا وولد خالي واقفين عند الباب وسعابيلنا تقاطر نبي ناكل من هالحلاو

المصيبة غن الحريم كان معهم بنيتهم ما جت تلعب معنى وبشاكة عند الحلاو وتاكل

وانا عويناتي طايرة

بس فزعت لي مرة خالي الله يسعدها دنيا وآخرة

طيرت عيونها على بنت الانس وقالت خلاص يكفي شاطرة بعدين تخرب سنونك

وشالت الحلاو من قدام البنية

وأول ما طلعوا الحريم نادتني مع ولد خالي وعطتنا الحلاو

بـنـت النـور

09-09-2005, 17:30

روح ابووووها

برسلك رقم المشغل الان :)
روحي وشوفي شغلهن وبعدين قرري تحجزين اولا

هـــــــــلا

http://www.w6w.net/album/35/w6w200504230800262cbf9974.gif

هـــلا

10-09-2005, 10:00

.

بنت النور تسلمين ياقلبي على الفنجال

خلاص حبيبتي خلي الدلة من يدك أنا إذا خلص فنجالي بصب لعمري

روح أبوها

بيبتي الموضوه هالسنتين كلها اللون اللي يناسبك وتحبينة

مع أن غالبية الألوان الموجودة في السوق الألوان الجرئية

:: مثل ::

الأصفر بدرجاته

الأحمر بدرجاته

البرتقالي بدرجاته

الأخضر بدرجاته

8

8

8

على فكرة أحب هاللون مرة أنا

أنا الصيفية هذي كان عندي زواجات كثيرة

في الزواجات اللي حضرتها كلها ما صادفت ثنتين لابسين نفس اللون أو حتى الموديل

بس الغالب الموديلات الناعمة اللي تبين جمالك الطبيعي

بس نقي لك لون يعطيك إضاءة حلوة

مع المكياج والتسريحة المناسبة

أما بخصوص المشاغل بدور لك مشاغل حلوة وبأسعار مناسبة مو خيالية وأرسلهم لك على الخاص

.

أريام

10-09-2005, 11:14

صباح الخير يابنات كيف حالكم وحشتوني

بـنـت النـور

10-09-2005, 22:11

اهلين اريام بخير الله يسلمك كيف حالك انتي ؟

أريام

14-09-2005, 00:12

بخير يابنت النور . الله يسلمك من كل شر

انامصدقت يوم المضايف انفتحت لو احد مبشرني كان خذا البشارة
والله ان كل يوم اجرب كذا مرة بس مافيه فايده بس يوم انفتحت المضايف فرحت فرحه غير شكل ماتوصف ابد

بـنـت النـور

02-10-2005, 16:10

المجلس ماله بطبخاتكن نصيب ياعضوات فريق اطايب اجا وسلمى :)

وينكن :201r::148r:

روح أبـــوهــــا

02-10-2005, 22:20

روح ابووووها
برسلك رقم المشغل الان :)
روحي وشوفي شغلهن وبعدين قرري تحجزين اولا

مشكوووووووووووره بنت النور
واخدمتس بعرتس ان شالله

.
روح أبوها
بيبتي الموضوه هالسنتين كلها اللون اللي يناسبك وتحبينة
مع أن غالبية الألوان الموجودة في السوق الألوان الجرئية
:: مثل ::
الأصفر بدرجاته
الأحمر بدرجاته
البرتقالي بدرجاته
الأخضر بدرجاته
8

8

8

على فكرة أحب هاللون مرة أنا
أنا الصيفية هذي كان عندي زواجات كثيرة
في الزواجات اللي حضرتها كلها ما صادفت ثنتين لابسين نفس اللون أو حتى الموديل
بس الغالب الموديلات الناعمة اللي تبين جمالك الطبيعي
بس نقي لك لون يعطيك إضاءة حلوة
مع المكياج والتسريحة المناسبة
أما بخصوص المشاغل بدور لك مشاغل حلوة وبأسعار مناسبة مو خيالية وأرسلهم لك على الخاص
.

الف شكر لتس هلا

مشكووره يعني انقي اللي على باللي
بس المشكله انه اي لوون اطلع فيه قمر 15 <<< انغرت بحالها شووي
والارقاام مهي مشكله من هينا لشهر 11 اما بعد هالشهر لاترسلين لانه بيكوون فات الاوان

مشكوووووووووورات ويارب اخدمكن بالافراح ان شالله

ارياام وش علومتس عساتس بخير ؟؟؟

سلامي للجميع
روح أبـــوهــــا

بـنـت النـور

03-10-2005, 13:02

كاتب النص الأصلي: روح ابوهــــا

مشكوووووووووووره بنت النور

العفو ياروح ابوها :)

الشبث

08-10-2005, 08:29

اخواتي

ادري انكن مطيراتن عيونكن علي ومستغربات شلون دخلت

انا دخلت مع الدريشه

مو هذا المهم

انا جاي هنا وابي ابارك لكن بمناسبة هالشهر الكريم

وبعد ابي ابارك لكن بمناسبة الفوز علينا

لا تنقلن همي انا محرم لكن جميع

ولا اجي الا ولي حاجه ضروريه

عاد هالحين اترخص ابي امشي للفله

وعذرني يا خيواتي دخلت على غفله

بنت النور

والله مهو احسن لتس تقربين لردي

والله لعلم ابو سلطان

انا جيت ابي ابارك لخواتي وابي انقلع

مهو تنلقفين زي العاده

والله لا انط بشوشتس وانتفه

وتقلدن تحيتي

شنقل

08-10-2005, 08:39

^
^
^
^
الله يصلحك

امش قداامي للفله

الشبث

08-10-2005, 08:44

^
^

اذلف ذلفك الله ياوجه العنز

مايجيب لي الشبهه الا انت وخشمك

بالله مستانس انت وريحتك يالله انقلع لا اصرف لك واحد بقس اضيع ثلاث ارباعك

وتقلد تحيتي

ريم شمر

08-10-2005, 11:29

انا جاي هنا وابي ابارك لكن بمناسبة هالشهر الكريم

وبعد ابي ابارك لكن بمناسبة الفوز علينا

هلا والله اخوي الشبث والله يبارك بعمرك
والله ان طلتكم ياشبيثان وشنقول لها طعم غير :7ayyoh:

عني انا بحاول اتوسط لكم عند نوريه تسوي نفسها

ماشافت هالتعقيبين وتمشيهم هالمره:thumb:

بـنـت النـور

08-10-2005, 12:32

مو كل مره تسلم الجره ياشبثووووه

اخر مره قلتوا اخر مره والحين تقول اخر مره ولاادري متى بتكون اخر مره

ماشفت شي بس عشان ريووومه :) والا انتم حسابكم اذا فكرتوا تجون هنا ثاني مره هههه:goooood:

تعاليل

08-10-2005, 13:41

نووووووووووووريه شلونتس خيتووو

بالخيـــــــــــــــــــــــــــــر بنات .. كلكن وحده وحده
علشان ما تشرهن علي ...

ماشاء الله ياكثركن .. أخاف .. أنسى وحده تزعل علي :)

نوووريه ...
انا وفريقي عقب الفوووووووز وهاك التعب بالسفره ..
خذينا لنا راحه .... مانبي نقرب صوب المطبخ أبد ..
أسبووووع وحنا يالله بس نــنفخ ونطبخ ..
وراء الفوز .. اســـــــــــــبوع كامل بس نغسل مواعين ..
مابكن خير قلتن خل نساعدهن لو بالغسيل ..

شكل هلاااااااا ومنوور .. للحين نايمات عقب التعب .
أشوف مالهن لاحه ...

تعاليل

سيدة القـــــلم

08-10-2005, 16:51

السلام عليـــكم .. .. ..

بالله ماتدرون عن الأجازه.. .. .. يقولون فيه مفاجئه للطلاب اجازه ..

مدري هالحكي صحيح او لا..

الي عندها خبر تخبرنــا .. ..

ღ
ღ
ღ
تحياتي
عشـق القصـيد

بـنـت النـور

10-10-2005, 21:36

تعاليل بخير الله يسلمك وباين عليكن التعب ماشاء الله محد طب المطبخ عقب هالمسابقه :)

هلا بسيدة القلم مفاجأه واجازه ياليت والله

اللي عندها خبر تبشرنا :)

الشقراويه

10-10-2005, 22:27

هههههههههههههاي وناسه

اثر فيه مجلس للبنااااااااااات وانا مدري

والله خووووش مجلس

كيفكم بنااااااااات

سيده القلم << للاسف ما فيه اجااااااازه
اشاااااااااااااعه :(

بـنـت النـور

12-10-2005, 02:45

الشقراويه

نورتي المجلس

http://www.w6w.net/album/35/w6w200504230800262cbf9974.gif

تواصيف

13-10-2005, 00:13

مساء الخير جميعا يا بنات
وشلونكن عساكن بخير
والله مريت وقلت لازم اسلم عليكن
توصن على شي قبل امشي

تحياتي
اختكن
تواصيف

تعاليل

14-10-2005, 10:24

هلا نوووريه ..

يـــــــاخيتس ... الوحده بهالرمضان ياثقل قومتها وجلستها
ماغير ندور البــــــــروده ... والوالده الله يطول بعمرها
كل يوووووووم مطلعتن لنا طبخه ولا حلا جديد .. تجرب علينا
أخاف ما يجي تالي الرمضان .. إلااااا ملابس العيد ما تفوت بي

بس الوعد يا كلينا لقمة العيد .. إن الله أحيانا ..
لتس علي ابي انفض لتس مطبختس نفض ..

أقول ما عيـــــــــــنتي منووور وهلااا
مالهن حس ..

تعاليل[/B][/size][/font][/align]

بـنـت النـور

14-10-2005, 21:07

لتس علي ابي انفض لتس مطبختس نفض ..

هلا بتعاليل

مضيف المطبخ يتحراكن تنفضنه :)

تواصيف

14-10-2005, 22:52

اي والله وانتي صادقه ياخيتي تعاليل والعيد قرب مايمدي
نسوي اي رجيم
الله يعين

وش طابخين اليوم
ابي شي جديد حلو
وماياخذ وقت
تحياتي

سيدة القـــــلم

14-10-2005, 23:55

اي والله وانتي صادقه ياخيتي تعاليل والعيد قرب مايمدي
نسوي اي رجيم
الله يعين

وش طابخين اليوم
ابي شي جديد حلو
وماياخذ وقت
تحياتي

دوكــ هالحلا مره حلووو وبسيــط وسهلــ ومقاديره بسيطه ومو لازم ترسلين اخوكــ للبقاله..

كل مقاديره متوفره بالمطبـــخ.. ..

الطبق الأولـــى بسكووت وزبده وشووي قشطه لازم تحطين قشطه عشان تتماسك البسكوت واذا قطعتي الحلا مايتفتت وينكــــت البسكوت ...

والطبقه الثانيه..

تحطين بالخلاط ثلاث بيضات +كرتون ونص جبنه كيري + ثلاث فناجيلــ سكر + واذا تبين تحطين معاهم اي نكهه يكون احلــى مثل نكهه شكولاه .. او نسكافيه ..

وتخطلينهم وتحطينهم فوق البسكوت وتشغلين الفرن عليهن من تحت الين يتماسكـ الخليط الي فوق شووي..
وبعدها تشغليــن الفرن عليه من فوق الين تصير لون الطبقه بنيـــه ..

وبس ..

وقطعيه وكوليه وبالهناء والعافيـــه .. ..

ღ
ღ
ღ
تحياتي
عشـق القصـيد