النطول بن آرثر وحكمه لانجلترا

[المطنوخ]

السلام عليكم ورحمة الله وبركاته

وشلونكم يال male وشلونكن يال female

هالنوبه معي سالفتي من مآثر فخامة النطول يومني جذع
يعني لمن لا يذكرني او سمع عني بالاساطير كنت بال 14 او 15 سنه

وكنت سلمكم الله كنت ساكنن بقريه بانجلترا ينقال لها بالقرن اما الثامن عشر ولا السادس عشر من الميلاد
لينه (ماهي لينه اللي انتم خابرين هذي كلها ربيع وخضره وانعام ياربي لك الحمد)

مالكم بالطويله وكان هكالوقت انجلترا ماهي مظبوطه كل يوم يجي حاكم ويقعد لوه يومين يمتر سيب القصر ويكرشونوه

انتم يالشعب..عاد حنا يا اهل لينة الانجليز كنا تابعين لانجلترا
وطبعا انتم راح تقولون اجل انتم تابعين لمنو؟؟
حنا سلمكم الله مصامخين ومتكامشين علينا ثلاث دول وكلهن جيران الله يدفع البلا
ماتقل الرسول (ص) وصى على سابع جار
مالكم بالطويله
الدول هن انتم يا انجلترا وانتم يا فرنسا وانتم يا حايل!!
وحايل وشي حجتها
تقول حايل ان لينه (اللي بانجلترا)
به واحد.ن ينقال لوه (حسين ابن المتمشقصه) وهو شمري
كان اول واحد يطلع من لينه ((الي بالسعوديه))
وينهج بسنة سقوط حايل يم انجلترا ويبسط بلوه ارضن مربعه وهو بساعتوه يسور الارض ويسميها لينه

وهذي هي حجة حايل بالمطالبه
الوكاد حنا ابعدنا عن القصه اللي نبي نقولها يالربع

اوووه نسيت اقولكم اسمي انا يامحاتسيكم
معاكم ((نطول بن حسين بن المتمشقصه بن آرثر))

وكنت انا اتسم وانا وغد بأني صاحب نزعه قياديه
يعني ودي آمر وانهي
مثل بعض الناس اللي بهذا ارسلهم ويروحون يحطبون لي ويسوون لي القهوة ويحكون ظهري بعد
ويعرفهم ذيب شراف

الوكاد وحنا بالقريه كان مالنا من الشيطان طاري وكنا بسعاده وامان
يوم طرت لي فكرة قلت يابن آرثر ((اللي هو محاتسيكم))
ياولد ليه ما اروح للي ينقال لها المعيدزلات والعاصمه مثلكم عارفين انواع الهسترة

وقلت اروح اوسع صدري لي يومين وانكس

الوكاد عزمت وقلت للوالد حسين بن آرثر
وكان هذا الحوار...

النطول:ابتي

حسين بن المتمشقصه:ماذا يابني

النطول:اريد ان انهج الى المعيدزلات

حسين بن المتمشقصه:ويحك يا ملا المولية اللي تولي بك

النطول:((أغرورقت عيناه بالدموع))

حسين بن المتمشقصه (مكملا خناقه):انك لم تخرج من بطن امك الا امس واللان تقول انك ستشنعب بهكالديار ولا وين؟ بالمعيدزلات
شوين شوين..اغرب عن وجهي والا ادوس في بطنك واطلع الفقع اللي بكبدك

النطول:((انطلق يجري وقد كان يبكي ليس من كلام اباه بل من خوفه ان يطلع الفقع من تسبده وهو كان شغوفا بحب الفقع

انتهى الحوار....
وبعد يومين....

كان قد قرر الماخوذ النطول انوه ينحاش بالجهمة وابوه نيم

وكان قد جمع ثيابه وبناطيلوه وقمصانوه وشورتاتوه(يمكن يتسبح بنهر يلقاه قداموه)
واخذ معه البلاي ستيشن وخمس سيديات علشان لا يثقل على نفسوه
واخذ معوه علتس ماء(مادري ليه)

مالكم بالطويله وهو يسري يبي ياخذ عشيره ابوغازي لانهم متواعدين من قبل على النحشه
يمار ابوغازي متحزمن الوزار ةيكثح من التتن عند شجرة التفاح من التوتر لان النطول تاخر عليه
ويوم وصل عنده قال
ابوغازي:لا هلا ولا مرحبا اللي لا يحيي هالوجه..انت وينك كل هذا

النطول:يابن الحلا بلشت مادري اخذ البشت ولا الفروة علشان البرد

ابوغازي:واحلولات اللي واقعن عليك وانت منحاش ودابك ياما مخضرن دمك

النطول:اهب الله لا يعوزن عليك يامسبوع الابو انت وشنوحك علي وهذا وانا متاخرن عليك اجل وشلون لو انا كامخك بالدماغ
وحنا بنص هالسوالف...الا وخرفشه بين شجرة البرتقال وشجرة التمر

الا هكالدماغ من شفناه عرفناه من غير ما يطلع وجهه

((محارش))

وهو يطالع ابوغازي ساعتوه الرمليه ولياوالله تشير الى 4:30 فجرا وبقى ربع ساعه على آذان الفجر وتخبرون شيبان انجلترا يتووضون بالنهر

الوكاد وحنا نصوت لمحارش تعال ياملا الخرش انت وشجايبك

قال انا كنت شاربن تتن وريحتي كلها تتن واخاف ابوي يشم ريحتي وهمن يتولجن بالصولجان اللي حدر مخدته

وقلت اتمشى ياما تروح الريح

قال محارش الا انتم وشعندكم انتم وقشكم؟؟

قلنا ...هاه...منو ....لا اصلن حنا نبي نكشت بهكالريضان وابوغازي توه شارين طير ونبي نقنص بوه

قال محارش هذاك لو الشبث اللي ناشدكم قولوا له هالحتسي انا مايمشي علي هالكلام

علمونن الصدز ولا والله ابلس عليكم

وحنا نتلفت انا وابوغازي وقلنا الشكوى لله نعلمك بس تكتم السر قال اعاهدكم بشرف المضايف اني ما اعلم

قلنا نبي نسافر لعاصمة انجلترا ((المعيدزلات))

قال هاااه والله!! يحظكم ابي معكم

قلنا وين تبي الله يذهب بك تبي ابوك ابو صولجان يطردنا ويفقع روسنا

قال انا اصلن بليا ادور النحشه اصبروا ابي اجيب قشي والوعد عند تقاطع قطار (قفار) مع (بيكاديللي)

قلنا لاتأخر قال لا ابشروا....

__________________________________________

وبعدين نكمل القصه ونتحرى محارش يجيب قشوه ونشوف وشجرى لهم من الغرابيل بالمعيدزلات

ملاحظه:( ((حقوق الطبع محفوظه عند ابوصولجان والله ان شفت طاري كلمة نسخ ولصق الا افعل واسوي))

وتقبــــــــــــــــــــــــــــــــــــ ــــــــــــــــــلوا تحياتي الصــــــــــــــــــــــــاخنه

[طَيْبَةْ الْفال]

النطول(أغرورقت عيناه بالدموع)) <=== قلت انا انك اسلوب :d:

والله تصلح مؤلف قصص :)

[هايس الشمري]

هههههههههههههههههه


الا وش تبي بابو غازززززي


تروه يبي يبلشك سوو كذا و اعملوا كذا


عند اقرب محطة نزلوه و امشوا و خلوووووه :)


ننتظر الجزء الثاني

[دواس علف]

>>>>>>>>>>>وده يقراا لكن :)






..


المواضيع الطويله يخاف منها>>>>>>>يموه على الفاتوره




لي رجعه يالغالي:)



حااب احظر لاتنسى تحظرن يالغالي:)

[الـمـحـروووم]

الضغط أرتفع وعشان كذا ماني عارف أعلق
على هالسالفة اللي ماعرفت بدايتها من نهايتها

النطول الله يرجك

[المطنوخ]

النطول(أغرورقت عيناه بالدموع)) <=== قلت انا انك اسلوب :d:

والله تصلح مؤلف قصص :)

توك تدرين؟؟
اجل ماقريتي كتابي
((كليله ودمنه))؟؟<<<<بزخه ومشى :)

[المطنوخ]

الذيب
تقولي وش تبي ببوغازي؟؟
انشده
بلشت بوه ودبل قاعة تسبدي :)
يبي لوه انجليزيتن شقراء وعيونها زرق يبي يعرس عليها :g:

وهليودع راح معي
وادري انوه يبي يشقيني :)

[المطنوخ]

ابد يالعشير لا تخاف

افتح الموضوع وامصع سلك التلفون

واقراه وانت منبطح

ترن اتحرى نكستك لا توخر

[المطنوخ]

المحروووم ليا ارتفع ضغطك وانت تقرى
ارفع تسرعانك على الطوفه وكمل قرايتك اهم شين تفهم القصه لاني راح احكم انجلترا

ههههههههههههههههههههههههههههههه

[ابو خليف]

انت وش تبي بمسبوع الاب

ابو غويزي

ثكلته امه

الا القرن الرابع وبلاستيشن
وشلون تجي هذي
اخافك ناطله هالسالفه

[المطنوخ]

انت وش تبي بمسبوع الاب

ابو غويزي

ثكلته امه

وش اعمل مالي غناتن عنه كل ما اقع بلي مصيبتن القاه بجنبي يتلفت تقل عيون نطول:)





الا القرن الرابع وبلاستيشن
وشلون تجي هذي
اخافك ناطله هالسالفه

تجي وانا اخوك مار انت غمض وهي تجي

اما بالنسبه للنطله
حرام انها ماطبت بأي متسانن ثاني

اهب يا اباحصاني الا يطلع عذروب مار هين
الوعد بعدين:)

[فلاح السعد]

قريـــــــــــــــته بس انتهى الدوام


قصدي ماقريته كله باتسر اكمله ان

شاء الله بس عاد مشكور مقدمن

[مفتاح14]

وحنا بنص هالسوالف...الا وخرفشه بين شجرة البرتقال وشجرة التمر

الا هكالدماغ من شفناه عرفناه من غير ما يطلع وجهه((محارش))

وهو يطالع ابوغازي ساعتوه الرمليه ولياوالله تشير الى 4:30 فجرا وبقى ربع ساعه على آذان الفجر وتخبرون شيبان انجلترا يتووضون بالنهر

الوكاد وحنا نصوت لمحارش تعال ياملا الخرش انت وشجايبك

قال انا كنت شاربن تتن وريحتي كلها تتن واخاف ابوي يشم ريحتي وهمن يتولجن بالصولجان اللي حدر مخدته

وقلت اتمشى ياما تروح الريح


النطوووول .. شي مو معقوووول..:thumb: واثرك مهبوووووووول؟!!:)


((اللي باللون الازرق بعضن مما قطع تسبدي ضحتسا:) ))


لو انا داري ان عندك مثل هالسويلفات تسان لاصن المذكور منذو مبطي:awink:



رووووووووعه من جد يالنطوووول

وكسبنا كاااتب جديد بفلة الحجاج والظاهر الزعماء يبون يكثروون:thumb:



بانتظااار بقية القصه ومايحتويه عفش الشيخ محااارش:)




فوووووووووق

[المطنوخ]

قريـــــــــــــــته بس انتهى الدوام


قصدي ماقريته كله باتسر اكمله ان

شاء الله بس عاد مشكور مقدمن

بغيت اقولك لله درك قصيده جزله بس انتبهت انك معلق على المشاركه:)

مرور كبير مثلك (ولا يهونون الربع )

قفزه نوعيه لي

الف شكر اخي فلاح على المرور والرد

[المطنوخ]

النطوووول .. شي مو معقوووول..:thumb: واثرك مهبوووووووول؟!!:)


((اللي باللون الازرق بعضن مما قطع تسبدي ضحتسا:) ))


لو انا داري ان عندك مثل هالسويلفات تسان لاصن المذكور منذو مبطي:awink:



رووووووووعه من جد يالنطوووول

وكسبنا كاااتب جديد بفلة الحجاج والظاهر الزعماء يبون يكثروون:thumb:



بانتظااار بقية القصه ومايحتويه عفش الشيخ محااارش:)




فوووووووووق


اول شي الله يرفع مقدارك

وثاني شي والله استحيت منكم قلت صار لي مده وانا بس اقلب وجهي بالردود

والمواضيع يميني ويساري

قلت خلنا اطلع من ماضيي<<<الله من الصدز:)

الوكاد انا زابطن لك دووور مار الله يعينك على دورك:)

يالعشير تقبل فائق تحيااااااتي الصاخنه

[الأصيل]

نطلان يالمذهوب :thumb:

ولاتقل له رفيدزن بهذا :)

سفرات من ورانا



لكن ...

خلك مفتح عيونك وأذانك

ترا أهل بيكادللي يبوقون الكحل من العين ( أدخل على الله )



ونبي ننتظر الجزو الآخر

ونتبابعكم بشغف ( شغف منطقه دون رفحا ب30كم) :d:

مع تحيات : أبوثوب

[المطنوخ]

العشير ابوثوب :thumb:

اجليك واعين على الدنيا بالقرن الرابع عشر؟؟ :g:

وانت الله يهداك دوم عجل مابك صبر لله

اصبر ويجيب الله خير

عشيرك::ابو زبوون

[الشبث]

نطلان

حي والله هالخشيشه

بس انا اتوقع انك واهم منت بنقلترا

الله العالم انك بضواحي المصندق :)

ووقته كان بوه ربيع

وسج تفكيرك وقام يزولك انك بانقلترا


:) :) :) :)





تسلم والله يالغالي على هالموضوع المميز :thumb:

وتقلد تحيتي

[المطنوخ]

شبيثان انت تقوله صادز؟؟ :g:

ياخي وانا اشوف الله يجيرك :puzzled:

بعض هلوغدان الحافين قلت ياولد معقوله انجلترا عندهم مثل مصبنتنا :g: ؟

[مغترب بالشمال]

يسلموا اناملك الرقيقه يالنطول يدينك الثنتين يلفن بحرير فرنسي


والله انك نطلت فكري يالنطول (لله درك ودر صيبعاتك)

[المطنوخ]

مغترب بالشمال

اعتذر لسرقتي بنات افكارك

ولكن......

لم اسرقها الا لسبب واحد

وهو ان افكارك هي لب الجمال

ودمت لي

[أبو مقرن]

النطول..

النطول:ابتي

حسين بن المتمشقصه:ماذا يابني

النطول:اريد ان انهج الى المعيدزلات

حسين بن المتمشقصه:ويحك يا ملا المولية اللي تولي بك

هالبداية..الحوارية..غير شكل:lol::lol:

***
قلنا ...هاه...منو ....لا اصلن حنا نبي نكشت بهكالريضان وابوغازي توه شارين طير ونبي نقنص بوه

قال محارش هذاك لو الشبث اللي ناشدكم قولوا له هالحتسي انا مايمشي علي هالكلام

علمونن الصدز ولا والله ابلس عليكم

وحنا نتلفت انا وابوغازي وقلنا الشكوى لله نعلمك بس تكتم السر قال اعاهدكم بشرف المضايف اني ما اعلم

قلنا نبي نسافر لعاصمة انجلترا ((المعيدزلات))إضحك على أهل الفلة..كلهم..ولاتضحك على الشيخ محارش :smileyb: :)
يملا السيل يالمعيدزلات:clap::clap:

***
النطول..إبداعٌ سرنا أن يتصدر مواضيع فلة الحجاج..
دمت بمزيد.ن.من الحيوية.. :) :thumb:

[المطنوخ]

الاخ الغالي فوق العاده

ابو مقرن

والله اذا كان للشخص سبب انه يبدع ....
فهو انتم وشرواكم

فكنتم خير الاخوان وخير المعينين لنا

اسعدني مرورك الذي عطر مصفحي وجميل ردك الذي اسعدني
==================================

اما بالنسبه لمحارش مادريت انه ذهين الى هذه الدرجه

[نبض روح]

عليك خفت دم :thumb:

رغم ان مافهمت شئ






بس عندي سؤال واعذرني على اللقافه




























ليه ماتغير لون الخط << ذبحتها بالأصفر







النطول ... تقديري لضياء شمر

[المطنوخ]

نبض الروح اول شين يوم انتس تشرهين على الالوان

ماتشوفين لونتس اللي كود اظلل الكتابه علشان اقرا :p: :p:

وبعدين ليه مافهمتي؟؟؟؟ :puzzled: :puzzled:


وش فيه صعب؟؟ :g:

اللغه ولا القصه؟؟؟ :g: :)


نبض الروح مع مرورك الكريم ردت الروح لموضوعي
الف شكر على حضورك وجميل ردك

[نبض روح]

(( بيقولوا ان اللون الأخضر يهديء الأعصاب << تصريفه

واظن يتظلل ولا عيونك تنحول وتصير

مشكله وتضطر لا لبس نظاره ..:g:

ماصار لون

واللي مافهمته اللهجه الآثاريه

طلاسم مو لهجه




النطول الروح دائما تتواجد

مع القلوب النقيه ....

موفق دومااااا

[المطنوخ]

نبض الروح

حرام اللي يشوفن وانا اقرا ردك يقول هذا يدور لوه شعره بالارض

ياشينه صكن الصالب ((نوع من اخطر انواع الصداع)) :)

من كثر مانا مبحر بخطتس


وبعدين حرام عليتس كل الكلام ماخليته مبهم :puzzled:

الا تسانتس من بلاد ما وراء النهرين ((المسيسبي و الراين)) :)

الوكاد كل الكلام اللي منتي فاهمته اسدحيه بهذا وابشري بالسعد :thumb:

*
*
*
*
*

نبض الروح لحضورك جمال خاص نتطلع عودته

[شنقل]

النطووووووووووووول

قمة الابداع

النطول انت غير


صراحه روووووووووووعه

وكثر من الهجمات المرتده ولا تلعب من العمق

شكرياااااااااااات
عشيرك شنقل
زعيم فلة الحجاج
ابو سيم..... الوسيم

[المطنوخ]

^
^
^
^
العشير شنيقل


يوم قمت الصبح واول شين اقرى ردك

(((وكثر من الهجمات المرتده ولا تلعب من العمق)))

تر اخوك ليا قعد الصبح يصير كمخه :p:

استيعاب=صفر :g:

اشرح لي هالجمله الله يصفر جوالك :)

لي عوده على ردك السامي :good1: