من الحزب المؤيد..إلى حزب المعارضة..وعلى رأسهم الشاعر(بو رائد)

[أبو مقرن]

كانت البداية..بزواج أبو غازي وأبو مشاري اللي إلى اليوم وعلمه عند الله..:tongue:
والذي شكلّ - وكطبيعة أي موضوع- مؤيدين للموضوع ومعارضين له..:116r:
واستمرت الدعوى(مساكتات)..إلى أن صرخت أختنا(الريم)..قائلة ً
((تراكم مصختوهااا عاد)):c::c:
فدّب النشاط في حزب المؤيدين وكانت هذه..البداية!

***(( في هذه القصيدة الأولى..المطلع وبعض الأبيات ليست لي..))***


بنات سوري بهـن منفـوع=هن اللي يمشن على رضانـا
ولو ندنا بنت أبـو جـدّوع=مانقري الضيـف لاجانـا
لولا اليماني ذبحنـا الجـوع=والكـل لاشـك يشنانـا
والمشكلة هالذهب للكـوع=وعند الزعل هـي تناسانـا
يمّ (العياده)تهـف اسبـوع=وحنا على البيـت ملفانـا
لورعاننا..نلّبـسْ القبـوع=وبعض السوالف..بها نهانـا
وبجوّالهـا ينفتـح مشـروع=بإخـوان عـلاّن وفـلانـا
وتر عمّهن ياولـد ممنـوع=أصنـاف بالطبـع وألوانـا
البعض منهن جميل طبـوع=والـزوج تجزيـه باحسانـا
ولزوم الرجل دايم.ن.مسموع=تحني لـه الـراس بإذعانـا
وتر وضعنا أول.ن.مبلـوع=واليـوم ماشـي يخفـانـا
وإن طعتني قفـل الموضـوع=والعـرس لايّـاه وليّـانـا
وتسان الولي ماذن.ن.برجوع=ينـزاح ضيم.ن.توطـانـا
ولامن كل.ن.رقد بهجـوع=نرفـع يدينـا.. لمـولانـا
ياربّ..ياموّصـل المقطـوع=بالخـيـر يارب..تجـزانـا





وبعد ذلك توالت قذائف حزب المعارضة..:(
وكان أوّل تلك القذائف هي قذيفة المتحدث الرسمي باسم حزب المعارضة ..
الشاعر(بو رائد)..والذي يقول:


كلامهم مابه المنفوع=يا الريم حنا لك اعوانا
بناتنا طيبات طبوع=ماهن من اللي يلادانا
فيهن حياء والحياءمزروع=جيران للطيب جيرانا
الهرج من دونهن مقطوع=بنات عم(ن) وخيلانا
مابهرج ابو مقرن(ن)مسنوع=يصب حانا على مانا
وان كان صالوا عليك جموع=مهزوم يابنت من جانا
بنات نجد(ن)جموع جموع=لكن السلام وتحايانا
واللي يبي ديره ام ردوع=هذاك محنا له اعوانا


وبما (إن التالية لازم تصير بيدنا)<<<صار مشاوش:)
نقول..وبلسان.ن.واحد:172r:..:thumb:
إلى جبهة المعارضة..وعلى رأسهم الشاعر(بو رائد)
تحية طيبة وبعد: (إنطحوووا عن روحكم يامعارضين السفرة)
أصواتنا ترتفع..ومعارضتكم ماتزيدنا إلا تصميماً وإصراراً
وحتى لايظن ظان..سفرتنا للشام مابه من المغازي..إلا دورة بنت الحلال..
وستر مولانا..!! :656:



الحرب به خادع ومخدوع=ولانرمي إلا..لنيشانا
لرمي العدو لابسين دروع=وننقل له السيف بأيمانا
وإن تسانها قاضع ومقضوع=ماظنتي.. تفلح عدانا
وليا حصل جارع ومجروع=خصيمنا.. يغرقه مانا
وأقول بالصوت..أنا المسموع=ياربعنا..يارعايانا
طرد الهوى ياملا مشروع=ومذكور بكتاب مولانا
بكتاب ربي لهن موضوع=في محكمه وضعهن بانا
أربع بنات.ن.مشن لك طوع=والشرط توزين ميزانا
دامك لهن قايد.ن.متبوع=حظيظ ياللي لهن صانا
حب النسا بالحشا مطبوع=ولأجله نسيّر مطايانا
على الشرف سايرين جموع=للشام وأطراف لبنانا
حلو البيارق غدى مرفوع= نقولها بجهر وإعلانا
أم الولد لو تهلّ دموع=ماهزّنا عن نوايانا
للشام يلّه بدون رجوع=ماغيرهن يبخص دوانا
مانتبع العاري المبيوع=مهما مع السوق نادنا
ولاناخذ إلا نقيّ ينبوع=الليّ لها بالشرف شانا
بالدين هي ساسها مزروع=مسك.ن.وفلّ.ن.وريحانا
ويارب يامذري الجربوع=يارازق الداب عميانا
ياخالق.ن.صانع المصنوع=يامدير الأفلاك بإتقانا
مالغير سترك.. ضوينا شموع=يارب يامقدّي خطانا



***
مع تحيات:
قائد المعارضة..العمدة أبو غازي..وعديله المبجل أبو مشاري
ويشد أزرهم كل.ن. من(متفاءل..المخاوي..الأصيل..النطول..)
عنهم...
المتحدث الرسمي : ((واللي مولم.ن.الشناط بس يحتري الربع ياما يزهبون)):wavey:
(أبو مقرن)

[الـمـحـروووم]

ههههههههههه :) :)

وأنا أكبر المعارضين لحزب أبوغازي وأبومشاري
ولكنني ليس معارض للزواج من السوريات

لكنني معارض زواج هالشياب اللي ماعندهم صلاحية بالمرة
وزواجهم من السوريات خطر على
حياتهم الأقتصادية :) ((المعنى في بطن الشاعر)) :) :)


لأنهم فرضنا لو قبلوا بهم السوريات
((وهذا الحلم نسبة تحقيقه صفر في الميه)) :)

أكيد لو تزوجوا من السوريات مابيردون لهن طلب
وهالسوريات الوحدة منهن مغسول وجهها بمرق
والله أعلم وش اللي يصير بعدين

لهذا أنا أنصح أبوغازي وأبومشاري أن يتركوا السوريات لنا نحن الشباب لأننا نستطيع أن نتعامل معهن أحسن منكم شوي :)

ودمتم سالمين
مجرد أقتراح

[الأصيل]

آمر .. وحنا بأمرك طوع=هذا (بومقرن ) وينخانا

حبك بوسط الحشا مزروع=ماشح عن زرعكم مانا

حريمنا لوعنّا لوع=من شافهن صار عميانا





إضرب بيد من كنكريت ( حديد فولاذ ) :)

صح لسانك يازعيم الفله





بالروح بالدم نفديك يابومقرن

بالدم بالروح نفديك يابوغازي و أبومشاري

بالروح بالدم نفديهم كلهم :d:






مامصختوها أبد ... استمروووو


لي نكسه :awink: أكييييد

[سلطان الشمري]

أما قبل.../



اخواني يامن تسيرون على خُطاٍ ثابته (بضم الخااااء) تصير (خو).. :puzzled:


لله دركم ايها المغادرون من منفذ الحديثه او من منفذ حالةعمار..

فجميع الطرق تؤدي الى

برزه _ دير الزور _ بلودان _ القامشلي _ اللاذقيه ( وهذي اخر مدينه على شاطي البحر الابيض المتوسط)

<<<<<<<<خبره المقرود :)


سوف اهبو ..الى نجدتكم .. ولكن على شرط .. ان تكون الرحله ..


ماله نكسة(ن) الا من دون باسكال :luvlove:


وانتم بكيفكم .. ولابد اني امر على مرطبات الايمان هكا الكافتيريا

بمساكن برزه..


بس تروني مابي اعرس العرس ..بهذا احسن ..


ابي اروح خوي معكم ..واكل شارب ,, ( ميم . ميم ) يعني محفول مكفول


والا ابي اهون ..


وارجع لسكاكا .. واعرس واريح بالي.. او اروح لديرة حولنا.. بيننا وبينه 300 كيلو ..


وانت حر يابو مقرن ..


مار على فكره ..




تصدق ..عاد ان السوريات .. لو ماتكسب منهن الا .. النظافه ..والجمال .. والطبخ السنع..


8
8
8
وش خليت :)


بس الجد .. السوريات فيهن بنات ناس ومحترمات وحليوات ..ظليمتهن شينه

لكن مايسون ماطى .. اللي بهذا .. ولهو كل اللي بهذا ..


بعضهن علة(ن) مستعله ..


لا تح ولا بش :awink:


تشااااااااااااااااو ابو مقرن

[المطنوخ]

أم الولد لو تهلّ دموع=ماهزّنا عن نوايانا
للشام يلّه بدون رجوع=ماغيرهن يبخص دوانا

=======================================
مع تحيات:
قائد المعارضة..العمدة أبو غازي..وعديله المبجل أبو مشاري
ويشد أزرهم كل.ن. من(متفاءل..المخاوي..الأصيل..النطول..)
عنهم...
المتحدث الرسمي : ((واللي مولم.ن.الشناط بس يحتري الربع ياما يزهبون)):wavey:
(أبو مقرن)


صح لساااااااااااااااااانك مليااااااااااااااااااار والله انك فتيت تسبودهم
سنايدي يالقائد

القافله تتقدم والاعلام تقود والمؤيدين في حالة انصراف للشام
للأماااااااااااااااااااااااااااااااااااا اااااااااااااااام



تعهد واقرار
اقر انا المدعو النطول بأن لا انكث عهدي بالعمده ابوغازي وساعده الايمن ابومشاري
وانني اضع نفسي تحت تصرف قائد ثورة المعارضه ابومقرن
وانني سوف امضي قدما في دعمهم ماديا ومعنويا ويمكن ان يحصل به اخاويهم لسوريا
واعرس معهم وانني ماضي في دفاعي المستميت ضد المعارضين
والله على ما اقوله شهيد

عريف ركن\ النطول

[عبدالله المهيني]

ياحلوه ياصرت تفرج ولا لك شغل :)



يعني محايد :tongue:


يعني أكثر لا من هنا ولا من هناك :sleeping:


والله يا عيال مافيه ازين من العزوبية :)


لاهم ولا مغثه ابد


بس تبون الصحيح ازين ما بالموضوع هذا

انه طلع لنا شاعرن جديد :thumb:

ومانا حلو قصيدووووووه :)


تشاوووو

[أبو مقرن]

هلا بالمحروم
دامك راضي من حيث المبدأ.. :thumb:
(العدلاء) أمرهم هيّن :awink: :p:
***
وتدوم سلامتك..
ولك من الشكر أجزله..على تشريف متواضعي

[أبو مقرن]

الشاعر القدير..وسراج الفلة المنير<<<أبوك يالسجع :d:
الأصيل..صح بدنك
مانتغارب عليك الفزعة..ياراعي المواجيب..
وتسلم روحك يالعشير..

لاهنت يامزبن المفزوع=(أصيل) وأصلك فلا هانا
ياحر.ن.أشقرسريع الفوع=ومن حظنا حام بأجوانا
شقيت تسبد السما بطلوع=والجوّ من طلعتك زانا
الصيد من هدتك مصقوع=لأوميت بأطراف جنحانا
من هيبتك ينحي بركوع=يدري مصيره بكم حانا
ماردّ قلبه جسد وضلوع=وبيمناك أصبح..خبر كانا
***

لاتبطي..بانتظار نكستك :)
((زادك الله شرفا وفخرا لما أتحفتنا به من كريم الزيارة..وفريد التعليق))

[ابو غازي]

عنهم...
المتحدث الرسمي : ((واللي مولم.ن.الشناط بس يحتري الربع ياما يزهبون))
(أبو مقرن)

والله وكفؤ يابو مقرن :smooch:
هذي الهقوة بك داااااااااااايم لاعدمتك :thumb:

7
7
7
الأصيل >> انت دايم اصيل يالغااالي :smooch:
نبرااااس >> خلك والم والبشت ببطك :a:
النطول >> تسلم وهذي الهقوة بك >> قليبك اخيضر دايم :d:
المهيني >> شف ياراعي الرياض مامن محايده ابد اما تسنع >> ولاترنا نقطع الماء عن اهل الرياض :awink:
7
7
7
بورايد :smooch:
حتى وإنت معارض مع نقاشات شطب مروان >> غااالي على قلوبنا لايمكن نصخي بك ابد والظاهر قلبتك عليهن ماهي بعيده قل ماقالوه ابو غازي :d:
7
7
7
المحروووم :puzzled:
هاللي يناقز بك وشو تقل راكبن لك جيب شـــــــــــــاصي بدون صندوق :g:
ههههههههههههههههههه :p:

الرفيدز ابو مقرن :thumb:
لايهمنك ترنا ماشين ماشين والعرس صاير :thumb:
هو ماكلمك العديل اليوم تروه لوه حويجه وتخص المحروووم :d:
:a:

:p:

[المخاوي]

صح لسانك يابو مقرن

تشوفوني حول المفرق والماريه شنطتن حمراء وبيدي الجواز الاخيضر :thumb: وباليد الاخرى مظلة شمسيه بس مهو عن الشمس عن المطر :)

[بو رائد]

صح لسانك اخوي ابو مقرن كذا الرد والا بلاش ياعلي ماعدم خيالك
@@@@@@@@@@@@@@@@@
انا مع بنات ديرتي مااخذ الا منهن وانت بكيفك لكن ابي اكلمك بالعقل
ياخذيت من سوريا او لبنان بالله عليك من ياخذ بناتنا قلي بكل صراحه وتجرد؟
ابو مقرن-ابو غازي -ابو مشاري كلكم عندكم عيال الله يخليهم لكم ويطول عماركم لهم
ترضون عيالكم ياخذون من (برا) من خارج السعوديه قولوا لي؟
بالله عليكم جاوبوني الدعوى بالهدؤ والتأني وبدون انفعال.....
^^^^^^^^^^^^^^^^^^^^^^^^^^^^^^^
الاصيل انت اصيل والف نعم بك ولك معزه خاصه لكن لايلعبون بعقلك تر بنت ديرتك ماحلا منه
نبراس والله اني اغليك يانبراس اي والله لكن موقفك متذبذب قل الحق لمن تخلي بنت ديرتك
النطول هالشيبان لايلعبون بعقلك اخبرك ذهين ياملا الغنيمه من تخلي بنت عمك لوه
اركد حيي واصغ لعقلك لاتاخذك العاطفه
المهيني قل الحق يامهيني لو على نفسك يابغيت تزوج منين تزوج قل لنا
ابو غازي ابو غازي ابو غازي انت الرقم الصعب عندي لكن غديك تغير رايك وانت حر ولو تطلب
الروح ترخص لك
المخاوي انت خوي الماشي اركد وندور لك من بنات الحلال مدرسه من بنات ديرتك
ماعندك الا هالشنطه تهف على غاربك اركد اخبرك ثقيل
انا اجزم مليون بالميه ان امهات العيال مادرين والا يسمع دبكم الي بيروت
يوم كبرتوا تدورون الجيزات

[مفتاح14]

طيب أنا هذا انتظركم على الدايري الشمالي وبالعلامه ملابسي بكيس وردي( لزوم الرومنسيه :d: )..ولابسن شورت بردغاني وكنادر موف..وتسان جيتوني بنهار تبون تشوفون سن الذهب تلمع وان تأخرتوا الى الليل تبون تشوفون الشموع يميني ويساري:):)

====

ابومقرن.....بورائد......الاصيل
اتحفتونا بهالمعارضات الحلوه
صحّت ألسنتكم..

ولاعدمنااااكم :thumb:

[المطنوخ]

انا خلالالالالالالاص ماني راايح
تسان هاللي يبي يمصخنا بلبسوه ((مفتاح اربعطعش)) يروح معنا
الا ياربي دخيلك :)
والله لو هو متعطي عند لوه مسجد ماعطوه هالالوان هذي :)
ههههههههههههههههههههههههههههههه
ههههههههههههههههههههههههههههه
والله قعدت لي ساعه فاتحن افااامي
من الضحتس
ولا يقول كيس وردي وسن ذهب :) :) :p:
هههههههههههههههههههههههههههههههههههههههه ههههههه
ههههههههههههههههه
حسبي الله عليك

[عبدالله المهيني]

المهيني قل الحق يامهيني لو على نفسك يابغيت تزوج منين تزوج قل لنا




عمي ابو رائد


<<< هذا مافكر بالعرس للحين

لكن ابشر يافكرت أعلمك برأيي :)

[هايس الشمري]

آمر .. وحنا بأمرك طوع
هذا (بومقرن ) وينخانـا

حبك بوسط الحشا مزروع
ماشح عن زرعكم مانـا

حريمنـا لوعنّـا لــوع
من شافهن صار عميانـا



معكم الى الامام :)

[الـمـحـروووم]

الرياض :awink:
7
هو ماكلمك العديل اليوم تروه لوه حويجه وتخص المحروووم :d:
:a:

:p:


وش هالحويجة
الله يستر:):):):)

[ابو مشاري الشمري]

أبو مقرن صح لسانك
ولسان من شارك بهالموضوع
عقب هالسالفه
والشعر
انني قررت وابو غازي قرر
اننا رايحين يعني رايحين
بس
لديرتن يقولون انك تسكن بلك فندق وفي الدور الخامس عشر
ولكن هالدور
على مستوى الارض
والباقي حافرينةالاف المترات تحت الارض
ويقولون جّوون ماهنا زينه
مطر وخيرات
وبناتهم جمال وكمال
ومحترمات ومتحشمات
ولو انهم بهم لهم قليلا من خشومهم فطس
ولكن انهم ينبلعون
كرش مافيه
اجسامهم رياضية
فمن اليوم وصاعد قررت انا وعديلي
اننا نبي نتزوج يعني نتزج
والعرس صاير يعني صاير
بس ماهو من عربووووووووووووه
يم هالديرة اللي تذكر
ويقولون انك بالطيارة على ارتفاع حوالي خمس وأربعين الاف قدم فوق
الارض
وبسرعة 900 كيلوا متر بالساعة
ولكن شي يستاهل
يم ماليزيا
واللي يبي معنا حيالله
يجهز عفشة
عن قريب

[بو رائد]

1)اخوي ابو مقرن والله ثم والله ماني بشاعر واللقب منك اعتز به
وانا اعترف اني مانا حولك بالشعر انت شعرك جزل وتجيد الشعر وكلماتك طيبه
والا انا اصف هالكلمات وارجوك السموحه انت والاخوان والخوات الاعضاء وغيرهم
لكن بالحكي الثاني والمنطق ادافع باللي اقدر عليه..........هذا اولا
^^^^^^^^^^^^^^^^^^^^^^^^^^^^^^^^^^^^^^^^^^
2)شف بعض خوياك تخلوا عنك ابو مشاري يبي يم هالشرق هو وبو غازي
وش معجبهم بالشرق هالي تقول فتوق فروة عيونهن وظني انهم مالهم نيه ابد
والله لو يبكي غازي عند ابوه فلا ينهج ابد قلبه رقيق ويغلي وغيدانوه الله يخليه لهم
^^^^^^^^^^^^^^^^^^^^^^^^^^^^^^^^^^^^^^^^^^^^^^
النطول جذعن وبعد غير رايه تقل مايبي الروحه و14 لابسن شورت بهالشلتا
لاينمرض عليكم مابقىمعك الا الاصيل ويمكن يغير رايه....لكن خذ هالنصيحه مجانا


نصيحتي اجل المشروع=نصيحه تشرى بالاثمانا
عطني لو مهله مقدار اسبوع=ياخوك لاتفرح اعدانا
غلاك في ضامري مطبوع=لاتخلي الناس تشنانا
بنت البلد له غلا مطبوع=نذود عنهابالايمانا
وام الولد رايها مسموع=هي اللي تامر وتنهانا
لاصار به صارع ومصروع=نفوز حنا على عدانا
تبي تسافر بدون رجوع=هل كيف ياخوك تنسانا
مقرن وخواته لهن دموع=قلبك حديدن فلا لانا
عسا ابو مقرن يجينا طوع=ونجوزه من رعايانا <-- بنت البلد
ياظني تعود لنا باسبوع=وتقول لاعاد مسرانا
تر الزعل بيننا مرفوع=حنا حبايب وصدقانا
ياالله عساها تجي بسنوع=ياعالمن في خفايانا
(أبو مقرن..سيّر عليك..وشرب فنجال.ن.بهذا..وتشرّف بتنسيق أبياتك)

[ابو خليف]

هم بيعملووووو ايه هنا

القماعه دلولا

[أبو مقرن]

أما قبل.../



اخواني يامن تسيرون على خُطاٍ ثابته (بضم الخااااء) تصير (خو).. :puzzled:


لله دركم ايها المغادرون من منفذ الحديثه او من منفذ حالةعمار..

فجميع الطرق تؤدي الى

برزه _ دير الزور _ بلودان _ القامشلي _ اللاذقيه ( وهذي اخر مدينه على شاطي البحر الابيض المتوسط)

<<<<<<<<خبره المقرود :)


سوف اهبو ..الى نجدتكم .. ولكن على شرط .. ان تكون الرحله ..


ماله نكسة(ن) الا من دون باسكال :luvlove:


وانتم بكيفكم .. ولابد اني امر على مرطبات الايمان هكا الكافتيريا

بمساكن برزه..


بس تروني مابي اعرس العرس ..بهذا احسن ..


ابي اروح خوي معكم ..واكل شارب ,, ( ميم . ميم ) يعني محفول مكفول


والا ابي اهون ..


وارجع لسكاكا .. واعرس واريح بالي.. او اروح لديرة حولنا.. بيننا وبينه 300 كيلو ..


وانت حر يابو مقرن ..


مار على فكره ..




تصدق ..عاد ان السوريات .. لو ماتكسب منهن الا .. النظافه ..والجمال .. والطبخ السنع..


8
8
8
وش خليت :)


بس الجد .. السوريات فيهن بنات ناس ومحترمات وحليوات ..ظليمتهن شينه

لكن مايسون ماطى .. اللي بهذا .. ولهو كل اللي بهذا ..


بعضهن علة(ن) مستعله ..


لا تح ولا بش :awink:


تشااااااااااااااااو ابو مقرن
***
هلا وغلا بشاعرنا نبراااس
وولم عفشك..وخلك بس زاهب..والوعد هناا:smooch:

وتشااااوووو...على أمل نلقاااااااو..خل.ن.شلع بالقلب وأقفن مطاااااياو:)

[أبو مقرن]

صح لساااااااااااااااااانك مليااااااااااااااااااار والله انك فتيت تسبودهم
سنايدي يالقائد

القافله تتقدم والاعلام تقود والمؤيدين في حالة انصراف للشام
للأماااااااااااااااااااااااااااااااااااا اااااااااااااااام



تعهد واقرار
اقر انا المدعو النطول بأن لا انكث عهدي بالعمده ابوغازي وساعده الايمن ابومشاري
وانني اضع نفسي تحت تصرف قائد ثورة المعارضه ابومقرن
وانني سوف امضي قدما في دعمهم ماديا ومعنويا ويمكن ان يحصل به اخاويهم لسوريا
واعرس معهم وانني ماضي في دفاعي المستميت ضد المعارضين
والله على ما اقوله شهيد

عريف ركن\ النطول

عريف ركن\ النطول
:lol::lol::lol:
صح بدنك..ولاهنت..والوعد دزدااااام:wavetowel

تحياتي

[أبو مقرن]

ياحلوه ياصرت تفرج ولا لك شغل :)



يعني محايد :tongue:


يعني أكثر لا من هنا ولا من هناك :sleeping:


والله يا عيال مافيه ازين من العزوبية :)


لاهم ولا مغثه ابد


بس تبون الصحيح ازين ما بالموضوع هذا

انه طلع لنا شاعرن جديد :thumb:

ومانا حلو قصيدووووووه :)


تشاوووو

هلا بالمهيني
أطعن يالبناخي..وتماكن روحك وخلك معنا:biggrin:
تر الدعوى مصيرية..:mf_wink::mf_wink:
تحياتي

[أبو مقرن]

والله وكفؤ يابو مقرن :smooch:
هذي الهقوة بك داااااااااااايم لاعدمتك :thumb:

7
7
7
الأصيل >> انت دايم اصيل يالغااالي :smooch:
نبرااااس >> خلك والم والبشت ببطك :a:
النطول >> تسلم وهذي الهقوة بك >> قليبك اخيضر دايم :d:
المهيني >> شف ياراعي الرياض مامن محايده ابد اما تسنع >> ولاترنا نقطع الماء عن اهل الرياض :awink:
7
7
7
بورايد :smooch:
حتى وإنت معارض مع نقاشات شطب مروان >> غااالي على قلوبنا لايمكن نصخي بك ابد والظاهر قلبتك عليهن ماهي بعيده قل ماقالوه ابو غازي :d:
7
7
7
المحروووم :puzzled:
هاللي يناقز بك وشو تقل راكبن لك جيب شـــــــــــــاصي بدون صندوق :g:
ههههههههههههههههههه :p:

الرفيدز ابو مقرن :thumb:
لايهمنك ترنا ماشين ماشين والعرس صاير :thumb:
هو ماكلمك العديل اليوم تروه لوه حويجه وتخص المحروووم :d:
:a:

:p:

هلا بعمدتنا..حيا لله أبو غازي
معك ونسير بخطا ثابتة..والوعد قرّب..
بس يمكن يكون على حين غرة..
<<<<<<أول يبونه مجاهرة..بس ماصارت على الكيف:police::george:
تحياتي

[أبو مقرن]

صح لسانك يابو مقرن

تشوفوني حول المفرق والماريه شنطتن حمراء وبيدي الجواز الاخيضر :thumb: وباليد الاخرى مظلة شمسيه بس مهو عن الشمس عن المطر :)
صح بدنك يالعشير..
إيه ولاتبعد..وتر ماريتنا كابرس.ن.أخيضر عليه لوه علم..مكتوب.ن.عليه
(وفد المضايف..للبحث عن الوظايف) <<<أي وظايف..توميه عن الحاجة الأصلية:icecream:
تحياتي

[أبو مقرن]

صح لسانك اخوي ابو مقرن كذا الرد والا بلاش ياعلي ماعدم خيالك
@@@@@@@@@@@@@@@@@
انا مع بنات ديرتي مااخذ الا منهن وانت بكيفك لكن ابي اكلمك بالعقل
ياخذيت من سوريا او لبنان بالله عليك من ياخذ بناتنا قلي بكل صراحه وتجرد؟
ابو مقرن-ابو غازي -ابو مشاري كلكم عندكم عيال الله يخليهم لكم ويطول عماركم لهم
ترضون عيالكم ياخذون من (برا) من خارج السعوديه قولوا لي؟
بالله عليكم جاوبوني الدعوى بالهدؤ والتأني وبدون انفعال.....
^^^^^^^^^^^^^^^^^^^^^^^^^^^^^^^
الاصيل انت اصيل والف نعم بك ولك معزه خاصه لكن لايلعبون بعقلك تر بنت ديرتك ماحلا منه
نبراس والله اني اغليك يانبراس اي والله لكن موقفك متذبذب قل الحق لمن تخلي بنت ديرتك
النطول هالشيبان لايلعبون بعقلك اخبرك ذهين ياملا الغنيمه من تخلي بنت عمك لوه
اركد حيي واصغ لعقلك لاتاخذك العاطفه
المهيني قل الحق يامهيني لو على نفسك يابغيت تزوج منين تزوج قل لنا
ابو غازي ابو غازي ابو غازي انت الرقم الصعب عندي لكن غديك تغير رايك وانت حر ولو تطلب
الروح ترخص لك
المخاوي انت خوي الماشي اركد وندور لك من بنات الحلال مدرسه من بنات ديرتك
ماعندك الا هالشنطه تهف على غاربك اركد اخبرك ثقيل
انا اجزم مليون بالميه ان امهات العيال مادرين والا يسمع دبكم الي بيروت
يوم كبرتوا تدورون الجيزات
هلا وغلا ببو رائد
وهالموضوع لو مابوه من البركة إلا جيتك تكفينا..ولايهونون(إخواني وأخواتي)..
تحياتي لك..:winner_fi

[أبو مقرن]

طيب أنا هذا انتظركم على الدايري الشمالي وبالعلامه ملابسي بكيس وردي( لزوم الرومنسيه :d: )..ولابسن شورت بردغاني وكنادر موف..وتسان جيتوني بنهار تبون تشوفون سن الذهب تلمع وان تأخرتوا الى الليل تبون تشوفون الشموع يميني ويساري:):)

====

ابومقرن.....بورائد......الاصيل
اتحفتونا بهالمعارضات الحلوه
صحّت ألسنتكم..

ولاعدمنااااكم :thumb:

هلا وغلا..بالزميل
خوش حلايااا ياشيخ الفله..
يالعزوة..والله إن ردك موضوع.ن.لحاااااالوه
:lol::lol::lol::lol::lol:
تحياتي

[أبو مقرن]

آمر .. وحنا بأمرك طوع
هذا (بومقرن ) وينخانـا

حبك بوسط الحشا مزروع
ماشح عن زرعكم مانـا

حريمنـا لوعنّـا لــوع
من شافهن صار عميانـا



معكم الى الامام :)
هلا بالذيب..ومساندتك فخر
لو ماهذا فعلك....ماتسميت بالذيب
وعسى الخير دزدامك..
تحياتي

[أبو مقرن]

أبو مقرن صح لسانك
ولسان من شارك بهالموضوع
عقب هالسالفه
والشعر
انني قررت وابو غازي قرر
اننا رايحين يعني رايحين
بس
لديرتن يقولون انك تسكن بلك فندق وفي الدور الخامس عشر
ولكن هالدور
على مستوى الارض
والباقي حافرينةالاف المترات تحت الارض
ويقولون جّوون ماهنا زينه
مطر وخيرات
وبناتهم جمال وكمال
ومحترمات ومتحشمات
ولو انهم بهم لهم قليلا من خشومهم فطس
ولكن انهم ينبلعون
كرش مافيه
اجسامهم رياضية
فمن اليوم وصاعد قررت انا وعديلي
اننا نبي نتزوج يعني نتزج
والعرس صاير يعني صاير
بس ماهو من عربووووووووووووه
يم هالديرة اللي تذكر
ويقولون انك بالطيارة على ارتفاع حوالي خمس وأربعين الاف قدم فوق
الارض
وبسرعة 900 كيلوا متر بالساعة
ولكن شي يستاهل
يم ماليزيا
واللي يبي معنا حيالله
يجهز عفشة
عن قريب

هلا بابن العم الغالي..أبو مشاري
صح بدنك..ياعديل العمدة..
إنت ماسمعت باللي يقول( جاور السعيد تسعد)<<<تر هالمثل على أبو غازي..بس خلك حوله..
وخلنا هالمرة يم سوري..والشرق لووه مشرق.ن.يدوورووووه:punk::punk:
تحياتي

[أبو مقرن]

1)اخوي ابو مقرن والله ثم والله ماني بشاعر واللقب منك اعتز به
وانا اعترف اني مانا حولك بالشعر انت شعرك جزل وتجيد الشعر وكلماتك طيبه
والا انا اصف هالكلمات وارجوك السموحه انت والاخوان والخوات الاعضاء وغيرهم
لكن بالحكي الثاني والمنطق ادافع باللي اقدر عليه..........هذا اولا
^^^^^^^^^^^^^^^^^^^^^^^^^^^^^^^^^^^^^^^^^^
2)شف بعض خوياك تخلوا عنك ابو مشاري يبي يم هالشرق هو وبو غازي
وش معجبهم بالشرق هالي تقول فتوق فروة عيونهن وظني انهم مالهم نيه ابد
والله لو يبكي غازي عند ابوه فلا ينهج ابد قلبه رقيق ويغلي وغيدانوه الله يخليه لهم
^^^^^^^^^^^^^^^^^^^^^^^^^^^^^^^^^^^^^^^^^^^^^^
النطول جذعن وبعد غير رايه تقل مايبي الروحه و14 لابسن شورت بهالشلتا
لاينمرض عليكم مابقىمعك الا الاصيل ويمكن يغير رايه....لكن خذ هالنصيحه مجانا


نصيحتي اجل المشروع=نصيحه تشرى بالاثمانا
عطني لو مهله مقدار اسبوع=ياخوك لاتفرح اعدانا
غلاك في ضامري مطبوع=لاتخلي الناس تشنانا
بنت البلد له غلا مطبوع=نذود عنهابالايمانا
وام الولد رايها مسموع=هي اللي تامر وتنهانا
لاصار به صارع ومصروع=نفوز حنا على عدانا
تبي تسافر بدون رجوع=هل كيف ياخوك تنسانا
مقرن وخواته لهن دموع=قلبك حديدن فلا لانا
عسا ابو مقرن يجينا طوع=ونجوزه من رعايانا <-- بنت البلد
ياظني تعود لنا باسبوع=وتقول لاعاد مسرانا
تر الزعل بيننا مرفوع=حنا حبايب وصدقانا
ياالله عساها تجي بسنوع=ياعالمن في خفايانا
(أبو مقرن..سيّر عليك..وشرب فنجال.ن.بهذا..وتشرّف بتنسيق أبياتك)

هلا بالشاعر بو رائد..نوبة.ن.بعد نوبة..ومرحبا بك مرة.ن.بعد مرة..
وكلامك ياأستاذي كله على الراس والعين..
وبنت الديرة اللي هي نصف هالدنيا..مابه إلا قوووود وجهه..
<<<<<<<<يلّمح إنوه يبي يعترف بالحق..:post-16-1
لكن هالسوالف وهالعلوم مالنا عنه..ولو بهالحتسي..وصفّ هالكلام..
(بعد إذنك..بس أبي هالقصيدة الأخيرة :vertag: ..وعقبه أبي أهوون وأترك الموضوع:wavetowel:wavetowel

الشك ياصاحبي منزوع=وغير العَدَلْ مِنْكْ ماجانا
بس الحقيقة تلوعن لوع=وينغث بالي بها احيانا
ياصاحبي بنتنا..دلّوع=تبغى على الراس تيجانا
وتبغى بطاقة(سوا)مدفوع=وبالسوق تاخذ له أزمانا
وجاكيتها بلندن.ن.مصنوع=ماركات (ننيجا)و(سيلفانا)
ومن الذهب ساعة.ن.ودروع=من صدرها لفوق الامتانا
لاصار لي راتب.ن.مقطوع=مطلوبها منين؟! يافلانا
من سبته صرت أنا متبوع=والعسكري دوم يقفانا
أفزّ من نومتي مفزوع=لادّق لي باب..ديّانا
واليوم دام العتب مرفوع=والذيب يرعى مع الضانا
لأجلك نويت أترك الموضوع=وأقفل عن العرس بيبانا
وارتاح من لافع وملفوع=وعسى الولي ياصل رشانا
ومع النشاما نغيب اسبوع=نرتاح..ونرّيح..أبدانا
في فيضة.ن.كل أبوها فقوع=والعشب ماجاه رعيانا
وصوت الرعد بالسما مسموع=يجلي عن النفس الاحزانا
عزوبية.ن.قلبنا موجوع=والناس قامت تحاشانا
من وين مانتجّه ممنوع=ماحيّ ياخوك.. يقمانا!
حقيقة.ن.صغتها بسجوع=من قلب يالذيب.. ولسانا

وتحياااااتي لك..ولإخواني وأخواتي..:whistling:whistling

[أبو مقرن]

هم بيعملووووو ايه هنا

القماعه دلولا

هلا بذيب شراف
خلك مع الجماعة..وتبي تشوف الي يسرك إن شاء الله..
تحياتي

[بو رائد]

صح الله لسانك اخوي الغالي ابو مقرن وكل ماقلته صحيح ولقد سعدت
جدا بالتعرف على انسان مثلك ولك معزه خاصه يشهد الله بيض الله وجهك واشكر لك تحملي والمسامحه منك ان بدر اي شي غير مقصود
من اخوك الكبير والنفس احيانا تحتاج لبرهه من الضحك البرئ مع من مثلك وشرواك وابشرك الامطار واجد والنفوس طيبه دمت بصح وخير