للبنات فقط سؤؤؤؤؤال محررررررررررج

[فاصــ بيضاءــلة]

السلام عليكم ورحمة الله وبركاته....

سؤالي لو سمحتوا وبكل صراحه هووووووو.....

لو مثلا انتي كنتي طفشااااانه ونايمه الظهر ويوم صحيتي لقيتي اهلك صاحين وجالسين يتغدوون قمتي جلستي معهم وانتي واصلة معك
الا امك تناظرك وتضحك وتتبسم وانتي كل شوي تعدلين بشكلك تحسين فيكي شي غلط ( وحده ماهي واثقه في نفسها ) ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يابنيتي
انتي : مبروووك على ايش (طفشانه ومالك خلق )
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول وبتقولين
انتي : وش تبي الحرمة (انواع الاستهبال) هاهاهاهاهاها
امك : تبيك تكنسين حوشهم وش تبي يعني تصور مع خشتك ( الام خفيفة دم )
انتي : يعني تبي تخطبني (بريئة مرة )
امك : ايه وش قلتي
انتي : ماابغى اعرس (مسوية قوية وماهمك)
امك : طيب برسله لبنت خالك ( حشا صاااار ايميل مو ولد )
انتي : ياحليلك يمه تراني امزح على طول تصدقين
المهم بعد يومين دقت ام المعرس
ام المعرس : الووووو (متحمسة) وولدها جنبها
امك : الوووووو
ام المعرس : وشلونكم
امك : طيبين
شكلي بطولها المهم بوصلكم للزبدة (صارت مكرونه بالباشميل ) ماعلينا المهم
ام المعرس : وش قلتوااااااا
امك : موافقين
ام المعرس : اجل ترى يوم الخميس بيجي ولدنا يشوووف بنتكم
امك : اوكي ( عادي امك متطورة )

المهم خلصوووووو وانتي بدا قلبك يقول طربق طربق طربق اليوم الاثنين ويوم الخميس قريب ( انتي طبعا خايفه يقول المعرس بعدين اهم شي الاخلاق ) ههههههههههههههههه


سؤااااااااالي هنا ابى اعرف وش بتسوين من يوم الاثنين للخميس ويوم الخميس بالذااااات وش بتسوووووين ؟؟؟؟؟؟؟
<=== ملقوفه

ابغى اجابات وابغى حركة

اختكم
فصولة

[تركواز]

مرحبتين فاصلة

السؤال لافيه حرج ولاشي

بالعكس راح استغل كل لحظة في هذه الايام بالاستخارة و تكرارها و الالحلح فيها

لأن هذا أصعب قرار و الخطأ فيه غير قابل للتصحيح :485r:



طبعا هذا لــــــــو كنت صاحية :232r:

لأني من أتوتر انام في اليوم 20 ساعة أو أكثر . و الأربع ساعات الباقية أكون عند الثلاجة :d:_ قولوا مشاء الله يابنات _

و مبروك مقدما فصفص :m:

[طَيْبَةْ الْفال]

وعليكم السلام ورحمة الله وبركاته



يالله انك تحييها وتقبلها ولا تكسحها :)

مشاء الله اجل بتجوزين هههههههههههههه عالبركه الله يرزقتس بالرجال الهدي والذريه الصالحه

ههههههههه بس مشاء الله عليتس اسلوب ممتاز وربي الله يسعدك ويدخل السرور الى قلبك


اما بالنسبه لسؤالك وش تسوين؟؟ انا اقولك صلي وادعي ربك واستخيري

واحنا عاداتنا مهي زيكم الرجال ما يشوف الحرمه الا ليلة العرس

يعني قبل العرس تلقينه يفتر عند باب البيت ههههههههه يحتريها تطلع

وهي بعد ما تشوفه الا ليلة العرس .. يعني انتم عايشين بربيع


والله يوفقك اختي الغاليه دنيا واخره ويرزقك بالزوج الهدي والذريه الصالحه

[فاصــ بيضاءــلة]

لأني من أتوتر انام في اليوم 20 ساعة أو أكثر . و الأربع ساعات الباقية أكون عند الثلاجة :d:_ قولوا مشاء الله يابنات _

ماشاء الله
حلو انك كذا ياتركواز النوم راحة
و مبروك مقدما فصفص :m:

ويييييييييييين مبروك

حرام عليكم توني ماكملت 16 سنة وتبون تزوجوني

لاحقين..

[فاصــ بيضاءــلة]

وعليكم السلام ورحمة الله وبركاته



يالله انك تحييها وتقبلها ولا تكسحها :)

مشاء الله اجل بتجوزين هههههههههههههه عالبركه الله يرزقتس بالرجال الهدي والذريه الصالحه

ههههههههه بس مشاء الله عليتس اسلوب ممتاز وربي الله يسعدك ويدخل السرور الى قلبك


اما بالنسبه لسؤالك وش تسوين؟؟ انا اقولك صلي وادعي ربك واستخيري

واحنا عاداتنا مهي زيكم الرجال ما يشوف الحرمه الا ليلة العرس

يعني قبل العرس تلقينه يفتر عند باب البيت ههههههههه يحتريها تطلع

وهي بعد ما تشوفه الا ليلة العرس .. يعني انتم عايشين بربيع


والله يوفقك اختي الغاليه دنيا واخره ويرزقك بالزوج الهدي والذريه الصالحه

غريبة عندكم انه الواحد مايشوف العروس ألا ليلة العرس

على فكرة حق شرعي انه يشوفها قبل..

وبعدين اتنم توقعتوا انه انا اللي باتزوج انا توني

بس حبيت احرك المضيف شوي..

ومشكورة على المشاركة

[مجموعة إنسان]

.

قال تعالى { ربنا آتنا في الدنيا حسنة وفي الآخرة حسنة وقنا عذاب النار }

أعتقد أن الدعاء بهذه الآية وبصفة مستمرة خلال فترة ماقبل الخميس المنتظر

لها مالها من تأثيــــر


الإكثار من الدعاء والإستخارة

السؤال عن شخصية هذا الرجل ومزاجه

تهيئة الجو المناسب لذلك اليوم

إلخ إلخ إلخ :tongue:


غاليتي فصّوله :

النظرة الشرعية من الأمور التي دعا لها المصطفى صلى الله عليه وسلّم

وأنا من المؤيدين لها بشدّة

فلما لا ونحن نحمل نيّة البناء لا الهدم

والبناء يحتاج مايقوّي أساسه

ورسولنا أعلم منّا بذلك

فقال الرسول (صلى الله عليه وسلم): « إذا خطب أحدكم المرأة فإن استطاع أن ينظر منها إلى ما يدعوه إلى نكاحها فليفعل ، فإنَّ ذلك أحرى إلى أن يؤدم بينهما » ..

وروى مسلم في صحيحه عن أبي هريرة -رضي الله عنه- أن رجلاً ذكر لرسول الله (صلى الله عليه وسلم) أنَّه خطب امرأة ، فقال له رسول الله (صلى الله عليه وسلم): « أنظرت إليها؟ »



عجبي لمن يأخذ من سنّة المصطفى مايحلو له ويهجر مالا يحلو له


غاليتي فصّوله :

أشكرك على هذه المشاركه


ولاتقاطعين :thumb:

.

[فاصــ بيضاءــلة]

هلا والله بمشرفتنا

تو مازان الموضوع يوم مريتي عليه

رد جميل جدا

شكرا مجمج

[هـــلا]

موضوع قمة في الروعة غالتي فاصــ بيضاءــلة

أنا ماراح اناقش موضوع الرؤية الشرعية لأنه ولله الحمد مطبق عندنا

أما بالنسبة لسؤالك عني وش بسوي من يوم الأثنين لحد الخميس

أنا بقولك

من يوم الأثنين لحد الخميس يعني 24 * 4 = 96 ساعة

أعتقد إن كل هالـ 96 ساعة بقضيها صياح ودعاء وهواجيس وقل نوم هذا إذا نمت أصلاً

وإذا جاء يوم الخميس بدخل عليه ووجهي تعباااااااااااان حيل

وأعتقد بيهج أول ما بيشوفني

= = = =

عندي أقتراح أحسن مجرب ومضمون 100%

المفروض الأهل ما يعلمون بنتهم اللي مثل حلاتي بموعد الرؤية الشرعية

مثلاً ياخذون رأيها بالموضوع بشكل عام إذا أبدت الموافقة كان الله بالسر عليم وكملوا جمع معلومات عن ولد الأجواد

ما عندها إستعداد للزواج في الوقت الحالي كنسلوا الموضوع لأنه محد يقدر يجبرها

فل نفترض إنها النقطة الأولى ماعندها إعتراض على مبدأ الزواج

والرجال كل ما سمعت عنه من اهلها شيء يسر الخاطر

خلاص يتركون البنت فترة تستخير

((هذا الرجال ومواصفاته وفكري على مهل))

بهذا الوقت يحددون مع الرجال موعد للرؤية الشرعية بدون لايبلغون العروس



وفي اليوم المشهود



طاطاطاطاطاطاطاطاط <<< موسيقى تصويرية



يعلمونها من الظهر مثلاً ترى ولد الفلان بيجي يوشوفك بعد المغرب

إلبسي وتجهزي

على فكرة الموقف شهدته بإم عيني والبنت دخلت وبكامل جمالها الطبيعي

لأنها لا قعدت كم يوم سهرانة تفكر ولا ظاق صدرها ولا صاحت


مو ماصاحت أبد :g: بس كم دميعة بطتهم قبل تدخل

ولله الحمد والمنة

خلصت السالفة










أدري بتقولون ياكثر كلامي

بس سامحوني في خاطري أقرق اليوم
:p: :p: :p: :p:


الله يهني كل عروسين

[ريم شمر]

انواع التطنيش :)

وش يخوف يعني

حتة عريس لاراح ولاجا :puzzled:

المفروض هو يخاف وينتفض بعد :)

حنا ولله الحمد واثقين من انفسنا n)

ان ماعجبه يقضب الباب

<<<< عسى ماتطقه :a:

[هـــلا]

حبيبتي ريم الخوف من مو العريس نفسة

على قولتك حتة عريس لاراح ولا جاء

الخوف من الموقف نفسة

تخيلي نفسك داخلة على رجال غريب بدون غطاك

ياربية قمة الإحراج

[فاصــ بيضاءــلة]

اقتراح حلو ياهلا وانا أيدك

وعلى قولتكم الخوف مو من العريس>>>>إلا والله الخوف منه

الخوف من الموقف نفسه واحد غريب وأول مرة يشوفك وتشوفينه

يعني انتي وهو في موقف لاتحسدون عليه

[ريم شمر]

صدقوني يابنات
تخيل الموقف يخوف اكثر من الموقف نفسه

وبيني وبينكم ترى الخاطب نفسه

يكون خايف ومحرج جدا :thumb:

وانتي اذا شفتيه بهالشكل بيروح الخوف منك
هذا اذا ماقعدتي تضحكين من الموقف :)

[فاصــ بيضاءــلة]

انا سالفة ان الخاطب بيخاف اكثر من البنت هذي ماصدقتها الا
يوم شفت بعيني كان خايف وبس إلا كان يرتجف:puzzled:

[مجد]

غدا الرد

[فاصــ بيضاءــلة]

وينك يامجوده

[مجد]

هلاااااااا فاصلة بيضاء..
اعذريني نسيت وتأخرت عليك بالرد ..

ودي اكتب ردي .. بس رأيي يخالف راي الكل
وقد ما يعجبك .. لكن ساكتبه .. وهذا رايي الخاص فيني

أنا ضد الرؤية ..
وأكثر اللى يؤيدونها الشباب لانهم الكسبانين من القضية :smileyb:
وأنا ضدها ..
ما أحب أسلوب "الفاترينات " والاستعراض
وكأن الفتاه سلعه .. معروضة للبيع
أو "طلي" أو" بقرة " يفحصونها !!

فالمرأة تخطب لجمالها + مالها +حسبها + ونسبها + دينها

ومن وجهة نظري أن العريس يكفيه الوصف من خلال أهله

أما بالنسبة للرؤية الشرعية :
لها ضوابط وليست مفتوحة هكذا
لو كانت على وقت الرسول عليه السلام
كان أنا أول وحدة تؤيدها
لان الرجال في ذاك الزمان "صحابة وووو"
أم عصرنا الحالي .. لا تعليق !!

بالنسبة لسؤالك كيف ممكن اتصرف؟!
لو طلب شخص هذا الطلب .. "مستبعد "
هذا يعنى أنه لا قيمة عنده لنسبي ولا حسبي ولا ديني ولا مالي
يعنى شكلي هو الأهم عنده من كل ماسبق!!
وأكثر الأسر ترفض ذلك . http://shmmr.net/vb/images/icons/icon14.gif
أما الأهل اللى يقبلون بذلك أحس انهن يبون يتخلصون من بنتهن هههههhttp://shmmr.net/vb/images/icons/icon10.gif

[فاصــ بيضاءــلة]

هلا والله بمجد آسفة أنا بعد على تأخري في الرد

أما بالنسبة لموضوعنا بالعكس أنا ماكتبت هالموضوع إلا أبغى أعرف أرائكم على اختلافها ومو شرط تعجبني أهم شيء اقتناعك أنتي..

ورأيك له كل احترامي ..

بس أعارضك معارضة كبيييييييرة فقولتك (أما الأهل اللى يقبلون بذلك أحس انهن يبون يتخلصون من بنتهن ههههه )

موشرط يعني عشانهم سمحو له يناظره يعني يبغون الفكه!! لا
يعني اللي يشرط يقول أبغى أشوفها أول ولا ماأبغاها هذا ممكن نقول عنه جاي يبغى (......)

لكن في رأيي أن الرؤية فيها راحة نفسية يعني ممكن أنا أو غيري يشوف أحد يرتاح له من شكله وممكن بعد من شكله ماأرتاح له يعني مو شرط على أنه زين أو شين لا.

وآسفة على الإطالة

[ريم شمر]

مجوده اسمحي لي اناقشك برأيك
مع كامل احترامي له


أنا ضد الرؤية ..
وأكثر اللى يؤيدونها الشباب لانهم الكسبانين من القضية

من قال انهم هم بس الكسبانين
بالعكس النظره ليس المقصود فيها فقط
نظر الشاب للفتاة بل ايضا نظر الفتاة للشاب
يعني الاثنين لبعضهم
كلهم بيستفيدون من هالشئ
مع اني اشوف ان الفتاة يمكن تستفيد اكثر
لان اغلب الشباب بيلفت نظره الجمال
والجسم وبيكون هذا اكبر همه
اما البنت بتنتبه لاشياء اخرى اكثر اهميه
اسلوبه في الكلام درجه فهمه وذكاءه
سرعة بديهته حتى نظرته لبعض الامور
ممكن تستشفها بمجرد جلسه وحده
لمده ربع ساعه او حتى اقل
احيانا لاتحتاجين لمعرفة الانسان الا ان يتكلم فقط
ولو بكلمتين
يعني الفائده موجوده و قد تكون للفتاة اكثر من الشاب




ما أحب أسلوب "الفاترينات " والاستعراض
وكأن الفتاه سلعه .. معروضة للبيع
أو "طلي" أو" بقرة " يفحصونها !!

لا يامجد هالكلام تقوله وحده غيرك :(
انتي عاقله وفاهمه
شرع الله وسنة النبي صلى الله عليه وسلم لاعيب فيها
وان كان هناك عيب فهو فينا
ولم يسمح الله سبحانه بامر فيه اهانه او انتقاص لنا
تاكدي من هذا الشي

من قال ان القضيه مجرد عرض ليختار الشاب
مايناسبه او لا

القضيه اعمق واكبر
القضيه بينها نبينا الكريم عندما قال
( عسى ان يؤدم بينكما )
اي ان يحصل بينكما المحبه والود
والانسجام

وهذا فعلا يحصل
قد تكون البنت لاتريد الشاب وعندما تراه
وتجلس معه تغير نظرتها وكذلك
قد يكون الشاب متعلق بفتاة دون ان يراها
وعندما يراها لايحس انها تناسبه
فينسحب من البدايه ولاتحمل لقب مطلقه فيما بعد

اذا في الامر كثير من الحكمه قد تظهر لنا وقد تخفى

مجوده كان ردي بشكل سريع

وقد يكون لي عوده للتوسع في النقاش

اذا اردتي :)

ريمو

[الشامخة الخالدي]

ههههههههههههه
مت من الضحك وربي اني من قبل خمس سنين الى قبل كم شهر وانا هالمواقف تواجهني لكن كنت ارفض من قلب مو بس دلع واواجه انتقادات ان ان رفضت راح محد يتقدم لي وانا ولاهامني لان اقول اذا ربي كاتب لي نصيب مع واحد راح آخذه وفكرة اني اتزوج بحريني مرفوضا تماما ليما الاهل اقتنعوا والحمد لله قبل شهرين عقلت هههه
وطول الاسبوع وانا استخير وحالتي حالة حتى اللقمة ما اتهنى فيها مع ان خطيبي عارفينه من قبل لكن متخوفة من الشوفة الشرعية وكيف ان طول عمري مغطية وجهيي ويجي واحد ويناظر فيني على كيفه ادري بتضحكون بس من جد هالسالفة كانت شاغلة مخي الى ان ربي سبحانه ريحني وشلت هالفكرة وعدت الامور على افضل وجه واحسن مما اتوقع ولله الحمد
بس هالله هالله في صلاة الاستخارة لانها فعلا هاااااااااااااااااااااااامة

[فاصــ بيضاءــلة]

هلاااااااااااااااا مليون بالشامخة

ألف مبروك ..

وبعدين تعالي ليه ماعزمتينا:a:

[نعومه]

http://nona2003.jeeran.com/nawoomh.gif

فصوله << دلع جديد

والله ما عندي شي ازيده . البنات كفوا ووفوا

عند اهلنا هالنظره ممنوعه

وفكرتهم في النظره نفس فكرة اختي مجد

وانا وياهم طقاق .. انا اقول تجوز والرسول امر فيها

وامي وجدتي يقولون هي لعبه ؟ اها وان ما بغاها تروح الشوفه

وعجزت اقنعهم ان الشوفه ميب له لحاله .. حتى للبنت

وهو ماراح يشوفها الا لما تتم الموافقه بنسبة 90 %

يعني هو موافق .. واهله جادين .. وبعد السؤال عنه والتقصي

والعشره بالميه بتكون للراحه هل ترتاح له ولا هو يرتاح لها

وقلت لهم انا ماراح اتزوج قبل ما اشوفه ويشوفني

وكانكم تبوني اعنس عيو .. واصملوا على رايكم << شكلهم بيعنسوني

مثال عن فائدة الرؤية.. وحده من قريباتنا

مضربه عن فكرة الزواج ..

ولما جوا ناس يخطبونها .. قالها ابوها ادخلي واجلسي شوي

وموب لازم تاخذينه ان ما عجبك

وطبعا هي داخله تقول لهم ابدخل بس عشانكم وزواج منيب متزوجه

وطبعا يوم طلعت قالت ( يا حليله والله حبيته )

ووافقت على طول وهي الي من اصل رافضه الفكره

يعني في هذي الحاله ( الرؤيه هذي خدمتها هي موب هو )

وبعد صديقتي يوم دخلت على اول خطيب لها وشافته

قالت تراني ما ارتحت له .. اسالوا عنه اكثر

ويوم سالوا اكتشفوا انه شخص فاشل وبلا شخصيه

يعني الرؤيه هذي تخدم البنت اكثر

وبعدين يشوفها وما تعجبه وهم على بر اهون من اذا تزوجوا

ذيك الساعه التدبيسه محترمه .. ولا راح يدفع ثمنها الا البنت

نرجع للموضوع الاصلي . الي هو وش تسوين

والله منيب مسويه شي

وش بسوي يعني ؟؟

يمكن قبل ادخل بس ابسأل وين جالس

النفسيه قبل هاليوم بتكون كلها هواجيس

( وش شكله ووش بيقول ووش ابقول انا و وش بيصير من مواقف )

وسلامتكم

الا ما قلتوا اهم شي

كل وحده وشلون راح يكون شكلها لما تدخل ؟؟ هل هي من النوع الي يتصلح ويتضبط

لدرجة انها ممكن تروح الكوافيره تصلحها؟؟

ولا تفضل الشكل الطبيعي تمام؟؟

من ناحيتي لو الموضوع بيدي اقولهم خلوه يشوفني من دون ما ادري

لان ما ودي يشوف فيني ولا شي موب طبيعي

واذا بدخل حتى الكحل ماراح احطه والشبشب شحاااااطه

<<< ولو بيدي دخلت زحفن << تحمست http://www.shmmr.net/vb/images/icons/icon10.gif

http://nona2003.jeeran.com/nawoomh2.gif

[فاصــ بيضاءــلة]

فصوله << دلع جديد

فصفص أحسن : )

الا ما قلتوا اهم شي

كل وحده وشلون راح يكون شكلها لما تدخل ؟؟ هل هي من النوع الي يتصلح ويتضبط

لدرجة انها ممكن تروح الكوافيره تصلحها؟؟

ولا تفضل الشكل الطبيعي تمام؟؟

انا من رايي انها ماتطلع له عادية جدا لا تحط شوية كحل من جوا وقلوس ويكفي..

[الشامخة الخالدي]

افا عليج يافصفوصة ههههههههه
اسم دلع من ابتكاري العزيمة عالعرس بعد سنة((ياليل ما اطولك)ههههههههههه
وحلاة الوحدة تدخل طبيعية خاصة ان كانت مملوحة علشان لما يشوفها متعدلة في حفلة الملكة تطلع عينه عليها خاصة ان كانت عيونها من الله مكحلة وبشرتها صافية اما ان كانت عادية الشكل فالكحل يكفي ولازم تسوي فيشل لبشرتها ان كانت تعبانة لان البشرة الصافية من اهم مميزات الجمال
وخلها تثقل مو تصير هبلة ومطيورة وماشافت خير تراه بيمسكها عليها باقي العمرههههه

[فاصــ بيضاءــلة]

عالعرس بعد سنة((ياليل ما اطولك)ههههههههههه

ليه مستعجلة على الشقا