قصة أعتقال مهراس بمنفذ العمري

[مهراس]

:D
سلمكم الله هذا قبل شهرين اخوكم نوى يروح سياحه يم الاردن المهم خذيت مع صلفاح برميطه و خويي الحول عوكل <<<< معاييرهم والله ان دروا الا يفرشوني :D
المهم ماشين مع الخط ومستانسين بالحيل <<< مشغلين لنا الله .ابونوره
والسياره التيما عنابي :D له دخنه ( صرفيه ) والقطه اللي معانا الفين ريال
ويوم اقبلنا على منفذ الحديثه نبي نختم الجوازات تورطنا بصلفاح برميطه طلبوا عليه موافقه ... اثريه وغد ويمشي عاي :D والله نتطلبهم قلنا هذا اهله مسافرين للاردن ناسينه :D وحنا نبي نسوي معروف نقرطه عليهم :D
المهم تسذبنا عليهم وطلعونا ويومن جينا عند منفذ العمري ياسبحان الله خلق وفرق ..... وجيه خويانا اللي مشوين ( منفذ الحديثه ) سمر واشكالهم :(
وهالزنمات الواحد تمرى بوجهه تمري حمر ابن الذين وطول هالباب اللي عندي :D يمار لبقنا عندهم ونزلنا شناطنا للتفتيش وهو يجنينا هاك الحمر تقل امريكي الله لايبلى .....
الاردني : على العافيه شباب <<<<<< الله من ضرب المكدوس والزيتونات :D
مهراس : هلا وغلا بجيراننا الاردنن
الاردني : بلاش تكثر حكي يازنمه افتحوا الشناط هسا:mad:
مهراس : افا ليش معصب يالغالي
الاردني : بكلك افتح الشنط هسا شو بك ابتفهمش عربي :mad:
مهراس : :confused: طاح وجهي ابشر ابشر الحين |513|
صلفاح برميطه: وشبلاه هذا معصب ذابحين حدىعياله
عوكل : ياشين انثبر انت :mad: خلونا نخلص
مهراس : صلفاح ان ما عقلت ترى برجعك الحين |512| <<< جايين على سيارته ويتحكم بهم :D
صلفاح برميطه : خلاص يارجال خلنا نخلص الحين.
الاردني : شوبكم عم توشوشو لبعضكم معك اشي :mad:
مهراس : لاوالله يارجال س حنا اول مره نطلع ولانعرف اجراعتكم = اجراءاتكم
الاردني : الله يلعن هالدنيا اللي خلتكم رجال وانت قد اصباعتي.
مهراس : ارخو ابوي انت وش تقول محنا مالين عينك تراك طولتها معانا:mad:
الاردني : شو طولتها معاك تر بخنع نيعك هسا
مهراس : تخنع كبر السلوقي يالديتس الرومي اعقب وانا مهراس
الاردني: شو بتسب الحكومه <والله ما سبيت تبلاني ابن الذين :(
العيال : مهراس اركد وشبلاك لاتورطنا
مهراس : ماتسمعون وش يقول ابن الذين هذا
الاردني : ياغسان غسان < وهو ينادي ماسكن يدي :eek:
جا اللي اسمه غسان مراً مثله بعد
غسان : شو فيه شو فيه
الاردني : هاض الزنمه بيسب الحكومه ولسانه طويل وديه لضابط المناوبه :( ياتسذبه ياعيال والله ماقلت شيء
غسان : شو شو بيسب الحكومه اي علي الجيره بدي افكع وجهه :eek: هسا بفرجيك |513|
المهم دخلوني على واحداً هرش عليه نجوم الوحده كبر راسي :D :D :D
غسان : سيدي هالزنمه بيسب الحكومه وابصر شو بيكون ناوي عليه :( يااااتسذبه
الضابط : شو شو ولك شو اسمك انت
مهراس : يارجال والله يتسذبون عليك هذاك شافانا نوشوش لبعضنا بامور السفره وهو يتخطفن تقل مهو مشتهيني
المهم يونكم ماتشوف الا النور هذا يندحن مع علباي وهذا يرجفن على بطني تمردغوني تمردغ |8|
وودوني بسياره خاصه لعمان ودخلوني بلي غرفه وفرش الله وكيلك واحد يقول لي ياغريب خلك اديب < على بالي ان الاديب يصير مثل احمد مطر:)
المهم ياجماعه بهذلوا بي بهذله قسم بالله طرى علي سجناء جونتا مادري وشسمها اللي بها المجاهدين الافغان
خويايا الخبول راحوا وعلموا عمي بالسعوديه وعمي جا مطبق ومحامي وقلة حيا يالله طلعت وحطوني بالقائمه السوداء
شكلي طولت عليكم
المهم لقيت سعوديين مسجونين ظلم والله اللي اشتباه واللي يسب الكومه مثل حالتي واللي صادم له اردني
انا يوم جبت لكم سالفتي هذي منها فرفشه ومنها سؤال
والسؤال هو طيعوني لاحد يسافر برى ابي اعرف هم ليش يكرهوننا ليش مع اننا نغليهم الله يغلهم
الزينه اللي يحقق معاي يقول لي شو انا طفشان وبدياك تقصد علي قصيده وتعمل هيك بيدك مثل شاعرك العتيبي :( :( العن ام الرزاله والله ما عاد اسافر اجلس بديرتي اكرم لي...


معليش شباب والله السالفه اطول من كذا بس فيها كلام وجهه لي مو زين وجرت اموراً علي خلوها على الله

مع السلامه بس هالمره بدون كخ كخ كخ كخ <لاني تذكر هالجريه الله لايعيدها

عدلت هالكلام الانجليزي :D

[الوبـيـــري]

يا حبيّبي يا مهراس

هههههههههههه

من يد نشيط ليد متعافي،،،:) :)

ماعندهم الزلمات بيع برّد

وين تبي يخي تخنخس يم هالديار

لا... والخرجية الفين ريال ( والله حالة :) :))

كتابة راقية أخي مهراس...
وأسلوب أرقى

لا تحرمنا من إبداعاتك

تقبل تحياتي،،،،

[الحسيني]

ههههههههههههههههه
ههههههههههههههههههههههه

مهراس الله يقلع ابليسك.. ههههههههههه

اما الالتيما العنابي هههههههههه

بس مالك حق تحكم بخوياك يعني علشان انهم معك بسيارتك :D


ونستنا الله يونسك بالعافيه

ولا تبطي علينا بقصه ثانيه

صدقني انك مميز والله يوفقك :)

[محمد الطنــايـا]

ههههههههههههههههههههههههههه000

خخخخخخخخخخخخخخخخخخخ000




مهراس ياملا تحت التريله تنداس وش هالجريه السودا000




الله يرجك ويلعن بليسك هههههههههههههههههههه




انت سمعان بالاردن يومك تروح لها 000 وشف تبي الصراحه000


انا اقول اخوياك هم سبب المشكله 00ولا ذي اسامي ههههههههههه


الله يلعن بليس يولد ارهابيين اللي معك اتلوم الاردني هههههههه



على العموم تعيش وتاخذ غيرها000


وانت ماتقولي وين طامر يم الحمران بالفين ريال 00رايح البحرين انت000


يالله الله يوفقك مهراس ونبي جديدك بالله 000 سلاااااااام




================>>>


(مثل الوهج اصبحت لامني نسيت وخطيت//......\\ماترقد الليل عيني كود اصلح خطااي)0000

[مهراس]

هلا ياغناتي الوبيري
وانت شفت وش سوو بي خسخسوني هالزعران خسخسه خلن القا واحد منهم بالسعوديه والله لااجيب له الدحمي وابو جنه اخليهم ياطون على فهقته وطي ا ا ا ا ا ا ا ه ياسبدي لو امسك واحداً منهم:mad:

[مهراس]

كخ كخ كخ كخ
الحسيني مستانس هاه يحق لك وش رايك تخاويني يمهم :D كلهم اعرفهم
مجدي صوالحه و كريم الخصاونه وسامر المرعش وتوفيق الطراونه
8
8
8
لو اقضب حديهم بس افتيه والله لاانجشه بلي يد عفريته لما يقول للخبز خفش
:D

[مهراس]

:(
محمد الطناونه
شنوحك تدعي علي ترى سيارتي قوطي :(
انا كل شكي بهاللي يقاله صلفاح برميطه ياخي كل مصيبه تضربن الا هو معي والظاهر انه هو السبب :D <<<<< قبل يوم فرشوه اتراك بمطعم :D ياحبيبي ياصلفاح
تهقا البحرين احسن من الزنمات شرايك تخاويني بس سمعت انها صغيره بالمره تهقى تكفينا
الا على طاري البحرين يقولك ضابط جامع الافراد وعطاهم يميناً تراصف نصهم طاح بالبحر :D :D :D :D :D

[محمد الطنــايـا]

هههههههههههههههههههههه000


الله يلعن بليس0000


هلابك مهراس وش ذا الطناونه الله يرجك0000


هههههههههههههههههههههه00

لاتخاف مهي دعوه من قلب مزحه ههههههههههه000


صلفاح برميطه انا بعد والله مع اني مااعرفه ولاقد شفته لكن عندي 000


احساس انه شي مو زين00000


على العموم بالنسبه للبحرين مهي كبيره لكن الفين ريال ؟؟؟؟!!!!!
\r

تنفع للبحرين مهي للاردن هههههههههههههههههه000

مشكور على النكته من ذوقك ياذوق 0000


يالله تقبل تحيات اخوك000

===========>>>(مثل الوهج اصبحت لامني نسيت وخطيت//......\\ماترقد الليل عيني كود اصلح خطااي)000

[متجند سيفه]

حقك وماجاك:(

لياصار ماتعرف تبخشش تستاهل

النوبت الاخرى خذ معك كرز مالبورو احمر ويامنو حمر عينو عليك

ورو الكرز وبد يسلك معك لا ويوصفلك الاماكن الطيبه

الي انت رايح علشانهن:D

ولاتنسى تزود خرجيتك النوبة الاخرى:D



تروح وتجي بعلقه ثانيه انشاءالله

[شمالي]

ياخي وش تبيبهم عندك دوار رفحا ابركلك


لكن لاتعوده وتسافر برى

[ضـــاري]

الله يقطع شياطينك
الي يشوف العنوان ويسمع بالاعتقال
يقول هذا موضوع سياسي
مواقف حلوه
بس لاتعيدها هههههههههههه:D :p :p :)

[مهراس]

متجند نبيطته كخ كخ كخ
يوم قريت اسمك قلت هذا اللي يبي يفزع لي واثرك جاي تشمت بي ياحيفك والله حقي وماجاي :( اقولك ظلم اي حق يابونبيطه تسني اشوفك معلق نبيتطك على رقبتك الا على فكره مغيطات وسيور لستك كخ كخ كخ اهم شي الشاغور افطن له عليك بكراتين الشاهي الخشب عليهن شواغير ماصارن :D
بعدين فكرتك حلوه كرز مالبورو احمر شكلك مقطعَ هاك الديار:D علمني ابي اخاويك اذا رحت
والخرجيه ابشرك ابي اكثرها هذا انا عارضن سيارتي وحمام اخوي للبي بمنتدى الاعلانات دور لنا شرايين وسفرتك على حسابي :D

[مهراس]

شمالي كخ كخ كخ
الا وش ابي بهم هذي كثر منها ياخيي انا انسان ادور السبع الفوايد اللي بالسفر بعدين مبروك اثر رفحاء بها دوار اخاف ان به زنمات مثل العمري :D
ياملا السيل يارفحاء :D

[مهراس]

ضاري كخ كخ كخ كخ
اويحي منك ياضاري وليه مهو سياسي الدعوه ياولد بها سب الحكومه ما شفت يوم دخلوني الغرفه اللي كلها لنبات وكيمرات تخرع .. اشك انها الغرفه اللي حققوا فيها مع المنظم السياسي لحركة حماس خالد مشعل :D
اسمي بالقايمه السوداء يعني اذا بغيت الشام لازم صلقاطي بطياره عن طريق البر مهناش روحه صلقاطي ..عماااار يازمن القلول :D ذكريات قلي الكسيّب ابوراسين :D

[الاشعل]

اسلوب سااااااااااااااااااخر

في انتقاااااااااااااااد قضيه مهمه

بس ما تلااااااااااااااااااااااحظ انك انت اول من اخطى

لكن اعجبتن بهم يا بعدي

بس برضوه هم ما قصروا

تسلم اصابعك على هالقصه وكثر منها

تقبل تحياتي

[محارش]

مدزدين بكم وش اللي موديكم هناااااااا هاااااااه :D
<<< الله من شين النيه عندوه :p

تسلم على هالقصه الرائعه وبانتظار جديدك :)

[سـاهـر الـلـيـل]

اااااااااة وئف بأة ...... استناء ....
الله ويلعالم ان البلا مش منهم همة...... بص بأة أأولك ازاي ....
البلاة ( همة بينطؤها ازاي ... ازاي ) اة الكوميخة الى فوء .....
اااااة امال ازاي بتروح وهيا معااك ياكبير الراس ....
وبعديييين ازاي بتروح ومعاك دى الألتميا دى ام لون متنيل بستين لون
مش تأخود فيات دي سيارة ماحصلتش
بس مالهمش حاء ازاي يعملوك كمبارس ونتا ابو ابو اية اية اااة كوميخة ...

[مهراس]

ياهلا ومسهلا بفوفو
شلونتس عساتس طيبه
اها بس لو يتهي لي حديهم <<< خليها على الله اسمنا اللي كلينها
___________
مشكور اخوي مهراس على اللى رسمته على وجيهنا
__________
وليه وجيهكم سبوره :D:D:D
الله يجعلها دوم الابتسامه

اخبار التفحيط :D:D
مهراس ضاربه وجع راس والسبه كثرت القرطاس <<<< من كثر مايشخبط خواطر
:D

[مهراس]

الاشعل
شلونك الغالي عساك على القوه ان شاء الله
انتقادي للقضيه هذي ياملي من اللي جاني من ترنجف وتمصخر اه بس لو تذوق اللي ذقته يازنمه ابصر شو بتعمل حزته اه اولا كخ كخ كخ كخ
الله يسلمك ياعزوتي
تحياتي المهراسيه

[مهراس]

ياهلا وياغلا ويامرحبا وش بعد :D
محارش ايو الله مدزين بنا لنا مانعرف للدقلومسيه زين لو نعرف تسان سنعنا امورنا بدهن سيورهم :D
مفكر السنه هذي اصيف بموزمبيق وشرايك تخاوي :D
لك تحيه خاصه مهرسيه بالحلقوم :D

[مهراس]

ياشماتة ابله فوفو فيك يامهراس
انت منين نطقت لي لا وساهر الليل بعد
:D:D وعندك واحد سلّوم وصلحوه
الله من ضرب جبنة الدمياطي والفسيخ بهالراس
يعني تكره الثوم
أذا البلا من السياره ابي أغيرها لفكس ويجن م77
تحياتي ياراعي الدمياطي

[نهّاااش]

يازين السواااالف :)

الحتسي امصع روووحك وتعال ياراعي الجبنه الدمياطيه :)

<<<<<< خواله صعايده |501|

[ابو غازي]

مهراااااااس

تسلم على هالقصه الرائعه وبانتظار جديدك :( :o :D


تقبل خالص تحياتي

[مرزوق الشمري]

عد الصحيح وخل عنك التهاييت الكذب يدعي للمباني هدامة
على العموم تستاهل وش كنت ناوي اتساوي انت وصلفاح في الاردن
اكيد نيتكم سوداء اللي ناويين عليها وطريقكم -------اللة يستر
اما الذين على الحدود فهم معظمهم يامهراس من ابناء شمر واما انهم حمر وانت اسمر فما عليك الا ان تناسبهم وتحسن لون البشرة واما المقدوس والزيتون فهل تظن ان التمن والجراد اطيب منة يرحم زمان وليالي زمان ياحافر حفرة السؤ يا واقع فيها النية كانت غير سليمة ونحن اهلك في الاردن عشائر وقبائل شمر وغيرهم
واهلا وسهلا بك لو اعرف لقمت باستقبالك على الحدود بس انا كنت بالسعودية ذهبت للعمرة
عن طريق حالة عمار وقد يكون صلفاح هو سبب المصايب بس ياخوي
الحمد للة على السلامة وياريتك تشوف الاخوة السعوديين واهل الخليج الذين ياتون
الافا للاردن من كل نقاط الحدود دون مشاكل والكل يحترمهم لانهم يحترمون انفسهم
واما رجال الحدود فهم من ابناء البادية ولايسمح لغيرهم بالعمل وهذة ليست لهجتهم
التي كتبت بل اللهجة الفلسطينية
والحمد للة اني رجعت من العمرة دون ان تراني احسن ما تفش زعلك بي يا بن العم
اما انت فما حصل معك يذكرني بغوار على الحدود (غرب استان وشرق استان)
واخيرا ياابدوي صفي النية وبات بالبرية
اخوك مرزوق الشمري=الاردن

[محمدالرويلي]

خخخخخخخخخخخ

مشكور انا اقرب


واعرف اصرفهم بالمصاري

[مرزوق الشمري]

هلا مهراس

الحق عليك

اولا اسمك اجيب التهمه
ثانيا الذهاب للاردن غير الذهاب الى لبنان؟؟؟؟؟؟
ثالثا مدري البلى بيك ولابخوياك
رابعا كلمة زلمه جاءت من ازلام التي هي كلمه جاهليه قبل الاسلام
خامسا كل ياكل نصيبه واتمنى ان تزور الاردن مره ثانيه
سادسا خالد مشعل الاردن التي انقذته من السموم التي حقنته
بها المخابرات الاسرائيليه
سابعا الاردن من افرج عن المرحوم الشيخ احمد ياسين من سجون اسرائيل
ثامنا تعال للاردن وشوف الاف الطلبه السعوديين بالجامعات الاردنيه الحكوميه والخاصه وكليات الطيران
تاسعا لون البشره البيضاء او ماتسميهم الحمران هم من وضعوك
تحت التحقيق وهم من هزم اسرائيل في معركة الكرامه وهم من هزم الاخوين هولاء هم شمر الاردن وغالبيتهم من عبده وغيرها من شمر وحزب الله كلهم حمران البشرة وهزموا المحتلين من الجنوب
عاشرا الاف السعوديين الزوار مع عائلاتهم يمروا يوميا الى بلدهم الثاني الاردن ويعاملوا بكل احترام لانهم
امل ان لا تتهجم على الاردن بهذه الطريقه الساخره وان تراعي اعضاء هذا المنتدى الشمري وخاصة الاخوه من الاردن
والاردن بلد معروف بكرمه وخاصه ان معظم عشائره الاردنيه من شمر

[مناكد]

أخي مرزوق مسيت بالخير...


الا وهو ليه اللي بالحدود الأردنيه ياشفوا السعودي يقولون:

مرحبا بالشييييييييييييخ بطريقة إستهزاء؟؟؟





أخي...ليسوا كل الذين على المنافذ محترمين بأي بلد بدون تحديد وحالهم كحال أي موظف حكومي!!!


فمثلا عندنا من الذي كان يهرب السيارات المسروقه إلى اليمن؟؟؟

أليسو موظفي الجمارك!!!

وهذا قد كتبت عنه الصحف قبل سنه تقريباً...



فيا أخي وسع صدرك...الدنيا كلها خربانه...وكلما زاد الفقر بالدول زاد الفساد...



والسلام.


.

[أسير الليل]

ههههههههههههه مهراس يا مال العافيه أثريك هم كليته ؟

انا يا خوك والله أنهم دفوني دف هاك البجران تقول بقر هولندي الله يكرمك .

المهم حطوني أول شي بسجن الوحدات اللي يقول عليهم أخونا مرزوق بدو بدت عيونهم أنشاء الله ولا شافت النور <<<<<< ما يعرف يدعي
المهم وانا أخوك موضوعك قيم صراحه ولو هو بطريقة سرد هزليه ولكنه موضوع جدي وصاير ويصير , المهم يا خوك كنت مقيم في حدى فنادقهم الراقيه واجرت لي سيارة هذا الكلام سنة ال 92 م هذا أول صباح لي في الأردن واهلي جايني من العراق يبون يشوفوني وما شفتهم لهالساعة اللي أكتب لكم فيها . مالك بطويلته يوم ٍ سفط علي هاك الشيبه وانا بطلع بسيارتي اللي مأجره المهم دعمتوه ( أصتدمنا ) يوم حول قال شو يا زنمه "على قولتك يا مهراس " قلت حصل خير يا عميم ما عليه ولو أنت المعتدي علي بس ما عليه انا بتحاسب مع شركة التأمين والله يسهل عليك والله وأن جيت هاك الشريطي من اللي يقولونلهم قوات الباديه مع العلم أن الموضوع ما يعنيه يعني أختصاص المرور بس شافن معقل قال هذا سعودي ولا شف منين وياتي ويكفخن هاك الطراق محروق الشيب الا وان عقالي متطوحن مثل هناك والله شلت عقالي وهفيتوه لين ما خذيت حيفي وانا أخوك وان الحواجيز مدري منين لقفوا والله وأن جية الشرطه ويحولوني للأمن الوقائي بالعاصمه يومن ياتي هاك الصبي انا ما ضنيتوه ضابط ويغلط غلطتن أكبر من راسوه وانا واقف والله أني ما تحملت قمت وخنقتوه يومن نادى يا فلان يا فلان جيبوا البربيش وتعوا .
قلت وشو البربيش ذا قلبي قلت يمكن رشاش ولا شي أثريه الصونده (بالعراقي ) خرطوم الما بالفصحى ههههههههه ويدوحوني هاك الدوحه اللي أتمناه لعدوينك . والله كل يوم من هالقبيل 15 يوم على هالحالة الصبح والمغرب . بعدها حولوني للمخابرات العامه في الشميساني وست شهور عيني ما شافت النور ومدري هو صبح ولا ليل . يوم فزعوا الربع وهلي يدورون لي قالولهم سفرناه لبريطانيا يتسذبوم عليهم وانا كل يوم على هالحال ومدري وش ذنبي . ما طلعن غير ربي ثم القنصل البريطاني يو درا بالموضوع ( كنت وقتها أحمل الجواز البريطاني ) دخل علي ممثل الصليب الحمر بالخطأ ونخيتوه يوصل رساله للشيخ شعلان المنيف الفيصل الجربا وللقنصل البريطاني بعمان عقبها ما طولت يمكن 24 ساعه وأفرجوا عني . لا وش يقولون لي يوم أفرجوا : ترى حنا ماضربناك ولا أهناك قلت الا والله أنكم ضربتوني وهنتوني والدليل على ضربهم الله لليومه برجولي من فلقتهم الله يفلقهم .
منها حلفت ما أدخل الأردن مع كل أحترامي لشمر اللي فيها وللناس الطيبه .


شي مؤسف ان نلاقي ما نلاقيه من دوله كنت أكن لها كل الأحترام ولكن للأسف سقطت من عيني الى يوم الدين . وأنصح أخواني لا يروحون لها وأن راحوا لا يكلمون الشرطه وبالخصوص قوات الباديه والباديه منهم براء ولا يقربون لهم ترا اغلبهم همج ومتخلفين .


أكرر أحترامي للناس الطيبين في الأردن وباقي البلدان العربية

شكرا أخي على موضوعك الواقعي الساخر والله يعوضك خير ان شاء الله