تراكم مصختوها عاد !! [الأرشيف]

مشاهدة النسخة كاملة : تراكم مصختوها عاد !!

الجازي

23-11-2004, 11:27

كل شيء له حد ,, حتى الصبر له حدود ,,

وأنا صبرت عليكم وقلت يالله الشكوى لله عيال عمي وعلى قولة المصاريا ولاد حتتي :) ,, ولازم أتحمل مصالتهم وغثاهم ,, وعلى قولة القايل مالك إلا خشمك لو هو عوج :) :)

لكن عاد توصل المواصيل لهالدرجة ,, بصراحة ماأقدر أتحمل ,, والظاهر ان اللي يتغاضى عن حقوقه هاليومين محد يسأل عنه ,,

وحنا تركنا لكم الحبل على الغارب وصرتوا تاخذون راحتكم وتلعبون بذيلكم :)

من جد مصختوها بقوة ,, >>>>>>>> طيب وش السالفة تراهم الى الحين مايدرون وش تبين ؟؟ :)

السالفة إننا حامت تسبودنا من كثر حتسيكم عن بنات الشام :) وكل واحد عاقدن العزم والنية على الزواج بالأولى أو الثانية من هناك ,,

وحطيتوا مواضيع عنهم طق طبلون عدّاد الصفحات فيها وسقط على عدّاد مجموع الردود الموجودة في الفصيح :( >>> ماش ضايقن صدرها الا لازم تدخل الفصيح في السالفة :)

وقلنا الشكوى لله رضينا بالهم والهم مارضي بينا :) >>>>>> يعني تراكم أنتم الهم :)

وصبرنا على شهبتكم ولهبتكم وزواجكم بهالشاميات كله حفاظاً على العقد الأسري من الانفراط :) >>> ترى هالكلمتين الأخيرات أسمع بهن وأهقى إنهم يناسبون هنا :)

ولا ودي أعذرب ببنات الشام ماهو لأني مانيب لاقية بهن عذاريب :) >>>> ايه هين :)

بس لأني خايفة من شن هجمة مضادة علينا يابنات نجد :) :) >>>> ايه الخوف مليح :)

والا بالله وش فيهن من الزود :) لحسن عقولكم بقولة : تئبرني :) ويخزي العين ماأحلاك :)

لا والمصالة وأكبر نصبة عاد إذا قالت : تئبر عظامي :) ,, يعني بالله بتقعدين ماتنقبرين الا لما تطلعين عظم :)

والبلشة انكم ياجعلكم بعدهن :) مخفات وتصدقون بسرعة وتذوبون مع هالحتسي اللي لايودي ولا يجيب :)

والا تعال شف حتسيها إذا صالت وجتها أم العبيد :) ,, ماعندها تفاهم ,, مافيه إلا من : إلهي يعدّمني ياك ياحئ :) :) >> حكم بالاعدام سيده :)

أو : العمى بألبك شو أجدب :) >>> ترى أجدب يعني غبي :) مدري عنكم أخاف تحسبونها مدحة وتهزون لي هالروس من الوناسة :) :)

إلهي يوريني فيك يوم أسود >>>> هذي بالمصري وش جابها هنا ؟؟ :)

والا حنا ياحبيلنا ,, صح ان الوحدة تقعد لها سنة تستحي ماتعرف تحتسي حتسي زين :) يعني يالله تقول الله يعافيك وان تسانها كشخت شوي قالت الله يعطيك العافية :) :)

بس بعد السنة يجيك حتسي العجز اللي يبرد القلب :)

يعني عندنا بدل كلمة تئبرني :) جعل يومي قبل يومك :) :) صح انها ترجمة طويلة شوي بس والله وش حنطها :)

والا : ياجعلي مااذوق حزنك :) >>>>>> شكلي تخصص عجز :)

أو : يابعدي أو تسانها تحب روحها قالت يابعدهم :)>>> منهم عاد ؟؟ مدري والله ,,الله أعلم :)

أو يابعد حيي او او او ........ يعني عندكم قاموس متعدد اللهجات والمذاق في ترجمة : تئبرني :)

عندكم : الله لايحرمنا منك هذي للكشخين ,, الله لايفجعنا عليك هذي للي لها مع رجلها قرن :) :) ومتحسفتن به على الموت :) :)

المهم ان فيه قائمة طويلة عريضة وش ملحها بلهجتنا ,, بس مدري وش طاعونكم مضربين عنها :) ولا جاز لكم الا حتسي الشوام :) لكن مقيولة : فيد أقصرانا حانط :) >>> تبون أترجمها ؟؟؟ والله مالي خلق :)

الزبدة >>>>>> عقب كل هالمعلقة وتوني أجيب الزبدة :)

الزبدة اننا يوم صبرنا على عيونكم الزايغة على بنات الشام ,, تماديتوا وتعديتوا حدودكم ,, وصارت الدعوى ماهيب بس للبنات :) الا طالت وعرضت ووصلت مواصيلكم انكم تتركون هالمماليح :

http://img.naseej.com/images/News/world/147213_aa.jpg

http://membres.lycos.fr/cteco/images/Draa%2001.JPG

http://www.alwatan.com.sa/daily/2004-01-02/Pictures/0201.mis.p25.n5.jpg

http://www.arabvet.com/runcms/modules/4images/data/media/10/Sheep&Goats007.jpg

وتروحون لهالماصلة ثقيلة الطينة :

http://www.alriyadh.com.sa/Contents/24-09-2004/Economy/images/E6.jpg

صدز لاقالوا : شف وجه العنز واحلب لبن :) :)

بالله عليكم شغلكم هذا حلال والا حرام ؟؟

الحين هالماصلة تصير ملكة جمال وتشترونها بمئات الألوف وبنت الوطن قصدي عنز الوطن :) إن قطعتوا قلوبكم ماطقت لها ألفين ريال على بعض :) :)

وش دعوى ,, لهالدرجة مفتونين في هالشاميات :)

يعني حتى العنز الشامية صارت ملكة جمال الماعز وسعرها أغلى :) طيب بالله عليكم وش فيها من الزود ,, الا وش فيها من الزين أصلا عشان يصير فيها زود :)

وقسسمن بالله من شكلها وراسها وعيونها أحس إنها مضيّعة :) :)

يعني تخلون الملاحة والجمال الطبيعي :) والسماحة وطهارة القلب والبراءة الواضحة على محيّا هالمملوحة :

http://img.naseej.com/images/News/world/147213_aa.jpg

ويعمي الله قلوبكم وترشحون هاللي ماتدري وين ربها حاطها فيه لملكة جمال :

http://www.alriyadh.com.sa/Contents/24-09-2004/Economy/images/E6.jpg

لا , لا,, فيكم بلا انتم ,, ماينسكت عليكم ,, أجل عنز شامية اسمها سلاسل بنت الكوري :) الله من زين الاسم بعد :) يوصل سعرها 840 ألف ريال ,, لا والسبب يقول راعيها : لجمالها وكبر هامتها وطول رقبتها وعرض جنبها ونعومة شعرها ووقوف ذنبها :) :) وش دعوى بيتزوجها هو !!؟ :)

والله لو شكلها حلو على عيني وراسي بس وقسسمن مافيها من الملح ذرة :) >>>>>>>> صجيتكم بالملح ,, وش أسوي عنزنا مافيها إلا الملح والا الزين الله بالخير :) :)

المهم عاد ,, شوفوا لكم صرفة ,, ياعنزنا ياهالعنز الشامية ,, حنا بناتنا مانرضى عليهن بالضراير ,, قصدي عنزاتنا :) :)

والا ترى والله نبي ندخّل التيس الشامي في المنافسة :) ونخليه يسقط على هالخرفان النجدية :) >>> ولو ان قلبي والله مايطاوعني :) :) ماش النجادى وبس :)

هو عموما عن قولة تهديد كود الله يهديكم وتعقلون وتعرفون السنع من أنفسكم :)

المطنوخ

23-11-2004, 11:52

الريم استدار راسي يوم وصلت لنص الموضوع ابي انام وليا قمت ارجع واكملوه مار تدرين وشلون خوذي هالصورة تمقلي زين وشوفي الفحولة
ههههههههههههههههههههههههههه
http://www.jlsaat.host.sk/upload/docs/mnawerr1.jpg

ولي نكسه عقب النوم

الجازي

23-11-2004, 12:06

أحلام سعيدة أخوي :)

وبالنسبة للصورة هذي معروضة علي ومعها لاند كروزر 2005 وفوقهم شقة في هضبة الجولان في سوريا >>> الله من زين الموقع بعد :)

تدري ليش كل هالعرض المغري !!؟

عشان أستبدلها بهالصورة (( :) )) ,,, لكن والله لو على موتي ما أبيع حبيبة قلبي (( :) )) ولو يعطوني كنوز الدنيا كلها :)

حياك أخوي وفي انتظارك ,,

ابو خليف

23-11-2004, 12:45

مار تعذربين او ماتعذربي

الشام شامك يامن قامن يتميلحن عليك معزى عمامك

الجازي

23-11-2004, 18:57

أنا وشوله منزلة هالموضوع :)

إلا عشانكم مافيكم رجا :)

هي فضفضة على كل حال ,, والله هالعنز قاهرتني بقوة :)

لكن الشكوى لله ,,

ديمــــه

23-11-2004, 19:55

السالفة إننا حامت تسبودنا من كثر حتسيكم عن بنات الشام وكل واحد عاقدن العزم والنية على الزواج بالأولى أو الثانية من هناك ,,

الررررررررررررررررريم :)

يعطيك عــ1000ـــافيه
وليتهم يعتبرون ويتعظون بس مافيه فايدهم

والبلشة انكم ياجعلكم بعدهن مخفات وتصدقون بسرعة وتذوبون مع هالحتسي اللي لايودي ولا يجيب

كلام صحيح 100%

والا ترى والله نبي ندخّل التيس الشامي في المنافسة ونخليه يسقط على هالخرفان النجدية >>> ولو ان قلبي والله مايطاوعني ماش النجادى وبس

:p: :p: :p: :p: :p: :p:

يعطيك العافيه

ديووووووووومه

الـمـحـروووم

23-11-2004, 21:00

الله يستر من هالمرجوجة صار لها شهر ماندري وين هي فيه
وألحين جايتن بكل مجهودها وشانت هجوم علينا
وخاصة على هالشيبان المقاريد
أبومشاري وعديلة أبوغازي

الله يستر من الجايات :) :) :) :) :)

سرحــان

24-11-2004, 00:20

الـــــــــريم

من طول الغيبات جاب الغنايم

ابو غــــــاز ي طالبك انت وعديلك ابومشاري

هدو السرعه لاتعجلون

السالفه ومافيها الريم عجزت الارض الي هي عليه تقضبه

انقطعت عن المضايف هالشهرين وتجمعت الايفونات براسه

وسببت له الله يسلمكم صداع ومن كثرهن عند باب المضايف

ماقدرت تدخل من الباب ومقهوره على الي خلتهن بعد

بس تعالو شيلو معي لاترجع لهم اخبره ماتصبر وبراسه ايفونات

.(فيد أقصرانا حانط)

الترجمه لو سمحتي وبسرعه

الريم

الحمدالله على السلامه

وكل عام وانتي بخير

تحـــياتــي
سرحـــــان

ابو غازي

24-11-2004, 01:06

السالفة إننا حامت تسبودنا من كثر حتسيكم عن بنات الشام وكل واحد عاقدن العزم والنية على الزواج بالأولى أو الثانية من هناك ,,
:a:
عاااد / ياحامت تسبدس ... صايرتن تسبدس رديتر سيارة ذيب شراف
الهوز موبيل :g:
7
7
قاهوووور ياهالعجيز قاهوووور :(
تقل ماسوينا بتس معروووف أول >> نســــــــــيتي
طقم السنون الي ركبناوه لتس عند التختور بالشااام :g:
تخبرين يومنتس تبين تلولشين بالخطوبة ولا قدرتي لإن مابتس سنون :g:
وكســــــــرتي خواطرنا وقطينا لتس قطيه وركبنا لتس طقم السنون وأنا لاهلحين محتفظن بمعجووون الأصل للطقم وتسان تبيني أوريه الربع
ماعندي مانع :g:
نســـــــــيتي أول ماركبوه لتس ... لولشتي وإنتي على الكرسي عند ابو غساان تختورس وهذا طبعاً من فرحتس عقب الطجمه :g:
نسيتي يوم حنا بالمطعم انا وياتس وابو مشاري وراعي الكابرس ابو مقرن وخليجي الله يذكرووه بالخير وبعد خطيباتنا الشاميات جيتي تبين
تكشفين الغطوووه من الفرحة بالسنون وقلتي عمي ابو غازي ودي الولش للأشوام على شان يشوفون طقم سنوني :g:
هههههههههههههههههههههههه :p:
وعطيتس طراق على نافوختس >> هالكلمة شامية يالربع :d:

http://membres.lycos.fr/cteco/images/Draa%2001.JPG
8
8
هااااااالي فوق ابرك من خششكن هاالي دايم الدوم وإنتن مكشراات
الله لايبلانا ويارضيت الوحده منكن >> قدمت خارطة الطريق >> قصدي
ورقة الطلبات عاد الطلبات كلها تعجيزيه للرجل الفقير لله :g:
أقول إنتن يانقاشات شـــــــــطب مروان n) >> مالكن إلا العرس عليكن وبس n) :g:
هههههههههههههههههههههههههههههههه :p:
هههههههههههههههههههههههههههه :p:
ههههههههههههههههههههههههه :p:
هههههههههههههههههههههه :p:
ههههههههههههههههه :p:
هههههههههههه :p:
هههههههه :p:
هههه :p:

ريم شمر

24-11-2004, 01:28

يالريم خليهم وش تدورين من وراهم

اذا حتى عنز السعوديه ماسلمت منهم :a:

يالغاليه هم مالقوا من يعطيهم وجه هنا

قاموا يعذربون والا هم متاكدين قبل غيرهم

ان عنز الشام اكثر مايهمها الجيب وماحوى :thumb:

تسلمين يالشيخه n)

ابو غازي

24-11-2004, 01:52

ريم شــــــــــمر n)
إذكري الله
اجل مانتي موصيتن ااالريم >> لي بالي تخبرين :puzzled:
العكاكيز الي زينتهن لتس بسوريا لاتنسينهن :g:

ادعي لبو شكيم ابو ربيع الشامي >> صاااااااحب المصنع الله يجزاوه خير
لولا الله ثم اكا العكاكيز تسان هالحين ماتاصلين المسجد برمضان :g:
هههههههههههههههههههههههههههههه :p:

متفاائل

24-11-2004, 02:08

كيف تبيد الحيل :) :) :) :) :) :) :) :) النجادى سلط الله على ابليسك :good1:
ههههههههههههههه :good1:
ماعاد بي حيل ارد

ابو غازي

24-11-2004, 02:31

لايهمك ياخااااااااااااال :a:

ابد هالنجدية الي كله حستس >> مانبيه بنوب متنازلين :g:
نبي هاللي يتبرعصن تبرعص تشوف الماء ياشربتووه مع وريده :d:
حررررررررررررررررره يالريم إنتي والعجز :(
:477r:
:eek::eek::eek:
:eek::eek:
:eek:
:wavey:
:rolleyes:

الجازي

24-11-2004, 03:00

ديمة ,,

مانبيهم يتعظون ,, أصلا اللي مايبينا مانبيه :) ,, بس والله ماكسر خاطري إلا عنزاتنا ,, وش ذنبهم هم بعد يوصلهم الدور ويطولهم شر هالعنز الشامية ,, :)

بعدين بنات الشام مهورهم رخيصة ,, بس عنزاتهم طلعت أغلى منا ومنهم :) :)

تسلمين ديمة على الفزعة ,,

المحروم ,,

وش رايك عاد ان هالهجوم مخططتن له من شهرين :) بس عجزت ألقى لملكة الجمال صورة في النت ,, ويوم لقيتها ماصدقت خبر ,,

سرحان ,,

الله يسلمك وكل عام وانت بصحة وسلامة ,,

(( فيد أقصرانا حانط )) >>> ارجع للموضوع واذا قريته زين بتعرف ترجمتها من نفسك :) >>> شكلي بحلت بالترجمة :)

ديمــــه

24-11-2004, 03:19

بنات الشام مهورهم رخيصة ,, بس عنزاتهم طلعت أغلى منا ومنهم

ايه والله صدقتي يالريم
هالشيبان ياكثر كلامهم :)

بو رائد

24-11-2004, 08:32

الاخت الريم كل عام وانتي بخير وعافيه
كل كلامك صحيح وانا مؤيد لك بكل ماقلتيه امهاتنا صبرن على ابواننا ايام الكسافه والتعب
نجي حنا ونغير عاداتهم مستحيل وناخذ من الشام (شو بدك) عندنا شو تقال للكلب اعزكم الله
والله يابو غازي مامن احلا واطيب من بنات الديره كل هالي تشوف بهالقنوات لمصقه في لمصقه
يحطون من هاطحين وهالبودر وتغير معالم الوجه لكن بناتنا ماعندك حلا منهن لكن ركد الرمي
وتر ريم صبرت واجد عليكم وان درين بنات (مخينق) والله مانمرح الا بالطبيله لكن تسنعوا وعودوا
لرشدكم صابتكم مراهقه الشيبان الله يستر وانتي يا الريم طولي بالك شوين تحياتنا

الأصيل

24-11-2004, 11:33

ياما والله من الغيــــــــره ( 3 طن ) :p:

من طول الغيبات ... جاب موضوع عن البهايم (المعز وووو) :d:

أبــــــــــو غـــــــــــازي

معك تسبداً وقلباً وقالباً :) :thumb:

ألا واعلموا .. أن هذه (الحرمه) والتي جاءت تجر أذيال الحسد والغيره

الأمر الذي قمّزها ( جعلها تقمز ) من منتدى الأدب إلى بهذا :d:

لماذا ؟؟ وشولوووه ؟

الخــــــلاصه ( الزبده في لغة طي )

ياخيّه .. وش جاب ... لجاب

أنا كان عندي حتسي واجد ،، لكن ماقصر أبوغازي

( عسى الله يحقق لووه اللي ببالوووووه ) :surprised

هايس الشمري

24-11-2004, 12:16

هههههههههههههههههههههههه

بس المشكلة اللي ما عنده فلوس ماله الا عنز بلاده :)

<<<<<<<<<<<واحد منقهر يبي عنز سوريه ولا عنده فلوس :)

مناكد

24-11-2004, 15:00

الله عليك ياالريم...

كل هذا غيره...أجل وشلون لو يتزوجون وش رايح يصير لك؟؟؟

أكيد رايح ترقصين من الفرحه...

وبعدين اللي إنتي وغيرك تشوفون بالتلفزيون ماهن شين عند بنات القرويين والمحافظين...

الله ياعندهم شي...بس لايدرون أبو غازي وأبو مشاري...كان تصير علومٍ ثانيه...

ملاحظه: هذي عنز وإلا تيس؟؟؟

http://www.freenaturephotos.com/animalphotos/images/Goat.jpg

مافيه روحه يعني مافيه روحه

تركواز

24-11-2004, 16:15

الريم كان بتطلبون تيوس شامية اطلبوا لي معكم باللي هوبه

المهم نفتك من بعضهم اللي ماتدري و ين وجهه من قفاه :)

ترا مو بس هم يشتهون الزين ياملي :good1:

ابو غازي

24-11-2004, 16:59

افا يابو رايد :a:

وشو الي قلب موازينك علينا :g:

كل كلامك صحيح وانا مؤيد لك بكل ماقلتيه امهاتنا صبرن على ابواننا ايام الكسافه والتعب
نجي حنا ونغير عاداتهم
هذولن راحن بزمانهن ولوهن وياماحلا اكا الزمان وهن اللي يستاهلن اللي ياحامي عليهن :g:
ماهن ااالريم >> وريم >> وباقي العجز >> هذولن لوتعطيهن وجه رتسبن على كتوفك بالطلبات اللي ماتنتهي ياما تمغط بالقبر :g:
ههههههههههههههههههههه :p:
اقول هالنجدياات :puzzled: عوووووووووع مانبيهن ابد >> نبي هالشاميااات :puzzled:
اللي تشوف الماء مع حلقه >> وحبيبات همهن هالمطبخ وبس والباقي
تقظيه براحتك >> تروشك وتهمزك حتى الحلاقة تحلق لك وتصنفرك صنفرة :d:
ماهن هاللي الوحدة منهن داااايم وحجاجه مغضرم >> ومبرطمه تقل ذابحن حدى اهله ياكافي :g:
ويامنه رضيت اكا اليوم ســـــــــــــــفتك للسوق سواق له وبعد البوك ماترجع من السوق إلا هو يصفر :g:
ههههههههههههههههههههه :p:
بو رايد >> حلولاتي لو اني قصاااااد >> كان رطبتك انت وياهن بلك كم بيت :g:
هههههههههههههههههه :p:

:d:
:Goodstar:
الأصيل :thumb:
داايم وانت أصيل >> تولم ترنا نمرك يامننا بغينا نمشي :d:
:Goodstar:
الذيب :a:
ابشــــــــــــر بسعدك ولم الأخيضر بس والباقي علينا >> نم :thumb:
:Goodstar:
مناكد :a:
يامنكداتن عليك جواتيك بلا >> انت معنا ولا علينا :g:
:d:
:Goodstar:
تركواز :d:
ماهو >> حمران >> تسان تبيننا نجوزك منهم >> تري اخو خطيبة ابو مشاري
احيمرن تقل بردقانة ن مقشره >> لو تلمسينون بخ اااالدم:ezpi_blus >> وحبيب ويقولتس تئبريني تركواز :d:
:Goodstar:
شوووووفن ياعجز الشمته >> ااالريم >> وريم >> وديموووه :(
عينن خير لاناخذ الثالثه والرابعة بعد >> اندنوسيا ترن حريمهم بعد شي :thumb:

:bluboomte

:c:

:eek:

الغيور

24-11-2004, 18:15

:a:
:eek:
:(
:g:

مناكد

24-11-2004, 21:29

:Goodstar:
مناكد :a:
يامنكداتن عليك جواتيك بلا >> انت معنا ولا علينا :g:
:d:
:Goodstar:
:eek:

أبو غازي...

ول عليك ماأكبر دعاويك...

تقل رابيٍ مع عجز الصومال على هالدعاوي...ياشين إستغفر ربك...

أول أنا متردد بس هالحين إلا عليك (((ضدك)))...

نبي ناس يقولون ويفعلون...ماهو ولموا الأخيضر على خراط...

وكلامي هذا لياما يجي الصيف...يعني بس بالشتاء...

مافيه روحه يعني مافيه روحه

اليم

24-11-2004, 22:07

ريموووووووو

المشكله بالعنز :)

عنده طفره جينيه

الله يعين سعيدان وعليان :)

بعدين لاتنسين ان العارضيات لهن سوق بعد :thumb:

يعني لاتزعلين لازال السوق المحلي لوه دور

\/\/\/\/\/\/\/\/\/\/\/\/

مناكد

بالله منين جبت هالتيس الغريب

عيونونه تقول علامة ممنوع الدخول :)

ديمــــه

24-11-2004, 22:08

مافيه روحه يعني مافيه روحه

ابو غازي

25-11-2004, 01:22

المطنوخ

25-11-2004, 01:34

^
^
^
^
ابوغازي يالعشير
يابعد حيي انا طالبك ارتسبن معك :smileyb: انا مولم كل شين الاخيضر والليرات وتنكتين تمر :)
لللنسبا الجدد
وتلفون الكاتل لام العروس :p:
ومحسن اللحية مابقى الا اني ارتسب معكم؟؟؟ :good1:
ها وش قلت؟؟ :awink:

ريم شمر

25-11-2004, 07:48

اهداء للعم ابو غازي ولباقي التماسيح :055r: :055r::147r:

7
7
7

http://www.w7a.com/oringo125.rm

خافي اصله وعمه مع خواله همها ترقص وتلهى في طربها

وحسايف كيف يخدعكم جماله والبضاعه كل شراي قلبها

البنات الحور في نجد الاصاله الحياء والستر من ربي وهبها

البنات الحور في نجد الاصاله الحياء والستر من ربي وهبها

البنات الحور في نجد الاصاله الحياء والستر من ربي وهبها

الفخر بالدين ماهو بالخماله والنحاس نحاس يفرق عن ذهبها

شف بالي واحدن مابغى بداله عرضها مصيون مازولٍ سلبها

مامشت عريا وداجت بالبقاله العقل والدين هو غاية طلبها

ريمووو:001b:

مفتاح14

25-11-2004, 08:08

حيالله اللي من لوذت علينا وهي تبي حلوقنا:)

عاد واذا تزوجنا من الشام انتن وش عليكن؟ كل هذا خايفاتن من العنوسه :)

اللي الله كاتبن له عرس تبي تعرس مار لو خشته مثل الصوره اللي حط اليم:)

.

.

.
الشرع حلل 2 و3 و4 بس

أهم شي الأخلاق :)

الجازي

26-11-2004, 12:16

تبون الصدز :)

توني أدري إن موضوعي وش طوله ,, يوم رجعت أقراه من جديد :)

أنا ودي اعرف وش اللي حدكم على هالشطحة بالموضوع من أقصى الشرق لأقصى الغرب ,, تقل ماصدقتوا خبر أجيب طاري هالسوريات :)

بنات الشام والنعم بس الله يستر عليهن :) >>>> تبي ترقع ولا عرفت :)

أنا كل هدفي من الموضوع هو العنز الشامية واللي طايحين دول الخليج يسوون لها مسابقات ملكة جمال ويدفعون فيها اللي وراهم واللي قدامهم وهي شكلها كمختن ماتدري وين ربها حاطها فيه :)

يعني خلوا بنات الشام على جنب ,, واللي يبي ياخذهن الله يسهل أمره ,, وهو عاد بعدين بيعرف من نفسه إنه توهق :) وخلونا في هالعنز الشامية اللي مسويتن لنا قلق بين مجتمع عنزاتنا :)

نجي الحين للرد عليكم واحدن واحد :)

بالله وش يبي يرد عليكم الحين ,, شكلي توهقت :) مالي خلق أرد على هالعالم :) >>>> ياشين الزوالة :)

تدرون يبي لكم قعدة ثانية على مستوى عشان أمخمخ على ردودكم :)

يالله سلام

عبدالعزيز

26-11-2004, 14:16

هالسالفة ماحصل تخلص بالانترنت؟؟ :g:

الريم وريم وباقي الخشب

ادعو بسلامة الامير نايف اللي مانع.ن الزواج من الخارج ولا والله مايبقى مع الضبان والخشاش بهالارض الشهبا الا انتن... عووووووووع ماهو من زينه :)

ابوغازي

كلمت خالتي سميرة وتقول تعال انت والرجال ياللي كلو زااااوء اللي معك تـ نخطوب لو من الصبيايا ياللي بيردو الروح مو يئتلوها :thumb:

ريم شمر

26-11-2004, 15:11

8
8
8
توم كروز حايل:rolleyes:

بالنسبه لك انت عادي مسموح لك تروح للي تبي

الشام والا فيتنام :)

الله يهينهم فيك

طبيعي منت لاقي من يطالع في شهابتك هنا :055r:

يعني ماعليك لوم :242r:

مناكد

26-11-2004, 17:29

[size=5][font=Arial Black][align=center]مناكد

بالله منين جبت هالتيس الغريب

عيونونه تقول علامة ممنوع الدخول :)

هلا والله باليم...

يخي إنت تشوف...هذا التبغيل ومايسوي...

امه سوريه وابوه سعودي...وشف وش صار له...

هذا لو إنه آدمي كان علومٍ الله أعلم به؟؟؟؟

الجازي

26-11-2004, 17:40

خالو بو غازي :) :

نســــــــــيتي
طقم السنون الي ركبناوه لتس عند التختور بالشااام

الظاهر خيرة ان هالطقم مابعد وصلني الى الحين ,, وش دعوى ذاليني بهالطقم :) لا ومن دكتور بالشام ,, عز الله اللي ماعاد حتسيت عقبه :)

تخبرين يومنتس تبين تلولشين بالخطوبة ولا قدرتي لإن مابتس سنون

هذاك قلتها بلسانك :) رايحتن معكم يوم الخطوبة ياحبي لي بس وديموقراطيتي ,, يعني معطتكم حريتكم وفازعتن معكم :) بس عاد مصيبة ليا صار اللي حولك مايشوف الا عذاريبك وينسى معروفك :) :)

ريومة يابعد التماسيح والضبان والجرابيع وكل كائن ذكوري على وجه المعمورة :) :) :

ان عنز الشام اكثر مايهمها الجيب وماحوى

هذي اللي باطن تسبدي :) أنا ودي أننا بقوة هالشاميات عشان لارجع لتس هالمملوح وهو ملهوفتن جيوبه ومطرود شر طرده يجر أذيال الخيبة والإفلاس ,, ولانا نعطيهم ركبة ونسوي بهم مثل سواة هالشاميات ولا نسأل بهم :) بس ماش مافينا عرق هالنجاسة اللي في هذوليك :) تلقين الوحدة منا تواسيه وتعزيه وتقول له جعلك بعد الشام واندونيسيا وحريم الدنيا كلهن :) وبكرة بيعوضك الله ومالك الا طيبة الخاطر :) >>>> ماتسني أبالغ شوي :)

أخوي متفائل :

ماعاد بي حيل ارد

هذا الزين :) لأنك مانت مبعدن عن ردودهم :) أبد لاترد وخلك مع المتفرجين :) :)

أخوي بو رائد :

وأنت بخير وصحة وسلامة ,,

عندنا شو تقال للكلب اعزكم الله

علم هاللي عندك :) والله ماعندك أحد ,, ربعنا إذا طاحوا في الشيء ماعاد شافوا عذاريبه ,, وهذا بنات الشام الحين يخططن عليكم تخطيط اقتصادي :) :) والله يستر عاد من تاليتها :)

يحطون من هاطحين وهالبودر وتغير معالم الوجه لكن بناتنا ماعندك حلا منهن

مايخالف يابو رائد ,, بس حتسيك هذا فيه مبالغة مالها سنع :) ,, يعني حتى لو كانوا يحطون هالطحين وهالبودر ,, ترى عندنا وعندهم خير :) >>> ياحبي لي على نياتي :)

يعني فينا وفيهم الزين والشين ,, بس عاد ماتعرف قديري الين تجرب غيري :) >>> برضو هالمثل غير قابل للترجمة :) لدواعي الزوالة :)

وانتي يا الريم طولي بالك شوين

والله أنا ماهمني ,,, صح انكم تكسرون خاطري وطالعن شكلكم غلط عند هالسوريات بس أنا جايبتن الموضوع كله عشان سالفة هالعنز الشامية اللي حطيت لكم صورتها وفوزها بلقب ملكة جمال الماعز ,, يعني لو انها زينة على عيني وراسي ,, بس الشكل خلق ربي حسن ,, وفوق هذا غالية هذا القهر والله :)

تركواز

26-11-2004, 17:43

عبدالعزيز و بقية الضبان مانقول الا الله يسامح الامير نايف اللي حادنا عليكم :(

الريم شفتي ذا العنز السورية و الله لو يعطوني اياها بريال ماخذتها
اقسم بالله تروع لونها و حولتها و حجمها و كل شي فيها :g:
بس وش تقولين العمى عمى البصيرة ماهو عمى البصر . الله لا يطمس على قلوبنا . :awink:

مناكد

26-11-2004, 17:44

هههههههههههه :p:

مناكد :a:
بشر عساااااااك خفت من الدعاء >> ماجاااك شين لاهلحين :g:
مار اركد ولايغرنك العجز هذولي >> بالله تقدر تصبر عن التبوله اللي تخبر :g:
وكا الحممات اللي تخلي الواحد يلق لق :g:
اقول ولم الأخيضر ترنا ماشين قريب :d:
7
7
ديمووووه :g:

:d:

أبو غازي...الله يعطيك على قد نيتك...

أثريك ماهمك إلا التبوله والحمامات...

أقول قم بس قم...

والأخيضر والكرلا جاهزين...بس ابي أدور على خوينن يقولون ولا يفعلون...

إيه هين يالضبان؟؟؟

ديمــــه

26-11-2004, 22:40

:d: :d: :d: :d:

بو رائد

27-11-2004, 10:06

الاخت الريم
كيف (اشكالنا غلط) زعلتيني جدا اليس هذا خلق الله وخليتيني ازعل ابو غازي يوم وقفتي
معكن لكن مقيوله(نقاشات شطب مروان) ناكرات العشره عودي لرشدك وان وقفنا مع ابو غازي
تشوفين علوم وانتي مره تسولفين عن الشاميات ومره عن المعزا ارسي لك على بر
وانت يابو غازي خوي الماشي اركد ياملا الغنيمه وخل سرك بصدرك لاتعلم الا الخاصين
تر العلوم تاصل لكن مازلت اؤكد ان حريمنا بهن الخير الكثير وكلهن بركه وبهن الحياء والخجل
واللي تكلم عنهن الريم لاحياء ولاخجل ان كررت الاخطاء الريم قد اغير موقفي واهجو بنات مخينق
شعرا واستعين بابو خان دام الجميع بخير

الجازي

27-11-2004, 13:47

أخوي الأصيل ,,

أجل الغيرة ثلاثة طن !! :)

يالله هذي بمشيها لك :) لأنها أول سطر :)

من طول الغيبات ... جاب موضوع عن البهايم (المعز وووو)

عاد البلشة ماحرككم الا موضوع البهايم :) :) يعني غيبتي جابت نتيجة وعرفت وتركم الحساس اللي ينضرب عليه :) :)

ألا واعلموا .. أن هذه (الحرمه) والتي جاءت تجر أذيال الحسد والغيره

الأمر الذي قمّزها ( جعلها تقمز ) من منتدى الأدب إلى بهذا

لماذا ؟؟ وشولوووه

والله لو الهوى لي تسان ماتعدى موضوعي مضيف الأدب :) :) يعني ماعندي مشكلة اقدر أحشيه بكم قصيدة فصيحة وأحطها على لسان عنزنا وعنزهم :) ويطلع الموضوع مناسب لمضيفي :)

بس قلت ان بؤرة تجمعكم هي هنا في الفلة ,, ولازم نضربكم هنا :)

أخوي الذيب :

بس المشكلة اللي ما عنده فلوس ماله الا عنز بلاده

تسانك تقصد العنز الصدزية :) تراها أرخص وأملح من هاللي ماتدري وين ربي حاطها فيه ,,

وان تسانك تقصد بناتهم ,, لا والله ماهنا أرخص منهم ,, في المقدم ,, والا المؤخر تراهم يدفعونكم اللي وراكم واللي قدامكم عشان يضمنون أنفسهم ,, يعني المسألة كلها صفقة في صفقة ,,:)

أخوي مناكد ,,

بالله وش أغار منه والا على مين أغار أصلا :) :)

أنا مايضيق صدري الا انهم لاعبينن عليكم ومخلينكم مصدر دخل ومعيشة ورفاهية ,, والا في ذمتك بنت أم خمسطعش وش اللي يخليها ترضى تتزوج بواحد كبر أبوها تسانه ماهو كبر جدها :) :)

يعني المسألة مكشوفة ,, بس الله معمي على قلوبكم ماعاد تشوفون الا اللي ودكم تشوفونه ,,

وبالنسبة للصورة ,, صراحة من طريقة التصوير اللي جاية أمامية أقدر أقول لك انها صورة تيس :) :)

لو انها عنز تسان صورت على جنب :) عنز وتحب التميلح :)

بس من أشباهها والله أعطيها عنزن سنعة بعد :) :)

العسل تركواز ,,

والله التيوس الشامية مابعد تعاقدت معها ,, لأني لازالت ميولي من ناحية الخرفان :) نجدية ,,

حتى النعيمي مايجوز لي :)

وان كانتس تدورين الزين ,, انا اقول اصبري وتصبري تراتس مأجورة وأنا أختس على مقابل هالوجيه :)

ابو غازي

27-11-2004, 16:20

ااااااااالريم n)
نباطة تنبط >> حنوكتس :g:
اجل لوشفتي المعزاء التركيااات :awink:
ياهن شي ابرك من النجديات :(
هههههههههههههههههه :p:
هااه تبيني اخلي روز خان >> يصككن بقصيدة أو بو رائد :d:
ااالريم n)
ماتبين تهمزين وتطسين شهر بعد :g:
نبي نتولج ريم شمر هي وتركواز :d:

المطنوخ

27-11-2004, 20:47

ابوغازي يالعشير والله عدي اشوفك فترانن :puzzled: حيلك بيدت حيلك هاللي اسمها الريم
والبلا اني اشوف المناضلين معاك بدوا ينسحبون واحد واحد واولهم عديلك :surprised
اللي تلطم ببشيتوه تسنوه مايشوفك وانت تكافخ تقل طيرن متكسرتن جنحانوه :) :)
مار تسان تبي شوري الشكوى لله ترضخ للي تقولوه الريم غديك تاخذ نفس وتجمع القوات المحالفه وتشن هجوم عكسي.. :goooood: :) :thumb:

وتقبل تحياتي يابربيخ :p: :p: :p:
ههههههههههههههههههههههههههههههه
هههههههههههههههههههههههههههه
ههههههههههههههههههههههههه

الجازي

28-11-2004, 02:23

الغيور :

كني فهمت من أيقوناتك إنك منت راضي عن الموضوع :) لكن المعذرة أخوي ,, الموضوع شطحوا به الشباب لبعيد شوي ,, وبحاول أرجعه لمساره الأصلي :)

آسفين على الإزعاج مرة ثانية :)

مناكد ,,

الله يحييك ضمن قائمة المعارضة :) دامنا في الشتا واذا جاء الصيف يحلها ألف حلال ونعرف عاد نصفّي أعضاء المعارضة المنشقين عن صفها :)

اليم :

شرهتك على اللي يدري وش العارضيات :) تسان عندك صورة لهن حط وحدة عشان نعرف هو صدز سوقها ماشي والا ودك بس ترضينا باللي هي به :)

النطول :

ماسويت خير برجعتك للموضوع ,, تقل ماصدقت خبر :)

ريومي :

يابعدهم كلهم ,, أنتي مصدقة هالحين يوم انتس تحطين هالقصيدة ,, هذولا كفوهم انهم يجربون العرس من هناك وعقبها بيقولون ياليت اللي قرى ماكان :) والأيام بيننا :) >>> أحلى ياقوية :)

مفتاحوه :

وأنت وش محرقن رزك :) من عيّا عليك لاتعرس :) أصلا من حاتساك :) >>> قوية ذي عليك معليش :)

هي لو السالفة على العنوسة تسان تهون :)

بس العلة اللي يجيب السورية على حرمته :) هذي هي محل الخلاف :) >>> فتوى شرعية :)

يعني مشكلتكم انكم عارفين ان السورية ماتصلح تصير الأولى :) يالله الثانية أو الثالثة وعساها تركد بعد :) والسبب هو نفسه : أهم شيء الأخلاق :)

متفاائل

28-11-2004, 02:57

لعنبوا ابليس 21 عديتهن :)

لكن من جد كنك تكلمين بالموضوع من جد وش جاب لجاب

وبعدين اللي يجيبه لحرمته من حقه والسابق تطلعه يمناه

هذا الخوف لم يأتي من فراغ ولو كانت عيوبهن مثل ماتقولين وش حارتس انتي

او يعني كاسرين خاطرك حنا يملي :)

حتى العنز السوريه اذا تعطيها بعض ماتأكله مشفوحاتنا بين عليه وشربت لبن

وان ولدت توم لا وماشاء الله ولده وهو يرضع كبر معزانا اما معزانا تأكل بعضه زود على العلف

وشف متى تلد لا والولد الله لايوريك كل افة به ولا ترويه لبن وشف كبره عاد الله يخلف

وتحر امه ياما تلد مرة اخرى لا ومن الخبث ماتلد الا بالمربعانيه من زين هالحال عليه وعليه

الونش

28-11-2004, 13:51

حتى العنز السوريه اذا تعطيها بعض ماتأكله مشفوحاتنا بين عليه وشربت لبن وان ولدت توم لا وماشاء الله ولده وهو يرضع كبر معزانا اما معزانا تأكل بعضه زود على العلف وشف متى تلد لا والولد الله لايوريك كل افة به ولا ترويه لبن وشف كبره عاد الله يخلف
وتحر امه ياما تلد مرة اخرى لا ومن الخبث ماتلد الا بالمربعانيه من زين هالحال عليه وعليه

هههههههههه :) اقهرك بالله يامتفاائل تسنك حول الصحيح :)

انا اشوف ان قول بنيتنا الريم صحيح ميه ميه :thumb: وشبلاهن بنات نجد هو قاصرهن شي ولايهونن معزاهن :biggrin: وبعدين وش عاجبكم بنات الشام هاللي وجيههن ملطختن بهالمعاجين والكريمات تصدق لو تمسك راسه وتغطسوه بلوه طشت وتطلعوه ياشيخ مايردك الا صنادق نجد :p: .

وبعدين ماأحلى ليامنك أخذت بنت نجد وعنزه معه تضرب عصفورين بحجر :biggrin: تلقى حتى العنز رايمته وتعرف راعيته من ريحت ثوبه يعني هو ثوب واحد ليامنه غيرتوه انكرته العنز :awink:
يعني العنز تنتشي الثوب وتدر :biggrin:

اقوول والله ماضيع العوائل وفرقهم الا بنات الشام هاللي ربيعنا كل ماهذا يدودلون روسهم هناك وعقب اسبوع يرجع الله يعزكم يقطر نخروروه وبطرق ثوبوه لاوبعضهم يكلمك مناك ويدور الفزعه يبي مصرف الرجعه وهو رايحن بلوه عشر الاف ريال :eek: بالله لوهو حاطهن بلهن معزى عندنا بهذا ماهو ابرك :)

الريم
بنات الشام همهن الوحيد القريشات اللي بمخبى هالشنب :) مار هم الله يهديهم ينغرون بهالكلمات الرقيقه والدقيقه والمطحونه :) لكن الوعد قداام يابو هندام :p:
تصدقين عااد ان اشكالهم تكسر الخاطر وهم لابسينن الجنز الازرق والقميص الاحمر :tongue: وماشطينن هالكفشه على جنب على ماقالوا اخوانا الكويتيين تواليت :) لال والمشكله انك تعرفوه على بعد كيلو من خشتوه :00100: الله يخلف على اهلوه .

الأصيل

28-11-2004, 16:24

بالخير ..

أنا جاني نصيبي من الرد

ولا لقيت اللي يدافع عني ( لاأبوغازي ولاغيرووه )

يالله دخيلك .. ولا تسن بيننا عيش وقصيد :g:

بنت الحلال .. تقتبس وتعطينا من الشرار

والشباب يتبوسمون ( تصغير يبتسمون ) :d:

لكــــــــــــــــن

أجمل بيت وصل إلى جوالي

حبيت إني أنقلوووه لكم (للأمانه فقط )

البوك فاضي والمزايين بالشاااااااااااااام**والعين ملت من وجيه الجماعه

صح لسانوه ... أبوووك يالفقر :)

والله لو أعرفوه لأحب خشموه على هالمعلقه .

بمان الله

بمان الكريم

أبو مقرن

28-11-2004, 22:40

(الله يستر )!
الإهداء..لربع سوري
وأقول..يالأصيل
أنت ماسمعت..اللي يقول:

بنات سوري بهن منفوع=هن اللي يمشن على رضانا
ولو ندنا بنت أبو جدّوع=مانقري الضيف لاجانا
لولا اليماني ذبحنا الجوع=والكل لاشك يشنانا
والمشكلة هالذهب للكوع=وعند الزعل هي تناسانا
يمّ (العياده)تهف اسبوع=وحنا على البيت ملفانا
لورعاننا..نلّبسْ القبوع=وبعض السوالف..بها نهانا
وبجوّالها ينفتح مشروع=بإخوان علاّن وفلانا
وتر عمّهن ياولد ممنوع=أصناف بالطبع وألوانا
البعض منهن جميل طبوع=والزوج تجزيه باحسانا
ولزوم الرجل دايم.ن.مسموع=تحني له الراس بإذعانا
وتر وضعنا أول.ن.مبلوع=واليوم ماشي يخفانا
وإن طعتني قفل الموضوع=والعرس لايــّاه وليّانا
وتسان الولي ماذن.ن.برجوع=ينزاح ضيم.ن.توطانا
ولامن كل.ن.رقد بهجوع=نرفع يدينا.. لمولانا
ياربّ..ياموّصل المقطوع=بالخير يارب..تجزانا

تركواز

29-11-2004, 14:20

:( :( :(

لا تعليق

ابو غازي

29-11-2004, 15:44

متفاائل

29-11-2004, 21:18

ابومقرن يابعد حيييييييييييييييييييي
والله انك بردت تسبدي بكلامٍ قلته ياحلو الشي الصحيح والواقع
الف الف الف صح لسانك :goooood::goooood::goooood::goooood::goooood::goooood:

المطنوخ

30-11-2004, 00:49

ابومقرن
ليتك جاين مبطي تسان مالهن وجه يطبن عندنا :) :)
ااااه هالحين الواحد يتشمت على كيفه :) :thumb:
ههههههههههههههههههههههههههههه

أبو مقرن

30-11-2004, 00:52

أبو غازي
صح بدنك يالغالي..واسمنا اللي تورطنا بس لاتخلينن :tongue: :)
***
متفاائل
صح بدنك..وعسى تسبد عدوك للحر.. :smileyb:
***
بس يالربع.. :) (حفظا للأمانة) :thumb:
تروا مطلع القصيدة..وبعض الأبيات مهن لي..
وأنا بنيت على نفس القاف..لإعجابي به..

أبو مقرن

30-11-2004, 00:53

النطول
هلابك يالغالي..والمسد بك وبباقي الربع اللي بالجبهة :)
تحياتي
ولاأدري متى نطقت دزادمي :surprised :d: :tongue:

الجازي

30-11-2004, 02:51

أفاااااااااااااااااااااااااااا

والله مادريت ان حالتكم مستعصية لهالدرجة :(

ياعالم ترى حامت تسبدي من كثر ماأعيد وأزيد وأقول لكم أنا وموضوعي بوادي وأنتم بوادي ثاني :)

الله لايعيد ملكة جمال الماعز هاللي خلتني أبحل بكم :)

الحين أقول لكم تيس تقولون احلبيه :) أبيكم تسولفون عن هالعنز الشامية تطبون في سواليف عن بنات الشام :(

لاتشطحون بالموضوع لبعيد ,, واذا أنتم معزمين تستمرون بهالطريق أنا مضطرة أقفله عليكم :) >>> بس البلشة ان ابو مقرن معكم :)

لكن مايهم أجيب أمر من المقام السامي بتقفيل الموضوع وأقفله >> أحلى ياقوية ,,

عشان كذا ارجعوا لجادة الصواب :) والا ترى قد أعذر من أنذر :)

الأصيل

30-11-2004, 08:29

خيتكم الريم تقول : ارجعو لجادة الصواب وخلوكم بالموضوع

وأنا أيضاً أقول

صح لساااانك يابومقرن ياشاعر الفله ( حدييييييييد)

عندك إياهنننننننننن

صح لسانك مليون وأربعميه وخمسه وثلاثين ألف :p:

أبو غازي .. احجز لي مكيّن ..

الجواز بالمخبا

انطلقو إلى .. الزين والرخص

يازينكن يابنات الشام=أردى حديكن .. تقل زبده

واللي هنا جابت الأسقام=أزينهن اللي تقل عبده

اشمتو ياشباااااب ( برعاية أبومقرن وأبوغازي) :thumb:

رجاء حار : خلوكم في الموضوع

وارجعو لجادة الصواب ( مثلي ) :d:

المطنوخ

30-11-2004, 14:06

لا لا لا ياعيال بس خلاص كفاكم ماشطحتوا بوه
وارجعوا للموضوع علشان يصير :thumb:

والله ماتفرحين يا اخت العرب

يازينكن يابنـات الشـام
أردى حديكن .. تقل زبده

واللي هنا جابت الأسقام
أزينهن اللي تقل عبـده

صح لسانك يابوثوب من رفيدزك ابوزبون ويحييك على هالشماته الرائعه

:) :) :) :)

ابو غازي

30-11-2004, 16:19

ااااااالريم n)

:a:
يقول المثل / من بغى الدح ماقال أح :g:
وإنتي الباديه وهذا ماجابتووه لتس عنزتس
حنا فعلاً قلبناها ولاكن مالها إلا كذا وانا خالتس :g:
اجل المعزا خليهن لتس ولالنا حاجة (ن) بلبنهن الله يسلم هالمبستر :d:

لاعاااد تعودينها نوبة (ن) ثانية / همن ما نقرطس إنتي ومعزاتس إلا بغيونتانامووو :g:

هههههههههههههههههههههه :p:

:eek:

تركواز

30-11-2004, 17:28

الريم و لا يهمك حبيبتي

من باعنا بريال بعناه بلاش :)

الجازي

30-11-2004, 17:38

عبدالعزيز ,,

هالسالفة ماحصل تخلص بالانترنت؟؟

البلشة إن هالسالفة مانويتها :) بس ربعك ماينتحارشون :) ,, ولو الهوى لي تسان رديت ردن يبرد قلبي بس !! لاجل عين تكرم مدينة :)

ادعو بسلامة الامير نايف اللي مانع.ن الزواج من الخارج

الله بعد لو يكملها بمكافأة للي يبلغ عن أي واحدن ماخذن من بنيّ الشام تسان ولا أحلى :thumb:

يالله بالتوفيق أنت وخالك هاللي كللوه زاوء :)

تركواز ,,

بس وش تقولين العمى عمى البصيرة ماهو عمى البصر . الله لا يطمس على قلوبنا .

ياشيخة ربعنا عندهم عمى بصيرة وبصر :) ليتها وقفت على البصيرة تسان أشوى :)

تبين الصراحة ياتركواز ,, الود ودي إني أنا أخطب لهم على هواهم ,, بس أخاف اذا حال الحول ,, قلبوا علي وكللن قام يدعي علي من جهة :)

عشان كذا مالي إلا أدعي لهم بالتوفيق في حلهم وترحالهم :)

بو رائد ,,

الاخت الريم
كيف (اشكالنا غلط) زعلتيني جدا اليس هذا خلق الله

المعذرة وأنا أختك بس تراك فهمتني غلط ,, أنا ماقصدت شكل الخِلقة ,, أنا قصدت شكل شخصياتكم :) :) أتوقع فهمتني الحين ,,

وانتي مره تسولفين عن الشاميات ومره عن المعزا ارسي لك على بر

والله أنا يوم أسولف عن الشاميات قلت لكم أننا رضينا بكم على غثاكم وعرسكم بهالشاميات ولا قلنا شيء وسكتنا وتحملنا كله من طيب أصلنا ,, بس اللي رفع ضغطي ان الموضوع زاد عن حده يوم تطاولتوا على معزانا وفضلتوا المعزى الشامية عليها :)

بالله وش فيها من الزود هالمعزى الشامية عشان تنسام بحول المليون ,, والله لو انكم تحلبون منها الذهب ماطلعت بهالسعر :) :)

راجع موضوعي زين وبتعرف قصدي ,,

خالي ابو غازي ,,

ماتبين تهمزين وتطسين شهر بعد
نبي نتولج ريم شمر هي وتركواز

تامر أمر ياخالي :) أطس ومالوه ,, بس عقب ماأصفيكم من موضوعي أو توقعون على وثيقة تراجع عن كل ماذكر ,, :)

متفائل ,,

لعنبوا ابليس 21 عديتهن

وش رايك عاد اني يوم عديتهن طلعن 22 :)

وتحر امه ياما تلد مرة اخرى لا ومن الخبث ماتلد الا بالمربعانيه من زين هالحال عليه وعليه

ياحبيلها والله ,, سلم لي عليها :) هذي اللي والله عارفتن لكم :)

الونش ,,

بنات الشام همهن الوحيد القريشات اللي بمخبى هالشنب مار هم الله يهديهم ينغرون بهالكلمات الرقيقه والدقيقه والمطحونه لكن الوعد قداام يابو هندام

والله مدري عنك :) بس ماودي احتسي ببنات الشام لأني أصلا ماجبت الموضوع عنهم >>>> هالجملة صار لي عايدتها ستمية مرة :)

الأصيل ,,

أصلا أنتم ماتدورون بنات الشام إلا لاصار البوك فاضي :) :) وإلا بالله من يبيكم :) فقر وغلدمة على قولة أمي :) >>> الغلدمة مصطلح مناسب لكلمة الفقر عشان كذا حطوه معها والا معناه مابعد اكتشفوه :)

ابو غازي

30-11-2004, 17:59

يقول المثل / من بغى الدح ماقال أح :g:

مناكد

30-11-2004, 22:46

الله على اللبا بالمربعانيه...
أكيد ماعمرك ذقتيه يالريم...

بعدين تعالي...وأنتي وشو اللي مزعلك...خليهم يروحون...

إسبوع وهم داجين ويدورون اللي يرجعهم...

أنا شفت منهم كثير منقطعين ماهم لاقين اللي يرجعهم...

وعسى مايشوفون سعودي أو خليجي نطوا بحلقه يشحذون...

والأعذار جوازاتنا وفلوسنا سرقت ولا عندنا حق الأكل...أو الفلوس إنسرقت والفندق حاجز الجوازات...

والدجل واجد...ولكن اللي هاللون يستاهلون أكثر...

انا نفسي أشوفهم وهالأشوام يعطونهم الشمس بيد والقمر بالاخرى أول ماياصلون...

أبو غازي من بغا الدح ماقال آححححححححححححححححح...

أبو مقرن...ياخطير...حرام عليك قضيت عليهن...

بنات سوري بهـن منفـوع=هن اللي يمشن على رضانـا
ولو ندنا بنت أبـو جـدّوع=مانقري الضيـف لاجانـا
لولا اليماني ذبحنـا الجـوع=والكـل لاشـك يشنانـا

بو رائد

01-12-2004, 12:33

***كلامهم مابه المنفوع00 يا الريم حنا لك اعوانا***
***بناتنا طيبات طبوع00 ماهن من اللي يلادانا***
***فيهن حياء والحياءمزروع00 جيران للطيب جيرانا***
***الهرج من دونهن مقطوع00 بنات عم(ن) وخيلانا***
***مابهرج ابو مقرن(ن)مسنوع00 يصب حانا على مانا***
***وان كان صالوا عليك جموع00مهزوم يابنت من جانا***
***بنات نجد(ن)جموع جموع00 لكن السلام وتحايانا***
***واللي يبي ديره ام ردوع00 هذاك محنا له اعوانا***

لايهمونك يا الريم يعني مايعرف يقصد الا هم ابشري بسعدك

طَيْبَةْ الْفال

01-12-2004, 14:57

رد على قصيده ابو مقرن بقصيدة الشاعر طلال الرشيد رحمة الله عليه

:d: n)
يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى سريا وانصـــــــــــــاف .. انا هواي وبس بنت الجزيــــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيــــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره

صح لسانك ولاهنت :)

:d:

الجازي

03-12-2004, 18:56

أبو مقرن ,,

لو انك صادق تسان مدحت عنزهم :)

الحين أنا ناويتن أستفزع بك تقفل الموضوع ,, واثرك من جنس الربع :)

الأصيل ,,

انطلقو إلى .. الزين والرخص

ماعمري سمعت بشيء رخيص وزين :) إلا ان كانه تقليد ومغشوش :)

تركواز ,,

الريم و لا يهمك حبيبتي

من باعنا بريال بعناه بلاش

تركواز ,, والله مادريت عنهم يابعدي ,, وعساهم ينشبون بهالسوريات ولا يلقون من يضفهم غيرهن :)

وبعدين هم أصلا ماقووا يشتروننا عشان يبيعوننا :)

بس اللي مطفشني إني لازلت أنا أحتسي عن العنز وهم الظاهر ان ترجمة العنز عندهم يعني البنت السورية :) :)

مع احترامي لأخواتنا السوريات الأباضايات :) :) >>> مسوية أخلاق :)

مناكد ,,

الله على اللبا بالمربعانيه...
أكيد ماعمرك ذقتيه يالريم...
^
^
هذي بيت شعر والا وشو :)

لا والله ماذقته ولا أواطن ريحته بعد :) مع انهم يقولون انه كنه الشكشوكة بس مابعد غامرت وذقت طعمه لا بالمربعانية ولا بالشبط :)

وبعدين من قال لك اني زعلانة ,, بالطقاق درب يودي مايجيب :)

بس اللي مضيق صدري ........ رجعنا لنفس الموال :) من رايي يكفيك كلامي لتركواز فيه نفس الشرح :)

بو رائد ,,

صح لسانك ألف ,, بس ماعندك مثلها في عنزنا :) :)

ابو مقرن يابو رائد راعي طويلة ,, حاطن له موضوع خاص متفرع عن موضوعي :) وان تسانك تبي شوري ,, أنا أقول عطهم أشكل وخلهم مايلقون أحد يرد عليهم ترى هذا أحسن رد عليهم :) :)

طيبة الفال ,,

بعدي والله وتسلمين ,,

الله يرحمه ,, هذا اللي يعرف السنع والله ,,

طَيْبَةْ الْفال

03-12-2004, 22:48

الريم سلمك ربي من الشر n)

بو رائد

04-12-2004, 11:12

الريم شورك مبروك ونعطيهم اشكل وان بغيتي فزعه اخوك حاضر

الجازي

04-12-2004, 14:40

ماتقصر والله وأنا أختك ,, وأنت قدها وقدود ,, بس خلهم يفحطون شوي :) وياليت أبو مقرن تسان وده ينتقم مني :) انه يقفل موضوعي :)

مفتاح14

04-12-2004, 16:06

الحين أنا ناويتن أستفزع بك تقفل الموضوع ,, واثرك من جنس الربع :)

وياليت أبو مقرن تسان وده ينتقم مني انه يقفل موضوعي :)

نعين ونعاااون :):)

ابو غازي

04-12-2004, 16:42

حنا ندور اللي يزعل هالبنيه وصدره اوسع من الدهنا :g:
انتي ماتاكلين شطه يالريم :d:
ههههههههههههههه :p:
7
7
7
هذي هي هقوتنا بكن يابناتنا دااايم وإنتن :thumb:
اما بالنسبة للموضوع يالريم n)
حنا فاهمين مقصدك مار مالنا حيله التيوس اللي كتبتي عنهن الواحد منهن بقيمة شبح :g:
تصدقين اعرف واحد من المبحبحين شراء لوه تيس بقيمة 750 الف ريال
وثاني يوم والتيس ميت :g:
والرجال ينجن وهالحين يهلوس ويلعن التيوس واللي يشريهن :g:
ههههههههههههههههه :p:
7
7
7
نعتذر منكم جميعاً اخوان وأخوات تسان بدر منا خطأ :awink:

:g:

المطنوخ

04-12-2004, 17:13

يالريم n)
الله يعطيتس العافيه

على الموضوع اللي جمعتينا فيه

وضحكنافيه

واستمتعنا
وحنا يوم نشحط بالموضوع مالنا نيه غير رسم البسمه وهذا كله بفضل الله ثم فضل معزاتس :)

الف شكر والف اعتذار عن اي كلمة طلعت من غير قصد مار الله العالم انكن غاليات
ومثل ماقال اخوي بورائد
بناتنا طيبات طبوع00 ماهن من اللي يلادانا

وتحياااااااااااااااااتي الصاخنه :thumb:

الأصيل

05-12-2004, 09:56

اصبرو شوين

تسنكم رفعتو الرايه الكركميه :)

( نسبة إلى كركم ، قرية من قرى القوقاز وهكا الديار ) :d:
،،،،،،،،،،،،،،

صفحة جميله جمعت الإخوة والأخوات

لايسعني بالأصاله عن روحي ، وبالنيابه عن رفيدزي أبوزبون والبادزين

أتقدم بالشكر لكل عنز شاميه تسببت في إثارت وإثراء هذا الموضوع :p:

................

بعيداً عن المزاح

بنات الخليج ..

وبنات الشام

دائماً

وأبداً

نقول

بناااااااااااااااات الشاااااااااااام وبسسسسس :d: :)

لكل أحد .. ولكل أحده :d: لاتواخذونا

طَيْبَةْ الْفال

05-12-2004, 10:38

الاصيل ردينا :(

يا ليل مطولك :puzzled:

الجازي

06-12-2004, 02:33

يسلمو جميعا :)

مفتاحوه :) أنت من جاب طاريك :) >>>> يقطع ابو التحطيم :)

الاصيل ,, :)

مفتاح14

06-12-2004, 19:33

^
^

ماودي اقلب الموضوع شاات والا تسان عرفت اتفاهم معتس:)

الجازي

07-12-2004, 02:27

^
^
^
ياشين التصريف :)

طيب ياذكي رد وبعدين قفله في وجهي :)

ابو مشاري الشمري

07-12-2004, 06:35

اههههههههههههههههههههه
اههههاي
وشبلا خيوتنا علينا
وحدة تجمع القطاوه
والا خرى تجمع معزى
بس ودي أعرف من وين ينخشن هالصور
اما العنز اللي متدرفله
ولابسه خط البلدة
شكله
في عز المربعانيه
تحياتي

الجازي

08-12-2004, 01:11

^
^
^
المعزى من التراث ,, والبساس تعتبر من العولمة :) >>> بعلمكم اني اعرف العولمة :)