الا وين العميل اللي يلاعبني على المضمون

[سعد الحامد]

بعد شهر الصيام وفك عقال الشياطين حبيت اشارككم


الا وين العميل اللي يلاعبني على المضمون = بغينا نعرف علوم العرب .. ياوين راعيها

ابيه استاذ فالتاريخ .. ويعرف خافي المكنون = نبي ننفخ على عود الجمر والنار نحييها

[بتول آل علي]

واخيراااااااااااا انفكت عقدة المحاورة

اما استاذي في التاريخ هذي بعييييده عني

متااااابعه في الصف الاول :thumb:

[ثامر]

صح لسانك وابيات مثمنه من شاعر مثمن يا سعد الحامد اسم عريق في عالم الشعر
وانا الحقيقه ماني قدك باللعب ون نستفيد
لكن سجلوني ضمن الصفوف وانا ماسك صفك يا سعد

[هايس الشمري]

صح لسانك

و سجلوني بالصف

[متفاائل]

سعد حامد
حياك الله
استلم لاهنت


انا جيتك سعد حامد موضوعك علي مايهون = انا احب العلوم الطيبه..واحب اهاليها
ماقول استاذ بالتاريخ ولاني دارس القانون = ولكن العلوم اللي تبي .. كل درى فيها

[ابو غازي]

:a:
سعد حامد
7
7
متفاائل

صــــــــــح لسااان كل واحد منكم :thumb:
وانا سجلوني بالصف الأول >> ابي ازندخ هنااااك :d:

[سعد الحامد]

هلا بالكرام ابناء الكرام
والمقصد سعة الصدر ومعرفة القروووم شرواكم
والجميع خير وبركه


هلابك ياعميل الخير في مجلس ابن لعبون =وترى بعض العلوم الخافيه ..مانيب ناويها

انا بانشدك عن غيداء ذبحها الغاشم الملعون =وشيخ القوم ماينفع .. علامه مايسّريها

[بتول آل علي]

الله :thumb:

معاااااااااكم و صح لساااانكم


الدهور

[ابو خليف]

صح لسانكم كلكم

وسجلون معكم

[الونش]

يامرحبا بسعد الحامد وبالجميع

وانا سجلوني بصف متفاائل :)

يالله يامتفاائل شد حيلك ولاتطول علينا

والله يكون بعون اهل الغيداء والشيخ يبي يسريها :thumb:

[ثامر]

هللله هللله
استمرووو صحت السنتكم وينك يا متفائل ترانا بانتظارك

[متفاائل]

الدهور
ثامر
الذيب
ابو غازي
ذيب شراف
الونش
:goooood:
الف شكر على حضوركم المشجع اضبطوا الصفوف والشيله


هلا بك في مضايف شمر .. وشمر بك يحيون = على وضح النقاء هات .. العلوم اللي تغذيها
اسال احد صمد نزل تبارك .. وانزل الماعون =يفك اسره من اهل الظلم. يومٍ.. قلّ. واليها

[سرحــان]

سعد حامد
7
7
متفاائل

صــــــــــح لسااان كل واحد منكم



مع ابو غازي بالصف الثاني

[متفاائل]

هلا بك ياسمي الذيب

شكرا على الحضور

صح بدنـــــــك الا تفرق انت وابوغازي كل واحد بصف

اخبركم تنسون اللعب من الشماته:) زد به ان ضرب عويركم:) ابو خليف ياكافي :hala1:

http://shmmr.net/vb/images/smilies4/wavetowel2.gif

[الأصيل]

على الخط السريع

جاي ماشي طبلوني

أبي أقظب الصف




الظاهر إنه تبي تحما لدرجة الغليان

[سعد الحامد]

الدهور
ثامر
الذيب
ابو غازي
ذيب شراف
الونش
سرحان
الاصيل

نورتوا الصفحه بوجودكم

متفائل استلم الله لا يهينك


اذا شيخ العرب مسجون وشهو له يجي مأذون =ومتفائل يجيب ابيوت(ن) ماقدرنا نغنيها

واذا غرقت سفينه نوح ماتنفع دموع عيون =عسى رجلك بعيده ياعميلي عن مواطيها

[ثامر]

اللحن راكب وعدل اخوي سعد 100 % ولا فيه شي بس المشكله بالمحاوره الكتابيه ما تضاف اللحن المظبوط وللحنكم على البحر الطويل

[المشعل]

ياليت الشعراء يرسون على حل ........................ ؟
اخوي سعد موضوعك جيد وانا متابعكم للاخر انت والاخ متفاال

[متفاائل]

اذا شيخ العرب مسجون وشهو له يجي مأذون =ومتفائل يجيب ابيوت(ن) ماقدرنا نغنيها

واذا غرقت سفينه نوح ماتنفع دموع عيون =عسى رجلك بعيده ياعميلي عن مواطيها[/QUOTE]

-------------------------------------------------
-----------------------------------------

سعد حامد من أولها بديت تبيح المكنون =ترى دلوك من الجيلان ماتشرب مضاميها
افا تحاول تمشيها على هامان يافرعون = وانا اللي كنت اظنك لو لقيت اخطاء تعديها
ولاهمي من اللي بالشعر والحانه يغنون =لأن الشاعر حروفه مقاسه في معانيها
انا همي من اللي بالشعر حولك ولايدرون= يصدق نقدك الخاطي ويأخذها ويديها

[سعد الحامد]

على هونك تراني مانبشت الماضي المدفون=ولا جبت العلوم اللي توزيها وتخفيها

واذا طالت سواليفك ترى كل العرب يدرون = بديناها على الهادي ..وعلى الحامي بننهيها

[الأصيل]

أنا قلت راح تحما لدرجة الغليان


الحين وصلنا للغليان


وياخوفي من انفجار البركان






نتابع بشغف

[عبدالعزيز]

متفائل وسعد

لاهنتو الله يبارك بكم .. خلوه تحمى شوين <<< تراب الذلال :)

تسلمون ومعكم بالصففففففف

[الونش]

صح لسانك يامتفاائل
و
صح لسانك ياسعد الحامد

تابعوا واستمروا فنحن متابعين لكم :thumb:

وبعدين ياشعار تونا بالبدايه ونفخ الجمر ماوصلناوه لياهالحين :)

عااااااااااشوااااااااا

امسكوووووو الصفوووووف


سعد حامد من أولها بديت تبيح المكنـون=
ترى دلوك من الجيلان ماتشرب مضاميها
افا تحاول تمشيها على هامان يافرعـون=
وانا اللي كنت اظنك لو لقيت اخطاء تعديها

[سعد الحامد]

المشعل
ياليت الشعراء يرسون على حل ........................ ؟
اخوي سعد موضوعك جيد وانا متابعكم للاخر انت والاخ متفاال

حياك الله ويشرفنا متابعتك


ثامر
اللحن راكب وعدل اخوي سعد 100 % ولا فيه شي بس المشكله بالمحاوره الكتابيه ما تضاف اللحن المظبوط وللحنكم على البحر الطويل
ثامر العين ماتعلى على الحاجب بس البين بيّن


الأصيل
على الخط السريع

جاي ماشي طبلوني

أبي أقظب الصف

الظاهر إنه تبي تحما لدرجة الغليان

الله يعينك ولا تروح بعيد



سرحان

سعد حامد
7
7
متفاائل

صــــــــــح لسااان كل واحد منكم

مع ابو غازي بالصف الثاني

صح بدنك يابن الاجواد والصف اللي انت فيه عز الله قام


عبدالعزيز

متفائل وسعد

لاهنتو الله يبارك بكم .. خلوه تحمى شوين <<< تراب الذلال

تسلمون ومعكم بالصففففففف

صح بدنك ياعبدالعزيز وانا متفائل مايحمى بينا شيئ والمقصود طيب الخاطر بالاول والأخير


الونش

صح لسانك يامتفاائل
و
صح لسانك ياسعد الحامد

تابعوا واستمروا فنحن متابعين لكم

وبعدين ياشعار تونا بالبدايه ونفخ الجمر ماوصلناوه لياهالحين

عااااااااااشوااااااااا

امسكوووووو الصفوووووف

حيا الله الونش

ماعاد فيها نفخ جمر هالحين بدينا نلحق الحطب حطب

وانتبه بس للصف لا يميل


اخي الحبيب والغالي متفااائل تراك راعي محل وانا ضيف
والضيف في حكم المضيف فمتى ماشفت اني طلعت عن الخط السريع فعلمني احب راسك واستسمحك
والله مالي قصد من هذا كله ... غير معرفة القروم شرواكم ... والا نفخ الجمر ماني من اهله

وبعد هذا كله تمسك زين يابن آخي ترى ماحدن عض اصابعك :172r:

واعذرونا على القصور

[متفاائل]

على هونك تراني مانقشت الماضي المدفون=ولا جبت العلوم اللي توزيها وتخفيها

واذا طالت سواليفك ترى كل العرب يدرون = بديناها على الهادي ..وعلى الحامي بننهيها
^
^
يدرون
---------------------
----------------


انا راضي بأهل الشعر فيما بيننا يحكمون = وإذا عندك علوم ياسعد لا. لا.. تغبيها
تحسب الهيلمه تنفع معي واهم تراه ظنون = ولكن مانبي طوله خذ اولها وتاليها

[متفاائل]

الاخ سعد اولا ردك ماشفته الا متأخر
بعدين كونك تضع النقاط على الحروف وتبدي النقد ببيت الرد شي وكونك تقول انا مادري شي
لو انك استمريت بالرد السليم . وكتبت ما تظنه خطاء على شكل ملاحظه او استفسار في اسفل الصفحه لتسمع اراء الجميع به .. ولكن ماقمت غير ذلك .
. ولتعلم اني لم ادخل هناء الا من باب رد على موضوع عضوا خوفا ومحافظة على مشاعرك فيما لوهمش الموضوع .

على العموم حصل خير

[الاصمعي]

متفائل وسعد الحامد وإبداع لحد النخاع :thumb:

لكن يا مبدعيننا كلٍ يمرر ملاحظاته من خلال أبياته :)

يالله نبي شعر والنثر خلوه لنا يالجمهور :smooch:

وبعدين يا سعد جاك إستاذ التاريخ "وسعة الصدر بعد" باقي تحرثون لنا التاريخ نبي نستفيد شوي :goooood:

[سعد الحامد]

يالله نبي شعر والنثر خلوه لنا يالجمهور

هذا الكلام

وانا من البداية الى الحين ماكتبت شيئ ... نثراً الا طلب عدم الزعل

والا لو جت على الملعبه مانيب من اهل الكلام وانا العب ، ورح لمنتديات المحاور وشف ردياتي

عموماً متفاااائل يقول ( ولتعلم اني لم ادخل هناء الا من باب رد على موضوع عضوا خوفا ومحافظة على مشاعرك فيما لو همش الموضوع . )

وانا اقول :


ماني من اللي يرجي احساس مزيون = والذيب مايسرح مع اللي في مفاليها

جهز عصاك ومشلحك .. وارفع الغليون = والبندق العوجا بعيدات (ن) مراميها

[ابو خليف]

^
^
^
^
^
^
صح لسانك ياسعد ومدامك تتكلم عن
الوزن واللحن انا ماني شاعر بس راجع
الشطر الاول اعلااااااااه
مكسووووووووووووووووووووور

[الأصيل]

مثل ماقال الأصمعي

النثر لنا .. والنظم لكم

والكمال لله

والخلل يعرض للبشر

وأضم صوتي لصوت الناقد الأدبي ذيب شراف

وغلطة الشاطر بألف ياشعراءنا

[متفاائل]

مشرفنا ثامر
المشعل
الاصيل
عزوز
الاصمعي
ذيب شراف
شكراً لكم جميعاً على هذا الحضور الكريم
وشكرا خاص لمن كلفوا على انفسهم الحضور والمتابعه
اكثر من مرة لهذا الموضوع

7
7


ردودك ياسعد بالنثر .. لا.صاحي ولا مجنون = وردودك في بيوت الشعر تمسكها وتغديها
ياراع البندق العوجاء يجي منظارها وشلون = ومع هذا مصرٍ تمدحه لي في مراميها

[عبدالعزيز]

ومع هذا مصرٍ تمدحـه لـي فـي مراميهـا

ومع هذا مصرٍ تمدحـه لـي فـي مراميهـا

ومع هذا مصرٍ تمدحـه لـي فـي مراميهـا


عشششششششششت وبانتظارك ياسعد لاتتعب الصف :thumb:

[راعي الوقيد]

بالخيـر يارجال كلن باسمــه :)

يالله عافهـم

اشوف الملعبــة حاميــة الوطيــس

تـرونا شابيـن لكــم القابله :puzzled:واليا تعشيتوا كملوا لعبكم

http://www.imaratarriyadh.gov.sa/images/sd19.jpg

صح لسان الشاعرين :-

سعد الحامد :thumb:

متفاائل :thumb:

سلااااااااام ...

[بتول آل علي]

ومعاااكم على الخط :thumb:


سعد الحامد

متفاائل


صح لسااانكم :d:

[هايس الشمري]

قاضبين الصفوف


واصلوا

[سعد الحامد]

اولا اعتذر لاختلاف بحر المحاوره في ردي الأخير لاني كتبتها من الكي بورد مستعجلاً

وهذا هو بحرنا ووزنها لمن يعرف في العروض النبطية

2/1/2/3/2/2/3 === 2/1/2/3/2/2/3
لا ا لا الا لا لا الالاون == لاالالاالالااالالالايها

واستلم يامتفاااائل


أشوف البندق العوجا تطاول من وراها متون= هبااا والله ملقمها وهبااا والله مخاويها

انا ماني حمامة دار يعذبها الفقر والدون = واذا طالت خطاويها نقصّر من خطاويها

[راعي الوقيد]

ماني من اللي يرجي احساس مزيـون
والذيب مايسرح مع اللي في مفاليهـا

جهز عصاك ومشلحك .. وارفع الغليون
والبندق العوجا بعيدات (ن) مراميهـا

^
^
^
^
^
^
صح لسانك ياسعد ومدامك تتكلم عن
الوزن واللحن انا ماني شاعر بس راجع
الشطر الاول اعلااااااااه
مكسووووووووووووووووووووور

يسلــمو ذيــب شــراف متـابــع بقــوة :thumb:

مطـابـدز الأوزان وكشــف المستـور :tongue: اقصد المكسوووووووور

خلووووووووووها

[عذب المشاعر]

مرااااحب للجميع
عااااااااااشوااااااااا
ياللة عافهـــــم
سعد الحامد
متفـــــــــاءل

ياسلام اللة عليكم ياسلام
صفو الصفين يانسل الكرام
وأصلو حنا معكم مستمعين
واللة الوالى ولاغيره ولى

[متفاائل]

عذب المشاعر
راعي الوقيد
حياكم الله
والف شكر للاخوان ولاخوات الذين لازمونا بالصفوف جميعاً منذ البدايه
استلم
سعد حامد
ترى نفش الحباري ريشها ماحصلت به عون=ولافكه من اللي حط راسه بين رجليها
اذا تبي السلامه لاتجي في وجه من يرمون =تجنبها وتسلم من خطاها ومتقديها

[الأصيل]

الحرب سجال

الدخنه واصله للسما







رائعين يوم حما اللعب

( ترا النظام : خروج المغلوووووب :)

[الونش]

[/B]
ترى نفش الحباري ريشها ماحصلت به عون=ولافكه من اللي حط راسه بين رجليها
اذا تبي السلامه لاتجي في وجه من يرمون =تجنبها وتسلم من خطاها ومتقديها [/QUOTE]


عاااشوا الشعااار

متابعين ومستمتعين بابداعكم الله لايهينكم

وين الصفوووف ياعياااال [/align]

[ابو غازي]

عاااشو :thumb:

ماعينتو الأصيل :thumb:

[الأصيل]

هلا أبوغازي

أنا بهذا ورا هالونش.. مندمج ومبسوووط باللعب



لاتنسون ،، ترو راعي الوقيد شاب للشباب عقب اللعب :d:




أبوغازي

عطن إذنك

لاتباعد يابعدي .. ترا الجو مغيم بهذا

أنا هادزي هقوه إن الليله كلن يبي يسحب قناتوه :thumb:

[متفاائل]

الله حيهم يامالين العافيه على تواجدكم
وعلى زين لعبكم بالصفوف
بارك الله بالجميع

[سعد الحامد]

حيّا الله الجميع
واستلم يامتفائل


اشوف متفااائل يغير لبسته من كل شكل ولون = ومع هذا نبي نمشي مع الداعي لتاليها

تنبه ياعضيدي للبواجي واربط السيفون = وتر مشي الوعر عندي بيوجع رجل ماشيها

[متفاائل]

اشوف متفااائل يغير لبسته من كل شكل ولون=ومع هذا نبي نمشـي مـع الداعـي لتاليهـا

تنبه ياعضيدي للبواجـي واربـط السيفـون=وتر مشي الوعر عندي بيوجع رجل ماشيهـا
[/QUOTE]


ياليته في حموله ياسعد تمشي مع المضعون =كبيره من يجي يبي يكحلها ويعميها
ترى اللي مايعرف الدرب ينشد من معه يمشون = تحصل من بعرف الدار والديره واهاليها

صح لسانك .
اعتذر عن المتابعه يأخ سعد لعدم تواجدي حول النت هذه الايام فرصة سعيده
عدم المواخذه اذا كان حصل منا بعض التجاوزات .
7
اما انتم يامن تابعتونا لا بل شاركتونا
لاملك الا ان اقول الف شكر لكم بارك الله فيكم وافيتوا وكفيتوا

[بتول آل علي]

الله عليكم

سعد الحامد

متفاائل

ألف مليووون صح لساااانكم

محاورة ولا أروع

و ان شاء الله تمتعونا بالمزيد من المحاورات المشابهة


الدهور

[سعد الحامد]

الأخوه الكرام

اشكر لكم حسن الضيافه ومثل ماقال ابن رشيد رحمه الله

اضرب على الكايد اذا صرت بلشان 000 وعند الولي وصل الحبل وانقطاعه

وأخوي متفااائل شكرا لقبول محاورتي و القلوب صافيه

تحياتي للجميع

[حمود الشمري]

صح السانك اخوي حامد

صح السانك اخوي متفال

كفيتو وفيتو لاهفيتو

مع تحيات اخوكم ابو عيد