النـــــاس نامـت

[مشــــعل]

حياكم اللة ياخواني

مناسبة هذة القصيدة واقعية ياخوان
حصلت لواحد من الشباب عقب ماخطب وجهز نفسة للعرس رفضت ام البنت بدون سبب

فأنا حبيت اصورة على انة حصلت لي
القصيدة على النمط الشعبي جدا
فأرجوا نة تحوز على اعجابكم واعذروني على القصور


الناس نامت وساهر الجفن مانام=اخلف مواعيد البشر في منامة
قمت اتفكر بالليالي والايام=ياما سواد الليل عدا ظلامة
مادام خيرك ياقشر الوقت مادام=ولاراد اللة يستمر في دوامة
ذكرتني ياوقت مدقوق الاوشام=ذكرتني منهو جرحني كلامة
مريتها قلت: التحية بالاسلام=ورد التحية حق ياظبي العدامة
قالت: تسهل يابن الاجواد قدام=ترى الغلا والحب هذا ختامة
انا نسيتك وخاطري بالهوا شام=هذا القدر واللة نوى بالسلامة
قلت:ادري يابنت ان القدر تام=وش السبب باللي جرى وانهدامة
ماحبنا لحظة ولاحبنا عام=حطيت لك برسوم قلبي علامة
قالت:امي انتوت قطع الارحام=واللي مضى اعلن علية الندامة
قلت:ياعلها يابنت تحكم بالاعدام=وقبل ضو الصبح ياتي اعدامة
وياعلها بحكم(ن) مثل حكم صدام=وسط المقابر يابنت نلقى عظامة
وياعلها تاخذ من ذنوب واثام=ياما تطب النار يوم القيامة
دار حوتها علها بالغضب عام=تمحل ثمان سنيين وينشف طعامة

"امحــق نسيب"
استغر اللة على كل ماقلتة


اخوكـــــم / مشــــــــعل الغفيــــــلي

[نواف السويــدي]

مشعل



ياخوي انت متأكد انها ماصارت لك هالسالفه :)


أحس ابياتك طااااااالعه من قلب :g:



الله يكون بعوووووونه .. ااامين


ولا يبليك ما بلاااااااااه ..



لاهنت ياغالي

[عزام]

الله يكون بعونه اخوي مشعل





وكل شي نصيب ومكتوب



صح لسانك ولا هنت يالغالي



وتقبل تحياتي





اخوك

عزام

[بتول آل علي]

"امحــق نسيب"
استغر اللة على كل ماقلتة



هههههههههههههه جبتهااا بصرااااحه

الله يعييين

" وعسى أن تكرهوا شيئا و هو خيرٌ لكم "

و الخيرة فثيما اختاره الله

ألف صح لسااانك اخوي مشعل

و دااائما يسرنا معانقة هذا البوح


أختك

الدهور

[المطنوخ]

بعذرك لو قلت اكثر من هذا
صح لسانك يالغالي

[مشــــعل]

اخوي نواف صح بدنك
والساعة المباركة اللي شفناك بة


حياك اللة اخوي عزام وصح بدنك


اختي الدهور صح بدنك ومرورك زادنا تشريف


ياحيااللة اخوي النطول صح بدنك