الفطائر الهندية.!!

[ريم شمر]

الفطائر الهندية مع الخضروات أو الجبن أو اللحم

المقادير:
للعجينة:
- 1 كيلو طحين ابيض.
- 1 ملعقة كبيرة مملوءة خميرة فورية.
- 1 قالب صغير زبدة ذائبة.
- 2 ملعقة طعام سكر.
- 2 ملعقة طعام حليب باودر.
- 1 ملعقة متوسطة ملح.
- ماء دافئ للعجن.

للحشوة الخضار
- 1 كوب بصل مفروم.
- 1 كوب جزر مقطع قطع صغيرة.
- علبة بزاليا خضراء.
- 2 كوب بطاط مسلوق ومقشر ومقطع قطع صغيرة.
نصف ملعقة فلفل احمر حار او الفلفل الاخضر الطازج وملح.

لحشوة اللحم:
- 2 كوب لحم مفروم.
- 1 كوب بصل مفروم.
- 2 فص ثوم مفروم.
- بهارات وملح وفلفل حار.

لحشوة الجبن:
- 2 كوب جبن ابيض مخصص للفطائر
او 2 كوب جبن شيدر مقطع طويل.

الطريقة:
- تخلط مقادير العجينة مع بعض حتى تتكون عجينة طرية.
- تغطى وتترك في مكان دافئ الى ان يتضاعف حجمها.
- يوضع اللحم على النار حتى ينشف ماؤة
ثم يضاف البصل والثوم وقليل من الزيت
ويتبل بالبهارات حتى يستوي ثم يرفع عن النار.

- تقسم العجينة الى قطع صغيرة وتفرد
وتحشى بالحشوات المفضلة
ثم تقلى في الزيت حتى تتحمر من الجهتين.

وبالهناء والشفاء


__________________

انا طبعا ماسويتها ولاعندي طاري :)

بس ذقتها اكيييييييد

وبصراحه لذيييييذه جدا

[الجازي]

ريومة ,,

جايزن لك الوضع يوم انك تجيبين لنا طبخاتهم ؟؟ :)

يالله باخذ الطريقة وأعطيها وحدة من أخواتي عشان تسويها لنا ونذوق طعمها إذا كان حلو ولا لأ ؟؟ :)

أما أنا فما فيه أمل أجربها ,, خصوصا إن رمضان راح :( وهو موسم الفطاير عندي :)

<<<<< تنافسك في الزوالة :)

يسلمو ريومة

[تركواز]

انا مجربتها من جد لذيذة بشكل مو عادي .

الاكل الهندي كلللللللله :thumb:

لا يفوتك ريم الكباب يومك الهندي حولهم وربي بيخليك تدمنينه :luvlove:


بعدين انتي واياها قصروا صوتكم :puzzled:

فضحتونا بخمالتكم عند الشهبان و هم قاعدين يمدحون باهل التبولة و الفتوش :(

[الجازي]

^
^
^
يالزينة خليك واثقة من نفسك :)

وش التبولة والفتوش عند المرقوق والجريش :)

<<<<<< اللي يسمعها يقول تعرف تزينهن :)

الحين تقيسين مطاريسهم في التبولة والفتوش على هالفطاير الغثيثة :)

<<<<< معليش ريومة تركواز حدتني على سب فطايرتس :)

تركواز شكلتس بتخليني اعطي زوالتي إجازة وأسوي هالفطاير بس والله لو ماضبطت ترى مايردني إلا الكيبورد :)

[ديمــــه]

ريم شمر

يعطيك العافيه
والطريقه سهله وبجربها اكيد :d:
واكيد طعمها روووووعه
تسلمين

الريم

اول ماتخلصين قلي وتتحمر ارسلي لي منها :thumb:
انتظرك :g:

ديمه

[صالح الهــمزاني]

تســـــــلم عليكم امى ..... n)

تقول نبــى قدرنــا الى عليــه قمعــه..........

هههههههه انا مطفـــى عند الملاعق

[ريم شمر]

الريم

اصلا اكثر مايحببني فيتس انتس زوله مثلي :)

احلى شي في الدنيا الزواله :thumb:

----------------

تركواز

خلاص ماعاد ينفع انا وريومه انفضحنا

واللي كان كان :puzzled:

ياليتنا بس مانعلم على ارواحنا :a:

ونسوي انفسنا سنعات لو بالحتسي :)


---------------
ديمه

صحه وعافيه مقدما


----------------
صالح الهمزاني

اسأل تركواز عن القدور هي السنعه فينا


انا والريم نعرف ناكل بس :a:




شكرا للجميع

وصحتين وعوافي

ريم

[الجازي]

ريومة ياحبيلتس :)

أجل مادام انتس اعترفتي بزوالتنا ,, استلمي هالاعتراف مني :) أول كنت مستحية فيتس بس يوم خربتيها ماعاد تفرق معي ,, خلي الاعترافات تنهال علينا من كل جانب :) >> تسني اشتقت للفصيح :)

ريومة تصدقين عاد اني مادريت ان هالفطاير تقلى الا يوم قريت رد ديمة يوم قالت لي :


الريم

اول ماتخلصين قلي وتتحمر ارسلي لي منها
انتظرك

قلت أفا اثر الدعوى فيها قلي وأنا أحسبها تتحمر في الفرن :)

وش رايتس بس في هالاعتراف :) بالله ماغطيت عليتس في الزوالة ,, يعني مقادير طبختس والطريقة شطفتها ماقريتها ,, قريت تعليقاتس اللي فوق وتحت والباقي يسلم عليتس :)

[ريم شمر]

من جد هي تقلى قلي :a:


احلفي :puzzled:

اقسم بالله توني ادري :)





الله يخلف على امهاتنا

انا وياتس ريومه المطبخ غاسلن يدينه منا :359r:


المشكله اني ذايقتها ولاميزت هي مقليه او فرنيه :290r:

[الجازي]

^
^
^
ياحبيلتس وربي كبرتي في عيني :) >>> اجتمع المتعوس على خايب الرجا :)

طيب يالخبلة وشلون كتبتيها :) والا وصلتك بالبريد ونسختيها وحطيتيها زي سلامو عليكو مثلي :)

لاياريومة بديت اصدق انتس أنا وانا أنتِ :)

بس أنا فرع الرياض وأنتي فرع الارجنتين :) :)

[تركواز]

الريم من صدقك ماتعرفين للجريش :puzzled:
وربي اسهل طبخة حطي كل شي فوق بعض و قصري عليهم في الفرن و انسيهم و الا روحي نامي :d:


ريم و الريم n) استحن فضحتننا الحين بتطيحن بكبودنا :)
شوفوا حبوبات اصعب مافي الموضوع العجينة
لكن تقدرون تستغنون عنها بعجينة جاهزة و مو شرط تكون عجينة السمبوسة جربو عجينة المطبق بتعطيها شكل احلى لما تحطون الحشوة بالطول و تثنينها من الجهتيان الاعلى و الأسفل و بعدين تلفينها كنك تطوين سجادة .
و كل ماكانت العجينة ناشفة مثل السويتز بتكون احلى و اضبط

و تقدرين تغلفينها بعد القلي بقصدير تقديم الفطاير لو بتاخذيتها برا البيت و ربي بتطلع روعة لا شكل و لا طعم .



تدرون عاد تراني ما اطيق المطبخ :(

بس لو دخلته اعجبكم :thumb:

[ديمــــه]

- تقسم العجينة الى قطع صغيرة وتفرد
وتحشى بالحشوات المفضلة
ثم تقلى في الزيت حتى تتحمر من الجهتين.

اجل وشلون كتبتيها وتقولين صحيح تقلى
اجتمع المتعوس على خايب الرجا


الريم

ماطرا عليتس تدخلين المطبخ

[ريم شمر]

ريمو انتبهي وانا اختس للايقونات بتعتك

اللي يطيح عقاله واللي يطيح خشمه :242r:

ترى منيب فاضيه كل شوي امشي وراتس

والقط بعفش ايقوناتس :smooch:

كل واحد ياخد بالوه من ايقوناتوه :)


اما سالفه الطبخه ياطويلة العمر

في ذاك اليوم الاغبر انعزمت عند وحده من البنات

قدمت لنا الفطاير الهنديه واعجبتني

قاموا البنات كلهم يسألونها عن الطريقه الا انا طبعا :)

بس هي تحسبني مستحيه قامت تبرعت لي

وقالت شكلك ماتحبين تكتبين

عطيني ايميلك وارسلها لك على الايميل تجيك جاهزه

او اعطيك موقع موجوده فيه

عطيتها الايميل ومشيت ونسيت السالفه


اليوم الثاني فتحته لقيتها مرسله الطبخه :a:

منخدعه فيني الحرمه :)

المهم انا كنت فاتحه على المضايف

وطرى على بالي احطها لكم

والسالفه ماتبي شي

نسخ ولصق :)

[الجازي]

بعدي والله :)

كللش عاد الا العقال المايل :)

والله ياريومة توني جاية برسل لتس أبيتس تعدلين عقاله لأنه يوم جيت أعدله طلع وقت التعديل المسموح به انتهى :) قلت مالها إلا حريمها :) وأنتي ست الستّات :)

بس يلوموني فيتس قبل ماأرسل لتس لقيتس معدلتن العقال وضابطتن الشخصية :)

يسلمو ريمو على التعديل :)

[سالم]

ماصارت فطاير :p:

عليكم بـ فطاير عمو امير و بس :smooch:

[ريم شمر]

وشي فطاير عمو امير :a:

شكلها برفحا :)