مقدمٍ في لغز واخترته خفيف.....

[مستور]

الاخوة الزملاء اليكم لغز جديد وان شاء الله يكون خفيف

مقدمٍ في لغز واخـــــــــترته خفيف.........عل من يقرا سطوره يرمعـــــــــه
واقفٍ بالباب فعـــــــــــــــله يالطيف..........لاسلاحٍ ياجماعه يرفعـــــــــــــــه
والعجب ياصاحبــــي من هالضعيف..........جمع الاعداء ماتوانى رجعــــــــه


........وللجميع تحياتي......

[اليم]

اهلين وسهلين

وشلونك

لي رمعه بما انوه خفيف

وش رايك بالفلتر حق المكيف

بوه كم رمعه بس خلنا نشوف هذي

هي تصيب والا تخيب

[مستور]

حياك الله اخوي اليم وسرني مرورك
الفلتر مالك لوى يالغالي
والعجب ياصاحبــــي من هالضعيف..........جمع الاعداء ماتوانى رجعــــــــه

[عبدالله الجعيثن]

وش رايك با"التور"

الشبك حق الدرايش والابواب اللي يمنع الذباب والنامس

[مستور]

مالك لوى اخوي الغازي وهو ضعيف واضعف من الشبك والاعداء اشدمن اللي يردهم الشبك
وتقبل تحياتي

[راعي الوقيد]

^
^
ما لك علي يمين يالغاازي ان هاللي انت كتبت (( وش رايك با"التور"

الشبك حق الدرايش والابواب اللي يمنع الذباب والنامس ))

والله !! كنت ناوي اكتبه بالضبط دون زيادة او نقصان !؟

بغض النظر عن صحة او مالك لوا الحل !؟

يمكن توارد خواطر !! يمكن ،، سبحان الله

سلاااااااام ...

[نديم طويق]

صح لسانك

وش رايك بدمع العين او الاوزون

تحياتي

[مستور]

صح بدنك يابو عبدالله
ومالك لوى يالغالي ولعله بحاجة تزويد بيت
حاميٍ من كان مقصدهم شريف.........ورجع اللي مقصد الشر جمّعه
وتحياتي للجميع

[اليم]

هلا مستور

مرة ٍ ثانيه

وش رايك بالعنكبوت :thumb:

[مستور]

صح لسانك وهو بيت العنكبوت
والذي صار فيه حماية للرسول صلى الله عليه وسلم وابوبكر خلال الهجره
ورد عنهم الاعادي فحينما راوه ايقنوا ان الغار مهجور من زمن
وبيت العنكبوت وصفه تعالى بالضعف في كتابه الكريم(وإن اوهن البيوت لبيت العنكبوت)
وصح لسانك اخوي اليم

[اليم]

صح بدانك اخوي مستور :thumb:

اللي بعدوه ترن هالليومين مشتط :)