راعي الوقيد
30-10-2004, 03:25
هذي سالفة لإبن عـرّوج يقال له " وديـــــــد " رجالٍ راعي غـزواة وعنـدهـ ذلولن ما يركبه الشحــم من كثر مايغزي عليه وعنـدهـ حرمــة بنت عم له ، وعقب ما إنـذبح وديد تـزوجه اخـوهـ صغيـر سن جذع ولا راح ولا جا !! وهذا الولـد قيل إن اسمه لـزام ،،،
اصافت البـل مـرة من المرات ـ إنتي يالمـرهـ ـ ويوم جت ياوالله تهدر على الزمل !؟
قال: قومي اعقلي الذلول هاللي دقـّت الـزمل ؟
قالت: هـذا جمل !!
قال: لا هـذي ذلول قومي اعقليه ..
ويوم ناظـرت لى هـذي الذلول ، وكان ماعمر ركبه شحم على زمان وديـــــد رجله الاول من كثر مايغزي عليه.. !! وهـذا الـولد لا راح ولا جا وبس مجلدن ولا نهج !!
وتقـول عاااد المرهـ هذي :
عندما يئست من قيام زوجها ـ لزام اخو وديد ـ
بماكان يقوم به زوجها السابق...؟؟
يالله ياعايد علـى كـل مضمـاه= يامخضر الارض الهشيـم المحايـل
انت الكريـم ورحمتـك مانسينـاه=تروف باللـي دوم عينـه تخايـل
تلطف بمن لاكـن عينـه مـداوه=اللـي بقلبـه حاميـات المـلايـل
ألوج مثل ايوب من عظـم بلـواه=واسهر الى مايصبح النجـم زايـل
اليـا نسيتـه ذكرتنـي لطـريـاه=شيبا ظهر من عاصيات الجلايـل
يلتاع قلبي كـل ماذكـر سوايـاه=كما يلوع الطيـر شبـك الحبايـل
ياعارفين ( وديد) ياوجـد روحـاه=ياليـت ماغزوا عليـه النثايـل
لا وااا بن عمي كل ماجيت ابنساه=لذكره تفطني من الهجن حايل
لا وااا بن عمي يسقي الربع من ماه = دليلهن لا ضيّعـوه الدلايل
لا وااا بن عمي كل قوم تنصّاه = تلقى ربوعه طيّبين القبايل
لا وااا بن عمي تدفق السمن يمناه=على صحون كنهن النثايل
لا وااا بن عمي وافيات سجاياه =عليه غضّات الصبايا غلايل
لا وااا بن عمي دوم للعفن متقاه = يا ما تلنّه مدمجات الفتايل
لا وااا بن عمي تطرب الهجن لغناه=ياما زعج فوقه بحامي القوايل
لا وااا بن عمي طاح يوم الملاقاه=بنحور غلبـا فوق قب الاصايـل
لاوااا بن عمي طير شلـوى تعشـاه=قطّاعة المهجة سناعيس حايل
لاوااا بن عمي سبعـة سنيـن فرقـاه=عليه انـا قصيـت كـل الجدايـل
لاوااا بن عمي يتلـف الهجـن ممشـاه=الى بغـى لـه نيـةٍ مـا يسايـل
لـه ماقفـن مابـيـن ذولا وذولاه=ياما احرقنـه موشـرات الفتايـل
خذيت اخوه ابي عوض ذاك من ذاه=البيت واحد مـن رفـاع الحمايـل
عنـدى مثيلـة واحـد كنـه ايـاه=عليه من توصيـف خلـي مثايـل
الزول زوله... والحلايـا حلايـاه=والفعل ما هوفعل وافي الخصايـل
ويـوم سمعه تشعر بهالقصيد ياوالله انه تسنه زعل !!!
قال هذي اكيد انه شكّت بي إنـي ردي !!؟ ويوم فطن يامار بعد تشعر !!
تقــول :
يافاطري ياما جرالك من العنى = مع دربك العيرات نشت لحومه
غدا عنك نواس العدا مربي النضا = يجرها مع مانبى من حزومه
وغدا عنك وردتي مثاني زلابه = تلوعه الظلمى تلالي نجومه
ياما حويتي جل ذود من العدا = اصبح عليك الغزو يفرق قسومه
عليك مقدم لابت شاع ذكره = حامي تواليها مقدي امومه
)
(
)
ويوم سمعه تقصد بهالقصيد ،قال يالله ياعيال ترونا غزوا.
وهو يغزي وما كسب من هالكسيب نكّف به ،،،
ويقولون ان مغزاه ماهو قريب بعيد......
ويوم الفوا الى الذلول منقطعه يدرجونه يالله تمشي ،،،
ويوم جو قال للمره : شوفي الذلول وقفت بالمطب الفلاني روحي هاتيه ..
راحت ويوم خذوا يامار هذي هي جه ، هه وين الذلول ؟ قالت : مالقيت شين !؟
قال : واقفه ماتروح بالمطب الفلاني !!
قالت: المطب اللي انت ذكرت لي ماشوف به شين !!
شفت لي تقل حويشي وجعان ذلول ما عينت !؟
قال: هي اللي انتي شفتي روحي هاتيه ؟؟
وهو يلحقه ، ويوم راعت وليا هذي الذلول غادية كبر الحويشي..
ويوم خذا واليا هذي هي تدرّجه وتشعر وتقول :
يا بكرتي وش علم حالك ضعيفي = اشوف حالك وانية عقب الاردام
عقب الشحم ومهادرتس بالمصيفي=ومصاول القعدان مرباعتس العام
عقب الاباهر والسنام المنيفي = صرتي كما المفرود من فعل لزام
قطع عليتس ديار قوم تخيفي = تسعين ليله راكب الهجن ماقام
اقفى عليتس من الحساء للقطيفي = لحوران للحرة لى نقرة الشام
وتدمر وصلها وضمهم مستخيفي=وشبيخ والضاحتس وقديمي الأقدام
وعادوا على العارض بجيش يهيفي=يتلون بن عرّوج مقدم بني لام
زهابهم حب القرايا النظيفي=وسلاحهم صنع الفرنجي والأروام
توي هنيت وطاب فالي وكيفي= من عقب ظيمي صرت في خير وانعام
(
)
(
وهويطلع عليه قال: خاف شفتينن !؟
قالت: لاوالله ياخي ماشفتك..
قال: احلفــي انتس ما شفتينن !؟
قالت: والله اني ما شفتك ..
قال زاد خوذي الابيات :
انا ابن عروج وهذي سواتي = موصل سمان الهجن فيما يجنه
خمسين يوم والنضا مقفيات = مع مثلهن وهن على وجههنه
نمشي نهار وليلنا مانباتي = كم ذود مصلاح بقطع خذنه
من ظن فينا الطيب شافه ثباتي = واللي هقا فينا الردى ضاع ظنه
كم صبي عشقة للبنات = عقب التعجرف بدل الضحك ونه
استاخذ المذهوب عاف الحياتي = هو مادرا ان الهجن بيوصلنه
من فوق هجن من فحلهن خوات = غيب الصبايا الخافية يظهرنه
وسلامتكـــــــــم يابعــد حيي:)
اصافت البـل مـرة من المرات ـ إنتي يالمـرهـ ـ ويوم جت ياوالله تهدر على الزمل !؟
قال: قومي اعقلي الذلول هاللي دقـّت الـزمل ؟
قالت: هـذا جمل !!
قال: لا هـذي ذلول قومي اعقليه ..
ويوم ناظـرت لى هـذي الذلول ، وكان ماعمر ركبه شحم على زمان وديـــــد رجله الاول من كثر مايغزي عليه.. !! وهـذا الـولد لا راح ولا جا وبس مجلدن ولا نهج !!
وتقـول عاااد المرهـ هذي :
عندما يئست من قيام زوجها ـ لزام اخو وديد ـ
بماكان يقوم به زوجها السابق...؟؟
يالله ياعايد علـى كـل مضمـاه= يامخضر الارض الهشيـم المحايـل
انت الكريـم ورحمتـك مانسينـاه=تروف باللـي دوم عينـه تخايـل
تلطف بمن لاكـن عينـه مـداوه=اللـي بقلبـه حاميـات المـلايـل
ألوج مثل ايوب من عظـم بلـواه=واسهر الى مايصبح النجـم زايـل
اليـا نسيتـه ذكرتنـي لطـريـاه=شيبا ظهر من عاصيات الجلايـل
يلتاع قلبي كـل ماذكـر سوايـاه=كما يلوع الطيـر شبـك الحبايـل
ياعارفين ( وديد) ياوجـد روحـاه=ياليـت ماغزوا عليـه النثايـل
لا وااا بن عمي كل ماجيت ابنساه=لذكره تفطني من الهجن حايل
لا وااا بن عمي يسقي الربع من ماه = دليلهن لا ضيّعـوه الدلايل
لا وااا بن عمي كل قوم تنصّاه = تلقى ربوعه طيّبين القبايل
لا وااا بن عمي تدفق السمن يمناه=على صحون كنهن النثايل
لا وااا بن عمي وافيات سجاياه =عليه غضّات الصبايا غلايل
لا وااا بن عمي دوم للعفن متقاه = يا ما تلنّه مدمجات الفتايل
لا وااا بن عمي تطرب الهجن لغناه=ياما زعج فوقه بحامي القوايل
لا وااا بن عمي طاح يوم الملاقاه=بنحور غلبـا فوق قب الاصايـل
لاوااا بن عمي طير شلـوى تعشـاه=قطّاعة المهجة سناعيس حايل
لاوااا بن عمي سبعـة سنيـن فرقـاه=عليه انـا قصيـت كـل الجدايـل
لاوااا بن عمي يتلـف الهجـن ممشـاه=الى بغـى لـه نيـةٍ مـا يسايـل
لـه ماقفـن مابـيـن ذولا وذولاه=ياما احرقنـه موشـرات الفتايـل
خذيت اخوه ابي عوض ذاك من ذاه=البيت واحد مـن رفـاع الحمايـل
عنـدى مثيلـة واحـد كنـه ايـاه=عليه من توصيـف خلـي مثايـل
الزول زوله... والحلايـا حلايـاه=والفعل ما هوفعل وافي الخصايـل
ويـوم سمعه تشعر بهالقصيد ياوالله انه تسنه زعل !!!
قال هذي اكيد انه شكّت بي إنـي ردي !!؟ ويوم فطن يامار بعد تشعر !!
تقــول :
يافاطري ياما جرالك من العنى = مع دربك العيرات نشت لحومه
غدا عنك نواس العدا مربي النضا = يجرها مع مانبى من حزومه
وغدا عنك وردتي مثاني زلابه = تلوعه الظلمى تلالي نجومه
ياما حويتي جل ذود من العدا = اصبح عليك الغزو يفرق قسومه
عليك مقدم لابت شاع ذكره = حامي تواليها مقدي امومه
)
(
)
ويوم سمعه تقصد بهالقصيد ،قال يالله ياعيال ترونا غزوا.
وهو يغزي وما كسب من هالكسيب نكّف به ،،،
ويقولون ان مغزاه ماهو قريب بعيد......
ويوم الفوا الى الذلول منقطعه يدرجونه يالله تمشي ،،،
ويوم جو قال للمره : شوفي الذلول وقفت بالمطب الفلاني روحي هاتيه ..
راحت ويوم خذوا يامار هذي هي جه ، هه وين الذلول ؟ قالت : مالقيت شين !؟
قال : واقفه ماتروح بالمطب الفلاني !!
قالت: المطب اللي انت ذكرت لي ماشوف به شين !!
شفت لي تقل حويشي وجعان ذلول ما عينت !؟
قال: هي اللي انتي شفتي روحي هاتيه ؟؟
وهو يلحقه ، ويوم راعت وليا هذي الذلول غادية كبر الحويشي..
ويوم خذا واليا هذي هي تدرّجه وتشعر وتقول :
يا بكرتي وش علم حالك ضعيفي = اشوف حالك وانية عقب الاردام
عقب الشحم ومهادرتس بالمصيفي=ومصاول القعدان مرباعتس العام
عقب الاباهر والسنام المنيفي = صرتي كما المفرود من فعل لزام
قطع عليتس ديار قوم تخيفي = تسعين ليله راكب الهجن ماقام
اقفى عليتس من الحساء للقطيفي = لحوران للحرة لى نقرة الشام
وتدمر وصلها وضمهم مستخيفي=وشبيخ والضاحتس وقديمي الأقدام
وعادوا على العارض بجيش يهيفي=يتلون بن عرّوج مقدم بني لام
زهابهم حب القرايا النظيفي=وسلاحهم صنع الفرنجي والأروام
توي هنيت وطاب فالي وكيفي= من عقب ظيمي صرت في خير وانعام
(
)
(
وهويطلع عليه قال: خاف شفتينن !؟
قالت: لاوالله ياخي ماشفتك..
قال: احلفــي انتس ما شفتينن !؟
قالت: والله اني ما شفتك ..
قال زاد خوذي الابيات :
انا ابن عروج وهذي سواتي = موصل سمان الهجن فيما يجنه
خمسين يوم والنضا مقفيات = مع مثلهن وهن على وجههنه
نمشي نهار وليلنا مانباتي = كم ذود مصلاح بقطع خذنه
من ظن فينا الطيب شافه ثباتي = واللي هقا فينا الردى ضاع ظنه
كم صبي عشقة للبنات = عقب التعجرف بدل الضحك ونه
استاخذ المذهوب عاف الحياتي = هو مادرا ان الهجن بيوصلنه
من فوق هجن من فحلهن خوات = غيب الصبايا الخافية يظهرنه
وسلامتكـــــــــم يابعــد حيي:)