يامن يخبر لي علاج ؟؟!!

[المخاوي]

يالربع بي لي حساسيتن قشرى وملازمتن منذ سنوات وكنت استخدم حبوب ينقالهن disaphrol ولهن مفعول زين ولكن مشكلتهن يجبن النوم بعد ربع ساعه من اكلهن يعني اكلهن وانا بفراشي واقوم من النوم ومفعول الحبوب موجود :232r: والله وانا اتركهن واقع بلي حبوب ينقالهن zertec استخدمت هالحبوب ومفعولهن زوين يعني تقريبا 12 ساعه وترجع الحساسيه :frown:
وزاد الطين بله هالكمبيوتر كل مااجي عندوه قامت الحساسيه بزود :g:

فهل من علالاج او ارشادات ؟؟؟؟

[متفاائل]

مالك شر

الله يعينك والله انه خوي يضيق الصدر

عسى الله يشافيك منها وننتظر الفزعة من الربع اكيد ماهم مقصرين ؟

عين الناس ماتعطي خير ( الكاس ،، التميز ) :)

سلامتك والله

[هوى نجد]

حيالله اخي المخاوي

الله يشفيك ويعافيك

لمن شفت شكواك قلت لنفسي خلني أدخل على قوقل واكتب (حساسيه ) يمكن

أطلع بشي ينفع ولقيت لك ذالرابط >> وفي الموضوع اللي بتلاقيه فيه علاج

بالأعشاب وموجود بمحل بالرياض وكاتب المقال يقول إنه مجرب وأثبت

فعاليته فأنت شوف ويمكن الله ينفعك به

إضغط على الرابط بالأسفل

7

7

7


http://forum.hawaaworld.com/showthread.php?s=&threadid=178799&perpage=15&pagenumber=1

[عبدالله المهيني]

^
^

المخاوي لا تنسانا

ترن بالرياض

على العموم يكون بيننا مراسله اخوي

[شنقل]

افا يالعشير
وش جارين لك

هذا ونت قصيري وما تعلمن


على العموم
انا ابكزه الليله للرياض واذا به علاج بالرياض
اجيبه معي


المهيني............
ندري انك بالرياض بس انا ابقصر عنوتك لعشيري المخاوي


شكريااااااااااااات
عشيرك شنقل
زعيم فلة الحجاج

[المخاوي]

يالله حي متفاائل

وهالوجه مايشوف الشر :)

عاد ليتك فازعن لي لو بذكر الكي :a:


عين الناس ماتعطي خير ( الكاس ،، التميز )

وشلون لو ان معهن البشت :)

اقوول نشد لي لو بطرق الحتسي :p:

[المخاوي]

الاخ هوى نجد

تسلم ولاهنت عز الله ماقصرت انت وقوقل :)

بس المشكله عااد ان اللبتن ماداني طاريه ويجيب لي الحساسيه :p:

طيب هل هالعلاج ينفع مع عيال ادم :) اشوف انوه مذكورن لبنات حواء n)

شكرا اخي ولاهنت وان شاء الله نجربوه من عرض هالتجارب :awink:

[المخاوي]

هلا بالمهيني

ياخوي قولتك لاتنسانا مادري هو انت تبي العلاج والا تبي تفزع وتجيبوه لي :biggrin:

بكلا الحالتين ابشر وتسلم :)

[المخاوي]

العشير شنقل

ياخوي ماودي اشغلك خابرك بلشانن بفاتورة التلفون وطالب هالسلق من صوب وراعي البقاله من جهة اخرى :p:

ياملا والله العافيه يالعشير وليانويت تكزه للرياض خلك على مهلك تر مامن عجله والامور سهالات :wink:

اقوول يالعشير ارتخ لاتستعجل نبي نشوف وصفة مشرفنا اخو سعدى يمكن ان عندوه علاجن يقصر عنوتنا للرياض :thumb:

[بو رائد]

اخوي المخاوي يعل مالك شر عندي سوال عندك تقرير طبي عن المرض
ثانيا مايجوز تغير العلاج من تلقاء نفسك يجب استشاره طبيب هل هي معك على طول والا تروح وتجي يمكن من اكل معين شافاك الله وبعد عنك المرض امين يارب

[المخاوي]

ياهلا وغلا ببو رائد

تصدق تكل خفت هالحساسيه عقب مرورك علينا :)

والله ياخووك اخر مره رحت فيها للطبيب قالي يحتاج لك عمليه جراحيه وشفتك ولاشفتوه :p: هالحتسي قبل 7 سنين على وشو هالعمليه مدري :232r:
واللي قبلوه يقول بدل الديره بدار :biggrin: ورفضت هالعلاج :awink:
واللي قبلهم يقول المدن المتحضره والمتقدمه هاللي به ازهار وورود :00124: هي بلى حساسيتك يبيلك تعيش بالنفود دور لك نازيه واسكن به :)

اما تقرير لابالله مهناش , وهي مزمنه معي على طول السنه وتزداد بالمربعانيه لياقامت الدخنه ببيت الشعر :p:

[بو رائد]

ابشر والله يا المخاوي بوه لوه نازيتن ورا طلعت العميم حاجزينه لك
ياجا هالربيع والجيب حاضر غديك تغير جو وتطيب يا الله انك تشفيه
ياحي ياقيوم والله سعادتي يوم اشوف مثلك وشرواك مبسوط ياعلك
ماتشوف الشر امين ياحي ياقيوم

[محارش]

ما تشوف شر والله يالغالي .

حبيت اسلم .

[أبو مقرن]

المخاوي
ماتشوف شر..إن شاء الله..
وإن لقيت شين..علمن.. :) :tongue:
<<<<<مابوه حساسية..بس يبي العلاج لواااحد.ن.هنااااا :d:
تحياتي

[المطنوخ]

المخاوي طالعن من الشر يقولون الحساسيه فاقعتن مرارتك:g: يعل ماتشوف شر يهالوجه
الا ابنشدك حيث اني من ضحايا الصفري انت خشمك يدرج؟؟ :ezpi_blus
تسان ردك ايه يدرج
اجل اترك المناديل اللي يبيعونه بالدكاكين ودور لك فنيلة لك ماتحتاجها وقص من مناديل مربعات واترك مناديل الورق بالمرة وعلمك بالشر انشالله

ايه فطنت هذا بالدوام عندنا هندي كل مايشوفن الا انا اعاطس وعيوني حمر :106r:وقالي انا ازبطك وهو يروح ويفوح حليب السعوديه ويخلط معه عسل صافي وقالي اشربه وانا من الموت شربته ابي اي شين وعقبه والله اني تقل صرت زين:thumb: بس مادري هو منه ولا اني اوجست الدفا:)

[راعي الوقيد]

المخاوي

شف البنااااخي فاتح له عيادهـ ومعه له مخطر يتلاعج هذا هو بالدكة :)

اقول له يجحم المخطر بالنار :g: يد بيد صدقن :tongue:

ويدن على ابوغازي بلسم للجروح !؟

عااااااااااد ماتشوف شر الى ما نشوف حبوب جي ان سي نفعن والا :puzzled:

سلااااااااام ...

[اخو سعدى]

المخاوي

اخر الطب الكي ..
اعرف لك واحدن من الجماعه عليه يد .. اووووف :)
اذا تسواك على طوول .. تشوف العافيه بعد امر الله

يسلموو

[المخاوي]

بو رائد

ياملا العافيه والله اجل نازيتن بالعليم لا الظاهر اني بديت اشفى :hala1:
تسلم بو رائد تصدق من دعاويك تكتن العبرى :g: تر الدعوى من هالحساسييه وجاي لاترثع بي :p:

[المخاوي]

هلا بمحارش

وهالوجه مايشوف شر :)

حبيت ارد :a:

الا مامن شي يمين يسار دور بهالصرر :p:

[المخاوي]

يالله حي ابو مقرن

ماتشوف شر انت وهالواحد اللي هناااا :)

اقوول انشد رفيدزك تسان بوه شدتن للكي يولم روحوه الظاهر مامن غيروه علاج مار لو بس يونسن :p:

[المخاوي]

يالله حي النطول

الشر مايجيك ياهالوجه والحساسيه وانت الصادق فاقعتن خشمي :p:
وخشمي نوبن يدرج ونوبن يشفط واحيانا لوه شخير :tongue:

هههه وش هالطب هذا يافلان الله يرجك :p: طيب الفنيله اللي انت تذكر نقصها مناديل مربعات عقب غسل الفنيله والا مايحتاج :smileyb:

لايكون خالطلك مع حليب السعوديه فلفل حار :biggrin:

النطول تصدق عقب وصفك انوه طاب خاطري من النشده :232r::biggrin:

[المخاوي]

راعي الوقيد

انا مانحشن من هالمضايف اللي هنااك الا مخطر البناخي :( قلت خلن البد بهذا ياما الله يرزقن بلي علاج وجاين تذكروه لي :biggrin:
هذا مخطروه هو اللي هجج خليجي من المضايف كله بس لاتعلم :awink:

جي ان سي هذي نوعيتن جديده بس زين اشوى من اَر بي جي :eek:

[المخاوي]

يالله حي دختورنا اخو سعدى :)

نحشنااا من القووم وقعنااا بالسريه :)

اما رفيدزكم هذا بس من ذكروه شفت العافيه :p:

الا على طاري يدوه هو مايعرف يدلك :tongue: :001b:

[ابو محمد الحجي]

الأخ / المخاوي
السلام عليكم ورحمة الله وبركاته
اتمنى من الله عز وجل لك الشفاء العاجل وما تشوف شر
اخوي فيه وصفة سهلة ومالها مضاعفات ومجربة
(عسل طبيعي تخلط معاه حبة سودة وزنجبيل ناشف) وصباحا ومساء
وانشاء الله راح تفارقك تماما
وشكر
اخوكم / ابومحمد

[صلفيق]

ســـلامتك يالمخاوي ..

من استعملت الـ disaphrol والـ Zyretic فهالحساسية اللي عندك ماراح تروح الا بعلاج من عندك يكون تشخيصه .. حاول تتأكد تماما مالذي يثيرها ، وحاول الأمتناع عن مايسبب إثارتها .

أنا لست متأكد من تشخيص الطبيب هل هناك مشكلة بالجيوب الأنفيه أو القنوات ؟؟؟

تقول من 7 سنين !! هل لو ابتعدت عن المكان الذي تعيش فيه يكون هناك تحسن ملحوظ أو كماهي ؟ إن كان هناك تحسن ... فهذا دليل وجود روائح في البيئة المحيطة ، وعندها يجب التعرف على المثير وإزالته قدر الأمكان ( أقصد الأبتعاد عن المثير ) .

وإن كانت الحالة كماهي في حالة الأبتعاد ... فهذا يعني وجود مشاكل عضويه معينه ، عندها تلجأ للعلاج الجراحي .

ولكن تبقى مقولة طبية هامه : " في حالات الحساسية .. يكون المريض خير طبيب يستطيع تشخيصها "

ولكن حبذا لو جربت الـ Artez tab. 1x1
تمنياتي لك بالشفاء .......