فـنــجـــــــال . .

[مشعان عتيق]

.

&

.

الاهداء :

الى الغالي .. عايد الشمري

والاحبة هنا في منتداي ومضيفي

....

عايد : أبكسر لك الفنجال واجبرني

قلبٍ تشفّـق على حايل وبرزانه

وش فيه جرحي نسيته قلت يعبرني

وجاني يهوس ويهز الصدر واركانه

كل الحنايا ملايا .. لا تخبّــرني

ان الحزن جا .. يجدد سالف ازمانه

انا كسير الليال السود خابرني

يا شينه الحزن الاغبر .. كنت نيشانه

ماظل رمحٍ نسيت الا ويسبرني

يفتّـشن عن فضا .. والصدر مليانه

أصدّد القلب و الأشواق تجبرني

أجر صوت الحنين .. بخلوة احزانه

أذكر قديم الغلا .. والحظ يثبرني

واهز راسي تحسّـر كنت دفّــانه

حايل ولا غير حايل .. من يصبّـرني

اتحمل مفارق العزه .. وخلانه

بين المحاني غلا .. بالشوق يكبرني

احضن سمار الوجيه .. فلان وفلانه

الحزن وان طال بي .. شوقي مصبرني

ماعاف لحظه قديم الحب .. من شانه

عايد .. ولو في كفوف الضيم تشبرني

ماراح تلقى سوى حايل وبرزانه



.

&

.

[خلـيف الجهيلي]

وبرزاااااااااااانه



0



حايل وبرزااااااااااااانه




0




صح الله لسانك ولاهنت

يامشعان عتيق

وافيه من وافي


قصيده اكثر من راااااائعه

بأنتظار جديدك القادم

تحياتي



اخوووووووك /
خليف الجهيلي

[بتول آل علي]

أخي العزيز

مشعان عتيق


و ثاني مشاركة تنمّ عن تمكن شعري

ألف صح لسان الجمال و الجزالة

دمتَ متألقا و مرحبا بك مجددا بيننا

و مرحبا بـ " عايد الشمري " ... إن تمكنت من إحضاره أيضا :d:


تحية ود من أختك

الدهور

[عزام]

خوي

عايد

قصيده

رائعه


جميله

لاهنت يالغالي


وصح لسانك


ومبروك عليك الشهر


انت وأهل حايل خاصه


وعموم المسلمين عامه


ولك تحياتي


أخوك

عزااام

[عقاب النهار]

صح اللسانك الغالى مليااااااااار



ولاهنت



على القصيده الرائعه



وتقبل تحياتى

[خلود البراري]

الراائع \ مشعان



اهداااء راقي من قلب كريم لـ كريم


والشاعر المبدع عياد الشمري يستحق هذا الجمال


صح السانك ولاهنت

[عبدالله الجعيثن]

مشعان عتيق

صح الله لسانك

جزله من جزل


قصيده اكثر من رااائعه

بأنتظار جديدك القادم

[المتوكل]

صح لسانك يالغالي
وسلمت

انت كذا :thumb:

أخوك المتوكل

[سالم]

تسلم يالغالي على القصيده الرائعه

ماننحرم

[سلطان الشمري]

الله الله الله







ياخي .. اش هالجمال.. :thumb:




والله رائع ومغدق ..يامشعان ..




من جد من جد .. فتنة حفل..






رائع ياحيي.. ولاهنت ولا هان بوحك ..





وهل سوف يأتي عايد الينا....؟



اتمنى ان تكون الاجابه بنعم ..





احترامي..

[شيمه]

حايل ولا غير حايل .. من يصبّرنـي
ماراح تلقى سـوى حايـل وبرزانـه

[مشعان عتيق]

.

&

.

بسم الله الرحمن الرحيم

الاحبة الكرام .. الاخوة و الاخوات
.

.


.. خليف الجهيلي :
يا مرحبا بك ياخليف الجهيلي
................ عداد مابل البساتين وسمي
.

.


.. الدهور :
يا هلا بك مرحبا بك يا الدهور
............. مزنةٍ تغرق مضايفنا غلا
.

.

.. عزام :

الطير ابا سمّـيــه يا سعود عزام
........... على الذي في حزة الضيق فازع
.

.



.. الاشدف عقاب :

مرحبا غيك والاشف .. عقاب
.......... ذيب يوم الذيابه روّحن
.

.


.. خلود البراري :
مادام في الدنيا خلود البراري
....... انشهد ان الشعر والحب في خير
.

.


.. الغازي :
يا منبع الطيب يا غازي
........ صيدك سمينٍ على الهقوه

.

.

.. المتوكل :
وكيلك الله يا المتوكل الطيّب
...... حضورك اليوم .. أسعدني وشرّفني
.

.


.. سالم الشمري :
سالم الشمري .. يا سالم الشمري
.......... جعلك السالم اللي شمّـر لكل ّ طيب
.

.


.. نبراس :
نبراس يا سيد الغلا .. نبراس
....... في حب جا .. وبحب رحّبنا
.

.


.. شيمه :
لو كل شيمه تشبه اليوم شيمه
......... لابد يملا حايل الحب والطيب
.

.



............ لكم الحب .............

وكل عام وانتم بخير وسلام

وممتن لحضور فناجيلكم .. واللي هيلها طيبكم

تقبلوا مني سلامي ..عطر ود .. وبساتين محبه

السلام عليكم ورحمة الله وبركاته .


.

&

.