الدّكككككككككككككككككه

[المشرف العام]

تم إعادة فتح هذا المضيف بناءا على اقتراح وموافقه بعض الجهاز الاداري


ويالله حيييييييييييييهم بمضيف الدّكه :)


------------

على طاري السوالف .. سمعت ان اجازة المدارس في 6 رمضان ، احد عنده تأكيد لهذا الخبر


ودمتم سالمين :)

[عبدالله المهيني]

يارجال رجعنا لسالفه كل سنه

مايطري علي ياسمعت هالسالفه الا وعود بعض رؤوساء الاندية بتحقيق كؤوس هالموسم

وتيتي تيتي مثل مارحتي جيتي


يعني الدراسة إلى 20 رمضان الله لا يعوق بشر

خل هالعالم تداوم ليه ينامون :)




ابو سلطان

بالله ابي اسعلك

انت يوم تكتب العنوان هي اصبعك ناشبه بحرف الكاف هاللي غادني خمسين ابو الف شده

او يعني حركه هذه :)

[ابو غازي]

ياعلووووووووووووووه مبرووووووووووووك :thumb:

تسلم يابو سلطان :smooch:
7
7
7
مبروووووووك على الجميع هذا الشهر المبارك :d:

ابو سلطان
هو وكاد علم هالإجازة الله يبشرك بالخير :g: >> يبي الفكه ويبي ينام
هههههههههههههه :p:

[المطنوخ]

هلا يابوسلطان والله يعطيك العافية على توسيع المتسان
اما المدارس فوالله اني مادري حنا يا اهل الكويت مالنا علم<<<<اجل وش مدخلك؟؟
لكن نبي نجري بعض الاتصالات وناتي بالعلم اللي يجمد على الشوارب<<<<جاي.ن من اقصاه يبي ينذخ تسن عندوه سالفة

[راعي الوقيد]

:good1: << مما يزعـل الـدكـّـة ويشلـع تسبــدهـ:055r:

عنــدكــم حـراج سيارات:456r:بــورصــه‍‍ :(

الـف مبـروك للــدكــة العـودة بالسلامـة :hala1:

سلام

[عبدالعزيز]

والله يقولونه وان تسانه صدزة اخاف والله تطلع هالمكرمة مبنية على عجنة لسان :)

مبروك عليكم جميع ياجماعة الخير فتحة هالدتتسة ومبروك هالشهر الله يتقبل صيامه منا ومنكم :smooch:

[المشرف العام]

بالله ابي اسعلك

انت يوم تكتب العنوان هي اصبعك ناشبه بحرف الكاف هاللي غادني خمسين ابو الف شده

او يعني حركه هذه :)




*
بزعمي انّها إحرِكَه :(

وش عرّف هالاجيال الرقميّه لحركات اجيالنا:)



*

[المشرف العام]

*
ابو عازي

تسسسسسلم

تسان صدت خبر لا تنسانا

*

[المشرف العام]

*
النطول . .
ننتظر ..!! العلم اللي يجمد على الشارب :)
تسلم على المرور
*

[المشرف العام]

:good1: << مما يزعـل الـدكـّـة ويشلـع تسبــدهـ:055r:

عنــدكــم حـراج سيارات:456r:بــورصــه‍‍ :(

الـف مبـروك للــدكــة العـودة بالسلامـة :hala1:

سلام


*
نحاول نحط للدّكه مثل اللي مسوّي مفتاح 14 :)

*

[المشرف العام]

مبنية على عجنة لسان :)

:smooch:

ماهي بعيده :)

[اليم]

مبروكككككككككككككككككك رجوع الدكككككككككككككه

اما اجازه فهذي اغسلوا يديكم

وش نبي بالاجازه ما افتكينا منهم وهم يدرسون وشلون ليا عطلوا

ما يمرحون الليل

الواحد من يفطر لياما يصبح وهو يفر من شارع لشارع وتلقاوه موذين

اهلوه والمسلمين,,,حتى اللي يصلون بالمساجد ما سلموا منهم

اقول خلوهم يدرسون ويعينون خير ما ورى الفراغ والدنجله نفع:)

[سلطان الشمري]

اليم




وش بلاك علينااااااااااااا


قال ياما من الرزق قال ياما من قطاعتوه :puzzled:




خلنااقل شي نستانس بالاخبار التسذبيّه ..




الا اقول ..الفاضي من عينوه؟؟؟ عزوز ماشفته تو .. :(




على طاري الفاضي ... يالربع تروا عندي لي ..جيب ربع 2000 للبيع


اللون بيج ..او اشهب مدري وش يسمى ..


ومعه دايو .. زيتيه ..



وهلكس .. 99 على كيفيكم : تصلح لأبو سلطان .. :a:




على طاري ال99


من يخبر لي..كابرس ((امبالا )) 79 ............


<<<<<فاضي الله يخلف

[مفتاح14]

مبروووووووووووووووووووككككككككككك لككككككككككككم ولنننننننا:)


ولاعليكم امر نبي اسم محاارش يترنّح فوق المضيف:) ولا تشاورونوه:) :awink:
^
^
الله يذكرك بالخير يالغازي انت وهالايقونه :)

.

بشروا يالربع ما تأكد خبر تقديم الاجازه؟ :puzzled:


=========

برايفت ابوسلطان//
ألا منهو اللي مسوي اضافات على الايقونه هذي( :) ) ابحب خشموه :luvlove:

[سالم]

الا على طاري المكرمه والاجازات و و و و .. إلخ :)

وش صار على المكرمه .. بأي يوم ينزلونها لنا :d:

8
8

ماننحرم

[ســــارا الرياض]

الخبر الاكيد الاجازة يوم الاربعاء الموافق 6 رمضان
**
اشاعة
**
بس ممكن نعرف وش شروط مشاركات الدكة لكي يتسنى لنا تمييز مواضيعنا وما يناسبها نضيفه هنا ودمتم
00

[عبدالله المهيني]

الخبر الاكيد الاجازة يوم الاربعاء الموافق 6 رمضان
**
00


سارا

اذا الخبر اكيد بناء على ايش التاكيد هذا

نزل قرار برقم

اذيع هالقرار او للحين

او كيف تم التأكد من هالخبر


وياليت هالخبر ما يطلع صحيح <<< ماهو نذل :)

[ســــارا الرياض]

وياليت هالخبر ما يطلع صحيح <<< ماهو نذل :)
نزولاً عند رغبتك يالعزيز اتفضل الخبر الاكد
**
لا تقليص للدراسة في رمضان.. ومنع التبرعات في المدارس

المصدر : عبدالله العريفج (الرياض)

من ناحية ثانية نفى وزير التربية ما تردد في اوساط المجتمع وبعض المواقع الانترنتية* من ان الدراسة في رمضان ستقلص الى اسبوع لافتا الى عدم صحة مثل هذا الكلام على الاطلاق.
وتبدأ اجازة عيد الفطر المبارك لهذا العام في مؤسسات التعليم يوم الاربعاء العشرين من رمضان الجاري.
وقال الرشيد رمضان ليس شهرا للكسل والنوم بل شهر للجد وهذا ما نؤكده ونقوله دائما لطلابنا وابنائنا ذلك ان رمضان لا يعني السهر ليلا والنوم نهارا وغزوات رسول الله صلى الله عليه وسلم كانت معظمها في رمضان وجهاد وكفاح صحابته ايضا في رمضان مشيرا الى ان من تصور غير ذلك فهو ذو فهم خاطئ وهذا ليس في مناهجنا وكتبنا واضاف: نحن نحاول ترسيخ المفاهيم والدول العربية والاسلامية لا تغيّر من برامجها الدراسية ومواعيدها في رمضان حيث تبدأ الدراسة في وقت مبكر وتنتهي كالمعتاد.

**


* الانترنتية : الظاهر سامعين بمشاركتنا

[عبدالله المهيني]

سارا

شلون تجي هذه

في تعقيبك الاول الاجازة يوم 6 رمضان

وفي تعقيبك الثاني نفي الخبر هذا وان الاجازة يوم 20 رمضان



الحين الاجازة متى 6 او 20

ضاع بالطوشه :)

[عبدالعزيز]

^
^
شف كلمة إشاعة تومي تحت ياخوي
وش بلاك نشبت له؟:)

وياجماعة الخير
والله تعودنا هالسالفة بكل سنة ومعه سالفة البانزين والكهرب وزيادة الرواتب
وآخره مشوين واحد يقول ابددددددد وكاااااااااد البنزين يبي ينزلونه!!
تقل والله ماصدر العام قرار برفع سعر الممتاز وابقاء السعر الحالي للبنزين العادي بحلول عام 1427 :g:

الاهالطواري عندنا ترو عليهن تجريم :puzzled:

ووالله اني البارح قلت الله يستر لايصير كارم.ن به ابومتعب عن طنخة والفنجال بيدوه :)
وهمن يجي الرشيد من وراوه بقرار وزاري يخصص المكرمة على الطلبة ويلزم المعلمين والأساتذة بمسح بلاط المدارس وتنظيفه خلال هالفترة لتهيئة البيئة الدراسية المناسبة للطالب عند عودته كماهي البيئة في امريكا واليابان وامريكا واليابان بوادي وبنقلادش وجيبوتي بشغية وهو بسري.ن ينحدر من مرزاب بنشر لاجاوه السيل :puzzled:

اغسلو يديكم من هالسالفة بس

[راعي الوقيد]

:485r:
^
^
شف كلمة إشاعة تومي تحت ياخوي
وش بلاك نشبت له؟

عــزوز:thumb:

الله والعالــم إنــه بســـدرة او إنــه ودّهـ إن السالفــة صـدز:055r:

وياجماعة الخير
والله تعودنا هالسالفة بكل سنة ومعه سالفة البانزين والكهرب وزيادة الرواتب وآخره مشوين واحد يقول ابددددددد وكاااااااااد البنزين يبي ينزلونه!! تقل والله ماصدر العام قرار برفع سعر الممتاز وابقاء السعر الحالي للبنزين العادي بحلول عام 1427

اجـل حقيــن الـديــزل وش يقــولــون:112r:

[عبدالله المهيني]

^
^
^
^

الله يفشلك تصدق عاااد توني اشوف كلمة اشاعه

وانا ابلشت سارا شلون تجي ووشلون تصير :)

[عبدالله الجعيثن]

^
^
احلم يالغالي..

كان مامن خصميات

[المخاوي]

مبرووك عليكم وعلينا رجوع الدكه :)

اما الاجازه انا سمعت او سمعلي انه مع راتبين العسكر :eek:

تشااااااااااااوووو

[سالم]

مبرووك عليكم وعلينا رجوع الدكه :)

اما الاجازه انا سمعت او سمعلي انه مع راتبين العسكر :eek:

تشااااااااااااوووو


و راتبين العسكر ماجت للحين
شكله تجي مع االاجازه :)

[سلطان الشمري]

ابشركم .. يا اللي هنا..





انا شخصياً ممثلا بذاتي الكريمه ... اكرمت نفسي من دخل هالشهر المبروك .. :)



ومحطت بيومي الثلاثاء والاربعاء.. وخليتهن اجازه لي.. وصرفت لنفسي الحبيبه مكأفأة .. مدبوله ..نظراً لجهودها.. المتميزه .. :g:





..
*



اقول اها بس اها..



مكرمه مامن مكرمه ..





والمهيني ...دالبن قاعت تسبدي.. سالمن من الدوام ويبي يغثنا..




..
*



سارا.. المفروض مخليته ومخليتنا نستانس بهالخبر التسذبي.. :(






ااااااااااه يااااااااااااااااني ..

[عبدالله المهيني]

والمهيني ...دالبن قاعت تسبدي.. سالمن من الدوام ويبي يغثنا..


..


الله عاد اللي يسمعك يقول وش هالكبد ماتستاهل :)


أقول الرازق بالسماء والحاسد بالارض

:) :) :) :)

[هايس الشمري]

مبروك رجعوا الدكه


عاد اسمعوا وش سمعت عن الاجازة

هذا خبر سري :)

يقولون الكليات العسكرية يعطلون يوم 16 و صدر بذلك تعميم سري :)

و يمكن يحطون المدارس معهم







الا اقول محد عنده استمارة مساهمة يقولون تباع بـ 200 ريال