ذيب شراف وبوفية المهيني !!

[الشبث]

قمت مرتن الصبح ابي اخلص مراجعتن لي

والله وانا امر اطرف بوفيه بخطي قلت ابفطر واعين خير وعقبه اتوكل على الله

ويوم دخلت البوفيه ليمار مابه الا عامل واحد هنيدي

لابسن سروال سباحه خضر وفنيله علاقي

واكبر مابوه خشموه

قلت يا صديق وش عندك

قال مطبق

قلت وغيروه

قال كلاص

قلت وشو كلاص

قال بس مطبق فيه

قلت يا مطبقن الجني على غاربك ليه بس مطبق

قال انا كوفيل كلام سوي مطبق بس

قلت وليه يا روح امك

قال هوا هيبوه مطبق

قلت انتا كوفيل مين

قال انا كوفيل اسمو موهيني

قلت وانت وش اسمك

قال انا

قلت لا والله الثلاجة اللي وراك.. اقول اخلص علي وش اسمك

قال زيب سراف

قلت وش جنسيتك

قال نيبالي




والله يوم خذيت شوين وهو يجي هكا الرجل اللي اكبر مابوه دماغوه وهو يجلس

قال يا ذيب هات واحد مطبق

قلت صباح الخير

قال صباح النور

قلت ما شاء الله عليك شكلك زبون عندهم

قال لا والله انا راعي المحل

قلت انت المهيني

قال الله الله امر

قلت ما يامر عليك عدو بس والله ابي اعرف وش سر هالمطبق معك

قال والله يا طويل العمر مامن سر ولا شي

بس احس ليا مني كليتوه اخش جو واصير بعالمن ثاني

قلت ولييييه لهالدرجه

قال واكثر .. انا من حبي للمطبق فتحت هالمحل وجبت هالوليده

قلت عاد يوم انك جبت ما جبت واحدن متسنع

قال هذا معوه دكتوراه في تصليح المطبق بالنيبال

قلت اقص يدي اذا ما كان بنشري


ويوم سمعن المسيكين وهو يقوم يصدد

الظاهر اني كشفتوه على حقيقتوه






وجيتك منهم مادري عنهم







وتقلدوا تحيتي

[الأصيل]

أهلاً بالفيلسوف :)



كل الموضوع بكفة الميزان ..

وآخر الموضوع بالكفه الأخرى


لحيث ( ترا ( لحيث ) ما كل واحد يعرفه ونا خوك ) :thumb:

لحيث إن فيه وعد بقص اليد

يابن الحلال أخاف أنه ماكان بنشري :a:

وبهالحال يلزمك ( كفاره ) :p:

تطعم من أهل المضايف ( ولا تنساني ) :good1:

وإذا أبومقرن موجود على المائده يكون أحسن :d:






والرساله وصلت ..

تحرا مني ( ألو ) :awink:

[المخاوي]

بالله معكم واحد مطبق :)
وانا اشوف المهيني منتفخ اثريه من مطبق زيب سراف :p:


بس احس ليا مني كليتوه اخش جو واصير بعالمن ثاني

هذا من زيت البريك اللي يطبخ بوه :eek::biggrin:

الشبث ماوصفتلنا مكان هالبوفيه نبي نمره :wink:

يسلموووووووووو

[راعي الوقيد]

:thumb:وكفـــــى

والمــوضـوع بــرمضان قـد إحتفــــــى

والشبـــــث وعــد ووفــــــــى

:goooood:

فااااااانتاااااستككككككك

[شنقل]

اوووووووووووووووووه

فيه تو صيل طلبات

[بدر الشمال]

ايملا الماحى هالبوفيه

مطبق على هالصبح وحنا متهمين الشاورما بالتسمم الغذائى , تريه مطبق زيب سراف والمهينى.

أبداع فى أبداع يالشبث ... وبأنتظار التوضيح الرسمى من البلديه وأتخاذ الأجراء المناسب للقضاء على هذه الضاهره قبل ان تستفحل ... وعلى المتضرر اللجوء الى القضاء

ودمتم

[ابو غازي]

لابسن سروال سباحه خضر وفنيله علاقي
ههههههههههههههههههههه
هههههههههههههههه
هههههههه
هههه
هه :p:
والله العظيم إني أول ماقريت الموضوع تخيلت ذيب شـــــــــــراف :g:
هو الي يزين المطبق :d:

يخي المهيني ........ راسوه كباير :g: وكاد من اتسل المطبق :awink:
ههههههههههههههه :p:

كفيت ووفيت يالفيلسووووف :thumb:

[الـمـحـروووم]

هلا وغلا شبيثان
ولا عليك أمر بس طرش لنا عنوان البوفيه
ني نمر عليهوتسلم

[الشبث]

الاصيل

لا كفاره ولا شين

انا اعرفهم هاللي يجون من الخارج

تلقا معهم احسن شهايد

وهم من جنب القده :)


وان شاء الله ما علي لا كفاره ولا حق




اخوي الاصيل تبي مطبق :p:





وتقلد تحيتي

[الشبث]

بالله معكم واحد مطبق
وانا اشوف المهيني منتفخ اثريه من مطبق زيب سراف

اقتباس:
بس احس ليا مني كليتوه اخش جو واصير بعالمن ثاني


هذا من زيت البريك اللي يطبخ بوه

الشبث ماوصفتلنا مكان هالبوفيه نبي نمره

يسلموووووووووو

خخخخخخخخخ

حلوه سالفة الزيت



والبوفيه ليامنك جيت مع شارع النهضه اول تقاطع يجيك تياسر يمين :)

وتلقاه بوجهك



وسلملي على زيب سراف :p:





وتقلد تحيتي

[الشبث]

:p: اشكر موديلك عمي راعي الوقيد

وهاللي تقل قصيده اكبر داعم لي ( تخبصن خبص ) :)




وتسان تبي مطبق علمن تر الربع قمت امون عليهم :a:



وتقلد تحيتي

[الشبث]

شنقل

والله انك معقد

ياخي كود يصك البوفيه ويرتسب سيكلوه ويجيك

وعقبه ينكس نوبتن اخرى


هو واحد بس المهيني وعدن يبي يجيب واحدن ثاني

:) :p:

:a:


:g:



وتقلد تحيتي

[الشبث]

ايملا الماحى هالبوفيه

مطبق على هالصبح وحنا متهمين الشاورما بالتسمم الغذائى , تريه مطبق زيب سراف والمهينى.

أبداع فى أبداع يالشبث ... وبأنتظار التوضيح الرسمى من البلديه وأتخاذ الأجراء المناسب للقضاء على هذه الضاهره قبل ان تستفحل ... وعلى المتضرر اللجوء الى القضاء

ودمتم

اخوي بدر الشمال

والله البوفيه ليامنك دخلته تسد نفسك

وللمعلوميه ترن هكا اليوم ما افطرت عندهم :puzzled:

والظاهر ان المهيني عندوه واسطه بالبلديه :)




شاكر مرورك يا بدر الشماااااااااااال



وتقلد تحيتي

[الشبث]

ابو غازي

انا ادري انهم يبون يغيرون علي

بس ماعليك حاطن مويضيع احتياط

اما يردون بموضوع ارسلوه لهم :)



اما المهيني

فالله يرحم حالنا وحالوه :p: يالله يجر دماغوه




وتقلد تحيتي ياشيخنا

[الشبث]

هلا بالعشير

المحروم والله انت عشير وعزيز

ولا ودي اضرك

بس هالبوفيه بالذات ما ودي انك تروحله

لان الزباين اللي جوهم من يوم فتحوا 145

والوفيات اللي صارت عندهم 200 :a:


واذا تبي مطبق اجيبلك بس مو منهم :)




وتقلد تحيتي

[عبدالله المهيني]

:):):)




يلولج له يومين عن هالموضوع مايبي طاريه :(


قلت ياهوووه الحين يجي ذويباااان ( المقصود هنا ذيب شراف :smileyb: )

ولكن الظاهر انها فترة استراحة محارب

<< المشكلة ان هالمحارب ماأستراح اللي يوم جت حاجته


قلت مابدهاش ياول شمر عن ساعديك

واطلق العنان لأحرفك <<<<< متعوب عليه هالجملة

وعاون نفسك بنفسك



اقول يا شبيثااان

الله والعالم ان اللي مثلك ماله حل الا الكي

الظاهر والله اني ابي اخذ الدفتر من الرجال ( ماوده يقول الهندي عشان مايقولون اعتراف ان ذيباااان .... )


وأبي اروح للمركز :) ( مقتبسه من أخواننا بالقرايا )

وابي اشكيك عليهم

ياخوي حسابك وصل لــــ .... ريال ( ماني معلم عشان الشفايين :tongue: )


لاني أشوفك متغيرن مانت رفيقزي الاول

وصايرن تختلق العيوب الوهمية في بوفيتنا الموقرة صاحبة الخدمات الممتازة بشهادة النقاد :)


لكن هين هين والله لولا ان جدي أبو غازي بهذا كان لي تصرف ثاني معك

الوكاد يالله أبي أعطيك مهله تكتب مكتوبن زين عن الرجال ( صارت البوفيه من رجال هالوقت :) ) خلال يومين

او الوعد ياحطيتك خلف القضبان الحديدية
<<<< ( بديت أخربط أو لا ادري والله الدم ثقيل حتى لو حاولت أخفف )

هاه وش قلت


ماني قايل مع السلامة <<< كني زعلان :242r:

[الشبث]

:p: :p: :p:

مهووووووني <<<<<< يعني ابدلعك

انا ما اخطيت

كل اللي قلتوه الحقيقه

انا قلت ان بوفيتكم تسوي مطبق بس

وانا عند الله صادز :)

وقلت ان المهيني يموووووت بالمطبق

وهذي ماتقدر تنكره ( ابو غربي شاهد عيان ) :) :) :)


اما الدفتر فانا ما انكرتوه

بس عطني مهله ليما تجي مكافأة رمضان

بس كم علي :g:




ويا جدي انت :thumb:




الا ذيبان وينهو ما لاح







وتقلد تحيتي

[اخو سعدى]

ممكن ..

خمسه مطبق :) ولا تنسون الليمون :)

[الشبث]

اخو سعدى والله خلص

المهيني خذا كل شي اليوم

يقولون عازمن بعض الزقرت على الفطور



وتقلد تحيتي

[مفتاح14]

على طاري المطبق..
ياحب الهندي للمطبق.. والحليب بالشاهي

هن امه وابوه:)

.

.

اما بالنسبه لهالبوفيه لو انا دارين به قبل هالشهر الفضيل تسان مرابطن به..بس علشان اتفرج على دماغ بعض الناس:):)


الشبث..مدزدين بهم..

الا وين سالفة المعاناة؟؟ :awink: وليه ماتبزخ به بهااااه؟ :smooch:




















(معليش زر (الانتر) عندي معلّق وعاجزن امسح الفراغ اللي فوووق:) )

[الشبث]

اهلين بالمشرف افندي

والله طال عمرك سالفة المعاناة ابيه عقب العيد

لان جنوني مربطين هالحين ولا اقدر اسولف واخثردز مثل اول :)

تخبر المعاونين مهم بهاه :p:








تبي الصدز فيه ناس انتقدوني وقلت ابربض :(






















ماعليش الانتر علق مثلك


وتقلد تحيتي

[مفتاح14]

^
^
محشوم ياخلف جدي..

وتسانك تتاثر بغياب المعاونين لاوالله الا خله بعدين:)


الا منهم اللي منتقدينك يابعدي؟؟ :puzzled:
علمن بهم ابتلولس بارقابهم وانا ونصيبي:)

جيدينن بالنقد والمنقود (..............) ..اللهم اني صايم :)


سلااااااااااااااام