مشــــعل
11-10-2004, 00:00
حيــــــاكم اللة
ابدي بذكرك يامدير الهبايب = يالواحد المعبود جزل العطايا
هات القلم ياحمود والفكر شايب = ابي آصف اللي منزلة بالحنايا
عسى المطر من مرزمات السحايب = يسقي منازلهم وذيك النحايا
يسقي منازل عطبين الضرايب = تلقى منازل نور عيني ملايا
ندعي لهم بالخير لاجل الحبايب = لاجل الغزال اللي معاهم ربايا
لو الهوا ياحمود سيف وحرايب = واللة لانخى عيال ربعٍ طنايا
واللة لانخى مميلين العصايب = سقم الخصيم وكاسبين الرعايا
مار البلا ياحمود رحنا نهايب = من سبة المجمول ترف الصبايا
ابوجديل فوق الامتان سايب = يشبة سبيب اللي تقود السرايا
من رمشها ياحمود شفنا المصايب = من رمشها ياحمود سهم المنايا
لة مبسم ياحمود عذب الشرايب = من ريقها ياحمود اروي ظمايا
ومن النحر ياحمود دين وطلايب = ام النهود الغض سبة بلايا
شف حبكم يازين لجرحي سبايب = شف حبكم يازين زود عنايا
واللة مانسى جرحكم والنشايب = عقب النضر يازين جبتوا عمايا
يازين واللة "مادايم الوقت" طايب = باتلى العمر لابد تقفي المطايا
مادامنا حيين خلنا قرايب = حب الشرف يازين مابة خطايا
تالي مصير الحي عوج النصايب = واللة مانساكم وبروحي بقايا
واللة مانساكم تحت الترايب = اليا خذا روحي رب البرايا
اخوكــــــم/ مشــــــعل الغفيلي
ابدي بذكرك يامدير الهبايب = يالواحد المعبود جزل العطايا
هات القلم ياحمود والفكر شايب = ابي آصف اللي منزلة بالحنايا
عسى المطر من مرزمات السحايب = يسقي منازلهم وذيك النحايا
يسقي منازل عطبين الضرايب = تلقى منازل نور عيني ملايا
ندعي لهم بالخير لاجل الحبايب = لاجل الغزال اللي معاهم ربايا
لو الهوا ياحمود سيف وحرايب = واللة لانخى عيال ربعٍ طنايا
واللة لانخى مميلين العصايب = سقم الخصيم وكاسبين الرعايا
مار البلا ياحمود رحنا نهايب = من سبة المجمول ترف الصبايا
ابوجديل فوق الامتان سايب = يشبة سبيب اللي تقود السرايا
من رمشها ياحمود شفنا المصايب = من رمشها ياحمود سهم المنايا
لة مبسم ياحمود عذب الشرايب = من ريقها ياحمود اروي ظمايا
ومن النحر ياحمود دين وطلايب = ام النهود الغض سبة بلايا
شف حبكم يازين لجرحي سبايب = شف حبكم يازين زود عنايا
واللة مانسى جرحكم والنشايب = عقب النضر يازين جبتوا عمايا
يازين واللة "مادايم الوقت" طايب = باتلى العمر لابد تقفي المطايا
مادامنا حيين خلنا قرايب = حب الشرف يازين مابة خطايا
تالي مصير الحي عوج النصايب = واللة مانساكم وبروحي بقايا
واللة مانساكم تحت الترايب = اليا خذا روحي رب البرايا
اخوكــــــم/ مشــــــعل الغفيلي