مساجله شعريه ولكــن

[متفاائل]

مساجله شعريه
السلام عليكم ورحمة الله وبركاته

اخواني اخواتي الاعزاء

الموضوع مساجلات شعريه على نمط المساجلات العاديه تبداء من حيث ينهي بيت العضوا

السابق (باخر حرف )لتكون بين منسوبي هذه المضايف وبمحاولاتهم الشعريه الخاصة بهم الجميع

مدعوون للمشاركة والمحاولات الجاده هي الهدف لمحبي الشعر والتوجيه السليم هو الهدف من

الاخوان الشعراء المشاركين ( الدعوى عامه ):) ارجوا ان تحوز الفكرة على استحسان الجميع .

مع التحيه والتقدير للجميع



يامرحبا بجميع من شاركونا =الف هلا ياكاملين الخصايل
اهل الوفاء نفرح الى من لفونا=وفيهم تزين ابيوتنا والمثايل

( اللام )

[عذب المشاعر]

مشرفنا الغالى : متفـــــــاءل

بالفعل موضوع أكثر من رائع وتستحق علية الشكر

لو جرالك من جفاك اللى جرالي ,, كان ماحملتنى من فوق حدى
الهنا لك والتعسه والشقا لى ,, من كثير الهم مدرى ويش أبدي


حرف الياء

[متفاائل]

يامرحبا وان قلتها ماتكفي
عذب المشاعر الاروع منه حضورك
المبكر الذي تعودنا عليه
تسلــــــــــــــم


يامن تسبب في تمرد خفوقي = حسبي على خشف يبي يلحق اقصاه
شلع معه شلعة طويل السبوقي=عزي لقلب شاف له شوف وانهاه
الــ.هــ.اء

[راعي الوقيد]

الــراااائــع متفاائــل

فكـرة روووعــة :thumb:اي والله

شكـراً لــك ومانستغنـــــــي عـن الــدعــم الفكــري:)

هانــت وبإذن الله تفــك القيـــودي ** وينــــزاح عــن صــدرهـ من الهم ماضاق

الـدعـوى بيـت :smooch:

القاااااااف

:goooood:

[متفاائل]

راعي الوقيد
مهما تكون الفكره رائعة فلن يتوجها إلا حضوركم ومشاركاتكم
الف شكر على الحضور والمشاركه .
تسلم صح لسانك وهذا البيت فعلا قوي جداً ويكفي عن اكثر من بيت :thumb:


قلنا هلا بشرت في علم يفرح=عساك صدت الصيدة اللي ترودي
بيتك كأنه طشت الغيث واقرح= قوة . ومعنى وقاف مافيه زودي

الـ.ي.اااااااء

[عذب المشاعر]

هلا بالجميـــــــــــــع

ياصاحبي بالكف كفكف دموعك ,, ماينفعك دمع على الخد منثور
ليصــرت ماتقدر تغــــير طبوعك ,, مانيب فى طرد المقفين مجبور

الراء

[فاصــ بيضاءــلة]

راعي الكرم والجود والطيب
صعبن على النفس نسيانه

الهاء

لن أصل مستوى شعراءنا الكرام

لكن لابأس من المشاركة<<<<اللي تمشي الحال

[راعي الوقيد]

هلا هلابك يامتفاائل وحييت ** انته ومن يقرا جوابي احيي

عن صيدتي تنشد وانا اقول ياليت ** عن صيدتي لدن عشير معيي
:)
الياااااء

[متفاائل]

راعي الكرم والجود والطيب
صعبن على النفس نسيانه

الهاء

لن أصل مستوى شعراءنا الكرام

لكن لابأس من المشاركة<<<<اللي تمشي الحال

ياهلا بك فاصله بيضاء :goooood:

بالعكس هذا البيت لم ياتي من فراغ

وللمعلوميه الموضوع يقبل اي مشاركه شعريه ومستعدين للتدخل والمساعده فيما لو تطلب الامر:) >> حشى مكافحة الشغب:) ماهو محاولات شعريه
تحياتي

[متفاائل]

:goooood:


يالله طلبتك خيرت الامر كله= الخيره بما أختاره الله ياخوك
خله على الله بس خله على الله=لو هي بيدهم كان مبطي تعشوك


الـــــ.ك.اف

[غرور]

هل من الممكن الكتابه ولكن بعدم ضبط الوزن

[الونش]

فكره ممتاز جدا

مساجلات شعريه يتطلبها الجديه

هذي محاوله مني للمشاركه بينكم ارجوا ان اوفق فيها



كفيت ووفيت يابن الاجواد = وحنا لكم ياصاحبي داعمينا

مار ضعنا بين من صيد واصطاد = واحسب اني من جملة الفاهمينا

اخوكم الونش

[متفاائل]

هل من الممكن الكتابه ولكن بعدم ضبط الوزن

مبروك عليك الشهر

هلا حياك الله لهذا الغرض طرح الموضوع

ابداً انت مطلوب منك الاجتهاد بالمحاوله وحنا مستعدين بما يرضيك

تحياااتي

[متفاائل]

الونش

ياهلا حياك الله ومبروك عليك الشهر الكريم

شكراً على الحضور

وشكراً على المشاركه الرائعة

تسلم

( أ ) هذا الحرف المطلوب

استلم

مرحب فيك تاج الراس واعمامتي =دعمكم راس مالي والعشم به كبير
انت وافي وشعرك وافي-ن عزوتي= جعل تسلم وتعطينا كثير وكثير

( ر )

[عذب المشاعر]

هلا بالجميع

رجعت لكم مقصدى أهنئكم ,, أهنى الجميع بالشهر الكريم
عسى الولى يتقبل صيامكم ,, عساكم من صوامة كل عام

الميم

[الونش]

ابقاك الله يامتفاائل

واسمحلنا من القصور


مناي شوفت الغالين شرواك = ولايهون كل رجالن سديدي
جعل يسلم راسك لاعدمناك = وياعسى عمرك طويل ومديدي

حرف الياء

عذب المشاعر

الله يبارك فيك وجعلك من صوامه وقوامه

[متفاائل]

ياعزوتي شهر مبارك عليكم = ياعلكم تجنون به كل الاحسان
الله يغفر ذنبكم وايهديكم = عسى لكم في جنة الخلد مسكان

النون (ن)

[عزام]

مرسالنا ماعادنا وين الاخبار =والليل زل وكفكف الليل كله
يقضي جديد العمر بهموم الافكار=واعيش يومي بين عله وعله

[متفاائل]

غرام
صح لسانك ولكن عليك اعاده المحاوله لان المطلوب حرف النون في بدايه الابيات:)


هنيت منهوا في رضاء الرب فازي= في موسم الخيرات حصل نصيبه
قي مثل هذا الشهر صير انتهازي = كثر من الحسنات لا تكتفي به

الهــــــــــــاء (هـ)

[اليم]

هذا شهر من يبي خيره كثير=يتهجد ويتصدق بالخفا ما يشاف
يعطي لمن سأل وانحرم والفقير=ويطلب الله جم عفوه والعغاف
مجرد صف ومحاوله

الله يعطيكم العافيه

ويجزاك خير اخوي متفاائل على هالتميز :thumb:



ف.أأأأأ

[ثامر]

مشاركه لو هي ماهي قد المقااااام


هالحين بانت لي علوم (( المعزبّ ؟ )) = اللي يصوم ِ نصف شهر الرمضااااني
خل اللكاعة ؟ وخابر ٍ إنك مشاغبّ = امسك دروب الخير ودرب الإيماني

[الونش]

ياثامر عطنا العلوم الخافيه = ولك مني حذيه واحترامي
لاصار المعزب دروبه نازيه = يصبح مابنى بالامس هدامي

[متفاائل]

هلا وغلاء ياحي الله من جونا واهل المحل :hala1:

مبروك عليكم الشهر

اليم زارتنا البركه اقول منت سهل اترك عنك الروغه هات بعد هات :goooood:
ابومتعب ياهلا بطلتك هناء لو انه اوجعن قلبي من بعض سويلفاتك :)


ياالونش خل علوم ثامر خلها = افطن لقول اليم والشهر الفضيل
بعض العلوم اقول لاتفطلها =اخاف تكسب ذنب من قال وقيل

اللام>>> (ل)

[الونش]

المعذره والسموحه منك يامتفاائل والعهده على ثامر :)



ليتنا نمسك اصول الدين = ونحفظ حقوق وحرمة الجاري
والعلوم بكرا خافيها يبين = ونشوفها في وضح النهاري

حرف ي

[متفاائل]

:)

ياعزوتي لاتعتذر والله تمون = مابيننا اعذار لاتنهج بعيد
كثر الحقوق اللي بها يتهاونون= الله يهديهم على الدرب السديد

[الونش]

دمنا ودام الوفاء يابعد حي = والله يوفق للخير كل طلابه
كثر العقوق تبعد الرزق والمي = وصل الرحم ياخوك الارزاق باسبابه

[ابو غازي]

مشرفنا الغالى : متفـــــــاءل :)

بالفعل موضوع أكثر من رائع وتستحق علية الشكر :thumb:

داااايم وافي >>> وفقك الله وأعانك

حبينا نســــــــــــــلم >><< ونسجل الحضور

[متفاائل]

اشوف المضيف منور ولا ادري وش السالفه

ابو غازي حضورك هذا شرف كبير للمضيف ومشرفه واعضاءه ياربي حيوه

بس ليه عاد ماحاولت بلك كم بيت وانت اعرفك تقرض الشعر وهذا مكان المحاولات :)

شكراً على الحضور لاتقاطعنا نشتاق للغالين

تحياتي

[عزام]

اخوي

متفاائل

كل عام وانت بخير



واحب ان اشكرك على هذه الفكرةالرائعة والجميله




اما بالنسبة للمشاركة الخاطئة


نتيجةالجهل بان هناك صفحة اخرى للمساجلة



وجاءت على اخر مشاركه في الصفحة الاولى



ودمــــــــــتم ساااالمين





أخووووك

عزاااااام

[ثامر]

.





هاتو العلوم الطيبه والخفيفه = والدين ِ له سؤال ِ عبر الهواتف
يالونش خابر ٍ هروجك طريفه = هات الجديد وخل عنك المناتف

[الونش]

فزيت يوم شفت ثامر = راع العلوم الطيبه والحسينه
ابشر ياصاحبي وانت تامر = انشد ونجيب العلوم السمينه

[متفاائل]

غـــــــــــــــرام

بل انا من احب ان اشكرك واهنيك
واهني نفسي والمضيف بهذه الروح العاليه التي تحملها اخي غرام ياهلا بك
الف شكر على التعقيب والاهتمام ونبي المزيد منك انت كريم وحنا نستاهل
نحياتي لك

[متفاائل]

الونش
ثامر

اشكركم على هذا التواصل ياعزوتي



هلا وغلاء باهل التواصل فرحنا = الوصل فيكم بنك ماهو تصنع
اهل الوفاء اذا حضرنا وغبنا =مذهب ذهب ماهو بتزييف لمع

العين (ع)

[الونش]

ياهلا وغلا بك يامتفاائل



عابر سبيل وعزبتي بن وبهار = واطرب لياشفت الفياض وشجرها
احب جو الباديه واهجر الدار = واضرب عروق النفد وامشي وعرها

حرف الالف

[متفاائل]

هنيت قلب دالهٍ(ن) عن هواهن = وعزي لقلبٍ مثل قلبي خذنه
قفا وانا اصيح ياقلبي اطعن = فرحن بها يالونش وتلاقفنه

خضر :)

الها (هـ)

[الونش]

هويت لك في مصيبه كبيره = والله يعين كل قلبن شقاوي
لاتشتكي للونش يتزايد هديره = عمره كبير وبعد قلبه هواوي

حرف الياء

[متفاائل]

ههههههههههههه :)



يالونش غصب حاتفن يابعدحي = يكفخ إذا طالع خطات العنودي
وإن قلت له جنب كأنه ينا حي = العمر يكبر ومهبولك يزودي

خضر :)

الياء (ي)

[الونش]

هههههههههه

قلبك خضر بالحيل :)



ياخوي خل قلبك شديد = وغض النظر عن بعض الازوال
قبلك الونش غداله نهيد = ورمنه بعدها من ورى الجال
حرف اللام ( ل )

[متفاائل]

:):hala1::goooood:



لوهي بكيفي كان بالبيت اخليه = اسلم وافكه من كثير السهومي
لو اني ابلش مادري وش يسليه = ولايقتنع بالدرب هذا عزومي
:)
الياء (ي)

[الونش]

ياصاحبي خذ من مجرب وصيه = الشوف مايغنيك لاصرت عطشان
وشيت نارك بالنفود ضحويه = هي لذتن يطرب لها كل ولهان

والله مامثله لياصرت بالنفود وشابن النار وهي مقابلتك :biggrin:

حرف النون

[متفاائل]

^
^
^
^
كويتن على عرق اللبن يالونش:goooood:
:)


نهيت قلبي ياعشيري ولا طاع = ياما نصحت وتايه الراي عيّا
عصى علي ولأمر صاحبه خضاع= ولا تلومه صاحبه له وفيّا

الالف ( أ )

[الونش]

والله مادري عن اثرك التالي بأرضنا :)


أطع شور قلبك ياعشيري = مدام ان الوفاء له مقام
واجمع اهل الوفاء يالأسيري = وعش باقي حياتك في سلام
حرف الميم

[فهد الاسلمي]

السلام عليكم ورحمة الله وبركاته ,,,
ندش بالموضوع على طول


معاكم نسرد اللعبه نمشيها على المضمون =
ولكن لعبة القيفان تبغى له هدوء هدوء
على عسر الحروف اختـم كلامي قبل لاتنهون=
على قولة ابو مدحت مزاجي اليوم رايء روء



حرف ال (ء) :) :) :)

[متفاائل]

فهد الاسلمي

هناء يالله حيووووه زارتنا البركه

انا استغربت من شكل المضيف اليوم منور بس عرفت السبب الان

بعدين ( ء ) هي مو حرف من ضمن 28 الهجاء يحسب الف

لاتقاطعنا اسعدنا بمشاركاتك ايها الشاعر الكبير

تقبل تحياتي

[فهد الاسلمي]

متفائـــــــــــــــل,,,,

ياهلا وغلا .... مرحبتين كبار كبار كبر الوايت على القار

شلونك ومن يقرا يا بعدي

وبعدين تقول شاعر وكبير!!!! لا لا لا مانبغى كذا ولا اقول (الولد وان طاب طيبة من خواله *** عن الخوال يسال قبل الوالديني)

وبعدين تراك احرجتن حسيت اني جاهلٍ بلغتي ولا اعرف شي يابعدي.

عموما اقلط على ماتشتهي والعب دام ان المسأله لعب في لعب.



إن جيت تكشف عذاريبي=انا عذاربيك استرها
مير انت بالحيل تدريبي = الغلطه ابـداً أكررها :good1:

[الونش]

الاسلمي حضر يازين هالطله = يامرحبا فيك يالشاعر الوافي
عذاريبنا يافهد تبري العله = وقلوبنا يالخوي اصفى من الصافي

يالله حي فهد الاسلمي وهذي الساعه المباركه اللي حضرتبه
وغديك تونسنا وتصير اشوى من هالمشرف اللي منا كثر غيباتوه :)

[فهد الاسلمي]

الله يحييك يابعدي ويبارك بهالوجه وبيض الله وجهك على هالكلمتين الطيبات .
ياهلا ياهلا بالونش واللي بأثره


يالونشِ اضبط لنا الشاهي = نبي نضبط لهــا الليلــه
متفائلٍ عقب منداهي = اقفي وخلّــى مواويلــــه

[الونش]

الكمبيوتر جاوه بلا الماخوذ التنسيق اختفى



هذا اللذي رافعن ياخوك ضغطي = مدري كسل والا العيب فينا
ابشر بشاهي لك نضبطه ضبطي = وصوت لمتفاائل يمكن انه يجينا

[فهد الاسلمي]

هلا والله الونش .. الظاهر ان جهازك جتو انفلونزا حادة :)





انا يالونش ماتدري وش اللي ماخذٍ فكري =

ترى من يوم ما قفت ركايبهم وانا ملتاع

احسّب يوم لقياهم بميلادي مع الهجري =

يطول الوقت ما يقصر وانا لخبارهم تبّاع

[الونش]

ابشرك كويناوه وضبط اثريه مخشوش :)



عمرك اللي فات في طرد الهوى = راح ولاورى طرد المقفين خير
كم من عشيقٍ حام لين انكوى = واليوم عاشقنا كما جرحن خطير

[متفاائل]

:hala1:
ياهلا وغلاء بكم انا اسف على التأخير

ولكن للظروره احكام ولكن بيض الله وجيهكم وانتم عوض الروح وفيت وكفيت

:)


رثعت بي لقيتوها لكم فرصه وانا مشغول = اشوف الاسلمي يالونش يبي حلق متفائل
لكم كل الشكر واللي تقرونه علي مقبول= ولو اني اشوف السحب والبارق على حائل

اللام (لا) ولالكم لواء :)

[فهد الاسلمي]

هلا والله متفائل .. الحمدالله على السلامه يا رجال :)

الظاهر برد الديره اللي جيت منه للحين بعظامك :)


لا والله الا جبت ردٍ يرضي الرجل الزعول=

يا مشرف المضّيف لزومٍ انك ابد ماتعودها

الورد لامنه فقد للماء مصيره للذبــول=

مثلك يبلّ جذورها حتى يخضّر عـــودها


حرف الألف

[متفاائل]

يقولون ان برده حاليه الله http://shmmr.net/vb/images/smilies4/halelah.gif

قلت لا والله البرد اخبرووووووه :)

لكن الونش وينهوووا اكيد متنح بله سكراب يجرجره متشفقه طيحن سوقه السطحات:)


اقول الناس صايبها .. بلا . ولا بلاش اقول = على كثر الفضائيات غطتها بهذاريها
يظن الظن ويصدق ظنونه يافهد معقول= وجاب السالفه كنه يشوف اللي مسويها

ملاحظه ؛ اخاف الربع يظنون ان القاف ثابت .
ابداً لنا اول حرف من البيت الاول فقط اما القاف والوزن فلكم الحريه

الألف ( ا )

[فهد الاسلمي]

يا ولوووووووووود .. بالخير تسيف انت .. اقول انا صرت بين اثنين ياما تجينا انت ويغيب الونش واما انك تاخذ لك تسم يوم وعقب الونش يستلم وانا من يد نشيط ليد نشيط اررراولد ابوي ولده

بس اشوى اللي سمعت بيت بن سرور يوم يقول ...
يالونش عمرّ لي من التتن معمار ... يبرا الغليل اللي على الكبد صالي ... ولاّ زعجت الصوت وابديت ماصار ... من شان تدري ويش ولّى بحالي
طبعا هي بعد التعديل صارت يالونش ولا الصحيح يا منير :)




انا ماني مخوّل من كبار هيئة التعليم

ولكن موقفي واضح من اللي تشتكي منه

بعض العرب يسولف لك ممارس لعبة التكليم

هذاك اللي يثّروت بالسوالف قم وصدّ عنه




نتحرى لك رده يالونش :)

تعمدت تغيرها بالشطرين حتى ان محد يعتقد انه ثابته ...

تقبلوا تحياتي / فهد الاسلمي

[بتول آل علي]

مدري ليش كل ما ادخل الموضوع ابغي اشارك تهرب الافكار :puzzled:

أولى متواضعة خطرت على البال ،،،


هجّت الدنيا علينا = والحِسدْ ناسه كثير
مابه مِنْ ياخذ بادينا = و ما بنا منهو يغير

شكرا لصاحب الموضوع و لكل من أتحفنا فيه


الدهور

[متفاائل]

الدهور
هلا ياربي حيه عند اهله .

له مكانه عندنا
^
^



رايةٍ بيضاء نصاع =صافيه أمن وسلام
اعتلت اعلى الرفاع =جل من له الدوام

الميـــــــم ( م )

[متفاائل]

هلا وغلاء
الاسلمي كيفك وكيف الاهل :goooood:
اترك الاعذار عنك هذا الموضوع مساجله شعريه من يدخل يرد على من سبقه حسب الحرف المطلوب عجزت وانا اسعطك الحكي هههههه:)

[الونش]

يالله حي مشرفنا متفاائل :)
وين هالغيبات بغينا من غير شر نقفل هالمضيف قامت تذريه هالذواري :p:

مرحبا براعي اللحيسه فهد :)
اقوول اترك عنك ابن سرور واستلم :biggrin:



مدام ان السالفه ياخوك فيها وفيها = مايبري العله ياكود شوف الاحباب
وان كان قلبك يافهد بالحيل هاويها = لجلك ندوس المخاطر ياعريب الانساب

[متفاائل]

:)
:cool:

بان بالشاشه رفيقي والعميل = جعل هوك الونش يالربع يهبط

كيف يوم انخاه يتعذر ثقيل= وخف بأمر الله لغيري خن بط
:)
( ط )

[الونش]

حسبي الله على بليسك يامتفاائل :)
ارجع ورا وشف وش انا قايلن لك يابو قلبن خضر :p:

تروووها جت كذا واقبلوها كذا :wink: ماخلاني هالوجه الصبوح اتمهل :biggrin:



طلبت الله عالم خفي الاسرار = الواحد المعبود جل شانه
بلشنا باهل القلوب الاحرار = كلن يشتكي وهو في مكانه
بعض القلوب يبغاله تصنفار = وبعضها مايفيد لو هو تكانه
الونش ماهو طبيبٍ ولاهو ببيطار = له تجربه وغربله يالربع زمانه
يامتفاائلٍ خذ العلم من هل التعبار= ماينفعك ياخوك شوفك للرمانه
اقوولها واعيدها لك مره وتكرار = عشقن على وضح النقى ياليل دانه
هذا اللذي يقدح الونش بالشرار = ويسري ولاهمه علو الارض مع طمانه

[متفاائل]

حسبي الله على بليسك يامتفاائل :)
ارجع ورا وشف وش انا قايلن لك يابو قلبن خضر :p:

تروووها جت كذا واقبلوها كذا :wink: ماخلاني هالوجه الصبوح اتمهل :biggrin:



طلبت الله عالم خفي الاسرار = الواحد المعبود جل شانه
بلشنا باهل القلوب الاحرار = كلن يشتكي وهو في مكانه
بعض القلوب يبغاله تصنفار = وبعضها مايفيد لو هو تكانه
الونش ماهو طبيبٍ ولاهو ببيطار = له تجربه وغربله يالربع زمانه
يامتفاائلٍ خذ العلم من هل التعبار= ماينفعك ياخوك شوفك للرمانه
اقوولها واعيدها لك مره وتكرار = عشقن على وضح النقى ياليل دانه
هذا اللذي يقدح الونش بالشرار = ويسري ولاهمه علو الارض مع طمانه

صح لسانك الف
:):):):goooood::):):)
:):):goooood::):)
:):goooood::)
:023b:
:001b:

[متفاائل]

هداك الله لاتسرع توقع واحكم البيبان = اخاف الونش باكر يافهد يجي على سطحه
بتالي الوقت كنه بدل إطاراته بجنحان= وانا اخبره وهو بالارض مابه يافهد نطحه

الهاء

:):thumb:

[فهد الاسلمي]

لا حول ولا قوة الا بالله ..

هذا انت بعد يالونش متغربلٍ بلك عشقٍ بعد

الا ليت الله اعمى العيون عن بعض الزين :)





هقيت الونش متفائل مثل متفائل المضياف =

واثاري الونش بلشانٍ ومتغربل على عشقه

اضن العام وقبل العام يقزرها على المصياف =

شمال الارض ماخذها جنوبه غربه وشرقه

[متفاائل]

هبوب الريح كد مرت ولازالت تجي وتروح = اشوف الونش غنطس يمكن انه صايبه لفحه
انا من يوم شفت البوم حق الونش قام يموح= هقيتنه تغير منهجه وانه قلب صفحه


:):)
يابعد حيي يالونش وينه والله له وحشه


ان بفيتوها ( الهاء او التاء ) لانه تجي تاء مربوطه

[فهد الاسلمي]

يجيب الله الونش ويخليك عقب جيّت الونش .... لا تغدي علينا انت :)





تقول الشعر وتجيده تجمّل سبكه و حبكه =

نظمت الشعر حتى إن المعاني تشتكي منك

يا متفائل تـرا مثلك يسبب للشعر ربكه =

تسوق القاف ماكنّك تعطّل فيه ماكنك

[متفاائل]

كلامك فيه إن ليه يومنك تخليني = الا يفرحتن بمواصلك معنا ولا تمه
مغير انته وذاك الونش بها الموقع مسليني=ماهو من طبعنا ان الرجل يترك ولدعمه

[الونش]

هلا والفين مرحبا فيكم ياهلا العشق = الونش ثابت مايهزه ريح.ن.ولاجن
من يناطحه يرجف ويغدي له نشق = تعال يامتفاائل نبي مع فهد نهيجن

الونش الله جابوه :)
الونش هاليومين اللي فاتن عيا يشتغل واشوى انوه بدحديريه ونتعتوه وجاكم يخابط :)

يالله حيهم
وشبلاكم لكم مناشق :p:
اقوول يافهد دعوتك قشرا شوي الا قل
ليت الله ماخلق حب وفراق = والا خلق حبن من دون فرقا
:) :) :) :)

متفاائل
مايوحششك غالي >>> هي كذا والا خبصته :)

[الاصمعي]

نبي نهيجن تهيجنكم=يا مدورين الهجاجيني
في بسرة القلب مسكنكم=وعلومكم لي تداويني
والعفو وان دست معجنكم=العين عيت تدزديني*
*ذبحن النعاس ولا ادري وش أقول :)

[الونش]

يالاصمعي نورت زهرتكم = في جميع البساتيني
شرفتنا يالخوي بحضرتكم = جعلكم دوم سالميني
فالشعر ثابته بصمتكم = فل وايضى رياحيني

حي الله الاصمعي
وابرك الساعات اللي جابتك
الا وين رحت :)

[فهد الاسلمي]

مرحبا مرحبا هلا بالاصمعي هلا بهالزياره ... هلا يالونش والفين هلا

الا ,, اريت وين متفاائل كما هو مقدم على إجازه .. :)







يا فاعل الخير لا تذكر =

عند الله الخير والسيّه

ان كنت تبغى بها تشكر =

الشكر لله قبل حيّـــــــــه

والونش باللعب ذا يمكر =

يمكر ونمكر بحبيّــــــــــه

الماء يصّفى ولا يعكــــــر =

وانتم يا ربعي شقرديــــه

[متفاائل]

يامرحبا هيجن وهيجن =واليا سمعناك هيجنا
غادي كاننه على ما ظن= وقعت وقعه بنا حنا

[الاصمعي]

يا مرحبا بكم جميعاً الونش وفهد ومتفائل
عزيزين وغالين وبنيت ردي على قافية أخوي فهد
.
.
.
هذاك ونشٍ وذاك كرين=وهذا فهد وصف صاروخي
يالاصمعي وين رايح وين=جنب وَ إلا تبي تدوخي

[الونش]

ياسلام الله على قومن قولها ميزان = الا ليتهم صابرين شوي ونسريها
الونش حاضر وينكم ياهل القيفان = نبي نورد اولها وعقبه نصدر تاليها

[يابعدي]

مرحبااااااااااااااااااااااا



البارحه ونيت في راس مرقاب=اقنب قنيب الذيب في روس الهضابي
على وليفٍ عليه القلب منصاب=حبه تعدى حدود السحابي
الياااااااااااااااااااء

[متفاائل]

يابعدي
هلا وغلاء يالله حيوووه عند اهله
لقد نلنا شرف مشاركتك الاولي بهذا المضيف
حياك وننتظر المشاركات القادمة


يالاصمعي مرحبا واهلين = معنا ولانسمح تروحي
لو انت حطيتني كرين = ان كان مارحت مسموحي

[فهد الاسلمي]

يا حيلة الله ويش اسوي بالاقدار =مالي على رد المقادير قوّه

مكتوب اصير بدار والزين في دار = وقلبي تلّوع واحمر الدمع ضوّه

ياما صبرت وراعي الحب صبّار = يخفي عذابه كان عنده مروّه

[الاصمعي]

هلا هلا بك يا متفائل=يا شوق رداع الأوجاني
جيت بحيا وتسني الجافل=واليوم مجلسك ميداني
المجلس الي قُبَل حافل=بالأخو والجار والعاني

[بتول آل علي]

يا كيف لو باقي على العمر ليله = واحنا كذا ما بين لاعب و ساهي؟
وبكره غدينا للقبر دون حِيله = واعمالنا ضاعت بوسط الملاهي
منهو يرد الروح لحظة قليله = من أجل نصلح لو قليل الدواهي ؟

[يابعدي]

يالله يامنشي مزون السحابي=الواحد المعبود الرازق الحي
تزيل همٍ في الحشى نابي=وترحم فؤاد بالهواجيس مبلي

[متفاائل]

يذكرلنا الونش مقبل ينازي = قلبه خضر والشعر احلو من تو
ياما حلا الوقفه بروس النوازي = ولا تشوف غيره من يقولون منهو

[يابعدي]

وين اهل القصايد والاشعار=اللي قصايدهم فن وشطاره
قصايدٍ فيها الفكر يحتار=وعلى ماقيل الحر تكفيه الاشاره

[الونش]

هلا والفين مرحبا فيكم يالخطار = ترحيبتن من قلب الونش مهديها
واحدٍ بالحب قلبه كما النار = ولهان .يابعدي. من هموم مبديها
شوف .يابعدي. فهد وش جراله وصار = النوم من عيونه دوم.ن. يجافيها
وجتنا الدهور تذكر قصاف الاعمار = لو يجي والنفس غرقانه في ملاهيها
ياالله طالبك انا اليوم ياغفار = ترحم عبدن يجاهد نفسه ويعصيها
يامتفاائل الونش عدى حدود الديار= مقبل مقفي ولايدري وش تواليها
له ايام وشهور ياخوك باحث ودوار =عن العلاج اللي لقلوبكم يداويها

[شاعرالرافدين]

سلام عليكم . ارجوا ان اوفق بمشاركتي هذه لانه شرف لي اقول معاكم.


ملهوف انا للوصل والشوق حراق=اجمل احلامي انت واغلى الاماني
الدمع في بعدك من العين دفَاق=تدري عيوني في بعادك تعاني؟؟؟
الله يعين العين البعد ينطاق= والله ماينطاق بعدك ثواني يـــــــــــــــــــــــــــــــــــــــ ــــــــــــــــــــــاء

[متفاائل]

يامرحبا في شاعر الرافدينا = اهلا هلا في شاعر حي فاله
اللي على بعد الحبايب حزينا =عساه يفرح عاجل في وصاله

[mashal]

هذي ثمان سنين عدّت على الجرح _ هذي ثماناً عشتها همّ في همّ

[يابعدي]

ماني من اللي يتبعون المقفين=ولا لي في تبع المقفين حاجه

[يابعدي]

هجر تني يازين بليا معاذير=ماهمك القلب لو كان مجروح
يامرحبا بك كثر ماغرد الطير=كثر ماتطري على القلب والروح

[فلاح السعد]

حيـــاك إنت وياهلا بكل هالنــــــاس=زان الشــــعر في حضرة الحاضرينا
خوتكم انتم يابشر ترفع الراس=ولااسمع حكي منهم ابد ماعلينا

[متفاائل]

اقول بالمضيف شي منور = انوار ليزر قابلتني ببابه
كنه فلاشاتٍ بيد من يصور= قالوا فلاح السعد قلنا هلابه

[ابو غازي]

الله لايضرنا الله لايضرنا
ماشاءالله تبارك الله

ماباقي إلاأنا ووجهي اللي مانا شاعر الله من القهر :surprised

مارهين والله إلا إبلش بكم كل شوين وانا / ناطقن عليكم بهذا :ezpi_blus

:p:

[متفاائل]

http://faisal147.jeeran.com/1-1.jpg

انا سوف اثبتك بهذا انشاء الله من شأن مانستنكرك يانتقت علينا :):thumb:

هلا بالعمده والشيخ والشعله
ولكن لاتنسي ان المكان للمحاولات يعني نقبل اي شي واظن مامع هذا عذر فلا تبخل علينا بوحده من هذوليك<<<<دبسه يبيه مايعوده :)

[فلاح السعد]

زان الشعر والقـــاف ومعانق القاف=فرصـــه لمن وده يصافح قصيده
مادام متفائل على الشعر وقــــاف=وينثر من ابيات المعاني جديده
هلابك اكثر يابعد كل من طــــــاف=يامرحبا بشاعر معاني فريــــــده

[يابعدي]

هلا بالجميع


هاذي كبيره ياريش العين منك=كيف انت ماتدري اذا كنت اهواك
وش لون فينى اختلف بس ظنك=وانا مناتي ياريش العين لاماك
الكااااااااااااف:goooood:

[فلاح السعد]

كـــــــافي مرورك يابوغازي على الشعر=يصبح لشعر اهل المضايف حلاوه
عالي مقام وعندنا غـــــالي الســـــعر=ياناطحٍ ضيفك بكل الحفــــــــــــاوه

[يابعدي]

هذي وهذي كلها من سجاياك=مهما نحاول يقصر الوصف دونك
الزين كله ياريش العين يزهاك=يميل القلب يمك عند ميلة غصونك

[فلاح السعد]

كرمااااال عينك خووووذ هذي قصيده=ولاهنت خذ مني كثير القصايد
اكرر الكلمـــه وعوّد وعيـــــــــــــــده=وقول انك انت بالزيـــن زايــــــد

[متفاائل]

دامن فلاح السعد قال كلمة=تراه ماين ياكبر حظك اعطاك
سلومٍ لنا والناس كل وسلمه =لكن مرورك ماظن انه اعفاك

[يابعدي]

كانك بغيت القلب ياصاحبي جاك=واللي طلبته ياريش العين باعطيك
لو تطلبن كل العمر جاك يفداك=انت الحسن والزين اكبر مواريك

[متفاائل]

كنت احسبنك صادق يوم اصافيك =وياللأسف بانت خفايا نواياك
انسى وانا انسى دام هذي مباديك = تلقى بدالي واحد مثل شرواك

[يابعدي]

كان الغلى والود مايكفيك=وقلبٍ من بدة الناس يهواك
هذي جروح القلب دايم تطريك=ويفز قلبي لاجابو الناس طرياك
ليتك تعرف القلب وش لون يغليك= وليتك تعرف الروح وش لون تشقاك
اسكن ظلوعى يمكن تدفيك=من زود حبك لاهب الحب يصلاك

[فلاح السعد]

والنــــعم في ناسٍ تقدر رجاجيل=يدرون ان اللي عليهم علينا
من لابةٍ تكرم هل الجــود والهيــــل=ملعون خير من يبينا طنيـــنا

[متفاائل]

اهل الوفاء لاعاهدوا مايخونون=واهل الكرم واهل العطايا الجزايل
محدٍ جهل لأفعال شمر يعدون = تلقى علومه مع عيال الحمايل

[يابعدي]

لالا تحاول ياريش العين انساك=هذا محال ومن كبار العجايب
وش لون بنسى غرامك وطلة محياك=ينسى خفوق في هوى الحب ذايب
قلب يحبك من اقصاك لاقصاك=ماظنتي ينساك ولا هو بتايب

[متفاائل]

بعدك كواني واحرق القلب بالنار = في حبكم وشلون ربي بلاني
ياكن يضرب ثومة القلب تيار = لاقلت ابسلى صار لي شي ثاني

[يابعدي]

ياكل ويشرب منزلك في خيالي= مستحيل انساك لو صار ماصار
اطلب ماتبي يفداك حالي ومالي=حبك ولع داخل الجوف بالنار
ياما جرالي منك ياما جرالي=حبك ملك قلبي سر وجهار

[الونش]

راسين حبكم كما رسي الجبالي = يامن لكم فالقلب حشمه ومقداري
في قربكم يزين جوي ومنزالي = اشهد اني لخوتكم شارين شاري

[يابعدي]

ياصاحبي وشفيك غيرت مظنوني=اليوم خلاص ابعلنها علانيه
يامكثرين اللوم لاتلوموني=خلاص المختفي بان وبانة النيه

[متفاائل]

هون على نفسك واترك تماديك =اسمع نصيحة صادق اياي واياك
اقابلك لك يوم اسمعك واعطيك = اما عرفنا كيدهم او نسيناك

[يابعدي]

كان الرجى والياس كلها فيك= الله يعين القلب على مثلك وشرواك
وكان الجفى والصد من مباديك=اشره على اللي بعد اليوم ينصاك
عزي لقلبٍ يعزك ويغليك = لو طلبته حياته قال يفداك
مليت انا منك ومن كثرة تجافيك=ارجوك تبعد بعيد ماعاد ابغاك
عزي لعينٍ من بدة الناس تبكيك=وعزي لقلب من بدة الناس يهواك

[متفاائل]

كثرتها بالحيل الله يحييك = يعني طنيت او اعجبك شدة الكاف
على العموم انا خوي مخاويك= لوغبت يومٍ لازم باكر اشاف

[يابعدي]

فتش وتلقى لك داخل القلب عنوان=عنوان واضح مايبي له تواصيف

[مرزوق الشمري]

من مادبا والصبح هلن بالاصوات===يشدن نعام مجفلا بالحمادي
والعصر بديار حايل امقرات=== اخفاف مايتعب عددهن وكادي
اسلاح اهلهن اشتروه الغنيمات== منشان يوم بالفجوج البعادي
ملفاك اللي للمراكيب مشهات===متفائل اللي للمعاني يفادي
له دله ديم على النار مركات=== ونجرن يخلخل راسيات العقادي
امبهره كنه اخضاب الخوندات=== خبط الركاب وحس راعي الجوادي
وصلاة ربي عد نجم المجرات=== على رسول كرمته العبادي

حرف الياء

[متفاائل]

يامرحب مرزوق حياك واهلين = مساجلتنا يابعد حيي انتاج
نبي من قصيد مرزوق بيتين= مرصعات بالذهب وفوقه التاج

.
.
الجيم

[يابعدي]

جرحك العام مازال موجود= وش لون تجدد جروح جدادي
جرح قديم عليه الصدر ملدود=المشكله تجرح وتقول عادي

[متفاائل]

يالله عسى بالامر ياشوق خيره =والادمي ماهو بأمره مخير
ودي بشوفك وانتويت المسيره= لكن صار ظروف غصب تحير

الراء

[يابعدي]

رجمٍ تعلى في عاليات المراقيب=رجمٍ طويلٍ وكل الناس تنصاه
قصر طويل مشيد على الطيب=عون الرفيق اللي الوقت عنّاه

[متفاائل]

هليت باللي اتصل واسفهليت = يافرحة تسببت في غثا البال
سمعت صوت فيه بعض التناهيت=مامداني اسال انقطع عنه الارسال

[يابعدي]

لك في خفوقي معزه وتقدير=ولك في عيونى ترتسم صوره
لاشا فتك عينى مع السكه تسير=مثل البدر لانكشف نوره

[يابعدي]

هذاك لو القصايد توفيه حقه = مليت الفضى بالقصايد والاشعار
هجرس القاف في صدري وشقه=وانطلق قاف ٍ طويلات وقصار

[يابعدي]

راحو الشعار واهل الشعر هجو=يوم اقبل الذيب الغنم هجّت

[متفاائل]

تو الربع ياعزوتي ماستعدوا=ترى العمل عقب الاجازه خفيفي
يابعدي صبرك توهم ماستلجوا=من باكر يبداء اشتعال المضيفي

[يابعدي]

يشتاق قلبي لمجلس فيه كل شغموم=اهل المراجل والعلوم الجزيله

[عيوووون باااكيه]

هجو هلا القاف من عقب التسمار=هجو وخلو حرفك يا بعدي يتيمي

هجو ولالهم عقب الهجيج اعذار= يا كيف هان حرفك عليهم والقصيدي

دااريه دااخله عرض بس وشلون جيت مدري وترا ماالي في الشعر

[متفاائل]

عيون باااكيه
يالله حيه نوز المضيف
المضيف اسمه المحاولات الجاده يعني اي محاوله جاده نتقبله وياهلا

[متفاائل]

ياعيون لاتبكي عيونك به الناس = ولا يهمك. يابعدي .. حاضرينا
ياعيون شعرك شايلينه على الراس = وهذا المكان محاولات او نسينا

[عيوووون باااكيه]

تسلم اخوي متفااائل

وما من مقصد وانا اختك الرد جى كذااا

وانا قلتها من قبل انا ماني شاااعره ولا لي في القصيد وهي مجرد محااولات لا اكثر ولا اقل

والعذر والسمووحه ان كانا اخطينا





اهلا هلا حيت يا راعي الدااار = مرحب حيت يا القاف الجديدي

لا منسينا يا راعي الاشعاااار = حرفن كتبناااه ونبغى المزيدي

[متفاائل]

حياك الله


ياعيون حناء كلنا من اهل الداااار = والقاف واضح بالشعر لك نصيبي
ونفرح اذا جاء مثلكم هاوي اشعار = ونقبل منه قوله خطاء او مصيبي

[عيوووون باااكيه]

الله يسلمك


يعل دار اجمعتنا ما تزاالي = وجعل راعيها دايم (ن)فيها

وجعل من نوااله بشر يزااالي= ومن دعاله بالخير ربي يلبيها