طريقة افطااااارك ....

[الشبث]

في البداية احب اقدم التهنئه بقرب شهر المغفره لجميع اخواني واخواتي الاعضاء.

اخواني واخواتي

فيه عادة قديمه جديده في هذا الشهر الكريم

وهي التفاطر ( الافطار الجماعي )

فتتفق عائلتين او اكثر بحيث يكون الافطار كل يوم عند واحد

فهل تحب هذه الطريقه وتفضلها على الافطار المنفرد ؟

وهل تطبقها حاليا ؟







وتقلدوا تحية اخوكم الشبث

[اخو سعدى]

الشبث ...

وش عندك من الان يبدا التلميح :) :)
وش دخل النقل الجماعي .. اوووو لا اقصد الافطار الجماعي
وين تفطر في مسجد :) :)

اقول وش صار على الاستراحه .. جهزت او لا ؟؟ :) :)

[شموخ]

اهلين بالشبث

أهم شي ( الفول ) على السفره مايهمنى معي احد والا مامعي مدام معاي القمر مالي ومال النجوم :) :)


نجي للجد

الصراحه أفضل الأفطار الجماعي تنفتح نفسي للأكل بس يكونون عندنا يعنى ماأحب اروح لأحد وأمي برمضان تعزم الأخوان والأقارب والجيران للإفطار عندنا وبالعادة أول يوم برمضان يحضرون أغلب اخواني واخواتي والأقارب مثل الخوال وهلم جرا :) :)

لكن نجي للأيام الثانيه طبعا الكل مشغول وخاصة انهم في مناطق بعيده لكن أول يوم محافظين على الحظور على مائدة أمي علشان كذا اتمنى ان رمضان يهل بالخميس علشان يجلسون يومين عندنا :) :)

ورغم كذا ولله الحمد ماعمرنا جلسنا على السفره يحضر يامن الجيران يامن اللي جاين يأخذون عمره يمرون علينا " محطه صرنا " :) :)

واعزم اي واحد من اهل المضايف يبي يعتمر يمر علينا نستقبله بالمطار ويعين خير ثم يعتمر واذا يبي مطوف علينا المطوف :) :)


تحياتي
شموخ

[مجموعة إنسان]

.

كل عام وانت بخير اخوي الشبث

وعساه خير بركه علينا وعليك


بالنسبة للإفطار الجماعي مع القرايب فهو شئ حلو

ولكن أكثر شئ مرّة بالاسبوع

لكن كل يوم لاااااااا مايصلح

أحسن وألذ وأطعم وأهنى وأونس فطور هو اللي نلتم فيه انا وامي وابوي وبقية العايله .. :thumb:

لكن مايمنع إننا نفطر مع الفلان في المكان الفلاني او ببيوتنا بس بشكل متقطّع

يعني متى ماصنّفـــت .. :tongue:


اخوي الشبث


شكرا لك

.

[الشبث]

[quote]الشبث ...

وش عندك من الان يبدا التلميح
وش دخل النقل الجماعي .. اوووو لا اقصد الافطار الجماعي
وين تفطر في مسجد

اقول وش صار على الاستراحه .. جهزت او لا ؟؟ [/

اخو سعدى

الله يشفيك

الظاهر ان الصخونه اثرت عليك بالمره

وش نقلوه




وبعدين الاستراحه جااااااهزه

جب معك ملابس السباحه عشان اغرقك :)



اخو سعدى الله يشفيك :p:






وتقلد تحيتي

[الشبث]

اهلين بالشبث

أهم شي ( الفول ) على السفره مايهمنى معي احد والا مامعي مدام معاي القمر مالي ومال النجوم


نجي للجد

الصراحه أفضل الأفطار الجماعي تنفتح نفسي للأكل بس يكونون عندنا يعنى ماأحب اروح لأحد وأمي برمضان تعزم الأخوان والأقارب والجيران للإفطار عندنا وبالعادة أول يوم برمضان يحضرون أغلب اخواني واخواتي والأقارب مثل الخوال وهلم جرا

لكن نجي للأيام الثانيه طبعا الكل مشغول وخاصة انهم في مناطق بعيده لكن أول يوم محافظين على الحظور على مائدة أمي علشان كذا اتمنى ان رمضان يهل بالخميس علشان يجلسون يومين عندنا

ورغم كذا ولله الحمد ماعمرنا جلسنا على السفره يحضر يامن الجيران يامن اللي جاين يأخذون عمره يمرون علينا " محطه صرنا "

واعزم اي واحد من اهل المضايف يبي يعتمر يمر علينا نستقبله بالمطار ويعين خير ثم يعتمر واذا يبي مطوف علينا المطوف


تحياتي
شموخ


ثلاث هللللللللات بالشموووووخه :)


شموخ انا ابعتمر ان شاء الله

وبدعيلك دعوتين

الاولى ان الله يخليلتس اميمتس

والثانيه ان الله ما يقطعتس من الفووووووول :)


شاااااااكر مرورتس اختي العزيزه








ويارب ان رمضااان الخميس :) :) :)






وتقلدي تحيتي

[الشبث]

كل عام وانت بخير اخوي الشبث

وعساه خير بركه علينا وعليك


بالنسبة للإفطار الجماعي مع القرايب فهو شئ حلو

ولكن أكثر شئ مرّة بالاسبوع

لكن كل يوم لاااااااا مايصلح

أحسن وألذ وأطعم وأهنى وأونس فطور هو اللي نلتم فيه انا وامي وابوي وبقية العايله ..

لكن مايمنع إننا نفطر مع الفلان في المكان الفلاني او ببيوتنا بس بشكل متقطّع

يعني متى ماصنّفـــت ..


اخوي الشبث


شكرا لك

صح اختي مجموعه

فالافطار مع الاهل لوه طعموه الخاااااااص


وانا ماتنفتح نفسي للاكل الا اذا شفت الوالده قدامي




شاكر مرورتس اختي الكريمه





وتقلدي تحيتي

[اخو سعدى]

الشبث

الله يشفي الجميع :)
لكن شكل العشاء قبل شوين اثر عليك :)

اما الاستراحه ..
هل اكملت قطت العيال او .. لا ؟؟ :)


الله يشفي الجميع :)

[الشبث]

والله العيال كلهم قطو

بس واحدن الظاهر انوه يبي يخووووون







وزي ماقلت الله يشفي الجميع







اااااااه يهالعشاء تصدق ماودي قمت بس استحيت :)






انت اللي مسويه :p:



وتقلد تحيتي

[أحمد المشتاق]

أنا ما شجع الارتباط الرسمي يعني احب انه يفطر عندنا احد او نفطر عند احد بدون التزام بيوم وتاريخ محدد واحب الناس اللي يجون يفطرون من غير ما يقول انهم بيجون لكن مايكون كثار يعني ثلاثة او ثلاثه بالكثير


واللي بيفطر عندنا منكم حياه الله والحقوا على البحر قبل البرد

[جيب ربع]

اهم شيء جهز سمنت المعده ( الفول ) ...

اندف من هالنعمة ياما والله تدووووووخ .... !

وعزي للي يدخنون ... حاولوا تركه في شهر رمضان ...

[الشبث]

اخوي احمد المشتاق

فكرتك وصلت

والعزيمه وصلت بعد :)

ولنا الشرف بعزيمتك




وشاكر مرورك الكريم


وتقلد تحيتي

[الشبث]

اخوي جيب ربع وش اسمنتوه الله يهداك

شكلك متاثر بالبنايين :tongue:


والله يعين المدخنين مثل ماقلت


واللي يبي يقطعوه فرصتوه هالرمضانيه

الله يساعدهم ان شاء الله



وتقلد تحيتي

[ابو غازي]

الســـــــــــــــلام عليكم

اخونا الشـــــــــــبث .... حسبي الله على شيطانك والله ماودي اقول هالكلمة :d:

أما بخصوص الفطور :awink:
أنا يامحاتسيك بي لي طبع ن غير الناس أحب إني إفطر لحالي والفطووور
يكون على تميراااااااات وقهوة ........ يدوخ على المهيلة :( وعقب الصلاة
يمار أم غازي مولمتن لي الشــــــــــوربه هم تقنعت به وتمغطت على المركا ..... عاد تحر الإنصفاره أكا الساعة لو تحتسي علي مادري ويش تقول :g:
ههههههههههههههههه :p:

إذاني لهن صفير :g:

شبيثان الفطووور عندك أول يوم من رمضان تسان حنا حيين إن شاء الله
بس شـــــــــــرط ماتعزم أخو ســــــــعدى :g:

:d:

[اخو سعدى]

ابو غازي

لا الفطور عندنا اول يوم .. :)

[عبدالعزيز]

ابقول لكم فطوري لكن ان اوجعتكم تسبودكم او انقهرتو لمكانه مالي دخل :puzzled:

هذا سلمك الله من لي ثالث سنة وفطوري يوم مع اهلي ويوم مع زقرت الاستراحة بمشار ويوم مع شيباننا بمشار برضو ... نمشي داريات بيننا حنا يالشبة او القرايب "المخرفين" :puzzled:

اما اهلي فهم مثل باقي الناس مايتعدون التمر والشوربة وعقب الصلاة تجي صحينات السنبوسة ومعهن النقنقة والعشا الدسم الساعة عشر
وانا يامحاتسيك مااحضر معهم الا الاول.. تمر وشوربة اشربه نوب بالطاسة :) وعقبه ارتسب ذلولي للشبة والقى ابورفرف (الهندي) مقطع البصل والطماط واتحوف الكبسة لما يطلقن ضبعات العيال سراحهم :)
واما اللي مع الزقرت (نفسهم حقين الشبة) هذا سلمك الله لااجتمعنا على السفرة وحنا بــــمــــــشــــــار بتلعة الصبيحي(مكاننا المعتاد) وأذن المذن تزاحم التمرة ولقمة ابورصيص على البلعوم مع اول الاكل:)

والشيبان مثل الزقرت لكنهم يأجلون الرز اليا عقب الصلاة .. تخبر الدهون تجلطهم ان خرعو المعده به :)


أعتقد ان هذا الفطور الصحي .. انصحكم بوه :)

[الشبث]

ابو غازي

عز الله تم تم تم

وابرك ساعه




اما الشوربه


اووووووف شي يا مدير الشرطه






وتقلد تحيتي

[الشبث]

اخو سعدى

ياخي كلنا سوى بالاستراحه

انت بس تغيب ليما يشرب الشوربه ويدوخ

وعقبه اطلع :)





وتقلد تحيتي

[الشبث]

ابو العز

عز الله انك صويدز هذا الفطور ولا بلاش


وسلملي على ابو رفرف :)



وتقلد تحيتي

[شنقل]

شبيثاااااااان

انا احب افطر لحالي
لانه يمكن يعزمك واحد على الفطور وماتحصل
الاكله المفضله لك عنده
عاد لرقعه باي شي ثاني

[الشبث]

شنيقل انت والله ليمنك صرت جيعان تاكل الرضم


وماقلت لنا يا سيباويه وش اكلتك المفضله ؟؟











دنيا







حتى شنقل لوه اكله مفضله











وتقلد تحيتي