عزام
03-10-2004, 19:46
كفو عتبكم وادمحولي خطايه=بعض الخطا غصب ولا هو على الكيف
ان قلت أنا غلطان وان قلت تايه=ترى الخطا مرغوب بين المواليف
شي ملكني وامتلكني وفايه=مصيون مايدخل من الطبع به زيف
لاتسألوني يوم هذا بلايه=اللي خطفني يم حايل ولا شيف
وشلون ابسلا يوم للقلب غايه=من دونها العالي وروس المشاريف
البعد ظالم والمفارق بدايه=ولا ياصل الغالين صدق المظاريف
غاب الرجا واظلم عليه سمايه=والشوق ماله عن حياتي تصاريف
الشوق مخزونآ يبيله رعايه=جبار ساطي يضرب القلب بالسيف
ياحسرتي واظيقتي واعنايه=الدار ظلما موحشه جوها مخيف
جيت المكان اللي له اليوم رايه=بيضا على الذكرى وما مر من طيف
الله يذكر من جلس به معايه=من قام بالواجب على جيت الظيف
بالخير والفرحه ويسقي رجايه=وتشوفه عيوني قبل حروة الصيف
من يوم غابت يابس الريق مايه=وهموم صدري بين موج ومجاديف
شفت السراب وزاد فيني ظمايه=اركض وانا اضرب كف بالكف ياحيف
ورجعت للماضي وعود شقايه=الى تذكرت الملاقى على السيف
وين ابتعد وين الطريق لدوايه=حضر من المخزون مايعدل الكيف
درب السفر يسقيه صافي غلايه=ولا شلت هم البعد هو والتكاليف
أسأل عن الفرحه وادور منايه=منهو سكن وسط المدينه مع الريف
عذري ادور للمحبه نهايه=غير الدموع وغير بيض المعاطيف
وكان الخطا بالحب هذا خطايه=وترى الخطا معبود بين المواليف
ان قلت أنا غلطان وان قلت تايه=ترى الخطا مرغوب بين المواليف
شي ملكني وامتلكني وفايه=مصيون مايدخل من الطبع به زيف
لاتسألوني يوم هذا بلايه=اللي خطفني يم حايل ولا شيف
وشلون ابسلا يوم للقلب غايه=من دونها العالي وروس المشاريف
البعد ظالم والمفارق بدايه=ولا ياصل الغالين صدق المظاريف
غاب الرجا واظلم عليه سمايه=والشوق ماله عن حياتي تصاريف
الشوق مخزونآ يبيله رعايه=جبار ساطي يضرب القلب بالسيف
ياحسرتي واظيقتي واعنايه=الدار ظلما موحشه جوها مخيف
جيت المكان اللي له اليوم رايه=بيضا على الذكرى وما مر من طيف
الله يذكر من جلس به معايه=من قام بالواجب على جيت الظيف
بالخير والفرحه ويسقي رجايه=وتشوفه عيوني قبل حروة الصيف
من يوم غابت يابس الريق مايه=وهموم صدري بين موج ومجاديف
شفت السراب وزاد فيني ظمايه=اركض وانا اضرب كف بالكف ياحيف
ورجعت للماضي وعود شقايه=الى تذكرت الملاقى على السيف
وين ابتعد وين الطريق لدوايه=حضر من المخزون مايعدل الكيف
درب السفر يسقيه صافي غلايه=ولا شلت هم البعد هو والتكاليف
أسأل عن الفرحه وادور منايه=منهو سكن وسط المدينه مع الريف
عذري ادور للمحبه نهايه=غير الدموع وغير بيض المعاطيف
وكان الخطا بالحب هذا خطايه=وترى الخطا معبود بين المواليف