المصارعة الحره

[الشبث]

اهلا وسهلا بكم في هذه المنازله العنيفه في المصارعة الحره للفرق الثنائيه

على رابطه المصارعة الحره للمحترفين والتي تقام على حلبة المضايف المليانه بالجمهور

المتحمس لمتابعة هذه المصارعه

وهالمصارعه بين ابو غازي وشنقل ومدير اعمالهم المخاوي من طرف

وذيب شراف والشبث ومدير اعمالهم المحروم من طرف اخر

وقد قدمة اللجنه المنظمه لهذه المصارعه بقيادة راعي الوقيد واخو سعدى والاصيل

مفاجأه للجمهور الغفير وهي نزول المصارعين الى الحلبه واحد واحد

ويقدمون نبذه عن هذا المصارع واهم صفاتوه

وقد بداء المخاوي بالدخول الى الحلبه ماسكن معوه مكرفونوه

وعقبوه دخل ابو غازي وسط تصفيق حار من الجمهور وهو لابس فروتوه الطفاليه

ويوم جاء بالحلبه وهو يقوم يصيح ويومي بفروتوه

وعقبوه وهو يدخل شنقل لابسن هيلاهوب اصفر ويقوم يناقز

وهم يموتون الجمهور من الضحتس

وهو يتعامش معهم

ويالله يجيه ابو غازي والمخاوي ويخلصونوه منهم

الوكاد دخل عقبوه المحروم ومعوه شنطه دبلماسيه به لزوم الشغل

وهو يدخل ذيب شراف عقبوه لابسن ثوب شتوي اسود ومفسرن ذرعانوه

ويراعي لبو غازي ويفتل شنباتوه

وعقبوه دخل الشبث لابسن فنيله علاقي ومقوصر

ويوم شافوه شنقل وهو ينفلت عليه وهم يتصافقون برا الحلبه ويالله

يجيهم ابو غازي وذيب شراف واللجنه المنظمه ويخلصونهم من بعض

والجماهير ميتين من الضحتس ( تقل حاضرين مسرحيه مهي مصارعه )

الوكاد بدت المصارعه بذيب شراف وشنقل

وهو يقوم ذيب يتسحت شنقل داخل الحلبه

ويوم مر شنقل من عند الشبث وهو يعركبلوه وهو يقع

ويمسكوه ذيب ويلزخوه ويصفقوه والشبث ميت من الضحتس

وهو يجي ذيب ويعطي الشبث الدور

ويقوم يتفنن بالطراقات ويلوي اذنوه ويعض رجلينوه

ويراعي للجمهور ويحاتسهم وهو يقوم شنقل ويهرب لخويوه ويعطيه الدور

وهو يزنط الشبث ويقوم يرداوه ويزموه فوق ويضربوه ويفرك خشتوه بالقاع( مغل )

والشبث لوه بتساء ويصايح يقول والله ما عوده ( امحق مصارع )

وهو يخليه ابو غازي وهو يقمز ويعطي ذيب الدور

وهم يتقاضبون

ورفسه هنا ورفسه هناك

وبقس هنا وبقس هناك

وهو يرفس ابو غازي ذيب بالبطن وهو يقع بالقاع

وهو يروح للزاويه يبي يقمز عليه

ويوم قمز عليه وهو يروغ ذيب شراف ليمار ابو غازي لاصقن للقاع

وهو يثبتوه ذيب

ويقوم الحكم يعد

ويتدخل شنقل ويخرش ذيب مع ظهروه

وهم يطرحونوه ودب وضرب

وخويوه الشبث لاهي يحاتسي الجماهير وعندوه كيس حب ( فصفص ) ياكل منوه

ويوم ثبتوا ذيب وهو يراعي لخويوه ليمار مهو يموه

قال بالله انزحوا شوين ابي الززخ هالكمخه واجيكم وهم يخلونوه

وهو يزنط الشبث ويقوم يدوحوه بالحلبه

وهو يجي شنقل هو وهيلاهبوه وينقز على بطن الشبث

وهو يمسكوه ذيب ويكمخوه

ويجي ابو غازي ويلزخ الشبث

وهم يتعامشون المدرا المخاوي والمحروم برا الحلبه

وهي تغديلك حوسه

وهم يضطرون المنظمين الى الغاء المصارعه

وتنتهي بالتعادل



................................................................................ ...






واسف على الاطاله



وتقلدوا تحية اخوكم الشبث

[تذكار]

وعقبوه وهو يدخل شنقل لابسن هيلاهوب اصفر ويقوم يناقز

وهم يموتون الجمهور من الضحتس

وهو يتعامش معهم

هههه الله يرجك يا الشبث .. أنت ومواضيعك الخطيره :d: يا فيلسوف فلة حجاج ..
أنا كنت حاضرة المصارعه ومعي كاميرا ديجتال وصورت المشاهد كلها ونشرتها في قناة الجزيرة هههه



ارعص فيذا هههه (http://www.s22s.com/up/pic26/pearl88.swf)

أختك

تذكار

[أبو مقرن]

الغالي:الشبث

وقد بداء المخاوي بالدخول الى الحلبه ماسكن معوه مكرفونوه

وعقبوه دخل ابو غازي وسط تصفيق حار من الجمهور وهو لابس فروتوه الطفاليه

ويوم جاء بالحلبه وهو يقوم يصيح ويومي بفروتوه

وعقبوه وهو يدخل شنقل لابسن هيلاهوب اصفر ويقوم يناقز

وهم يموتون الجمهور من الضحتس

وهو يتعامش معهم

ويالله يجيه ابو غازي والمخاوي ويخلصونوه منهم
مدري وش هم دخلوا عليه؟؟ :) هم على سيارة أو على زوامل..
أو دبابات<<<متأثر.ن.بأهل الدبابات.. :smileyb:

وهم يتعامشون المدرا المخاوي والمحروم برا الحلبه

وهي تغديلك حوسه

وهم يضطرون المنظمين الى الغاء المصارعه

وتنتهي بالتعادل
ياما والله من الإبداع..يافليسوف :p: فلتنا :tongue: :tongue:
تحياتي لك...وبانتظار مشابطة.ن.أخرى..

[الشبث]

هههه الله يرجك يا الشبث .. أنت ومواضيعك الخطيره يا فيلسوف فلة حجاج ..
أنا كنت حاضرة المصارعه ومعي كاميرا ديجتال وصورت المشاهد كلها ونشرتها في قناة الجزيرة هههه



ارعص فيذا هههه

أختك

تذكار

هلا باختي الغاليه تذكار

ابيتس تنزلين المشاهد هنا بالفله علشان يدرون اني صادق :)

وعلشان يشوفون هيلاهوب شنقل الاصفر :p:



تسلمين اختي على هالتعليق الطريف والرائع :thumb:


وتقلدي تحية اخوتس الشبث

[الأصيل]

أنا بصفتي نايب رئيس اللجنة المنظمه

أدليت بتصريح للصحافيون ( أحب اللغة العربية ) :d:

لكن مانشروه ( الله يكافينا شر الحسد ) :chinese:



اللجنة المنظمة قامت بدورها التنظيمي على أكمل وجه

لكن حصل عندنا نقص إعلامي

حيث نفذت تذاكر الجماهير اللي تعنت من جنوب استراليا

ومن شمال مدغشقر وهكا الديار ،، :p:

لكن إخوانكم باللجنة المنظمه ماقصرو (طيور شلوا) :)

حطو لهم فرش خارج الحلبه

وحطينا تلفزونات حجم ( 820 بوصه ) أبيض وأدعم :d:

وبرضه زاد طلب المشجعين على صور أبوغازي وشنقل

الثمره ،،

إن المتصارعين يوم تخانقو ،، حاسو الدنيا وخربو الحفل

فقامت اللجنة بفرض عقوبه ماليه مقدارها 22 ألف باوند ( وشو الباوند ؟

على مدير أعمال المتصارعين

ودمتم

ودام الفيلسوف الشبث

ومايحتاج

ترنا متقلدين تحياتك


أخوكم الأصيل : الناطق المسولف الرسمي باسم اللجنة . :goooood:

[الشبث]

الغالي:الشبث

اقتباس:
وقد بداء المخاوي بالدخول الى الحلبه ماسكن معوه مكرفونوه

وعقبوه دخل ابو غازي وسط تصفيق حار من الجمهور وهو لابس فروتوه الطفاليه

ويوم جاء بالحلبه وهو يقوم يصيح ويومي بفروتوه

وعقبوه وهو يدخل شنقل لابسن هيلاهوب اصفر ويقوم يناقز

وهم يموتون الجمهور من الضحتس

وهو يتعامش معهم

ويالله يجيه ابو غازي والمخاوي ويخلصونوه منهم


مدري وش هم دخلوا عليه؟؟ هم على سيارة أو على زوامل..
أو دبابات<<<متأثر.ن.بأهل الدبابات..

اقتباس:
وهم يتعامشون المدرا المخاوي والمحروم برا الحلبه

وهي تغديلك حوسه

وهم يضطرون المنظمين الى الغاء المصارعه

وتنتهي بالتعادل


ياما والله من الإبداع..يافليسوف فلتنا
تحياتي لك...وبانتظار مشابطة.ن.أخرى..

استاذي ابو مقرن

والله الزقرت دخلوا بطرق مختلفه

فمنهم ابو غازي دخل بسيكل :)

والمخاوي جا تاشيره

وشنقل جا يقامز



وانا يا محاتسيك جابوني يجروني جر :)






اخوي ابو مقرن الجديد قريب جدا ( بس خلنا نخلص من هذا )

ويصير خير






وتقلد تحية اخوك الشبث

[الشبث]

أنا بصفتي نايب رئيس اللجنة المنظمه

أدليت بتصريح للصحافيون ( أحب اللغة العربية )

لكن مانشروه ( الله يكافينا شر الحسد )



اللجنة المنظمة قامت بدورها التنظيمي على أكمل وجه

لكن حصل عندنا نقص إعلامي

حيث نفذت تذاكر الجماهير اللي تعنت من جنوب استراليا

ومن شمال مدغشقر وهكا الديار ،،

لكن إخوانكم باللجنة المنظمه ماقصرو (طيور شلوا)

حطو لهم فرش خارج الحلبه

وحطينا تلفزونات حجم ( 820 بوصه ) أبيض وأدعم

وبرضه زاد طلب المشجعين على صور أبوغازي وشنقل

الثمره ،،

إن المتصارعين يوم تخانقو ،، حاسو الدنيا وخربو الحفل

فقامت اللجنة بفرض عقوبه ماليه مقدارها 22 ألف باوند ( وشو الباوند ؟

على مدير أعمال المتصارعين

ودمتم

ودام الفيلسوف الشبث

ومايحتاج

ترنا متقلدين تحياتك


أخوكم الأصيل : الناطق المسولف الرسمي باسم اللجنة

الله واكبر عليك يالاصيل

وش هالتعليق وش هالحلا وش هالتميز

يا شيخ ابصم بالعشره انك اذا كتبت راح ينسوننا الشباب

ولاعاد فيه لافيلسوف ولا شبث



اخوي الاصيل عز الله اني قصرة في دور اللجنه في هذه المصارعه

وهالشي مافاتني

لكن خفت من الاطاله


اخوي الاصيل ابيك توعدني انك تكتب موضوع باسرع وقت

واذا على الفكره ابشر به

عطني رساله بالخاص وازهله :)






مبدعنا الاصيل ممكن تتقلد تحيتي :goooood:

[ابو خليف]

وليه كذاااا ليه تنهيه قبل ادب ابو غازي
هههههههههه
هههههههه
هذا الي انت جيد به يخرمشون ضهري وانت تفصفص

:good1: :good1:
:good1: :good1: :thumb: :thumb:

[الشبث]

وليه كذاااا ليه تنهيه قبل ادب ابو غازي
هههههههههه
هههههههه
هذا الي انت جيد به يخرمشون ضهري وانت تفصفص

اويلي واقردي من العشير

ذيبان انت تبي دبتوه بس

اصبرلوه شوين فيه مويضيع قيد الدراسه <<<<<<صدق انوه فيلسوف



وفيه مويضيع جديد نبي ندب ابو غازي بوه بس لا يدري :)

ههههههههههههههه





وتقلد تحيتي

[شنقل]

وفيه مويضيع جديد نبي ندب ابو غازي بوه بس لا يدري

اخو العيال
مابقا الا انت ياشبيثاااااااان
تدب ابو غازي
امش هنا

بالروح بالدم نفديك يابوغازي

ابو غازي وبس والباقي خس
هههههههههه
ههههههههه


شبيثاااااااااااااااان
حياتك بدوني سلطه>>>>> متأثر بالدعايات :)


تسلم على هالمشابطه
بس انت لو انك سالمن من الهيلاهب الاصفر
تسان زين

شكريااااااااااات
شنقل
عشير ابو غازي والمخاوي
زعيم فلة الحجاج

[الشبث]

شبيثاااااااااااااااان
حياتك بدوني سلطه>>>>> متأثر بالدعايات

اويليه

الدنيا مماسك :)

اااااه بس لو انك منت ماسكن علي شين

تسان علوم :a:








ذيباااان في قلوبنا ( هو لو يسلم مني تسان لوه رزق الطير ) :)




وتقلد تحيتي يالزعيم

[راعي الوقيد]

وعقبوه دخل ابو غازي وسط تصفيق حار من الجمهور وهو لابس فروتوه الطفاليه

ويوم جاء بالحلبه وهو يقوم يصيح ويومي بفروتوه
هههههههههاااااي

ابـو غاازي هههههههههههه


وعقبوه وهو يدخل شنقل لابسن هيلاهوب اصفر ويقوم يناقز

وهم يموتون الجمهور من الضحتس

وهو يتعامش معهم

والله وصف هههههههههههههه

وهو يدخل ذيب شراف عقبوه لابسن ثوب شتوي اسود ومفسرن ذرعانوه

ويراعي لبو غازي ويفتل شنباتوه

ههههاااااايييي

آآآآهههههههههاااااي

لعنبو بليسوه تقل يعرفووووووه

وعقبوه دخل الشبث لابسن فنيله علاقي ومقوصر

ويوم شافوه شنقل وهو ينفلت عليه وهم يتصافقون برا الحلبه ويالله

يجيهم ابو غازي وذيب شراف واللجنه المنظمه ويخلصونهم من بعض

والجماهير ميتين من الضحتس ( تقل حاضرين مسرحيه مهي مصارعه )

من حر مابك هههههههههههههااااااي

وهو يزنط الشبث ويقوم يرداوه ويزموه فوق ويضربوه ويفرك خشتوه بالقاع( مغل )

والشبث لوه بتساء ويصايح يقول والله ما عوده ( امحق مصارع )

هههههههههههااااااااي
رهيييييييب
وهو يزنط الشبث ويقوم يدوحوه بالحلبه
هههههههه
وليييين خوش مصارع هههههههههه

شيـــــــــطان

شيمتـــــــان

شبيــــــــثــان

ادخــل علــــــى الله ذبحنا الضحتـــــــــــس :p: :p:

مبــــــــــــدع ورائــــــــــــع :hala1:

سـلامـــــــــــــي ...

[ابو غازي]

شـــــــــــــبيثان :d:
الحقيقة إنك فيلسوف فيلسوف فيلسوف
وفلسفتك رائعة وتستحق التميز :thumb:
ننتظر الجايات بحول الله :awink:
7
7
7
شـــــــــــنقل :smooch:
ياخشم جدي إنت هالخشم مايحامي علي إلا إنت :d:
حتى المخاوي ... تغير الظاهر إنهم داغفينوه برشوة ههههههههههه :p:
اشوفوه بس يلتسف لباالحصاني ويضرب لوه السهل والمسهلاني ههههههههههههههههههههه :p:


:surprised


:d:

[الشبث]

شبيــــــــثــان

ادخــل علــــــى الله ذبحنا الضحتـــــــــــس

اخوي راعي الوقيد

اذا الضحتس جاك بهالموضوع اللي اعتبروه بارد نوعا ما

فانا انصحك لا تقرا الموضوع الجاي

وبختصار

طلعتن لنا

انا وانت وابو غازي وذيب شراف وشنقل والمخاوي واخو سعدى

والمحروم

ومن يحب يشاركنا من الشباب يحط اسموه




وهالطلعة يبي يغربلنا ابو غازي :)








وتقلد تحية اخوك الشبث

[الـمـحـروووم]

هلا وغلا شبيثان
هههههههههههههههههههههههههههه
:p: :p: :p: :p: :p: :p: :p: :p:

ربك ستر وألغوا
المصارعة
وإلا كنت ناوي أفلع رأسه بالشنطة الدبلماسية


الشبث تراني معك في
كل الواضيع الجاييه
قدام قدام
وهذا أسمي

الــمـحرووومتسلم
شبيثان

[المخاوي]

فيلسوف الفله الشبث :)

مصارعه رائعه ولو ان ودي المصارعين انا وشنقل وابو غازي مديرنا على شان حنا يالثنائي المدهش نتقابل معك انت وذيب شراف , شنقل ياطى على غاربك ويقمز فوق ويستعد على بطنك :p: وانا امسك ذيبان مع علابيه وجرلك فرتوه بطول الحبل وعقبه اغولوه بالزاوييه ياما يدزف العافيه وعقبه نصفقكم ببعض :tongue: هاااه وشرايك ياو غازي :)


حتى المخاوي ... تغير الظاهر إنهم داغفينوه برشوة ههههههههههه
اشوفوه بس يلتسف لباالحصاني ويضرب لوه السهل والمسهلاني ههههههههههههههههههههه

الشكوى لله يالبناخي مسكوني مع راسي اللي يوجعن :( وانت خابرن عاد ادوخ لياشفت الدله :p: مار ماعليك ليامنك ضبطت لنا المهيله اللي انا خابر بهكالوجار الله يذكروه بالخير :thumb: ابشر والله بسعدك لاابالحصاني ولاغيروه يهوب ناحيتك :boxing::bruce_h4h


رهييييب ايها المميز :thumb:

[الشبث]

استاذنا ابو غازي

مشكور على هالمديح

وان شاء الله اكون عند حسن ظنك انت وباقي الاخوان والاخوات




بس تر شنقل ما يفكك :)



والجاي احسن بأذن الله




وتقلد تحيتي

[الشبث]

هلا بالعشير المحروووم


انا والله داري ان هالشنطه ماجبته عبث

بس والله جتهم سلامه ولا تسان علوووووم :)


مشكوووووووور يالعشير على موافقتك للمشاركه معي


ولكن المشارك يجب ان يتقبل كل شي

يعني الدور الزين والشين :thumb:

وانا داري انك معي على الزين والشين يالعشير







وتقلد تحيتي

[الشبث]

فيلسوف الفله الشبث

مصارعه رائعه ولو ان ودي المصارعين انا وشنقل وابو غازي مديرنا على شان حنا يالثنائي المدهش نتقابل معك انت وذيب شراف , شنقل ياطى على غاربك ويقمز فوق ويستعد على بطنك وانا امسك ذيبان مع علابيه وجرلك فرتوه بطول الحبل وعقبه اغولوه بالزاوييه ياما يدزف العافيه وعقبه نصفقكم ببعض هاااه وشرايك ياو غازي

اقتباس:
حتى المخاوي ... تغير الظاهر إنهم داغفينوه برشوة ههههههههههه
اشوفوه بس يلتسف لباالحصاني ويضرب لوه السهل والمسهلاني ههههههههههههههههههههه


الشكوى لله يالبناخي مسكوني مع راسي اللي يوجعن وانت خابرن عاد ادوخ لياشفت الدله مار ماعليك ليامنك ضبطت لنا المهيله اللي انا خابر بهكالوجار الله يذكروه بالخير ابشر والله بسعدك لاابالحصاني ولاغيروه يهوب ناحيتك


رهييييب ايها المميز

المخاوي لا تقوم تهدد عقب ماخلصت المصارعه

تر هذا عمل ........ :)





اخوي المخاوي وعشيري

ارجوا ان اكون عند حسن ظنك

ومشكوووووووور على هالمرور الكريم



وتقلد تحيتي

[مفتاح14]

ههههههههههههه
ههههههههههههههههههه


اجل شنقل مصااارع هههههههههههههههه


لو انت قايلن (بالسيرك) يمكن :) بس مصارعه !!!!!!! :)

اما ( يتعامش معهم) ههههههههههههههههه




فيلفلوسنا<<- متعمد ترى :)

ياخي وصفك حي مباشر ..كأنك قدامي كاشر :)


والواحد ماودك يقرا مواضيعك الا وعندوه سطل ماء لأنه مليون بالميه يبي يشرق..واني في مواضيعك اغرق:)



سي يو

[اليم]

وهو يجي ذيب ويعطي الشبث الدور

ويقوم يتفنن بالطراقات ويلوي اذنوه ويعض رجلينوه



أخبر رجلينوه مليانتن شطوب ومدمياتن شوين ياعل ما لطمتهن بس:)



وخويوه الشبث لاهي يحاتسي الجماهير وعندوه كيس حب ( فصفص ) ياكل منوه



اخس اثريك حساوي:477r:





ويوم ثبتوا ذيب وهو يراعي لخويوه ليمار مهو يموه




بعذروه مهو يموه لانوه راشن عينوه بملح:477r:



:goooood:

لاهنت يالغالي وليتك مطول

[الـمـحـروووم]

أهلين يالعشير أنا قايللك معك قدام يعني قدام
وكل شيء منك حلو ياحلو
نتقبل منك الزين والشين يالعشير


ماقصرت أيها الفيلسوف المحنكهههههههههههههههههه

[الشبث]

اجل شنقل مصااارع هههههههههههههههه

يارجال والله انوه باليه بلوا




ابو اربعطعش انتبه لا تغرق وتصير بذمتي :)


شااااااااكر مرورك الكريم




وتقلد تحيتي

[الشبث]

اخس اثريك حساوي

لا والله بس ماودي اشوف خويي وهم يكمخونوه :)




لاهنت يالغالي وليتك مطول


الله لا يهينك اخوي اليم

بس والله ماودي ادبل تسبودكم



والجاي ان شاء الله احسن



وشااااااكر مرورك الكريم :goooood:



وتقلد تحيتي

[الشبث]

أهلين يالعشير أنا قايللك معك قدام يعني قدام
وكل شيء منك حلو ياحلو
نتقبل منك الزين والشين يالعشير


ماقصرت أيها الفيلسوف المحنك
هههههههههههههههههه

بعدي والله يالعشير


انا اشهد انك الذيب :thumb:



واستعد للقادم




وتقلد تحيتي يالعشير

[الـمـحـروووم]

مستعدين وحياك الله

[الشبث]

:thumb: :thumb: :thumb:


وتقلد تحيتي يالعشير

[شموخ]

هههههههههههههههههه

هههههههههه

اما وصفكم لهم يوم دخلوا على الجماهير خطيييييييييير :thumb: :thumb: :thumb:


تسلم يازعيم الفله.

تحياتي لك
شموخ

[الشبث]

تسلم يازعيم الفله.

اختي الغاليه شموخ مهوب انا الزعيم

الزعيم شنقل

وانا الفيلسوف

يعني اللي بس يتفلسف وينصب على خلق الله :)

حشى مهوب لقب صار مسبه :p:




تسلمين اختي على هالمرور الكريم

واللي بدا يقل :a: مادري ليش :)





وتقلدي تحيتي :goooood: