هـــــيــّــن

[ظاهر الزبن]

احبتي الكرام اعضاء وزوار مضايف شمر
اثارني احدهم فجاءت هكذا



هين مادام انه كذا قلت لاباس=
هالسالفه كله دعايه وتبليس
يالخبل* ماهو ضحك او برم هلاس=
جنب قبل صبحك يحول خراميس
وينك ووين الشمري يابن محماس=
لو تجتمع انت وجميع المحاميس
اليا نويتوا ابشروا بكثر الاتعاس=
واحلامكم بالزود كله وساويس
حنا الطنايا الله رفعنا على الناس=
ما ننزل لمنزال راع الدنافيس
اليا طنينا ينعدم كل الإحساس=
نفرح بشرب الموت فرحة معاريس
حنا الطنايا نشربه شربة الكأس=
اليا انتخينا ننكس الضد تنكيس
وساع الطعون محدرة يابس الرأس=
كبار الصحون اللي خذينا النواميس
يومه بضرب السيف مع حبس الأنفاس=
ربعي خذوها وانت ربعك مفاليس
يوم أمكم تصرخ وتصفق بالأخماس=
الله من علم ٍٍ لفا به قرينيس
تاريخكم يشهد لنا بكتب قرطاس=
وتشهد لنا العقّيل قبل القراطيس
حنا الطنايا وطيبنا ماله قياس=
وافعالنا فاقت جميع المقاييس
عزٍ من الله مسسينه على ساس=
مايهزنا عصف الهوا والنسانيس
مالك بها يالخبل فرحه ونوماس=
الشمس ماضره وقيد الفوانيس
حنا الطنايا الله رفعنا على الناس=
كن البشر قسمين: ناس ...و(سناعيس)

*لم اتعمد خدش حياء ذائقتكم الشعريه بهذه الكلمه-الخبل- الا انها جاءت هكذا ولم استطع منعها فلكم العذر وله مايستحق
.
.
.
.
.

[سرحــان]

يالخبل* ماهو ضحك او بـرم هـلاس
جنب قبـل صبحـك يحـول خراميـس

وينك ووين الشمري يابـن محمـاس
لو تجتمـع انـت وجميـع المحاميـس


اليا نويتوا ابشـروا بكثـر الاتعـاس
واحلامكـم بالـزود كلـه وسـاويـس




ظاهر الزبن

قدها وقدود وكثر الله من امثالك

صح لسانك ولاهنت يالغالي


تقبل تحياتي
سرحـــــان

[شموخ]

حمد لله على السلامه اخوي .

من طول الغيبات جاب الغنايم ...

صح لسانك وتسلم يمينك .

تحياتي لك
اختك
شموخ

[الاصمعي]

من طول الغيبات جاب الغنايم وفخريه رائعة جداً للمبدع ضاهر الزبن:thumb:


وينك ووين الشمري يابن محماس=
لو تجتمع انت وجميع المحاميس
.
.
.
يوم أمكم تصرخ وتصفق بالأخماس=
الله من علم ٍٍ لفا به قرينيس


شامخه شموخ شاعرها المبدع "وجميع المحاميس" ما أحد سبقك عليه يا ضاهر:)
وتوضيف رائع للبيت القديم "الله من علم لفا به قرينيس":thumb:


حنا الطنايا الله رفعنا على الناس=
كن البشر قسمين: ناس ...و(سناعيس)
^
^
أخي ضاهر ما تشوف معي ان عندنا من الفخر والثقة بتاريخنا ما يغنينا عن مثل هالمبالغة في هذا البيت

الشاعر المبدع ضاهر الزبن ألف صح الله لسانك على هالفريدة

تحياتي

[بشير اللويش]

ياخي انت وينك ؟؟

من زمان مشتاقين لهطولك العذب / المميز

صح لسانك / قلبك / قلمك

معاني جزله ... قافيه رائعه ... قلفله أروع

دام شموخك

اخوك الصغير

الراسي

[خلـيف الجهيلي]

اولا كنّا نقول التثبيت في نهاية الرد

لكن اقولها قي البدايه قصيده للتثبت دون مجامله

ثانيا صح لسانك على هذه المشاركه الرائعه / القصيده الجزله

وسجل اعجابي في حروفك ... وبصراحه البيت الأخير يسوى الكثير من القصائد

اخوك خليف

[عبدالله الجعيثن]

ظاهر الزبن

صح لسانك

قصيده شامخه وشاهقه

جزله ورائعه

سجل اعجابي

وتقيل عتابي

ولا تتأخر مره اخرى

[ظاهر الزبن]

اخي الكريم

سرحان

حياك الله وصح بدنك

كل الشكر والتقدير

[ظاهر الزبن]

العزيزه

شموخ

الله يسلمك

سعدت جدا بمرورك هنا

كل الشكر والتقدير لك

[ظاهر الزبن]

اخي الكريم

الاصمعي

اشكر لك مرورك وكلماتك الصادقه

مع كل الحب والتقدير

[ظاهر الزبن]

اخي النقي

بشير اللويش

ياهلا والله وغلا بهالمرور العطر

عتبك في محله ولكن الظروف عيت ترسي يالراسي

اعدك بالتواصل ان شاء الله

كل ودي واحترامي لك

[ظاهر الزبن]

اخي الكريم

خليف الجهيلي

صح بدنك

وشهاده اعتز بها من شاعر له مكانته في قلوبنا

كل الحب والاحترام

[ظاهر الزبن]

اخي الكريم

الغازي

صح بدنك

واعجابك تقدير لاخيك

وعتبك في محله

كل الود

[سمران]

حنا الطنايا الله رفعنـا علـى النـاس
كن البشر قسمين: ناس ...و(سناعيس)

والنعم بالسناعيس والنعم في قبيلة شمر


ولاكن حبت أقول ان هذا البيت يجب الا يكتب من شاعر مثلك

وباي شئ رفعك الله عن باقي الناس (ملائكه منزله او رسل أو ابناء12 شهر)

لافرق بين أعرابي واعجمي الأ بالتقوى , أكرمكم عند الله اتقاكم.

ومدام الله معطيك السان أستخدمه بالمفيد والنافع

[ظاهر الزبن]

الاخ سمران

السلام عليكم ورحمة الله وبركاته

ماشاء الله مسجل بالمنتدى مخصوص عشان ترد بهالكلام

ياخي ابدأ بالسلام اولا او قل خير ليتك تريثت شوي

نعم لافرق بين عربي وعجمي الا بالتقوى وان أكرمكم عند الله اتقاكم ولكن اعلم ايضاً ان

الناس مقامات وحنا غير الناس بتاريخنا وطيبنا واخلاقنا وسمعتنا والله اللي ميزنا عن غيرنا

عز ٍ من الله مسسينه على ساس ....مايهزنا عصف الهوا والنسانيس


ومدام الله معطيك السان أستخدمه بالمفيد والنافع ؟؟؟؟؟؟؟؟؟؟؟سامحك الله

ارى في اسلوبك اسلوب شخصٍ اعرفه هنا قد تكون انت ..........

ولكن (الشمس ما ضره وقيد الفوانيس)

كائناً من تكون فأنا اترفع عن الدخول في مهاترات وجدل لن يغير شيئاً في امر اصبح من المسلمات

و البديهيات على مر العصور كما اتمنى ان تبتعد عن هذا الاسلوب الملتوي


تحياتي

[شمروخ]

عزٍ من الله مسسينـه علـى سـاس
مايهزنـا عصـف الهـوا والنسانيـس
مالك بها يالخبـل فرحـه ونومـاس
الشمـس ماضـره وقيـد الفوانـيـس

***
الشاعر ..ظاهر
أسجل إعجابي..بالقصيدة كاملة..
فلقد حوت الكثير من المسلمات التي تناولتها..
والمناقب التي لاينكرها إلا معدوم الضمير..
***
لك صادق ودي..

[(سنعوسي)]

ظاهر الزبن



صح لسااااااانك مليوووووووون


ولا هنتسنعوسي

[ظاهر الزبن]

الغالي

شمروخ

اقدر لك وجودك هنا واعجابك بالقصيده

شكرا لقلبك

وكل الود

[ظاهر الزبن]

العزيز

السنعوسي

صح بدنك ملايين

مع كل الشكر والتقدير

[بو رائد]

***اخي العزيز ابو زبن صباج الورد
بيض الله وجهك قصيده جزلة من شاعر قدير ولكن لي عتب بسيط ان تقبلته مني
فانا اخ لك كبير وهو انك قلت هذه القصيده بعد اثاره احدهم لك دائما اي شي
ياتي تحت تاثير زعل او اثاره يكون حادا وقد يخلق بعض العداوات (دائما ادفع بالتي هي احسن)
كما اسلفت في بدايه كلامي نصيحه من اخ لك مع العلم اني شمري متعصب جدا لشمر
ولكن كما قال صاحب المثل (كل ديرتن به حقها من رجاله ) دمت بخير وصحه

[بركات الشمري]

.
.
.

يومه بضرب السيف مع حبس الأنفاس
ربعي خذوها وانـت ربعـك مفاليـس

يوم أمكم تصرخ وتصفق بالأخمـاس
" الله مـن علـم ٍٍ لفـا بـه قرينـيـس "



الشاعر العذب والمبدع
ظاهر الزبن


قصيدة شامخة وجزله يالغالي ...
أمتعتني ياسيدي ...




همسة إلى قلبك : لاتغيب وكن هنا لأجلنا وللشعر ..
وسوف أنتظر القادم بكل تأكيد





ودمت بخير أيها الرائع



بركات ...

[ظاهر الزبن]

الاخ

ابو رائد

احترم وجهة نظرك

تحياتي لك

[ظاهر الزبن]

اخي

بركات

مرور شاعر بقدرك هنا له احتفاليه خاصه

اعدك بالاستمرار انشاء الله

دمت ودام ابداعك عزيزي

مع كل الود والاحترام