الشبث
30-09-2004, 05:19
قبل تروح حرارة الصيف ونفتك منه طرت علي سالفه صارت لي
بهالصيفيه وهي
في احد الايام جاني اخوي شنقل
وقلتلوه هاه شنيقل وشرايك تخاويني
قال وين قلت افااااا والله مهي عادتك
اول يوم انت عزوبي اقولك مشينا تقول يالله
وهالحين الظاهر ان المريه تمكنت منك ووطت على غاربك
قال لا والله يالشبث بس ودي اعرف وين
قلت والله معي فليسات وودي اسافربهن للخارج ابفتك من هالحر
ياخوك عندنا حرن مهو حر طقت هامتي من قوه
قال وين تبي
قلت والله على اي ديره به براد
وتسانك خابرن ديرتن زينه قلي
قال ليه ماتروح لجده
هنا امن واحسن وعند ناسن تعرف حتسيهم
قلت بس ..
قال لا بس ولا غيروه رح لجده وعين خير
قلت وبراسك
والله وانا اروح ابحجز لجده
واخذلي اسبوعين ويالله لقيت انتظار !
قلت مهي مشكله غدي حدا هالمسافرين يستخير ولا يغير رايوه
ويوم جاء يوم الرحله وانا احضر بالمطار من الفجور تقل جني
وانتظر وانتظر ويالله يركبوني بدل حدا الركاب ( عيا يقفل جواله )
ويوم وصلت جده وطلعت من المطار ليمار حقين التكاسي تقل عجز صافاتن يبن الشون
والله وانا استدني حديهم وانا اروح معوه قلت ابي اقرب فندق
قال ثلاثين ريال قلت يابعد زولي لو تبي ثمانين
الوكاد جابن ابو هنود عند الفندق ونزلت
ودخلت بالفندق قلت يالحبيب ماعندكم غرفتن فاضيه
قال ايواااا فيه
قلت الليله بكم
قال بخمسمية رياااال
يمار تقل صافقن كف
قلت الا غيره
قال ولا حاجه
والله وانا اطلع من عندهم واستاجرلي شقه باربع مية رياال ( بس الاسم شقه ولا هي غرفه )
واول يوم ماطلعت من الشقه
ويوم جاء من باتسر قلت انا ليه ماروح للجنقلاند هاللي صاجيننا بوه
واخذلي تكسي ( بثلاثين ريال ) ليما حولت عند الجانقلاند
ويوم جيت حق التذاكر قلت بالخير ياولد قال هلا لمبك
قلت ابيلي تذكره
قال كم تذكره بدك
قلت عشرين . وش رايك تشوف معي احد
قال اسف عزابي مافيه
قلت ليش
قال كدا
والله وانا امشي من عندوه مكسور الخاطر حزين
ويمار هكا البنية السمرا تصوت ياعموو ياعمووو
قلت انا قالت ايوا
قلت تعقبين ماني عمتس
قالت انتا تبغا تخش داخل
قلت والله يالبنتاخي ودي
قالت انا اخششك
قلت اعقبي يالواسطه
اثريتس منتي على مشافتس
وشلون تبين تدخليني
قالت اروح معك انا واختي سعديه هديك
واخوي حمزه هداااااك وكاننا عائله وحده
قلت روحي لسعديه وحمزه وقولي عمووو يقول يمنا الماحي
وانا اهرب
قلت شبيثان انت انسان رومنسي
ليه ماتروح للكورنيش وترفه عن نفسك
والله واخذ تكسي بثلاثين للكورنيش
وانا اجلس لحالي لا ونيس ولا انيس
واللي حولي كلهم عوايل
وهم ياخذون عوايلهم ويهربون تقل شايفين شبث حقيقي
واجلس ليما انصف الليل عند البحر لحالي مامن الوالي
وكل شوين جاييني حقين الدبابات لهم ورير
تقل جالسن بشيكاغو
قلت شبيثان قم تمش ليما تاصل الشقه مغط رجيلواتك ذبحتهن الرطوبه
ويوم وصلت الشقه ليمار غرضاني برا
قلت منهو اللي مطلعهن
قال الهندي انا
قلت ومنهو اللي قالك
قال هزا نفر
يوم راعيت ليمار هالجداوي اللي مايدخل مع الباب كاشر ومن زين الحلايا بوه ثرمه
قلت من انت
قال انا اسعد كجمغلي
قلت وليه تطلع قشي
قال انت مشيت ولا قلت لنا انك تبغا تجدد
قلت الا غيره
قال والشقه هالسع فيها ناس
قلت ياعلك ورا رفحا
قال ايش فرحا هادي
انت تبغا تستهبل علي ولا ايش
قلت اقول اذلف تر الاخلاق قافله لاطير سنونك الباقيات
قال انا ولدك يابوي
تبغا تضربني
قلت واضرب ابوك اللي جابك
والله وهو يلقطن هكا البقس اللي حسيت بدوخه عقبوه
واظلمت الدنيا وعلمي بروحي هكا الساعة
ولا وعيت الا وانا بالمستشفى
ومضمديني وحالتي حاله
وانا اجلس بالمستشفى يوم
ويوم جت الطلعه وهم يقضبوني
قالوا الحساب
قلت حتى انتم لكم حساب
كم تبون ؟
قالوا ثمان مية ريال
والله وانا اعطيهم وسيده للنقل الجماعي
وبوجهي للرياض
وواجه شنقل
قال هاه اشوفك مستانس
انا ماقلت لك ان السياحه الداخليه ازين
قلت اقول اهجد لاطلع حرة جده بخشتك
اي ازين الله يهداك ليصار لا جون مثل الناس
ولا اماكن سياحيه ولا اسعار مثل الخلق ولا خدمات مثل البشر
اقول اسمع يا شنيقل والله يانعدته ونصحت احد بالسياحه الداخليه
تر ذنبوه برقبتك
وتقلدوا تحيتي
بهالصيفيه وهي
في احد الايام جاني اخوي شنقل
وقلتلوه هاه شنيقل وشرايك تخاويني
قال وين قلت افااااا والله مهي عادتك
اول يوم انت عزوبي اقولك مشينا تقول يالله
وهالحين الظاهر ان المريه تمكنت منك ووطت على غاربك
قال لا والله يالشبث بس ودي اعرف وين
قلت والله معي فليسات وودي اسافربهن للخارج ابفتك من هالحر
ياخوك عندنا حرن مهو حر طقت هامتي من قوه
قال وين تبي
قلت والله على اي ديره به براد
وتسانك خابرن ديرتن زينه قلي
قال ليه ماتروح لجده
هنا امن واحسن وعند ناسن تعرف حتسيهم
قلت بس ..
قال لا بس ولا غيروه رح لجده وعين خير
قلت وبراسك
والله وانا اروح ابحجز لجده
واخذلي اسبوعين ويالله لقيت انتظار !
قلت مهي مشكله غدي حدا هالمسافرين يستخير ولا يغير رايوه
ويوم جاء يوم الرحله وانا احضر بالمطار من الفجور تقل جني
وانتظر وانتظر ويالله يركبوني بدل حدا الركاب ( عيا يقفل جواله )
ويوم وصلت جده وطلعت من المطار ليمار حقين التكاسي تقل عجز صافاتن يبن الشون
والله وانا استدني حديهم وانا اروح معوه قلت ابي اقرب فندق
قال ثلاثين ريال قلت يابعد زولي لو تبي ثمانين
الوكاد جابن ابو هنود عند الفندق ونزلت
ودخلت بالفندق قلت يالحبيب ماعندكم غرفتن فاضيه
قال ايواااا فيه
قلت الليله بكم
قال بخمسمية رياااال
يمار تقل صافقن كف
قلت الا غيره
قال ولا حاجه
والله وانا اطلع من عندهم واستاجرلي شقه باربع مية رياال ( بس الاسم شقه ولا هي غرفه )
واول يوم ماطلعت من الشقه
ويوم جاء من باتسر قلت انا ليه ماروح للجنقلاند هاللي صاجيننا بوه
واخذلي تكسي ( بثلاثين ريال ) ليما حولت عند الجانقلاند
ويوم جيت حق التذاكر قلت بالخير ياولد قال هلا لمبك
قلت ابيلي تذكره
قال كم تذكره بدك
قلت عشرين . وش رايك تشوف معي احد
قال اسف عزابي مافيه
قلت ليش
قال كدا
والله وانا امشي من عندوه مكسور الخاطر حزين
ويمار هكا البنية السمرا تصوت ياعموو ياعمووو
قلت انا قالت ايوا
قلت تعقبين ماني عمتس
قالت انتا تبغا تخش داخل
قلت والله يالبنتاخي ودي
قالت انا اخششك
قلت اعقبي يالواسطه
اثريتس منتي على مشافتس
وشلون تبين تدخليني
قالت اروح معك انا واختي سعديه هديك
واخوي حمزه هداااااك وكاننا عائله وحده
قلت روحي لسعديه وحمزه وقولي عمووو يقول يمنا الماحي
وانا اهرب
قلت شبيثان انت انسان رومنسي
ليه ماتروح للكورنيش وترفه عن نفسك
والله واخذ تكسي بثلاثين للكورنيش
وانا اجلس لحالي لا ونيس ولا انيس
واللي حولي كلهم عوايل
وهم ياخذون عوايلهم ويهربون تقل شايفين شبث حقيقي
واجلس ليما انصف الليل عند البحر لحالي مامن الوالي
وكل شوين جاييني حقين الدبابات لهم ورير
تقل جالسن بشيكاغو
قلت شبيثان قم تمش ليما تاصل الشقه مغط رجيلواتك ذبحتهن الرطوبه
ويوم وصلت الشقه ليمار غرضاني برا
قلت منهو اللي مطلعهن
قال الهندي انا
قلت ومنهو اللي قالك
قال هزا نفر
يوم راعيت ليمار هالجداوي اللي مايدخل مع الباب كاشر ومن زين الحلايا بوه ثرمه
قلت من انت
قال انا اسعد كجمغلي
قلت وليه تطلع قشي
قال انت مشيت ولا قلت لنا انك تبغا تجدد
قلت الا غيره
قال والشقه هالسع فيها ناس
قلت ياعلك ورا رفحا
قال ايش فرحا هادي
انت تبغا تستهبل علي ولا ايش
قلت اقول اذلف تر الاخلاق قافله لاطير سنونك الباقيات
قال انا ولدك يابوي
تبغا تضربني
قلت واضرب ابوك اللي جابك
والله وهو يلقطن هكا البقس اللي حسيت بدوخه عقبوه
واظلمت الدنيا وعلمي بروحي هكا الساعة
ولا وعيت الا وانا بالمستشفى
ومضمديني وحالتي حاله
وانا اجلس بالمستشفى يوم
ويوم جت الطلعه وهم يقضبوني
قالوا الحساب
قلت حتى انتم لكم حساب
كم تبون ؟
قالوا ثمان مية ريال
والله وانا اعطيهم وسيده للنقل الجماعي
وبوجهي للرياض
وواجه شنقل
قال هاه اشوفك مستانس
انا ماقلت لك ان السياحه الداخليه ازين
قلت اقول اهجد لاطلع حرة جده بخشتك
اي ازين الله يهداك ليصار لا جون مثل الناس
ولا اماكن سياحيه ولا اسعار مثل الخلق ولا خدمات مثل البشر
اقول اسمع يا شنيقل والله يانعدته ونصحت احد بالسياحه الداخليه
تر ذنبوه برقبتك
وتقلدوا تحيتي