شمروخ
28-09-2004, 00:44
عزيزي القارىء قبل أن يلتبس عليك الأمر..وتظن أنّ فيه معارضة أو حتى معاتبة للقدر..أقول لك:
أن ماقصدته بالقدر أو الدنيا أو الزمن..هي تلك الإجابات التي حينما أسأل
(مدير أو مسؤول)
عن سبب تفضيله من لا يستحق على من يستحق وغير الجدير على الجدير...يتعذر بأنه القدر والنصيب..
مع أن لليد البشرية الجائرة بصمة ٌ واضحة المعالم..فيما نرى ونشاهد..!
ومايحدث في كثير من المجتمعات من تقسيمٍ للناس على أنّ الأفضل هو من يملك المال..
بغض النظر عن من هو؟
ووضع الذي لايملك المؤهل أو الكفاءة..في مكان.ن.كان من الأولى أن يشغله الرجل المناسب!
أضف إلى ذلك ماجنته أيدي العباد مما أغضب رب العباد..وتسبب في تأخير الرزق وحلول النكبات
ومنع القطر من السماء!
تساؤلاتٌ نظمتها..علّها تجد القبول والاستحسان..
لا جال في صدري تعابير.ن.ثقال=شبيت ناري وانتخيت بصحيبي
وولمت لي قطعة أباريق ودلال=وطلع النخل ما غاش فوقه دبيبي
ودنيت نجري..والهوى لصيحته شال=يسمع نداه الليّ بعيد وقريبي
وسويت لي من غالي الكيف فنجال=جروح قلبي لا انتشيته تطيبي
ثـُمْ التبالي عارض.ن.يضهد الحال=عقب الوناسة للغموض يغديبي
يلزني جوره من الجال للجال=وقلبي من أسبابه صويب.ن.عطيبي
آخذ مع الهاجس مسافات وأميال=وأسهي ولا احد.ن.ياملا هو دريبي
وأقول:لو إني مع الناس حيّال =لأصبحت شيخ.ن.والبنوك تحكيبي
ونوب.ن.أقول:إن الشرف يا ولد زال=واليوم وقتك يا حلالي رهيبي
حدتني الدنيا على طوع الأنذال=أسباب وقت.ن.صار خصم وطليبي
يالعنبو وقت.ن.عجيب.ن.وميّال=شرّه على الليّ صار وضعه صعيبي
دنيا عطت للهيس من دون مكيال=وأنا.. تلفّتْ.. فاضي اليوم جيبي
دنيا مع الليّ ما رعى حرمة الخال=ولا استقبل الضيفان وقت المغيبي
دنيا تضيم الليّ بهالوقت رجّال=يعيش بين الخلق كنـّه غريبي
وقمت أتساء ل وش بلى همنا طال=وألقيت دلوي يم قاعة قليبي
وأمتح عسى يظهر إجابات.ن.جزال=ألقى بها علم.ن.يطفي لهيبي
وأقول ياللي للدلالة بك خصال=ياراس الأريا يوم الأريا تخيبي
ياللي إلا من الزمن عقّد حبال=تحلها بفكر.ن.وراي.ن.صليبي
ليه المعفنة عندها كنوز وأموال=ليه الزمن يعطي عبيد وربيبي
ليه الذي عنده بزارين وعيال=يبحلْ يوّفرْ لقمتين..وحليبي
ليه القدر يعطي كبيرات وطوال=لليّ دروبه معفنات وتعيبي
ليه الخسيس يشوف حشمة مع إجلال=يقدَّرْ وكل.ن.له قريب وحبيبي
ليه الذي دايم للأ قوال نقّال=يمشي مع العالم بصدر.ن.رحيبي
ليه البشوت السود سوّت له رجال=ليه الغشيم اليوم يصبح طبيبي
ليه الولد ينقاس بفلوس وريال=ويشرى لماله لو وسطه خريبي
ليه الشجر يزرع وهو ماله ظلال=ليه المعزْ تقنى وهي ماتجيبي
ليه المناصب والكراسي مع الدال=تعطى حقير الناس..بليا رقيبي
ليه الذي دايم على الناس عيّال=ياخذ ويسلب ما لقاله حسيبي
ليه الوساطة رزت جروم وأزوال=ليه المكاتب والدواير تسيبي
ليه المنابر يعتليها بلا عقال=خبل.ن.قليل العرف ماهو خطيبي
ليه البشر بالكذب بالزور تحتال=ليه الصغير الغضّْ راسه يشيبي
ليه المعزة و النقا لسيّدْ أعمال=ليه الوضيع اليوم يصبح عريبي
ليه اليدين الليّ عطت وزن مثقال=مااعطت جميع الناس نفس النصيبي
ليه الصخر عقب القسا ذايب.ن.سال=ليه المطر ما عاد يملا الشعيبي
غنيت من ضيمي على كل موّال=وعقب العوى صواتي..صياح وقنيبي
من واقع.ن.عقب العَدَلْ دوبح ومال=مابيه أنا ولااظن..مثله رضيبي
والديك معذور.ن.لو إن صابه هبال=دام الدجاج أذّنْ..بقاع الزريبي
ويبقى التساؤل مقفي.ن.يرجي إقبال=دام إن تراب البور يصبح خصيبي
وصلوا على الليّ لاتعب يدعي بلال=يقول أرحنا بالصلاة..ويجيبي
عداد من كبّر على شوفة هلال=وعداد ماأومى كل غصن.ن.رطيبي
لم يبقى بعد هذا التساؤل..إلا الإجابة الشافية التي أتمنى سماعها أو قراءتها..
دمتم لمن يحبكم وتحبونه..
----------
شمروخ
13-8-1425هـ
أن ماقصدته بالقدر أو الدنيا أو الزمن..هي تلك الإجابات التي حينما أسأل
(مدير أو مسؤول)
عن سبب تفضيله من لا يستحق على من يستحق وغير الجدير على الجدير...يتعذر بأنه القدر والنصيب..
مع أن لليد البشرية الجائرة بصمة ٌ واضحة المعالم..فيما نرى ونشاهد..!
ومايحدث في كثير من المجتمعات من تقسيمٍ للناس على أنّ الأفضل هو من يملك المال..
بغض النظر عن من هو؟
ووضع الذي لايملك المؤهل أو الكفاءة..في مكان.ن.كان من الأولى أن يشغله الرجل المناسب!
أضف إلى ذلك ماجنته أيدي العباد مما أغضب رب العباد..وتسبب في تأخير الرزق وحلول النكبات
ومنع القطر من السماء!
تساؤلاتٌ نظمتها..علّها تجد القبول والاستحسان..
لا جال في صدري تعابير.ن.ثقال=شبيت ناري وانتخيت بصحيبي
وولمت لي قطعة أباريق ودلال=وطلع النخل ما غاش فوقه دبيبي
ودنيت نجري..والهوى لصيحته شال=يسمع نداه الليّ بعيد وقريبي
وسويت لي من غالي الكيف فنجال=جروح قلبي لا انتشيته تطيبي
ثـُمْ التبالي عارض.ن.يضهد الحال=عقب الوناسة للغموض يغديبي
يلزني جوره من الجال للجال=وقلبي من أسبابه صويب.ن.عطيبي
آخذ مع الهاجس مسافات وأميال=وأسهي ولا احد.ن.ياملا هو دريبي
وأقول:لو إني مع الناس حيّال =لأصبحت شيخ.ن.والبنوك تحكيبي
ونوب.ن.أقول:إن الشرف يا ولد زال=واليوم وقتك يا حلالي رهيبي
حدتني الدنيا على طوع الأنذال=أسباب وقت.ن.صار خصم وطليبي
يالعنبو وقت.ن.عجيب.ن.وميّال=شرّه على الليّ صار وضعه صعيبي
دنيا عطت للهيس من دون مكيال=وأنا.. تلفّتْ.. فاضي اليوم جيبي
دنيا مع الليّ ما رعى حرمة الخال=ولا استقبل الضيفان وقت المغيبي
دنيا تضيم الليّ بهالوقت رجّال=يعيش بين الخلق كنـّه غريبي
وقمت أتساء ل وش بلى همنا طال=وألقيت دلوي يم قاعة قليبي
وأمتح عسى يظهر إجابات.ن.جزال=ألقى بها علم.ن.يطفي لهيبي
وأقول ياللي للدلالة بك خصال=ياراس الأريا يوم الأريا تخيبي
ياللي إلا من الزمن عقّد حبال=تحلها بفكر.ن.وراي.ن.صليبي
ليه المعفنة عندها كنوز وأموال=ليه الزمن يعطي عبيد وربيبي
ليه الذي عنده بزارين وعيال=يبحلْ يوّفرْ لقمتين..وحليبي
ليه القدر يعطي كبيرات وطوال=لليّ دروبه معفنات وتعيبي
ليه الخسيس يشوف حشمة مع إجلال=يقدَّرْ وكل.ن.له قريب وحبيبي
ليه الذي دايم للأ قوال نقّال=يمشي مع العالم بصدر.ن.رحيبي
ليه البشوت السود سوّت له رجال=ليه الغشيم اليوم يصبح طبيبي
ليه الولد ينقاس بفلوس وريال=ويشرى لماله لو وسطه خريبي
ليه الشجر يزرع وهو ماله ظلال=ليه المعزْ تقنى وهي ماتجيبي
ليه المناصب والكراسي مع الدال=تعطى حقير الناس..بليا رقيبي
ليه الذي دايم على الناس عيّال=ياخذ ويسلب ما لقاله حسيبي
ليه الوساطة رزت جروم وأزوال=ليه المكاتب والدواير تسيبي
ليه المنابر يعتليها بلا عقال=خبل.ن.قليل العرف ماهو خطيبي
ليه البشر بالكذب بالزور تحتال=ليه الصغير الغضّْ راسه يشيبي
ليه المعزة و النقا لسيّدْ أعمال=ليه الوضيع اليوم يصبح عريبي
ليه اليدين الليّ عطت وزن مثقال=مااعطت جميع الناس نفس النصيبي
ليه الصخر عقب القسا ذايب.ن.سال=ليه المطر ما عاد يملا الشعيبي
غنيت من ضيمي على كل موّال=وعقب العوى صواتي..صياح وقنيبي
من واقع.ن.عقب العَدَلْ دوبح ومال=مابيه أنا ولااظن..مثله رضيبي
والديك معذور.ن.لو إن صابه هبال=دام الدجاج أذّنْ..بقاع الزريبي
ويبقى التساؤل مقفي.ن.يرجي إقبال=دام إن تراب البور يصبح خصيبي
وصلوا على الليّ لاتعب يدعي بلال=يقول أرحنا بالصلاة..ويجيبي
عداد من كبّر على شوفة هلال=وعداد ماأومى كل غصن.ن.رطيبي
لم يبقى بعد هذا التساؤل..إلا الإجابة الشافية التي أتمنى سماعها أو قراءتها..
دمتم لمن يحبكم وتحبونه..
----------
شمروخ
13-8-1425هـ