الكرم الحائــــــلي ........والتعداد

[اليم]

بسم الله الرحمن الرحيم


لقد قرأة في مستهل هذا الاسبوع لاخي ابراهيم الجنيدي في جريدة الاقتصاديه

خبراً سرني كثيراً

الخبر يقول بان الكرم الحائلي اربك الخطط والبرامج الموضوعه من قبل مدراء وموظفي التعداد

فالقائمين على التعداد قدروا تعيئة الاستماره الخاصه بالتعداد لكل اسره

من 5 الى 10 دقائق

ولكن في حائل فموظف التعداد يحتاج من 20 الى 25 دقيقه لتعبئة الاستماره

لماذا

انه الكرم الحاتمي

فصاحب الاسره او البيت لا يدلي بأي معلومه لموظف التعداد الا بعد ان يقوم بواجب الضيافة

والا

((((لا تعداد))))

فترى كم من الوقت سيقضيه هؤلا الموظفين في حائل لاكمال التعداد اذا كان مقدراً لهم

فترة اسبوعين حسب الدراسه(((5-10 دقائق)))

ولكن الواقع غير

[الجازي]

ياحبي لهم والله :thumb:

شكلي بقدم على وظيفة في التعداد هناك :) :)

يعطيك العافية أخوي اليم ,,

[بو رائد]

*****مليار نعم باهل حايل وضواجيها وعساة ماتنقطع
****هالعادة احفاد حاتم الطائي ماهي غريبه عليهم****

[أسير الماضي]

الا ياحلولات من صار موظف تعداد بحائل

راتب شغل وزودن عليه ذبااااااااايح :smooch:


شكرا اخي اليم على هالخبر المثلج للصدور:thumb:

وهذا ماهو غريب على اهل حائل اهل الكرم والجود

تصرفات اهل حائل تخلينا نرفع الراس فهم يكرمون ضيوفهم ويستقبلونهم بحفاوة

على العكس من بعض المناطق التي سمعنا انها لم تتعاون مع موظف التعداد

واكثر من ذلك سوء معاملتهم له من طرد وعدم اعطاء المعلومات الصحيحه


وفق الله الجميع

[شموخ]

اهلين

ماهي غريبه على ديار حاتم .

تحياتي
شموخ

[المتوكل]

ونعم بربعنا أهل حايل الأكارم الأجواد الأشاوس

ماهو بغريب على ربعنا هذا .. شي يسري بدمهم

الحمد لله رب العالمين

إقراء الضيف .. وإغاثة الملهوف

هذا شي يشرح الصدر كثير كثير

[الاصمعي]

أجل أربك خططهم كرم أهل حايل<<يحمدون ربهم الكرم ولا التهزيء الي يحصلونه بغير حايل:)

أما حقين التعداد ياهم مساكين وياكثر ما يقعون بمواقف تطيح الوجه!

مر واحد منهم ويدق الجرس "الساعة فوق التسع من الليل" واطلع له يمار تقل مخروش المسكين ما غير يلدد بعيونه تقل ذال تفضل تفضل وانا أدخل أنا وياه أبي أزين له قهوه وشاهي ويحلف من هالمحاليف الي بعضه يكفي واقوم واجيب فواكه واجلس اسولف معه واعطيه المعلومات وكل ما أجاوب عن سؤال يمار تقل مسويٍ به فضل، وليا هو متهول الماخوذ من تجاوبي معك قلت إييييييه والله الا أبحثه وأشوف وش بلاه.

قلت الله يعينكم ياهل التعداد تواجهون بعض هلي ما يعرفون اهدافه الطيبه ويتشككون منه ، أنا كملت أو ما كملت هالجملة وهو ينطلق المسكين يتشكوى يقول مريت البيت الي بأقصى الحارة ويطلع علي ورع ويدلي "راعي التعداد من حايل وحذفه حظه الطيب عندنا:wink:" يشتم ويهاوش قبل افتح فمي بكلمة ، وبالبيت هذاك طلع شايب وانا عند بيت جيرانهم ادق الباب "مابه جرس" وهو يهزئن.
المهم انفرط علي المسكين لين رحمته وبغيت آخذ الدفتر واسجل التعداد عنه:)

زبدة الكلام إن الوعي بعمل والتعاون معمثل لجان التعداد أو التطعيم وغيرها ممن تضطر للمرور على المنازل غير كافي لتؤدي الغرض منها.

تحياتي

[الجازي]

إييييييه والله الا أبحثه وأشوف وش بلاه.

:thumb:

والله اني تحمست قلت كوده سأله وش فيه :) :)

[الاصمعي]

:thumb:

والله اني تحمست قلت كوده سأله وش فيه :) :)
^
^
^
بلاه هالشايب الي غسل شراعه وهالورع الي لخمق له من الشتام وغيره من مواقف التهزيء:)

[الجازي]

بلاه هالشايب الي غسل شراعه وهالورع الي لخمق له من الشتام وغيره من مواقف التهزيء
^
^
^
أنا أٌقول لك اني فرحت إنك سألته وش بلاه :) :) مانيب أسألك وش بلاه :) :)

[محمدالشمري]

اخي العزيز اليم الكرم الحايلي متاصل منذ القدم في اهل هذه الارض وان بعضهم غادروها فتجد هذه العاده لصيقه معهم كاسمائهم عسى الله لا يغير علينا فلا نستغرب من احفاد ابو الكرم حاتم الطائي واحفاد السمن العرابي وابو خوذه ومعشي الذيب والظلماوي وغيرهم من من جادوا بما يملكون من اجل اشباع نزعتهم الطيبه .
زين 10 او 20 دقيقه بس هذا لان ظيوفهم موظفين دوله زين ما تذبحت الذبايح وجلسوا هالموظفين
عندهم 3ايام اقل شيء .
اخي اليم شكرا لك على نقل اخبار اهلنا في ارض الجود والكرم ((حايل)).