شمروخ
16-09-2004, 15:19
.. لم أكن أعلم أن للفراق لوعة وحرقة..إلا بعد فراق الأخ والصديق (سعود)..
ولم يدر في خلدي ..أن الموت سيختطفه بهذه السرعة..
فتلك المشاريع التي طالما خططنا لها لم تكتمل بعد..وتلك المنازل التي سنسكنها لم يقم ساسها..
عذرا..إخوتي على إقتحام مضيفكم..بهذه المصافحة الأولى وهذه البداية المحزنة في مضايفي الحبيبة ..مضايف شمر..ولكن لا أقول إلا :
(إلى جنان الرحمان..ياأكرم من رافقت..وأعزّ من فارقت )..
حلّْ القدر..وأقفى عن الدار زيزوم=لاوحسايف موتته..يا جماعه
شبل.ن.ولد ليث.ن.على الطيب مفطوم=رابي على درب الشرف والبتّاعه
لاشك ماصابه ياالأجواد مقسوم=مقدّرْ ولكن ما استطعنا وداعه
لانمت صوّت قال مرتاح بالنوم=ياحيف ياوصل.ن. تبدّلْ قطاعه
قم يا بعد حيي تركْ صرت ملزوم=عسى الدعاء منكم لنا به شفاعه
فزيت من نومي على الصوت منهوم=واتبع صدى صوت.ن.وشيك.ن.ضياعه
ولاالقى معي حي.ن.يوافين بعلوم=غير الصور هن راس مال البضاعه
رفعت راسي قلت يا (سعود) مرحوم=والله عن بالي فلاغبت ساعه
يشهد علي ربّ.ن.رقيب.ن.وقيوّم=إنك كما عرق.ن.صعيب انتزاعه
بوسط الحشا لك مسكن.ن.فيه محشوم=في منزل اهل العرف واهل الشجاعه
أنشهد إنك يافتى الجود شغموم=مادجت بدروب الردّى والمياعه
وأنشهد إنك من مطانيخ وقروم=ياخير من شال الوصى والوداعه
ولاخوّتك من خوّته ليله ويوم=ولا أذكر لبست من التـلـّون قناعه
والسرعندك وسط بير.ن.ومردوم=بير.ن.عميق أبعد من النّجم قاعه
إصبح وأنا من الهم تكسيني هدوم=وإمسي على قلب.ن. يهيل التياعه
ليت القدر جنبكْ يالقرم لرخوم=وشال الذي يقصرعن الطيب باعه
كم ليلة.ن. شفتن حزين.ن.ومهموم=جيتن وقلت الوقت هذي طباعه
وكم واحد.ن.ينصاك بالضيق مضيوم=همّه وسط سوقك بالارباح باعه
وكم ضايع.ن.يمسي مع الدوّ منجوم=ومن فزعتك يسرع بالاهل اجتماعه
وكم قصة.ن.لاجبتها مسك مختوم=يــلذّ لي يالقرمْ منك استماعه
يكفخ بي الهاجس ويبعد بي الحوم=واذكر حلا وقت.ن.صعيب ارتجاعه
واذكر مسارينا إلى نامت القوم=مع الخلا نجاوبْ.. معاوى سباعه
واذكر إلى صارالسماء مزن وغيوم=كلِّ.ن. يولـّمْ للمساري متاعه
واذكر مداهيل.ن. بنينا به رجوم=والمنزل الليّ معتلي بالرفاعه
مرّ الشريط وكن ماشفته حلوم=والحلم لو طوّل..سريع انقشاعه
يشدى لمظلم ليل غطى له حزوم=تتليه شمس.ن.ما يغطى شعاعه
وأصحي على خدِّ.ن.من الدمع ماسوم=على الوجن كلِّ.ن.يشوف انطباعه
عساك في مسكن هل البروالصوم=بهكالجنان اللي عظيم اتساعه
اللي بها حلو الشهد واللبن دوم=أنهار تجري..وكل أمورك ُمطاعه
حطيت لك تمثال بالجوف مرسوم=تمثال عزِّ.ن.مايصير اقتلاعه
ومن غيبتك عاندت دنياي بالزوم=وحاولت:أبلوي ياعشيري ذراعه
قالت:على متني ترى الوضع محسوم=ورشاك بعد الله عليّ انقطاعه
وخذيت قبلك كم خادم ومخدوم=ماامهلتْ من ربّْ الملا دّق صاعه
قلت :أقنيعني كيف هذي لك سلوم؟=كم زورق.ن.بالبحر شلتي شراعه
وأغرقتي اللي ماعرف قيمة العوم=يصرخ وكنك تضحكين بلكاعه
قالت: ترى لي كاس علقم ومسموم=وأسقيك مرِّ.ن.ما تطيق اجتراعه
وأرمي جناح الطير برماح وسهوم=وآخذ وسيع الرزق.. واهل المجاعه
ولك يوم عند الله مقدّر ومعلوم=ما ينفعك وقته طبيب وإشاعه
إخفيك عن ربعكْ بلكْ قعرملصوم=قعر.ن.من رسومه تحس ببشاعه
وتنعاك ناس.ن.ماارخصت عقبك السوم=وينساك من لي صار كل انصياعه
واسمع ترى بجسمك علامات ووشوم=بأيسر يدك شف له..على المتن راعه
قلت:وعسى علمك عن الناس مكتوم=أشوف ناس.ن. تلتهي بالزراعه؟
قالت:ترك عود.ن. مع أعواد محزوم=وعليّ تفريق الحزم..وابتلاعه
قلت أمهليني ..زهبتي تنقص اليوم= وليا اكتمل عفشي..لفيت بقناعه!!
نهاية ٌ كالبداية..
ومشاعرٌ تدفقت بلا وعي.ن. أو دراية..
فالعذر بعد العذر..يامن تسببت بتكدير صفوك..!
ولم يدر في خلدي ..أن الموت سيختطفه بهذه السرعة..
فتلك المشاريع التي طالما خططنا لها لم تكتمل بعد..وتلك المنازل التي سنسكنها لم يقم ساسها..
عذرا..إخوتي على إقتحام مضيفكم..بهذه المصافحة الأولى وهذه البداية المحزنة في مضايفي الحبيبة ..مضايف شمر..ولكن لا أقول إلا :
(إلى جنان الرحمان..ياأكرم من رافقت..وأعزّ من فارقت )..
حلّْ القدر..وأقفى عن الدار زيزوم=لاوحسايف موتته..يا جماعه
شبل.ن.ولد ليث.ن.على الطيب مفطوم=رابي على درب الشرف والبتّاعه
لاشك ماصابه ياالأجواد مقسوم=مقدّرْ ولكن ما استطعنا وداعه
لانمت صوّت قال مرتاح بالنوم=ياحيف ياوصل.ن. تبدّلْ قطاعه
قم يا بعد حيي تركْ صرت ملزوم=عسى الدعاء منكم لنا به شفاعه
فزيت من نومي على الصوت منهوم=واتبع صدى صوت.ن.وشيك.ن.ضياعه
ولاالقى معي حي.ن.يوافين بعلوم=غير الصور هن راس مال البضاعه
رفعت راسي قلت يا (سعود) مرحوم=والله عن بالي فلاغبت ساعه
يشهد علي ربّ.ن.رقيب.ن.وقيوّم=إنك كما عرق.ن.صعيب انتزاعه
بوسط الحشا لك مسكن.ن.فيه محشوم=في منزل اهل العرف واهل الشجاعه
أنشهد إنك يافتى الجود شغموم=مادجت بدروب الردّى والمياعه
وأنشهد إنك من مطانيخ وقروم=ياخير من شال الوصى والوداعه
ولاخوّتك من خوّته ليله ويوم=ولا أذكر لبست من التـلـّون قناعه
والسرعندك وسط بير.ن.ومردوم=بير.ن.عميق أبعد من النّجم قاعه
إصبح وأنا من الهم تكسيني هدوم=وإمسي على قلب.ن. يهيل التياعه
ليت القدر جنبكْ يالقرم لرخوم=وشال الذي يقصرعن الطيب باعه
كم ليلة.ن. شفتن حزين.ن.ومهموم=جيتن وقلت الوقت هذي طباعه
وكم واحد.ن.ينصاك بالضيق مضيوم=همّه وسط سوقك بالارباح باعه
وكم ضايع.ن.يمسي مع الدوّ منجوم=ومن فزعتك يسرع بالاهل اجتماعه
وكم قصة.ن.لاجبتها مسك مختوم=يــلذّ لي يالقرمْ منك استماعه
يكفخ بي الهاجس ويبعد بي الحوم=واذكر حلا وقت.ن.صعيب ارتجاعه
واذكر مسارينا إلى نامت القوم=مع الخلا نجاوبْ.. معاوى سباعه
واذكر إلى صارالسماء مزن وغيوم=كلِّ.ن. يولـّمْ للمساري متاعه
واذكر مداهيل.ن. بنينا به رجوم=والمنزل الليّ معتلي بالرفاعه
مرّ الشريط وكن ماشفته حلوم=والحلم لو طوّل..سريع انقشاعه
يشدى لمظلم ليل غطى له حزوم=تتليه شمس.ن.ما يغطى شعاعه
وأصحي على خدِّ.ن.من الدمع ماسوم=على الوجن كلِّ.ن.يشوف انطباعه
عساك في مسكن هل البروالصوم=بهكالجنان اللي عظيم اتساعه
اللي بها حلو الشهد واللبن دوم=أنهار تجري..وكل أمورك ُمطاعه
حطيت لك تمثال بالجوف مرسوم=تمثال عزِّ.ن.مايصير اقتلاعه
ومن غيبتك عاندت دنياي بالزوم=وحاولت:أبلوي ياعشيري ذراعه
قالت:على متني ترى الوضع محسوم=ورشاك بعد الله عليّ انقطاعه
وخذيت قبلك كم خادم ومخدوم=ماامهلتْ من ربّْ الملا دّق صاعه
قلت :أقنيعني كيف هذي لك سلوم؟=كم زورق.ن.بالبحر شلتي شراعه
وأغرقتي اللي ماعرف قيمة العوم=يصرخ وكنك تضحكين بلكاعه
قالت: ترى لي كاس علقم ومسموم=وأسقيك مرِّ.ن.ما تطيق اجتراعه
وأرمي جناح الطير برماح وسهوم=وآخذ وسيع الرزق.. واهل المجاعه
ولك يوم عند الله مقدّر ومعلوم=ما ينفعك وقته طبيب وإشاعه
إخفيك عن ربعكْ بلكْ قعرملصوم=قعر.ن.من رسومه تحس ببشاعه
وتنعاك ناس.ن.ماارخصت عقبك السوم=وينساك من لي صار كل انصياعه
واسمع ترى بجسمك علامات ووشوم=بأيسر يدك شف له..على المتن راعه
قلت:وعسى علمك عن الناس مكتوم=أشوف ناس.ن. تلتهي بالزراعه؟
قالت:ترك عود.ن. مع أعواد محزوم=وعليّ تفريق الحزم..وابتلاعه
قلت أمهليني ..زهبتي تنقص اليوم= وليا اكتمل عفشي..لفيت بقناعه!!
نهاية ٌ كالبداية..
ومشاعرٌ تدفقت بلا وعي.ن. أو دراية..
فالعذر بعد العذر..يامن تسببت بتكدير صفوك..!