المخاوي ونهاية الذيخ !!!!

[المخاوي]

وصلنا في الحلقه الماضيه عند التمرينات اللي اكتشفت تالي ان ماله سنع لان كان بوه واحدن مايعدى بالصاله الرياضيه يتمرن لدرجة اني رحت للصاله وابي الاثقال ادورهن مالقيتهن اثريه شايلهن كلهن :biggrin: المهم ان هالشخص كل يومن وهو مدبوغ وياطون بطنوه بالشارع قلت ياولد الشجاعه مهي والله بالجسم الا بالقلب وانا عاد من هالناحيه متطمئن :) الزبده يوم طلعنا الظهر رحت للبيت والغدا هكاليوم ماذقتوه لاني قاطع حلف على نفسي ماكل حتى اخذ بثارنا من ذلك المتغطرس وبوجهي للسطح تخبرون ليامنه ضاقت بي لازم اتعلى فوق :smileyb: والا وانا اخطط وافكر قلت مالي الا خوياي وربعي اللي كل ماهذا وانا فازعن لهم والله وانا اروح لجحرٍ لهم يجتمعون بوه كل ظهر بعز القايله , ويوم جيتهم قام ابو مسمار , ومطرح الخرفان , ومسح الريضان وابو صرعه , يهلون ويرحبون وكلن يدق لي صدروه وقالوا ابشر والله باللي تبيه مننا اما ابو نشقه , والذيب المنهلس , صابتهم الرعده والجفال وصدوا عني هالسلق وانا كل ماهذا اجدع بروحي فزاعن لهم لكن حسايف والله :mad:

وتذكرت قول احد الشعراء المعاصرين :


احد ليامنه بدا لازمك قام = يفقد شعوره لاوقفت ونخيته
لاقلت نبي فزعتك قال قدام = ماهو لاجا لازمك مالقيته
وأحدٍ لياجيته يعضض بالابهام = ويقول هذا وين جاني وجيته
لو كان له في ماكر العز وسام = تروح منه ولازمك ماقضيته

ابو مسمار: اكبر سروق بالحاره ولايسرق الا محلات مواد البناء :rolleyes:
مطرح الخرفان: نشيط ومتعافي ومستغلوه ابوه بطرح الخرفان والغنم ليامنوه بغا يجلب للسوق :biggrin:
ابو صرعه : هذا تجيه لوه حاله لياشاف هوشه يصيح ثمن ينصرع ويغمى عليييه لكن ليامنوه صحى وخر عن طريقوه مايعرف ابوه من اخووه ينطح الدبابه ولايذل :)
مسح الريضان: سمي بذلك لكثرة دوجتوه وكل ماتجي حاره يذكرونوه لك ورادار الحاره في نفس الوقت لاشارده ولاوارده الا عندوه علمن به :puzzled:
ابو نشقه: طبعوه اقشر بس لوه نشاق ولاينفعك بشي فاطس يمشي وذروق:redface:

الذيب المنهلس: من اسموه ماترجي من وراوه خير لكن احسن مابوه يمشي ولااحد يحسبوه ماتدري الا وهو بجنبك يستانس عليه السروق ابو مسمار :p:

الزبده قلت لهم ماابي منكم الا طرحتوه لي بالارض وعقبه ازهلوه وش تقول يامطرح الخرفان والذيخان قال بشرط تعطيني فسحتك بكرا قلت تبيه غصيبه ولا عطيه قال الا عطيه قلت ابشر :biggrin: وقال مسح الريضان الذيخ هذا كل عصر الساعه 4:23 دقيقه عند بوفية نعمان قلت اجل الوعد قبله بثلاث دقايق اضبطوا ساعاتكم على ساعة مسح الريضان تروه اضبط من قرينتش :thumb: ويوم جاء الوقت المحتوم رحت واخذت قليل البخت اخوي قلت اَن الاوان للاخذ بثارك والذود عن فلافلك :tongue: ويوم جينا من دون البوفيه ليامار يصفرلنا مطرح الخرفان وحنا نجيه وليامار عندوه الربع قلنا هااه وشعندك قال وشرايكم نأجل السالفه لبكرا :frown: قلت لاهالحين لييه انت تجبصنت قال لله بس هذا ذيخ ماهو خروف وانا اليوم منخلجٍ ظهري مهو كل هذا :nono: اياملا البواطن يالدجاجه مانبيك تهوش نبيك بس تسدحوه لنا بالارض وعقبه فارق قال ابو مسمار انت بس تخيلوه خروفٍ قدامك وانهد علييه قال ابشروا قلت لحظه خلونا نعرض عرضة الحرب
قبل لانلتحم بوه :wink: والله وهو ينطلق الماخوذ من عندنا وهو ينطح الذيخ نطح ويقعون بالارض
والله ولياانا من امس وانا فارطن وجامدن على علمتوه :00110: واخوي رابطن رجليه بلوه حبل يقول اضمن لنا لاينحاش :cool:وانا اصوت لبو مسمار قلت انخاك والا انخا الذيب قال لاوالله انخ الذيب المنهلس قلت يعقب هكالوجه عطن بس مسمارك قال وشتبيبوه قلت انت بس مسكن ياوه وهو يعطيني اياوه والله وانا ارزل الذيخ لوه شوين ياما غدى مايسوى جحش قلت نوبتن اخرى لاعاد اشوفك تاكل فلافل بالمدرسه كله انت تسمع والا لا وهالحين نظرا لجرائمك السابقه والمتغطرسه حكمت عليك بخرق اذانك مثل البنات:eek: حتى ماترفع وجهك بوجيه الرجال:wink: وانا اخرقهن لوه وغدى لوه صياح وجعير الماخوذ ويقول توبه يعله ماعادت وحنا نفك رباطوه وهو يهج يضرب شامي عامي ماهو عارفن طريقوه :p: والله ليالتصفيق والتصفير والتشجيع من اهل الحاره ودلي يعرضون قدامي :) وبهاللحظه اهتاش وانفتن ابو صرعه ولاصحى الا بوقت العرضه وهو ييرثعبنا ويحوسنا البليه:biggrin:
وتغدي لي سمعتن طيبه بالحاره وقاموا هالجذعان والطلاب بالمدرسه يتمنون القرب مني :cool:وبعد ايام اتى الذيخ يستسمح ويطلب العفو وان يكون خادمي الخاص فقلت ايه هالحين ادل يافنوص , ومن بعدها مانعرف زحمة الفسحه وتجينا الفسحه وحنا مرتاحين وليابغينا نهرب من المدرسه ركبنا على متون هالذيخ ونطمر مع الجدار :p:

وهاقد انتهت هذه المعركه الداميه وعسى ان اثلجت صدوركم :)

واسمحولنا من القصور ياجماعة الربع والى ملتقى اَخر .

[شنقل]

وانا اروح لجحرٍ لهم يجتمعون بوه كل ظهر بعز القايله

مخ مخ
ههههههههههههههه
اجل مندعسين بلهم جحر:p::p:






ابو صرعه : هذا تجيه لوه حاله لياشاف هوشه يصيح ثمن ينصرع ويغمى عليييه لكن ليامنوه صحى وخر عن طريقوه مايعرف ابوه من اخووه ينطح الدبابه ولايذل

هذي اوصااااااااااف الشبث
مرتن اندبيت انا وياه بملعب الملز دبتن ماننساه
الكثره تغلب الشجاعه:):):)



وبعد ايام اتى الذيخ يستسمح ويطلب العفو وان يكون خادمي الخاص فقلت ايه هالحين ادل يافنوص , ومن بعدها مانعرف زحمة الفسحه وتجينا الفسحه وحنا مرتاحين وليابغينا نهرب من المدرسه ركبنا على متون هالذيخ ونطمر مع الجدار

اياربي تريك

زير>>>>> الزير المخاوي



الله يونسك بالعافيه
كتبت فابدعت
لاتحرمنا من ابداعاتك

الا البارح وينك دقيت ومارديت على
بس الرقم اللي جاك هذا رقم اخوي الكباير

شكرياااااااااااااااات

شنقل عشير المخاوي

[راعي الوقيد]

الـــــزبـــــــدة:) غــــــدت قشـــــــــدة من كثـــــر ما تطـــــريــــــه:a:

الزبـــــــدة .. إنـــــــــك رهييييييييب:thumb:

وسحبــــــــت البســـــــــاط من تحـــــــت رجليــــــــــن الشبــــــــــث>>:(
تلقاااااااااوه الحيــــــــــــن يهنــــــــــــــدس بلوووو سالفـــــــــــة :p:

اقـــــــــــول يا انتـــــــــم خاثررررررررين << اشرررررررررررب

ونســــــــك اللــــــــه مثـــــــل ما ونستـــــــنا ،،،

يسلمووووووو مخااااااااوي باشا :)

[الشبث]

ابو صرعه : هذا تجيه لوه حاله لياشاف هوشه يصيح ثمن ينصرع ويغمى عليييه لكن ليامنوه صحى وخر عن طريقوه مايعرف ابوه من اخووه ينطح الدبابه ولايذل

المخاوي بالله نشلي خشموه هالمصروع





الله يونسك بالعافيه
كتبت فابدعت
لاتحرمنا من ابداعاتك

هذا الكلام اللي صدق بوه شنقل

ولا غيروه خذ وخل




وسحبــــــــت البســـــــــاط من تحـــــــت رجليــــــــــن الشبــــــــــث>>
تلقاااااااااوه الحيــــــــــــن يهنــــــــــــــدس بلوووو سالفـــــــــــة



عز الله انك صويدز يا راعي الوقيد

اول ما حسب مثلي احد<<<< طار بالعجه الولد

ههههههههههههههههههههههه


والسالفه جاهزه لو تبونه اليوم









وتقلدوا تحيتي

[راعي الوقيد]

^
^
كفـــــــــوووو والله .. تحــــري بــــــه :)

وبعــــــــدين راع الموضوع لازم نــرفــع معنوياتوووهـ:0062:

لا وصايـــرن ع ماقال عشيـــــــرهـ زيـــــــــر:0050:اخاف يبطــــــش بنا :p:
ننتظــــــر القادم منـــك احــلــــــــى:0052:<< ابو راسين

تحيتي

[أبو مقرن]

المخاوي....عزالله نهاية.ن. تغز الراس يالبناخي :)
ومثل هالذيخ مالوه أحسن من وطية.ن. على صابروه.. :thumb:
أقول ..سلم لي على الربع اللي بالجحر.. :p: :p:
أحلى سلام لشلة.ن.هو زعيمه=لص المباني والمتاجر أباالبوق
جماعة.ن.عرفت فنون الجريمه=وبفعلهم يشهد لهم راعي السوق
أهل الشهامه مدركين الغنيمه=الشلة اللي هقوته دايم.ن.فوق
يامن جضعتوا للـ(مخاوي) غريمه=من خفكم مركاضكم ومضة بروق
وعقب التغطرس والعتا والحشيمه=يثغي كما تيس.ن.على الشبك محشوق
والذيخ الأطوق استوى مع حريمه=مادام أذانه صار به شق وخروق
وحتى جزاكم ماتسده عزيمه=لو هي من (الجمري)على ريح(مرقوق)
مار إقبلوا منا التحايا العظيمه=ويالله عساكم للردي دايم.ن.عوق
***
دمت ..ودام نزف قلمك..
بانتظار إنفراط سبحة شلة الجحر..وخروج المزيد من مغامراتهم.. :tongue:

[المخاوي]

يالله حي العشير شنقل

اثري الشبث بوه لوه صرعه زين اللي علمتن على شان ماحارشوه :p:
وعلى قولتك الكثره تغلب الشجاعه وهو مناكثر يدينوه ومعوه بعد خيوط والله ياشيخ محد يتنسم :(
ويمكن يوم انكم تندبون ماشاش بوقته والا تسان علوم :smileyb:

تصدق عاد يالعشير اني ماشفت ردك الا عقب ماكلمتك وطبعا وصلك العذر :wink:

تسلم والله على متابعتك لنهاية الذيخ :thumb:

ولاعليك زود يالغالي فانت ممن ابدعوا وتميزوا في هذه المضايف وترانا مطالبينك بلنا موضوعن يكمل وناستنا :awink: وسلم على اخوك الكباير كثير السلام :)

[المخاوي]

هلا بمشرفنا الغالي راعي الوقيد

الزبده طلعت عقب مامخضنا اللبن :)
وشربنا من هالخاثر ياما امتلت بطونا :p::p:

والبساط الله لايعوق ساحبينوه ساحبينوه :p::p:
جيت الفله هكاليوم ليامار الشبث يدبي فوق ومخلين البساط تحت وانا اجروه يمي هاليومين واثريه فطن لوه اليوم وسحبوه :biggrin: الظاهر ان عندوه سالفتن كذا :thumb:

راعي الوقيد
يشرفني ويسعدني ان تكون ممن يتابعون ويردون على مخااااااااوي باشا:)
ونشكرك ايضا على رفع المعنويات :biggrin:

تسلم ولاهنت

[المخاوي]

الاخ العزيز والغالي ابن العم الشبث

ابو صرعه هالحين مختفي ليامنوه بان حبينا خشموه لك :448r:

وماعليك زود يالشبث فانت من المبدعين والمتميزين اللذين امتعونا وونسونا :thumb:
واعتقد ان راعي الوقيد بث الحماس اللذي سوف يثمر قريبا :wink:

تسلم اخي على متابعتك وعلى نفسك الطيبه ولاتنسانا من المواضيع اللي مايحتاج :awink:

[متفاائل]

وصلنا في الحلقه الماضيه عند التمرينات اللي اكتشفت تالي ان ماله سنع لان كان بوه واحدن مايعدى بالصاله الرياضيه يتمرن لدرجة اني رحت للصاله وابي الاثقال ادورهن مالقيتهن اثريه شايلهن كلهن :biggrin: المهم ان هالشخص كل يومن وهو مدبوغ وياطون بطنوه بالشارع قلت ياولد الشجاعه مهي والله بالجسم الا بالقلب وانا عاد من هالناحيه متطمئن :) الزبده يوم طلعنا الظهر رحت للبيت والغدا هكاليوم ماذقتوه لاني قاطع حلف على نفسي ماكل حتى اخذ بثارنا من ذلك المتغطرس وبوجهي للسطح تخبرون ليامنه ضاقت بي لازم اتعلى فوق :smileyb: والا وانا اخطط وافكر قلت مالي الا خوياي وربعي اللي كل ماهذا وانا فازعن لهم والله وانا اروح لجحرٍ لهم يجتمعون بوه كل ظهر بعز القايله , ويوم جيتهم قام ابو مسمار , ومطرح الخرفان , ومسح الريضان وابو صرعه , يهلون ويرحبون وكلن يدق لي صدروه وقالوا ابشر والله باللي تبيه مننا اما ابو نشقه , والذيب المنهلس , صابتهم الرعده والجفال وصدوا عني هالسلق وانا كل ماهذا اجدع بروحي فزاعن لهم لكن حسايف والله :mad:

وتذكرت قول احد الشعراء المعاصرين :


احد ليامنه بدا لازمك قام = يفقد شعوره لاوقفت ونخيته
لاقلت نبي فزعتك قال قدام = ماهو لاجا لازمك مالقيته
وأحدٍ لياجيته يعضض بالابهام = ويقول هذا وين جاني وجيته
لو كان له في ماكر العز وسام = تروح منه ولازمك ماقضيته

ابو مسمار: اكبر سروق بالحاره ولايسرق الا محلات مواد البناء :rolleyes:
مطرح الخرفان: نشيط ومتعافي ومستغلوه ابوه بطرح الخرفان والغنم ليامنوه بغا يجلب للسوق :biggrin:
ابو صرعه : هذا تجيه لوه حاله لياشاف هوشه يصيح ثمن ينصرع ويغمى عليييه لكن ليامنوه صحى وخر عن طريقوه مايعرف ابوه من اخووه ينطح الدبابه ولايذل :)
مسح الريضان: سمي بذلك لكثرة دوجتوه وكل ماتجي حاره يذكرونوه لك ورادار الحاره في نفس الوقت لاشارده ولاوارده الا عندوه علمن به :puzzled:
ابو نشقه: طبعوه اقشر بس لوه نشاق ولاينفعك بشي فاطس يمشي وذروق:redface:

الذيب المنهلس: من اسموه ماترجي من وراوه خير لكن احسن مابوه يمشي ولااحد يحسبوه ماتدري الا وهو بجنبك يستانس عليه السروق ابو مسمار :p:

الزبده قلت لهم ماابي منكم الا طرحتوه لي بالارض وعقبه ازهلوه وش تقول يامطرح الخرفان والذيخان قال بشرط تعطيني فسحتك بكرا قلت تبيه غصيبه ولا عطيه قال الا عطيه قلت ابشر :biggrin: وقال مسح الريضان الذيخ هذا كل عصر الساعه 4:23 دقيقه عند بوفية نعمان قلت اجل الوعد قبله بثلاث دقايق اضبطوا ساعاتكم على ساعة مسح الريضان تروه اضبط من قرينتش :thumb: ويوم جاء الوقت المحتوم رحت واخذت قليل البخت اخوي قلت اَن الاوان للاخذ بثارك والذود عن فلافلك :tongue: ويوم جينا من دون البوفيه ليامار يصفرلنا مطرح الخرفان وحنا نجيه وليامار عندوه الربع قلنا هااه وشعندك قال وشرايكم نأجل السالفه لبكرا :frown: قلت لاهالحين لييه انت تجبصنت قال لله بس هذا ذيخ ماهو خروف وانا اليوم منخلجٍ ظهري مهو كل هذا :nono: اياملا البواطن يالدجاجه مانبيك تهوش نبيك بس تسدحوه لنا بالارض وعقبه فارق قال ابو مسمار انت بس تخيلوه خروفٍ قدامك وانهد علييه قال ابشروا قلت لحظه خلونا نعرض عرضة الحرب
قبل لانلتحم بوه :wink: والله وهو ينطلق الماخوذ من عندنا وهو ينطح الذيخ نطح ويقعون بالارض
والله ولياانا من امس وانا فارطن وجامدن على علمتوه :00110: واخوي رابطن رجليه بلوه حبل يقول اضمن لنا لاينحاش :cool:وانا اصوت لبو مسمار قلت انخاك والا انخا الذيب قال لاوالله انخ الذيب المنهلس قلت يعقب هكالوجه عطن بس مسمارك قال وشتبيبوه قلت انت بس مسكن ياوه وهو يعطيني اياوه والله وانا ارزل الذيخ لوه شوين ياما غدى مايسوى جحش قلت نوبتن اخرى لاعاد اشوفك تاكل فلافل بالمدرسه كله انت تسمع والا لا وهالحين نظرا لجرائمك السابقه والمتغطرسه حكمت عليك بخرق اذانك مثل البنات:eek: حتى ماترفع وجهك بوجيه الرجال:wink: وانا اخرقهن لوه وغدى لوه صياح وجعير الماخوذ ويقول توبه يعله ماعادت وحنا نفك رباطوه وهو يهج يضرب شامي عامي ماهو عارفن طريقوه :p: والله ليالتصفيق والتصفير والتشجيع من اهل الحاره ودلي يعرضون قدامي :) وبهاللحظه اهتاش وانفتن ابو صرعه ولاصحى الا بوقت العرضه وهو ييرثعبنا ويحوسنا البليه:biggrin:
وتغدي لي سمعتن طيبه بالحاره وقاموا هالجذعان والطلاب بالمدرسه يتمنون القرب مني :cool:وبعد ايام اتى الذيخ يستسمح ويطلب العفو وان يكون خادمي الخاص فقلت ايه هالحين ادل يافنوص , ومن بعدها مانعرف زحمة الفسحه وتجينا الفسحه وحنا مرتاحين وليابغينا نهرب من المدرسه ركبنا على متون هالذيخ ونطمر مع الجدار :p:

وهاقد انتهت هذه المعركه الداميه وعسى ان اثلجت صدوركم :)

واسمحولنا من القصور ياجماعة الربع والى ملتقى اَخر .


المخاوي :hala1:

ياعل جحر ضمهم دوم عامر = عصر وصبح وصنقرة القوايل بعدي توك رفغعععععت روسنا لا وسويت شي ماخطر على بال احد انك بتسويه يعني كسرت عينوووووووووه بس حز بخاطري ابو نشششششقه لو انت حاطن بخشمووووه له شكيمة هو الاخر كان مامثله

تسلم على هذا الابداع عطنا هذيك لاتبطي به :)

[المخاوي]

الاخ العزيز نجم فلة الحجاج ابو مقرن

صح لسانك وبيض الله وجهك على هالقصيده وماعليك زود يالغالي

وهذي الخوه والا بلاش منها :awink:
وهالشله لهم مواقفن تسجل بالتاريخ وقرادتن تنقش بالحجر :p: :p:

مار ماودنا نفرط السبحه واجد واكل العنب على مايقولون حبه حبه :wink:

لاهنت يابو مقرن فانت ممن نحذوا حذوههم ونتابع لهم :thumb:

[المخاوي]

الاخ العزيز والمتميز متفاءل

افييييييييييييه اشوى اللي رفعت روسكم والا تسان علوم :( ناقلن هم منك ذالن تقول غير هالحتسي :p: :p:

وابو نشقه ابشرك عقبه وطي على صابروه عند الخبااز :thumb:

اما هذييييك :wink: لالا خله بعدين اخاف يلقطن بعين الشبث :puzzled: يقولون نضولن يلحق الحوار اموه :)

لاهنت يالغالي

[مفتاح14]

نحمد الله يوم جانا مانتمنّى=يوم طاح الذيخ من فعل المخاوي
يوم عازف حربهم بالطبل دنّا=واستعدّ امطرّح الخرفان ناوي
ناوين ينطح هبيلن ماتهنا=ماتهنا بسندوتشات الكلاوي!!
وانجفه بالراس (والدبّا) تثنّى=للفلافل ماتقرّب له خطاوي
يوم مسمار المخاوي له تدنّى=قال: واويلاااه ياحظ النداوي!!!
الاذاني شقّهن (ماهوب منّا)=لاتفشلني ترى طبعي حياوي!!
وابو صرعه ياحسافه فيه جنّا=من بدت لين انتهت والشيخ ثاوي!!!
ماصحى الا يوم راع الصوت غنّى=شلته ترقص وسوى به بلاوي!
.
.
نحمدالله يوم جالك ماتمنى=يوم جالك ماتمنّى يالمخاوي



وسلاامتكم..

<<-- من زماان عن الكيبوورديّات :):)


انا اشهد انك بثيت بي روح الحماس والازدهار والتقدّم :)

لو انا دارين بكم اكالحين تسان جايكم وصايحن باعلى صوتي وبعبارتي المعهوده: ( عليكم عونن من الله يجري) :)


نهايه دراماتيكيه( يعني اني اعرف معناه).. وننتظر نهايه دراماتيكيه اخرى لموضوع جديد ( استدراج بدون سراج:) )


مبددددددددع وموضوع يشعل المنافسه بين كتاب فلّة الحجاج :)

لا عدمناكم جميعاً...

أجمل تحيه

[المخاوي]

مرحباً باللي لفانا ماتونا = شيخنا مفتاح بعيد الهقاوي
قرمن تعلى واعتلى ماتشنا = جعل يفداه خمس.مية. حساوي*

* مايدانيهم :biggrin:


الاخ العزيز ومشرفنا الغالي مفتاح14

اولا صح لسانك مليوووون على هالرائعه اللتي صورت وقائع هذه المعركه :thumb:

اثريك شاعر ولاعلمتنا لاوتجيد كذلك شعر العرضه الحربيه :)
ياشيخ لو انك ماكنن دور اول تسان ابن عون حاذفوه قفوك :p: :p:

وبعدين اشوى اللي ماسمعنا عبارتك المعهوده والا تسان الدم للركب :puzzled: :p:


اخي مفتاح14
لاعدمنا وجودك وجهودك فانت من يبث الحماس والدراماتيكيه :rolleyes: لك منا كل الشكر والتقدير على متابعتك وحرصك على مضيفنا , هذا المضيف اللذي يعني لنا الشئ الكثير سلمت ولاهنت .