المخاوي
12-09-2004, 16:22
نظرا لكسلي الشديد , وكثرة التمغط والتمديد , وتشره عضو.ن سديد
اليكم ماصريته منذ زمنن بعيد , فعسى ان يكون له وقعن وتيد :)
هذا مرتن من النوبات :rolleyes: كنا بالمدرسه بالابتدائي انا بالصف الرابع واخون لي بالثاني وكالعاده لياضرب جرس الفسحه انهدينا على المقصف تقول غنمن قاهره من دون علفه :p: وكلن يشري فسحتوه اما اخوي هذا معيي يقول انا اشري فسحتي اقولوه وشنوحك يقول عادي انا اقدر اشري لحالي وخلن اعتمد على روحي احسن قلت ايه هين المهم ذات مره لهو جاين الماخوذ لوه جعيير مثل جعير الشبث يوم حنا بالرحله البريه :g: قلت علامك ياأخي ماذا دهاك هل من مصيبتن حلت بك قال بل اعظم منها بل كارثه حلت بي وليس لي غير الله ثم انت التجئ اليه في هذا الزمن التعيس والاغبر يااخي فقلت انا لها يافتى لو تريد راس الدريعي لاتيت به اليك :biggrin: قال الدريعي جاب راسوه شقردين قبلك والا خابرك مايعجزك هالطلب لكن بوه لوه شخصن دبل قاعة تسبدي وغاثن ولاعنن خامسي ومتولجن ومشوفن نجوم القايله >>> اوخذ ياماخوذ :biggrin: عايشن على الله ثم فسحتي كل يومن وهو تاغصن وماخذن رياليني لاومن الذله اروح ازاحم واشري لوه الفسحه:redface: وهذا اللي ماخلاني اعطيك فسحتسي تشريلي معك لانوه متوعدن يوكلن التراب وياطى على علمتي ان علمت احد >>> الا ياسبد حيي تسبدوه اثريه يعاني الماخوذ ولادريت بوه :biggrin: فاستقبلت ذلك الخبر وكانه رمح ركز بصدري او سيف مسموم قطع مصاريني فانتخيت بحصنية جدي دريميحه من هالسنين :eek: فقلت حرام علي شرب البيبسي واكل الفلافل حتى اَخذ بثأرك والقنه درس لن ينساه ابدا ويكون عبرتن لجميع الطلبه والفراشين والحارس بعد فهيا بنا يااخي خذني اليه ولما ذهبنا اليه وجدناه قد ابتلع سندويشة الفلافل ويطرقع بالبيبسي فقال اخي هو ذا فقلت ثكلتك امك يالنعجه يالرخمه ياللي ماتستحي ولاتنتخي تسيف تاكل حلال هالفقير مار انطح عن روحك جاك الموت ياتارك الصلاة :172r: فلما انتهض من مكانه كان كالبعير بجثته وكالزوافه بطولها وكالبقره بعرضها وسمنها وكالعنز بوجهها وياليته ماقام من مكانه :( وفي هذه اللحظه قامن ركبي ترقل وصابن جفال مثل جفال شنقل يوم حنا بالرحله البريه :p: وعجزت لااقف على قدمي قالي وش تبي فأبت الكلمات ان تخرج من فمي والله وانا امد لوه فسحتي قلت اخاف ان فسحت اخوي ماكفتك واسمحلنا من القصور وهذي حبت خشم :448r: ايه هين :055r:قلت وشنوحك على اخوي كل ماهذا وانت اخذن فسحتوه انا بهالحتسي اتفطن من اي جهه باب المدرسه :wink: قال ياحبيبي انت فزاعن لوه قلت ليه مانت ذالن مني ترن بصف رابع ( أ ) قال والله لو انك برابع ( ج ) مار عطن فسحتك تر فسحة اخوك ماسدت جوعي وعطشي قلت هيهات لك ومعصي يالذيخ والله لتبطي عظم وهو يتغصن يبي ياخذهن مني :112r: ولكن ابت عزة النفس والافتخار بالذات ورجولتي ان اعطيه ماطلب وانا انثر البيبسي كلوه بالارض وقطع السندويشه وقطه >>> وشرايكم مااعجبتكم :) وعقبه مادريت الا والمدير والمدرسين مسعفينن باسعاف المدرسه وهي ددسن مديله 79 وحاطينن بالحوض :biggrin: ويوم صحيت ليامار اخوي واقفن على راسي ويقول الله يخلف علي وانا احسبنك داهيه اثري كل اَفتن عليه من الله اَفه اثري بس جودك علي تفغصن بهالبيت اخييييييييه ياليتن مافزعتك :00118: قلت تصدق عاد انوه غدربي غدرة جساس بكليب ياأخي قال اقوول قم بس قم وهويقفي من عندي ويضرب يدن بيد واخماسن باسداس وقام يلطم الماخوذ لطم الشيعه بعاشوراء , قال العوض ولا القطيعه مار خلن اعطي فسحتي لهالبليه هذا واصادقوه لانهم يقولون ( اليد اللي ماتقواله صافحه ) ولياصار معي هوشه والا شي عندي هالبعير هاللي انا اعلفوه كل يوم على الاقل يفزع معي ومعروفي بطنوه :475r:
ولكن انا لم اتوقف عند ذلك الموقف ولم اجبن ولم اتخاذل فذهبت اتمرن كل يوم :bruce_h4h لاواشيل لي ربطتين تبن اعزكم الله كل يوم , وادور على شبك الغنم نوبن هروله ونوبن حبي , وقمت احط المعاليف حواجز واقمز من فوقه لاواحلب المعزى كل ساعتين حتى تتقوى يداي للملاكمه :boxing: على الاقل ارد اعتباري عند هالوغد اللي يبي يتولجن :p:
وبالحلقه المقبله سوف تستمتعون بما فعله المخاوي بذاك الشرير المتغطرس اللذي لايرى من الارض شبر ولاذراع :pirate2:
تحياتي للجميع
اليكم ماصريته منذ زمنن بعيد , فعسى ان يكون له وقعن وتيد :)
هذا مرتن من النوبات :rolleyes: كنا بالمدرسه بالابتدائي انا بالصف الرابع واخون لي بالثاني وكالعاده لياضرب جرس الفسحه انهدينا على المقصف تقول غنمن قاهره من دون علفه :p: وكلن يشري فسحتوه اما اخوي هذا معيي يقول انا اشري فسحتي اقولوه وشنوحك يقول عادي انا اقدر اشري لحالي وخلن اعتمد على روحي احسن قلت ايه هين المهم ذات مره لهو جاين الماخوذ لوه جعيير مثل جعير الشبث يوم حنا بالرحله البريه :g: قلت علامك ياأخي ماذا دهاك هل من مصيبتن حلت بك قال بل اعظم منها بل كارثه حلت بي وليس لي غير الله ثم انت التجئ اليه في هذا الزمن التعيس والاغبر يااخي فقلت انا لها يافتى لو تريد راس الدريعي لاتيت به اليك :biggrin: قال الدريعي جاب راسوه شقردين قبلك والا خابرك مايعجزك هالطلب لكن بوه لوه شخصن دبل قاعة تسبدي وغاثن ولاعنن خامسي ومتولجن ومشوفن نجوم القايله >>> اوخذ ياماخوذ :biggrin: عايشن على الله ثم فسحتي كل يومن وهو تاغصن وماخذن رياليني لاومن الذله اروح ازاحم واشري لوه الفسحه:redface: وهذا اللي ماخلاني اعطيك فسحتسي تشريلي معك لانوه متوعدن يوكلن التراب وياطى على علمتي ان علمت احد >>> الا ياسبد حيي تسبدوه اثريه يعاني الماخوذ ولادريت بوه :biggrin: فاستقبلت ذلك الخبر وكانه رمح ركز بصدري او سيف مسموم قطع مصاريني فانتخيت بحصنية جدي دريميحه من هالسنين :eek: فقلت حرام علي شرب البيبسي واكل الفلافل حتى اَخذ بثأرك والقنه درس لن ينساه ابدا ويكون عبرتن لجميع الطلبه والفراشين والحارس بعد فهيا بنا يااخي خذني اليه ولما ذهبنا اليه وجدناه قد ابتلع سندويشة الفلافل ويطرقع بالبيبسي فقال اخي هو ذا فقلت ثكلتك امك يالنعجه يالرخمه ياللي ماتستحي ولاتنتخي تسيف تاكل حلال هالفقير مار انطح عن روحك جاك الموت ياتارك الصلاة :172r: فلما انتهض من مكانه كان كالبعير بجثته وكالزوافه بطولها وكالبقره بعرضها وسمنها وكالعنز بوجهها وياليته ماقام من مكانه :( وفي هذه اللحظه قامن ركبي ترقل وصابن جفال مثل جفال شنقل يوم حنا بالرحله البريه :p: وعجزت لااقف على قدمي قالي وش تبي فأبت الكلمات ان تخرج من فمي والله وانا امد لوه فسحتي قلت اخاف ان فسحت اخوي ماكفتك واسمحلنا من القصور وهذي حبت خشم :448r: ايه هين :055r:قلت وشنوحك على اخوي كل ماهذا وانت اخذن فسحتوه انا بهالحتسي اتفطن من اي جهه باب المدرسه :wink: قال ياحبيبي انت فزاعن لوه قلت ليه مانت ذالن مني ترن بصف رابع ( أ ) قال والله لو انك برابع ( ج ) مار عطن فسحتك تر فسحة اخوك ماسدت جوعي وعطشي قلت هيهات لك ومعصي يالذيخ والله لتبطي عظم وهو يتغصن يبي ياخذهن مني :112r: ولكن ابت عزة النفس والافتخار بالذات ورجولتي ان اعطيه ماطلب وانا انثر البيبسي كلوه بالارض وقطع السندويشه وقطه >>> وشرايكم مااعجبتكم :) وعقبه مادريت الا والمدير والمدرسين مسعفينن باسعاف المدرسه وهي ددسن مديله 79 وحاطينن بالحوض :biggrin: ويوم صحيت ليامار اخوي واقفن على راسي ويقول الله يخلف علي وانا احسبنك داهيه اثري كل اَفتن عليه من الله اَفه اثري بس جودك علي تفغصن بهالبيت اخييييييييه ياليتن مافزعتك :00118: قلت تصدق عاد انوه غدربي غدرة جساس بكليب ياأخي قال اقوول قم بس قم وهويقفي من عندي ويضرب يدن بيد واخماسن باسداس وقام يلطم الماخوذ لطم الشيعه بعاشوراء , قال العوض ولا القطيعه مار خلن اعطي فسحتي لهالبليه هذا واصادقوه لانهم يقولون ( اليد اللي ماتقواله صافحه ) ولياصار معي هوشه والا شي عندي هالبعير هاللي انا اعلفوه كل يوم على الاقل يفزع معي ومعروفي بطنوه :475r:
ولكن انا لم اتوقف عند ذلك الموقف ولم اجبن ولم اتخاذل فذهبت اتمرن كل يوم :bruce_h4h لاواشيل لي ربطتين تبن اعزكم الله كل يوم , وادور على شبك الغنم نوبن هروله ونوبن حبي , وقمت احط المعاليف حواجز واقمز من فوقه لاواحلب المعزى كل ساعتين حتى تتقوى يداي للملاكمه :boxing: على الاقل ارد اعتباري عند هالوغد اللي يبي يتولجن :p:
وبالحلقه المقبله سوف تستمتعون بما فعله المخاوي بذاك الشرير المتغطرس اللذي لايرى من الارض شبر ولاذراع :pirate2:
تحياتي للجميع