من طاوع الثنتيــــــن يصبــــــر على اللــــــــوم:)

[راعي الوقيد]

قصيــــــدة للشاعر .. مسعود عبد ابن هذال :


امس الضحى عديت في راس مزموم = تـومـي بــي الاريــاح شــرق وشـــام
مــا كــر حــرار مــا يـركـن بــه الـبـوم = كـود العـقـاب الصيـرمـي والقطـامـي
ابكـي هلـي يـا نـاس مـا نيـب مليـوم = واظـــن مـــن يـبـكـي هـلــه مـايــلام
ما هـو غلـى غـرو مـن الـدق ماشـوم = عـلــى الـشـيـوخ متيـهـيـن الـجـهــام
من طـاوع الثنتيـن يصبـر علـى اللـوم = يصبـر عـلـى فــرق الاهــل والعـمـام
هــذي مـرابـط خيلـهـم دايــم الــدوم = حـقـب العـيـون مروبـعـات الـهـوامـي
يـركـب عليـهـن باللـقـا كــل شغـمـوم = مـن ربعـي اللـي مـا وطـوا بـاالـمـلام
هــذا مـشـب الـنـار والـحـفـر مـثـلـوم = ومـركـا الـــدلال المتـعـبـات الـشــوام
علمي بهم شدوا من الوادي ابـو دوم = مستجـنـبـيـن مـطـيــرات الـعــســام
تـنـحـروا واد بـــه الـعـشـب كـيـهــوم = تسمـن بـه المعـزى وهـدف السـنـام
وادنــى منازلـهـم حـشـاش ولـمـلـوم = واقــصــى مـنـازلـهـم وادي الـنـعــام
واقفـوا كمـا طيـر قلـب راسـه الحـوم = هيـفـيـة مـــا يــنــدرى ويــــن حــــام

من طـاوع الثنتيـن يصبـر علـى اللـوم << وقـــــــد اصبــــــــح مثلاً بيــــن الناس !؟

وســـــلامتكـــــــــــــم ..

[شموخ]

صح لســـــــانه ولسانك .

حلوه

ومن طاوع الثنتين يصبر على اللوم :)

تحياتي
شموخ

[راعي الوقيد]

شمــــــــــوخ ،،،

وحضـــــــــــور أسعـــــــــد بـــــــــه دائـــــــــماً:) << واضـــــح

نعـــــــــم :

من طاوع الثنتيــــن يصبـــــر على اللــــــوم ،،،

لك تحيـــــــــــاتــــــــــــي ...

[مشــــعل]

يعطيك العافية اخوي على نقلك لهالقصيدة

ومن جمال القصيدة اكثر هالناس
خذو البيت اللي بة من طاوع الثنتين
وحطوة على شكل لغز

على العموم شاكر لك اخي


اخوك:مشعل الغفيلي

[راعي الوقيد]

اكثر هالناس خذو البيت اللي بة من طاوع الثنتين وحطوة على شكل لغز


من طـاوع الثنتيـن يصبـر علـى اللـوم << وقـــــــد اصبــــــــح مثلاً بيــــن الناس !؟

إلاّ مشعــــــــل !! وش رايـــــــك ؟؟

نحــــــــــط حـــــــــــل وســــــــــط .. بيــــــــــن إنـــــــــــه لغـــــــــــز وبيـــــــــن إنــــــه مثــــــــل !!؟

هـــــــــذا الشطـــــــــر كان الشاعـــــــر بالبـــــــــدايـــــــــــــــة يقصــــــــد بـــــــه ذلـــــك الشــــــــيء الــــــــذي لــــــــم يصـــــــــرح بــــــــــه وإنمــــــا رمــــــز اليـــــــــه رمــــــزاً يعـــــــــرفه قليلــــــــون وبعـــــــــد ذلك إنتشــــــر معنــــــــى الثنتيــــــــن التــــــي يـــــــرمـــــي إليهمـــــا الشاعـــــــر ، وفــــــي نهايـــــــــــة الأمــــــــــر إنتشـــــــــر بيــــــــن عامـــــــة الناس كمثـــــــل يضــــــــربـــــــــه الشخــــــــص على نفســــــــه غالــــــباً ليمثـــــــل بـــــــــه عمـــــا آلــــــــت إليـــــــه حالـــــــه بسبـــــــــــب اؤلائـــــــك الثنتيــــــــــن !؟

لكــــــــن وش يقصـــــــــــد العبــــــد مسعـــــــــود " عبـــــد إبن هــــــذال " بالثنتيـــــــــن ؟ ووش اللـــــــي جـــــرى عليــــــــه بسببهـــــــن ؟!



على العموم شاكر لك اخي

اخوك:مشعل الغفيلي

العفـــــــــو اخــــــــوي مشعـــــــــل ،،،

شغلـــــــــة بسيــــــــــطة تسعـــــــــد بقــــــــراءتــــــــها الآخــــــريـــــــن :)

تحيــــــــــــاتــــــــــــي ...

[ابو خليف]

سان مانا واهم

المره والناقه

[مشــــعل]

السلام عليكم ورحمة اللة وبركاتة

حياك اللة اخوي راعي الوقيد

بالنسبة للثنتين هن المرة والحلال
اللي جرالة انة يوم ارادوا عمامة الهذال الرحيــل عيت مرتة
واطاع شور مرتة وجلس عندة هي وحلالة

وبعد فترة اشتاق لعمامة وتحسف على فرقاهم
وقال هالقصيدة

[مجموعة إنسان]

.



[QUOTE=راعي الوقيد]قصيــــــدة للشاعر .. مسعود عبد ابن هذال :


من طـاوع الثنتيـن يصبـر علـى اللـوم = يصبـر عـلـى فــرق الاهــل والعـمـام


8
8

يقولون الأصقه مايسمع إلا المسبّه

والمقلّ بمضيفكم مايرد إلا على المسبّه


لاحول لله يارب

دوروا لكم سوالف مايفلقن الراس > > :472r:


اخوي راعي الوقيد :

ومع هذا فإنها قصيدة رائعه وحكيمه

لكن الشر يعم على قولتهم :tongue:

شكرا لك


.

[متفاائل]

8
8

ههههههههههههههههه
ورب الكعبة كنت عامل نسخ للبيت قبل مادخل للردود او اطالعه حسبي الله عليكن مجموعه انسان وشموخ

ومع هذا سوف انسى اني شفت شي واواصل مشوار فكرة الرد .




من طاوع الثنتين يصبر على اللـوم=يصبر على فـرق الاهـل والعمـام

8
استذبح الرجل

7
7
7







تسلم راعي الوقيد على هذه الرائعة >>كل شي بوقته حلو ياحلوا :)

تحياتي للجميع

[راعي الوقيد]

ذيب شراف مانت واهـــــــــم

تحـــــــري بــــــــــه

حياك الله

[راعي الوقيد]

مشعــــــــل

تسلــــــــم على التـــــــــوضيــــــــح

وشاكـــــــر مـــــــرورك مــــــــرة أخـــــــرى ...

[راعي الوقيد]

مجمــــــــوعة إنســــــــان ،،،

حيــــــــاك الله

وويــــــن تبيـــــــــن للســـــــــوالف اللي بــــه مسبّـــــــــه :a:

عنـــــــــدنا ســـــــوالف غيــــــــــر:m:

والشــــــــر بـــــــرا وبعيـــــــــــد عنا :tongue:

سعـــــدنا بمـــــــرور كــــــــريـــــــــم ...

[راعي الوقيد]

ومن قال يسلــــــــم متفاءل ،،،

وكـــل شي بـــــــوقتــــــــــه حلـــــــو ياحلــــــــو:)

تحياتـــــــــوووو

[راعي الوقيد]

[align=center]الى الاخت مجموعة انسان

اول شي الموضوع مابة مسبـــة حادثة جرت لشخص وزوجتة
ماهو مفروض انة تعم الاشخاص بكل زمان ومكان

كلام جميـــــــل اخــــي العـــزيـــــز مشعـــــــــل :thumb:

[مجموعة إنسان]

.


هلا فيك اخوي مشعل

1- من ناحية المسبّه فهي مسبّه طالما أن هذا البيت أتخذ كذريعة واجه بها آراء النساء

فجميعنا يواجه أشخاص يرددونه بمعنى أن رأي المرأة لايؤخذ به وخاسر من يطيعه ..

هذا شِـق والشق الثاني من المسبّه انه جمعها مع البهائم بمرتبه واحده بقوله (الثنتين)

وهذا الكلام انا ماقلت عنه شئ بس قلت اني ماأطحت إلا على المسبّه .


2- أما بالنسبة لفهمك لعبارة المقِل هنا .. !

فأنا إن حق لي أن أصنفك فلن اصنفك من الأعضاء المقلّين نظرا لحداثة إنتسابك للمضايف

فيحق ا، نصنفك مع الأعضاء الجدد مثلاً ولن نلومك على الإقلال أخي ..

وكما وضّح لك أخي المشرف راعي الوقيد بارك الله فيكما فإنني كنت أعني نفسي بالمقلّه ..

عموماً :

هذا الخطأ أسعدني للتعرف على أخ فاضل مثلك ..

شكرا لك ..


.

[مجموعة إنسان]

.

أخي راعي الوقيد


دائماً تشعرني بالحرج من طيبك وكرم أخلاقك

شكراً لك على صفاء نيتك ونبل أخلاقك

وماقول غير :

عساني عند الهقوة اخوي ..

.

[الجازي]

طيب ليه ماتكون الثنتين يقصد بهم حريمه الثنتين :) :) >>> مضيقن صدرها العرس :)

أجل حرمه وناقة :) ايه هين يصير خير :)

بعد هو لو انه مهتوي الروحة معهم تسان ماشاورها :) :)

يعطيك العافية أخوي راعي الوقيد على هالأبيات الحلوة ,, بس عاد عطونا العلم الوكاد في هالثنتين وش يصيرون :)

[راعي الوقيد]

الريم

مشاركات: 1,500 << ما شاء الله .. ما شاء الله :)

يعطيك العافية أخوي راعي الوقيد على هالأبيات الحلوة

الله يعافيتــــــــــــس ويبارك فيتـــــــــــــس
بس عاد عطونا العلم الوكاد في هالثنتين وش يصيرون :)

مع كل ما سبــــق وغيـــــــر مقتنعــــــــــه :puzzled:

طيــــــب : الثنتيـــــــــن ياطويلـــــــــة البقا والسـلامــــــة هـــــــن المــــــرة والحلال :)

لكن عاااااد الحلال وشــــــو !؟

اللي يقول غنـــــــــم واللي يقـــول البـــــل !؟

والوكاد إنه حديهـــــــــن :a:

حيـــــــاك خيييييييتي

ســـــلامـــــــــي ...

[مشــــعل]

هلا حياك اللة اختي مجموعة انسان
والعذر والسموحة منك

[فواز الغسلان]

وانا اراجع في المواضيع القديمه لفت انتباهي موضوع ابوفيصل

وهو موضوع جميل بلا شك وانبسطت يوم شفته حط البيت(من طاوع الثنتين) ضمن

قصيدة عبد ابن هذال وهو الحق فعلا00

بعض رواتنا يحطونه ضمن قصيدة الزعيلي يوم يوجهها للوضيحي ومنها:



يابصري الوضحان تدغث من النوم=وحنا ثمان ايام بسهرن تمامي
وراك تمحش دمعتك تقل مضيوم=ترى البكاء من غير مصيبه حرامي


ويحطون ضمنها البيت الشهير هذا وهو اجمعوا الرواة اللي حضرتهم من الشيبان انه لمسعود وليس

لغيره00

والثنتين اعتقد انهما الحرمه والنفس لانها تدعوك للراحه وعدم التعب حسب ظني والله اعلم00

[الحربي]

المقصود بقول مسعود من طاوع الثنتين هو الزوجة والغنم، والقصة لدى رواة حرب أنه بعد جلاء عنزة من الحناكية (بالقرب المدينة المنورة ) إلى القصيم بعد معركة بينهم وبين حرب، كان مسعود متزوج من أمه (جارية ) من جواري قبيلة حرب، وحين أراد الذهاب مع أعمامه آل هذال رفضت زوجته وقالت لن أغادر عماني وماعزنا ما يصلح لها إلا الرعي في الحجاز. ففضل البقاء وبعد فترة أخذه الحنين إلى أعمامه وقال هذه القصيدة والله أعلم بالصواب.

بالنسبة للبيت أكثر الرواة ينسبونه إلى مسعود مولى ابن هذال وهناك رواة ينسبونه إلى بصري الوضيحي، وأخبرني الباحث الأستاذ فائز البدراني أن الباحثين ينسبونه إلى صايد الزعيلي والله أعلم بالصواب

[راعي الوقيد]

قديمك نديمك يالعزوة:)

ومشكور على التوضيح

وياهلا والله بالراوي

لك التحية

[راعي الوقيد]

والقصة لدى رواة حرب أنه بعد جلاء عنزة من الحناكية (بالقرب المدينة المنورة ) إلى القصيم بعد معركة بينهم وبين حرب،

حياك الله يالحربي

من الموروث الشعبي القصصي ؛ أنه يوم كان العمارات بقيادة شيخهم إبن هذال يقطنون ماحول الحناكية ويتنقلون بالمناطق اللي من غرب المدينة بمنطقة بدر ، مكان تواجد قبيلة صبح من حرب!!
ذكر منديل الفهيد في صفحة 124 الجزء الثاني أبياتا لابنة أمير قبيلة صبح من بني سالم من قبيلة حرب حيث كان الشيخ ابن هذال قبل نزوحهم الى نجد قاطنين عندهم وحان وقت الفلاحة والماء مشروب من كثرة الادباش وأمير صبح استحى من الشيخ ( ابن هذال ) حتى لايبين له حاجتهم بالفلاحة لان معيشتهم على الله ثم على الفلايح فقالت البنت ( ابنة أمير صبح ) هذه الابيات تبين لهم ما حدث وعندما سمعها الشيخ( ابن هذال ) شدوا الى ماء غيره ..
قالت البنت :


يا شيخ قل للبدو عنـا يشـدون=نبي نقطب جونـا بالزروعـي
نبي انسقم غوشنا لايضيعـون=الغوش لجتهم علينـا تروعـي
أنتم لكم جيش وخيـل تعنـون=وأرزاقكم لا حظبن الجموعـي
وانتم ليا طاح الحياء له تعنون=فوق الجمال محنيات الضلوعي
كم سهلة(ن) في عصير تبنون=يتلي ضعنكم كل بيض فروعي

لك التحية

[صلفيق]

أخوي راعي الوقيد .. الله لايصبحك الا بالخير والسرور ، وجميع الأخوان.

أنا لي رأي مخالف لجميع ماذكر عن الثنتين ، وفي رأيي أن الثنتين اللتين كان
يقصدهما مســعود هما :
المرأة و النفس

لايلام الأنسان عندما يطاوع حلاله ، سواءا أغنام أو أبل أو أي كان ،، ولكنه يلام
إذا طاوع النفس ببعض الدروب التي لاتسر .

الا تتفق معي في ذلك ؟ يهمني رأي راوينا الكبير ابن غســلان (عساه يمر ) ..!

[بتول آل علي]

v
v
v

عرّج على الردود اللي فوقك يا اخوي صلفيق

و يعطيكم العافية جميعا و ما قصّرتوا


الدهور






وانا اراجع في المواضيع القديمه لفت انتباهي موضوع ابوفيصل

وهو موضوع جميل بلا شك وانبسطت يوم شفته حط البيت(من طاوع الثنتين) ضمن

قصيدة عبد ابن هذال وهو الحق فعلا00

بعض رواتنا يحطونه ضمن قصيدة الزعيلي يوم يوجهها للوضيحي ومنها:



يابصري الوضحان تدغث من النوم=وحنا ثمان ايام بسهرن تمامي
وراك تمحش دمعتك تقل مضيوم=ترى البكاء من غير مصيبه حرامي


ويحطون ضمنها البيت الشهير هذا وهو اجمعوا الرواة اللي حضرتهم من الشيبان انه لمسعود وليس

لغيره00

والثنتين اعتقد انهما الحرمه والنفس لانها تدعوك للراحه وعدم التعب حسب ظني والله اعلم00

[الحيمري]

اقصى منازلهم شثاثا ولملوم xxxxxx وادنا منازلهم وادي النعامي


المصقود بالثنتين الغنم حيث الغنم ماتسير مع الابل في الرحيل من ديار الى ديار

ثانيا النساء ؟؟؟؟؟؟؟؟؟؟؟؟؟؟؟؟؟؟؟؟؟؟

[الحربي]

حياك الله يالحربي

من الموروث الشعبي القصصي ؛ أنه يوم كان العمارات بقيادة شيخهم إبن هذال يقطنون ماحول الحناكية ويتنقلون بالمناطق اللي من غرب المدينة بمنطقة بدر ، مكان تواجد قبيلة صبح من حرب!!
ذكر منديل الفهيد في صفحة 124 الجزء الثاني أبياتا لابنة أمير قبيلة صبح من بني سالم من قبيلة حرب حيث كان الشيخ ابن هذال قبل نزوحهم الى نجد قاطنين عندهم وحان وقت الفلاحة والماء مشروب من كثرة الادباش وأمير صبح استحى من الشيخ ( ابن هذال ) حتى لايبين له حاجتهم بالفلاحة لان معيشتهم على الله ثم على الفلايح فقالت البنت ( ابنة أمير صبح ) هذه الابيات تبين لهم ما حدث وعندما سمعها الشيخ( ابن هذال ) شدوا الى ماء غيره ..
قالت البنت :


يا شيخ قل للبدو عنـا يشـدون=نبي نقطب جونـا بالزروعـي
نبي انسقم غوشنا لايضيعـون=الغوش لجتهم علينـا تروعـي
أنتم لكم جيش وخيـل تعنـون=وأرزاقكم لا حظبن الجموعـي
وانتم ليا طاح الحياء له تعنون=فوق الجمال محنيات الضلوعي
كم سهلة(ن) في عصير تبنون=يتلي ضعنكم كل بيض فروعي

لك التحية

حياك الله أخي راعي الوعيد

وغفر الله وعفى عن الشيخ منديل الفهيد

للآسف كتاب آدابنا الشعبية للشيخ منديل الفهيد فيه الغث والسمين بسبب عدم تدقيق الشيخ في الروايات التي ينشرها، فهو رحمه الله ينشر كل ما وصل إليه حتى وإن كانت قصة وقصيدة مختلقة.

مدينة بدر هي قاعدة وادي الصفراء بمنطقة المدينة المنورة ووادي الصفراء تقوم زراعة النخيل فيه على العيون وليست الأبار، كما أن بعض عبارات القصيدة لا تتفق مع اللهجة الحجازية مثل كلمة غوش. والأطرف أن هذه الرواية غير موجوده لدى قبيلة حرب فضلا على عدم ذكر اسم ابن هذال لنعرف في أي وقت حدثت القصة

تحياتي وتقديري

[عبدالله معيوف المويس]

موضوع جميل.........وتشكر عليه