المعلمات وطلباتهن .. [الأرشيف]

اخو سعدى

10-09-2004, 15:11

لا يخلو بيت من وجود طالب او طالبه يتوجهون غدا
لمدارسهم وهم بشوق ولهفه للدراسه ( البعض منهم فقط :g:)

فيقوم الوالدين بحاله استنفار وكانهم في ازمه .. فيتكفل الوالدين
باحضار جميع مستلزمات الدراسه المعروفه للابناء والبنات ..

فتبدا الدراسه كالمعتاد , ولكن نتفاجأ بكثره الطلبات التعجزيه من
جهه المعلمات اللاتي يكلفن على الوالدين اشياء يشيب منها الراس

لماذا كل هذا التعقيد بالطلبات ؟
ولماذا الاولاد اقل من البنات في هذه الناحيه ؟

كل التوفيق للجميع ...

تركواز

10-09-2004, 19:12

تقولي واحدة من قرايبنا من يومين انهم بينقلون اولادهم (( لاحظ اولاد مو بنات )) من المدرسة و لما راح ابوهم للمدرسة الجديدة يطلب ورقة قبول
قالوا نقبل عيالك بس بشرط تجيب لنا مكيف و الا ثلاجة :)

طيب المكيف نقول الشكوى لله للفصل الثلاجة وش قصتها بعد ..!!:232r:

على الاقل طلبات المعلمات الوان مائية و ملمع و قص ولزق , n)

و معلوم ان فيه تعاميم مشددة تمنع على اي معلم او معلمة طلب اي شي من التلاميذ و التلميذات .

و واضح ان تطبيق التعليمات و التعاميم في مدارس البنات اشد منه في مدارس البنين . فلماذا دائما المعلمة فقط المتهمة ..!!؟؟ :g:

مجموعة إنسان

10-09-2004, 23:35

.

حرام عليكم والله المعلمات غلابا

هذاك أول اللي المعلمة تامر وتنهى وتتأمر

الحين يالله الستر والسلامه

تصدق معظم المعلمات عشان مايضايقون الأهالي يشترون من حسابهم أدوات للبنات عشان المنهج يمشي ..

تصدق اخوي :

بما إني خطّي لابأس به ولله الحمد فطلبات اقاربي من التلاميذ لعمل

اللوحات والوسائل أكثر بكثيــــر من طلبات البنات ..

يجيني الولد معه 3 لوح وأكتبهم بإسم معلم واحد ..

إذا قلت له : ليش كذا ؟؟؟؟؟؟ :puzzled:

يقول : الإستاذ طلبهم مقابل زيادة بالدرجات .. :surprised

أخوي اخو سعدى :

ظلمت المعلمات في كلامك صدقني ..

شكراً لك

.

المخاوي

11-09-2004, 01:04

اهلين اخو سعدى

اما الطلبات التعجيزيه فانا اشوف انهم حول بعض يعني المعلمين والمعلمات فعلا يطلبون احيانا طلبات مالها داعي واذكر مره اتاني ابني وقال ان المدرس طلب منهم كتاب لااذكر مااسمه وقال سوف تجدونه بالمكتبه والزمهم بان ياتون به غدا فقلت مافيه مشكله عقب العشاء نروح ونشريه وبعد تقريبا المغرب اتصل علي ولد عمي وقال فريت المكاتب كلها ولالقيت هالكتاب طبعا كذلك ولده مطلوب عليه نفس الكتاب فاتصلت على احد المدرسين وقال لي سوف تجدونه عند مكتبة .... فذهبنا اليها وهالني مارايته وجدت شيبان ماسكين سرى على هالكتاب قلت وش العلم قالوا خلصن النسخات وقاعدين يطبعون غيرهن فاكتشفت ان الكتاب مؤلفه احد المدرسين وهو على مااظن ملخص ويبيعه عن طريق هذه المكتبه بالتحديد
هذا مثال لبعض هذه الطلبات التعجيزيه اللي مالها سنع

شكرا اخي اخو سعدى على مجهودك النير

مجموعة انسان

اجل فاتحه محل خطاطه ههههه
يالله نبي نقاولتس بكم اللوحه هههه

الشبث

11-09-2004, 15:08

ابو سعدى

قصدي اخو سعدى ( زعلان من رد تركواز ومجموعه )

افهم من كلامكن ان المدرسات ما يطلبن شي

والله الظاهر انكن لا درستن ولا عندكن بنات واخوات يدرسن

انا اصلا ما شيب براسي الا طلبات المدرسات

لدرجة ان فيه وحده تطلب مواعين من خواتي ( على كيف امه ) :puzzled:

واذا يعني تدافعن عن المراءه بشكل عام

فالمراءه لابسته التهمه لابسته

فهي اكبر تبذير من الرجل

وفيه واحد من الربع ماشاء الله عليه ( سابقا )عنده فلوس واجد

وعنده ولد واحد وثمان بنات

والمسكين اعلن افلاسوه بسبب طلبات المدرسات اللي ماتنتهي

فطلبات المدرسات حقيقه وموجوده ونعاني منه

وارجوا من كل مدرسه انه تتقي الله في اهل الطالبات

وتروح تطر من زوجه الله ياخذوه

بس هذا مايمنع ان فيه مدرسات محترمات

ويدفعن من جيوبهن لتفهيم الطالبات

والله من وراء القصد

افيه ...............تعبت

وتقلدوا تحيتي

السطامة

11-09-2004, 15:28

ههههههههه
يسلمووووووووووووووووو اخو سعدى

الطلبات هي ،،، روشته طوووويلة
1- الزي المدرسي معه تصميم للموديل
والبلوزة عليها استكر المدارس .

والمشغل الخياطة متعاونه مع المدرسة الفلوس بالنسبه ههههههه
2- ملابس الاقتصاد المنزلي ومعه التصميم ونفس المشغل انفا هههههه
3- علبه الوان زيتي وخشبي وفرشاه تلوين
3- دفاتر ابو 100
ابو 60 ابو 80 ابو وجهين
دفتر مربعات
كراس خرايط
كراس رسم
دفتر للواجبات
دفتر تفصيل وخياطة
ابره كوريشيه
صوف
خيوط تطريز
قماش لباد
قماش كتان
مقص
شريط لاصق
وكل هذا كوم

وعلبة مناديل كوم ههههههههههههه وشوله مناديل
مااني عارفه هههههههه

؟؟؟؟؟؟؟؟؟؟؟؟؟

اخو سعدى

11-09-2004, 15:34

قالوا نقبل عيالك بس بشرط تجيب لنا مكيف و الا ثلاجة

تركواز ..

حتى ولو هذا الكلام صحيح ولكن هذه حاله شاذه
ولا تقارن بطلبات مدارس البنات التي ترهق الاباء
بكثره التردد على المكتبات .. ومحلات الخياطه ومستلزمات الخياطه..

و معلوم ان فيه تعاميم مشددة تمنع على اي معلم او معلمة طلب اي شي من التلاميذ و التلميذات .

و واضح ان تطبيق التعليمات و التعاميم في مدارس البنات اشد منه في مدارس البنين . فلماذا دائما المعلمة فقط المتهمة ..!!؟؟

اولياء الامر والمسئولين على التعليم ماقصروا ويحرصون دائما على
راحه الطلاب والطالبات ولكن العيب فينا نحن .. اقصد المعلمات :) :)

تسلمِ

اخو سعدى

11-09-2004, 15:40

تصدق اخوي :

بما إني خطّي لابأس به ولله الحمد فطلبات اقاربي من التلاميذ لعمل

اللوحات والوسائل أكثر بكثيــــر من طلبات البنات ..

يجيني الولد معه 3 لوح وأكتبهم بإسم معلم واحد ..

هذا يهون امام طلبات المعلمات :g: :g:

ظلمت المعلمات في كلامك صدقني ..

لكن هذا الواقع يحكي لنا عن هذه المأساه لهولاء الاباء
الذين يتعبون ويتعبون لتوفير هذه المتطلبات ..

تسلمِ

تذكار

11-09-2004, 15:54

اخو سعدى

11-09-2004, 19:20

المخاوي

هذا مثال لطلبات الاولاد فقط , فهو هذا الكتاب فقط ,
اما البنات حدث ولا حرج ..ياليتها على كتاب فقط .. لكن
اكثر مما تتخيل ..

لا هنت ...

اخو سعدى

11-09-2004, 19:25

انا اصلا ما شيب براسي الا طلبات المدرسات

لدرجة ان فيه وحده تطلب مواعين من خواتي ( على كيف امه )

الشبث ..

الله يعطيك العافيه , انت معي وتؤكد كلامي .. :thumb:
انت احسن واحد بالعالم :thumb:

وفيه واحد من الربع ماشاء الله عليه ( سابقا )عنده فلوس واجد

وعنده ولد واحد وثمان بنات

والمسكين اعلن افلاسوه بسبب طلبات المدرسات اللي ماتنتهي

مثال جيد اخي .. ولكن من هذا الشخص ؟
الشفايه ؟ هههههههههه :) :) :)

تسلم ...

اخو سعدى

11-09-2004, 19:28

اخو سعدى

11-09-2004, 19:31

.. طبعا رسوم المدرسه يغنيهم عن الطلبات ..

الاخت / تذكار
حقهم وخذوه مقدما .. :)

شكرا ..

مجموعة إنسان

11-09-2004, 19:32

.

وكمان ظالمينهن :g:

ياااااااااااااويـــلكم من الله ..

سبحان الله المدرسين مايطلبون شئ ‍!!! :surprised

أي نعم كانـــــــــــت المعلمة سابقاً تطلب وتطلب

لكن الحين لا ... كل شئ تغيّر

كانو البنات يتدافعون فلوس عشان يزينون غرفة الصف وماعلى المعلمه

إلا توقف وبكل بساطه تقول لهم (ماهو حلو غيّروه ) أو (ماشي حاله)

لكن الحين وفي أيام العوده تتفق مع خطاطين ومصممين يجون خارج اوقات الدوام ويصممون لها فصلها ويعلقون لها اللوح ..

وماعلى البنات إلا يقلطووون ... أما الأدوات فأي شئ يمشي الحين

وإذا بناتكم يقولون لكم المعلمة تطلب كذا وكذا فهي ممكن تكذب عليكم

لأنها حابه تتنيذخ قدام البنات وتحطها بظهر المعلمه .... ‍!

اخوي مخاوي :

تعجبني صراحتك في قول كلمة الحق :thumb:

وعشان تعقيبك هذا أبشر بكم لوحه أرسمهم للعيال ... :p:

اخوي الشبث :

وسّع صدرك .. ويمكن البنات مثل ماقلت يحطونها بظهر المعلمه المسكينه ..

شكراً للجميع

.

شموخ

12-09-2004, 01:10

ياهلا باخو سعدى

غيّر الموضه الرجال الّحين على المدرسات :) :)

بس مالومك فيه من هالنوع ويمكن الطلبات تهون على اللي ربي ميسرها عليهم لكن اللي فيه ناس اوضاعهم منخفضه الصراحه حرام لازم يرحمونهم حتى لو هذا الشي تافه بنظرها وتشوفه مايسوى يمكن يعسر رب الاسره يمكن عليه ديون ، والله يابعضهم تنصدمين يوم تشوفين كرت العائله حقه عدد اولاده كثير واغلبهم بسن دراسه وعليه ديون لليل واحيانا يكون عنده مرضى مثل ابوه كبير بالسن او امه او احد افراد اسرته مصاب بفشل او اي مرض يلزم له عنايه خاصه ومصاريف يعني تحتارين كيف عيشهم كيف درسهم فعلا البيوت اسرار الله يعينهم .

لكن اللي قاهرني انا الدرجات ، مالاحظتوا يابنات العيال يذاكرون مثلنا ؟؟؟
ماشوفهم الا نادرا فاتحين الكتاب اصلا مايجلسون ومع كذا درجاتهم ماشاء الله عليهم احسن منا بكثييير مقارنه بمذاكرتهم ومذاكرتنا فعلا المدرسين يمشون ومايدققون بالدرجات حتى .

واتوقع ان في طلباتهم رحمة بأولياء الأمور لانهم اغلبهم أباء ومجربين وعلى قولتهم اللي يعد الجلد مو مثل اللي ياكله :) :) " اللي يدفع مو مثل اللي مايدفع "هم يدفعون لأبنائهم وحاسين بالدفع اما الامهات او المدرسات مايدفعن وبعضهن مايدري عن شئ :)

اخو سعدى

شكرا لك على الموضوع " تزامن مع العوده اطبعوه ووزعوه على المدارس " :) :) :thumb:

تحياتي لك
شموخ

اخو سعدى

12-09-2004, 14:01

أي نعم كانـــــــــــت المعلمة سابقاً تطلب وتطلب

لكن الحين لا ... كل شئ تغيّر

الاستاذه / مجموعه

كان سابقا وما زال باقيا .. هذه الحقيقه ..
وانظري الى ماقالته الاخت شموخ انها الحقيقه .. :goooood:

اما سالفه ظلم وما ادراك مالظلم .. فهذا كلام خطير :g:

وإذا بناتكم يقولون لكم المعلمة تطلب كذا وكذا فهي ممكن تكذب عليكم

اختنا مجموعه ,,
هذا اتهام لنا بالكذب واتهام بناتنا بالكذب كذلك .. :g:

مجموعه .. تسلمِ

اخو سعدى

12-09-2004, 14:08

ياهلا باخو سعدى

غيّر الموضه الرجال الّحين على المدرسات

الاخت شموخ مدرسه ؟ :)

بس مالومك فيه من هالنوع ويمكن الطلبات تهون على اللي ربي ميسرها عليهم لكن اللي فيه ناس اوضاعهم منخفضه الصراحه حرام لازم يرحمونهم حتى لو هذا الشي تافه بنظرها وتشوفه مايسوى يمكن يعسر رب الاسره يمكن عليه ديون ، والله يابعضهم تنصدمين يوم تشوفين كرت العائله حقه عدد اولاده كثير واغلبهم بسن دراسه وعليه ديون لليل واحيانا يكون عنده مرضى مثل ابوه كبير بالسن او امه او احد افراد اسرته مصاب بفشل او اي مرض يلزم له عنايه خاصه ومصاريف يعني تحتارين كيف عيشهم كيف درسهم فعلا البيوت اسرار الله يعينهم .

هذه الحقيقه وبكل اسف اختاه ...

اخو سعدى

13-09-2004, 00:46

شكرا لك على الموضوع " تزامن مع العوده اطبعوه ووزعوه على المدارس "

الاخت/ شموخ

سوف ننفذ رغبتك :) :) :)

يسلمووووووووو

مجموعة إنسان

13-09-2004, 01:36

.

اختنا مجموعه ,,
هذا اتهام لنا بالكذب واتهام بناتنا بالكذب كذلك .. :g:

محشوووووووم أخوي وعلى المعزّه

بس بناتكم تراني ماأزكيهن لأنه ممكن تسويها بعض البنات

والمواقف الإحراجيه اللي حصلت بهالسوالف ياكثرها ..

عموماً :

الخطأ وارد ولكنني رأيت بأنك أوردته على المعلمات أكثر وهذا مانفيته بدوري

فكما أن هناك القليل من المعلمات هداهن الله تلزم البنات بسوء تصرف منها كذلك يفعل

القلّة من المعلمين ايضاً ..

فلو كان العنوان :

بعض المعلمين والمعلمات وطلباتهم .. لكان أعدل

اخي :
إعذرني على التدقيق >>> تحس انها نشبت بحلقك :tongue:

وشكرا لك

.

اخو سعدى

13-09-2004, 07:51

الاخت/ مجموعه ..

كذا الكلام الزين :thumb: :thumb: :thumb:

ابدااااا لم ازعل من كلامك :p:
فانتِ لك كل الاحترام والتقدير ..

اخوك/ فايز

السطامة

19-09-2004, 20:09

<< أول أسبوع تغيب عن المدرسه ما تحضر لو يصير اللي يصير
المدارس الخاصه أفضل من الحكوميه .. ما يطلبون المعلمات إلا للحفلات فقط .. أو لشراء هدية وغيره .. طبعا رسوم المدرسه يغنيهم عن الطلبات ..
وتشكر على الموضوع ..
أختك
تذكار

حتى المدارس الخاصة تطلب ،،،

مع شهادة نهاية السنه تعطى معلمة الفصل الطالبة ورقة كاملة من الطلبات
من الابره والقلم الى اخر الطلبات

نسيت اقول سالفه
حنا ياطالبات احيانا تقول لاهالينا المعلمة تبي كذا وكذا
والحقيقة هي لا قالت ولا شيء

والاهل يعرفون ان المعلمة لم تطلب ذلك
ولكن ينفذ طلبات ابنتهم <<<-----------ومايبون يحرجونها ويقولون لها
انك تالفين ههههههه على مين تلعبها هههههههه

وانا واحدة منهن،،، طوال السنه طلبات هههههههههههه

شنقل

20-09-2004, 06:34

اخو سعدى

فيه واحدن من الربع جانا من حفرالباطن

طبعا حنا بالرياض

قلي ليش جاء

.......... انا اقولك

بنته في المتوسط طلبت منها مدرسة الفنيه ,,,,,,,, نحاس احمر مدري وش حقه
لاعمال الفنيه
ابو الشباب دور بالحفر ومالقى ودزها للرياض
وابشرك الحمدللله حصله ورجع

يالعن ام المشوار ياشيخ 500 كيلو

شنقل

اخو سعدى

20-09-2004, 12:10

السطامه ..

اعتراف رااااائع ويفيد في التحقيق :)

يسلموووووووووو

اخو سعدى

20-09-2004, 12:15

شنقل

والله انك صادق .. :thumb:
مره واحد من العيال اتصل على لان مطلوب على
ابنته ماده حافظه تستخدم للتحنيط ( formalin )
وهو يسكن بحفر الباطن كذلك ..
وسئلت له بالرياض ولم اجدها الا في المستشفى عندنا

يعني المساله كلها تعقيد وسبب ذلك هو طلبات المعلمات