الطب الشعبي

[الشبث]

لفت انتباهي تعدد الذين يعالجون الناس بالطب الشعبي

في هذه الايام


وعندما اقول الطب الشعبي فانا لا اقصد الذين يعلجون بالقران الكريم

سؤالي

هل تذهب اخي الكريم واختي الكريمه الى الدكتور الشعبي قبل

ذهابك الى المستشفى ؟؟؟؟








وتقلدوا تحيتي

[اخو سعدى]

اخي الشبث ..

حياك الله في ذا .. وجميل منكم هذا الموضوع
الطب الشعبي هو اصل الطب قبل ان يظهر كعلم .
فعرف الطب الشعبي بتلك التسمية لانه من تجربة الشعوب
فيما يتداولونه بينهم فتتوارثه الاجيال جيلاً بعد جيل.

ويستند هذا النوع على ما تخرج الارض باذن ربها من اعشاب،
وهذا يعتبر المصدر الأساسي والشائع للعلاج في الطب،
وقد برع المسلمون في هذا المجال وألفوا الكتب والمجلدات
فحفظوا لنا هذا التراث القيم. وكان من بين هؤلاء ابن سينا
وابن البيطار وغيرهما من الاطباء العرب .


الشبث ..


لي رجعه ...

[الشبث]

الغالي اخو سعدى

جميل منك هذه المعلومات القيمه

وارجوا منك ان تجيب على سؤالي عند عودتك

هل تذهب للطبيب الشعبي ( الحكيم ) قبل ماتروح للمستشفى ؟







وتقلد تحيتي

[راعي الوقيد]

هـــــلا واللــــــه وغــــلا بالشبــــــــث وما جــــــاب ،،،

غــــــــديــــــــــك تب تفتــــــــــــح لـــــك عطـــــــارة وإلا وإلا :)

هــــــو شــــف اخـــــي العزيـــــــــز ،،،

مسألــــــــة إنــــــي اروح اتعالــــــــج عنــــــد طبيـــــــــب شعبــــــــــي
هــــــــــذي شلـــــــــه من مخـــــــــــك ،،،

لأنــــــــه اساساً مافيــــــــه طبيـــــــــب شعبــــــــــــي بالمعنــــــــــى المتعارف عليــــــــه ، لأنـــــــه لا يـــــــوجد إلا محـــــــلات العطـــــــارة وهـــــــي التــــــــي يقــــــــوم اصحـــــــابها بإعطــــــاء الأدويــــــــــة الشعبيـــــــــــــة حســـــــــب طلـــــــب الـــــــــزبــــــــــون !!؟؟

اما الطبيــــــــــب الشعبـــــــــــي فليـــــــــس مـــــــوجــــــوداً على
الــــــــوجــــــه الصحيــــــــــح وإنمــــــا هنــــــاك من يعالــــــــج بالكـــــــي
او بالحجــــــــامــــــــــة او بقــــــــرأة القــــــــرآن ، وهـــــــؤلاء ليســــــــوا
اطبــــــاء شعبييــــــــــــن ،،،

وإن اردت الحقيقـــــــــــة فقــــــــد إنــــــدثرت مهنـــــــــة الطبيــــــــــب
الشعبــــــــــــي وصار الطبيـــــــــــب هـــــــــو نفســــــــــــه صاحـــــــــــب
محـــــــــل العطــــــارة !؟

بعـــــــــد حيــــــــــي واللــــــــه يالشبــــــــــث على هالمـــــــــوضــــــــوع
ولــــــــي صــــــــــولـــــــــة وعــــــــــــودة على مــــــوضــــــــــــوعك هااااه :luvlove:

تحيـــــــــــــاتـــــــــــــــــي ..

[اخو سعدى]

الشبث

تريد راي في ذلك .. لن اذهب لذلك ابداااااا

تسلم

[ابو خليف]

ايو والله اروح له وش يردن

وحياة معيش الذر ان طبهم احسن من الصحيه مليون مره

مار على الاقل يسونك ويعطونك من هالادويه
وتوكل على الله

والا الصحيه تجيهم مابك بلا وتطلع تفاغر من عندهم

[شنقل]

شبثااااااااااان


وش جارين لك من الحسر


امس وانا شايفك

تقمز مابك الا العافيه

انا عارف انك ماتداني الا طباء

وكل خوفك من الابر

لابغزوك به
ههههههههههههههه


شنقل

[الشبث]

هلا بعمي وتاج راسي راعي الوقيد

الف شكر على هالطلة الحلوه

يعلم الله كم استانست يوم شفت ردك



اما ما يخص الموضوع فقد كفيت ووفيت بس لازم ترجع وتعاونن على

ردود العيال ووجهات نظرهم











وتقلد تحية اخوك الشبث

[الشبث]

اخو سعدى الف شكر للعوده

والف شكر لرايك






وتقلد تحيتي

[الشبث]

ذيبان

عزالله انك صادز

فيه بعض المستشفيات تجيهم مابك شين وتروح بك كل شين


وبعض الشعبيين ابرك منهم هم وعلاجهم







وتقلد تحيتي

[الشبث]

ياحوووووول ياشنقل

انت لاحقن حتى هنا


ومدامك جيت

انا طالب رايك ماني طالب طولت لسانك

وانا كاتب الموضوع علشان اشوف راي الشباب بحاجه في مجتمعنا

مهو مجتمعكم الغريب

كخخخخخخخخخخخخخخخخخخخ





وتقلد تحيتي

[اخو سعدى]

عزالله انك صادز

فيه بعض المستشفيات تجيهم مابك شين وتروح بك كل شين


وبعض الشعبيين ابرك منهم هم وعلاجهم


يعني هذا رايك يا لشبث بالطب الحديث .. :g:
اذا انت تخاف من الابر وشلون الكي .. :thumb:

[الشبث]

اخو سعدى انت وش بلاك صدقت شنقل :)

هذا ما ينعطى وجه

فضيحه الله لا يبلا




وانا قلت رايي :smileyb:









وتقلد تحيتي :goooood:

[تذكار]

أنا عن نفسي ما أحب المستشفيات أبد .. وأكره الأطباء .. ( لا يعصب أخو سعدى :d: ) لأنهم يتفلسفون كثير .. ويحرموني من أشياء كثيرة مثل الشيبس والكاكاو والقهوه والسهر.. طبعا أنا أخالفهم .. ( مشكلتها عنيدة ) وعقدتي الإبر .. أخاف منها مووووووووت .. :408r::408r: إذا شفت الإبر أصاب برعب وأبكي .. ( وتبي تجاهد ) قبل مدة في الشتاء مرضت بالتهاب شديد في الرئة وكنت أسعل بشدة ولا أقدر أنام أو أتنفس ..وما خليت عيادات ولا مستشفى وبدون فايدة .. آخر شئ لقيت علاجي عند خادمتنا .. صلحت لي شاهي زنجبيل معه بعض الأعشاب .. أول ما شربته قدرت أنام وسكن الالتهاب واستمريت عليه أسبوع وتعافيت بفضل من الله وحده ..

صرت مثل العجايز اللي ما يحبون المستشفيات :d: بس أمي ما تقتنع إلا بالمستشفى ..

<< قالت قصة حياتها ..

تسلم مستر شبث على طرحك الرائع ..

أختك

تذكار

[الشبث]

صح لسانتس يا تذكووووره

او مهي قصيده





انا والله مر لي نفس الموقف

فقبل سنه تعرضت لمرض غريب عجيب ( حتى اسالوا شنقل )

وكل يوم بمستشفى ولا فيه فايده

لدرجة اني قلت بس هذا اللي فيني ( سارس ) الله يكفينا الشر

ودرجة حرارتي 40

لين جت وحده عجوز من الربعاااات وعطتني علاج شعبي

والحمد لله تم الشفاء بفضل رب العالمين




فالقصص واجد

وانتي يا تذكار ذكرتينا


ثنكيوووووووو





وتقلدي تحية شبوث

[شموخ]

اهلين بالشبث

الصراحه احيانا ماتدري وين الله كاتب لك الشفاء احيانا يكون عند طبيب شعبي واحيانا عند طبيب وكلها بفضل الله سبحانه وتعالى احيانا مايكتب لك عند الاطباء ويكتب لك عند الطبيب الشعبي .

واذكر بالمناسبه هنا قصه حصلت لأحد ابناء الملك عبدالعزيز مرض على عهد الملك عبدالعزيز كان طفل هذاك الوقت بحمى وطولت معه فأرسله الملك عبدالعزيز للقاهره ومعروف الطب في مصر متقدم على المملكه في هذيك الأيام وعالجه فيها كبار الاطباء في مصر ولكن بدون جدوى لم يكتب له الشفاء في مصر فارسل لهم الملك عبدالعزيز برقيه يسألهم فيها عن نبات على ماظن قالوا اسمه الكنا كينا كانوا يجيبونه من الهند يبيهم يعالجونه به اذا هو عندهم فارسلو ا للملك يشورون عليه ان يرسلون عليه ولده مادري هو مو موجود النبات عندهم او انهم مايعرفونه الله العالم فأرسل لهم الملك عبدالعزيز طبيبه الخاص ( رشاد فرعون ) واخذ الامير الى الرياض وعالجه بالكناكينا وسبحان الله شفى :)

يعنى وين مايكتب لك الشفاء بتلاقيه سواء عند طبيب متواضع شعبي او عند طبيب ماهر .

اما بالنسبه لإجابة سؤالك الصراحه ماعمري رحت للطب الشعبي ، واكره الروحه للمستشفى ماروح غير من الشديد القوي اما زكام وحمى صراحه ماحب اروح الله يخلي لنا الليمون والبنادوووول ولا احب اعود جسمي على كثرة الادويه صراحه لان كثرة الادويه تفقد الجسم مناعته :) :)

صاير دكتور شعبي يالشبث وين العياده :) .

تحياتي لك

شموخ

[الشبث]

الله يعطيتس العافيه يا خيتي شمووووخه

العياده طال عمرتس حي خنشليله شرق جامعة البنات :)

اي عياده الله يخليتس

انا لو عندي بقاله مابي بلا


ولا تقاطعين بالردود :goooood:




وتقلدي تحيتي

[راعي الوقيد]

الكناكينا :) << تقـــــــل خبصـــــــــة ورقـــــــــــه :a:

والكناكينا هذي وين تلقــــــــــى !؟

وإلاّ حاجـــــــــه ملكــــــــــي!!

سي يووو

[شموخ]

الكناكينا :) << تقـــــــل خبصـــــــــة ورقـــــــــــه :a:

والكناكينا هذي وين تلقــــــــــى !؟

وإلاّ حاجـــــــــه ملكــــــــــي!!

سي يووو

اهلين راعي الوقيد

وشتقول "خبصة ورقه ":eek:

مادري والله عن شكلها انا سمعت بالقصه وماسألت عن الوصف يقولون من الهند تستورد يعني ماهي ملكي ولا شي يارجال اللي يبيها بيجيبها بس اللحين مدري موجوده والالا الله العالم ان شاء الله محد يحتاج لها :)

تحياتي
شموخ

[الشبث]

اكيد انه صعب الحصول عليه ( يعني ملكي )

لان بهذاك الوقت صعب تحصل شي جايبينوه من الهند

الا الواحد القادر على المصاريف

بس مثل ما قالت شموخ انشاء الله محد يحتاجوه

الا بوش واعوانوه ولا يلقونوه

وتقلدوا تحيتي