تكفووون واللي يرحم والديكم تعالوا

[شموخ]

سلام عليكم ياأهل الألغاز

جاني رسالتين عباره عن لغزين واحترت في حلها والصحيح اني ماودي اتعب المخ على ماهو تعبان :):) ابي حلها واللي يرحم والديكم والصراحه مدري لو كان قد عرضت هنا لأني ماني من المتابعين للألغاز ...


اللغز الأول

انشدك عن عذراء بحجم ظفر الابهام ، تحتضن عيالها في حشاها ...دايم نومها في حضن رجالها وتطرب السامعين باأنغامها ؟


اللغز الثاني

اسود من الليل واسبق من الخيل لاشافه المسلم كفر " اعوذ بالله كفر ":rolleyes:

تكفون همتكم في حلها وانشدوا عن الحل ترى الدعوه فيها تحدي لاتفشلوني :ezpi_blus:ezpi_blus:ezpi_blus

ياويل واحد اشوف اسمه ضمن اللي تصفحوا الموضوع ولاردوا انتبهوا تهديد مابعده تهديد :):)

تحياتي
شموخ

[متفاائل]

شموخ
افكر باللعز الاول واردلك

اما الثاني حله منه به وشدعواء

لاشافه المسلم كفر >>>> نعم هو كفر كفرات سيارة طياره اي وسيلة نقل اسود من الليل واسبق من الخيل

[مستريح البال]

الاول كان ماهو سماعة الاذن

[عذب المشاعر]

تهديد شموخ
ياويل واحد اشوف اسمه ضمن اللي تصفحوا الموضوع ولاردوا انتبهوا تهديد مابعده تهديد

انا تصفحت موضوعك ,,افكر فية وارجعلكhttp://shmmr.net/vb/images/smilies/c.gif

[عذب المشاعر]

خيتي : شموخ

رجعت بساع خايفن من التهديد

بالنسبة للغز الاول اللة العالم ان حلة شريحة الجوال

اما للغز الثانى مثل ماقال خينا متفاءل هو الكفر ( الاطار )

أطيب المنى

[ابو خليف]

خلاص حلوهن الربع

[المفتش]

الظاهر انك متاثرة بالتهديدات الارهابية:thumb:

والله انك منتي هينة ياشموخ وش هالتهديد اللي هد ابطونا n)

بس ماقصرو الربع حلوهن بس هالله هالله بالهدية الزينة للي حلوهن

انا جيت افتش لقيتهم حالينهن ولا كان صارت علوم :good1:

اختنا شموخ لا تواخذين المفتش تراه مرات يحوسه

من شامي لعامي من كثر التفتيش التفتيش والدوجة

سلام للكرم

[اليم]

وين راحت راعيت هاللغز

اللي يسمع تهديده يقول 23 ساعه وهي مقابلة هالموضوع تبي حل :p:

هها نقشعوه للمحلول والا لا :)


TحياT

[شموخ]

تسلموووووووووون كلهم الله يخليكم ولا يحرمنا منكم .

راعين فزعه يالطنايا :) :)

ايه ارسلت وطلع صح ( شريحة الجوال ، والثاني الكفر ) وابشركم من الفرحه نسيت لاارد عليكم العذر والسموحه .

يعطيكم العافيه كلن باسموه وهين ياللي تصفحوا وماردوا اوريكم والا ماكون شموخ :) :)

تحياتي
شموخ

[ســــارا الرياض]

ايه ارسلت وطلع صح ( شريحة الجوال ، والثاني الكفر ) وابشركم من الفرحه نسيت لاارد عليكم العذر والسموحه .
يعطيكم العافيه كلن باسموه وهين ياللي تصفحوا وماردوا اوريكم والا ماكون شموخ :) :)
تحياتي
شموخ

صباح الخير شموخ
وكان بها هدية ترى اول وحده تجاوب انا برسالة خاصة وتسلمي ,,
v
v
حفظ للحقوق نص الرسالة الخاصة
v
v
رد : السلام عليكم

--------------------------------------------------------------------------------

اقتباس:
كاتب النص الأصلي : ســــارا الرياض
صباح الخير ,,
شموخ كيفك وعلى عجالة حل اللغزين :

اللغز الأول

انشدك عن عذراء بحجم ظفر الابهام ، تحتضن عيالها في حشاها ...دايم نومها في حضن رجالها وتطرب السامعين باأنغامها ؟

اتوقع يا اما انها مكرة شريط الكست وعيالها الاغاني ورجالها الشريط ،،
والحل الاخر والذي اتوقعه هو :
شريحة الجوال وعيالها الي في حشاها الارقام ورجالها جهاز الجوال
===================
اللغز الثاني

اسود من الليل واسبق من الخيل لاشافه المسلم كفر " اعوذ بالله كفر "

الحل الاكيد هو كفر السيارة ,,
====================
عموما اللغزين اول مرة يمرن علي واتمنى تكون الاجابات صحيحة ..
ومع السلامة ,,
**
هلا وغلاااااا بسارا
تسلمين ياعمري الله يعطيك العافيه يالغاليه ، برسل الحل لها واشوف انشاء الله هو .

تحياتي لك يالغاليه
شموخ