اختر القصيده التي تعجبك وضعها هنا..ارجو المشاركه من الجميع..

[سلطان الشمري]

السلام عليكم ورحمة الله وبركاته..



احبتي رواد هذا المضيف..


اعجبتني هذه الفكره في أحد المنتديات فأحببت أن تكون هنا



في مضايفنا الغاليه..



الفكره بسيطه جداً .. تتلخص بالآتي..




جمع عدد لابأس به من القصائد الشعريه .. ووضعها هنا..



بحيث .. يختار اي عضو أي قصيده لأحد شعراء المضايف..ويقوم بجلبها الى هنا..





بحيث نخرج بعدد لا بأس به من القصائد الجميله ..


والتي تسهل على الكل سواء الزوار أو الاعضاء.. قراءة القصائد.. المختاره لشعرائنا الكرام..



..



اتمنى التفاعل .. من الجميع دون استثناء.. و لا نريد مرور الكرام ..


..



لكم كل الود..



ا
ح
ت
ر
ا
م
ي

[الداعيه / براك الفريسي الجربا]

موضوع جميل يا نبراس
هذي قصيدة الله يسلمك لشاعر عقاب الربع يوم يسب الدكتور ياليت القاه
واذا تخبره تراك تمون افتح المشاركه وحطه تراها حيل عاجبتن

[محمد الشراري]

الاخ الكريم / نبراااس

اشكرك جزيل الشكر على جهودك المتميزه
ومنها هذه الفكره الجميله والمفيده جدا
حقيقة هذه الفكره كانت تراودني منذ فتره
وكنت اتمنى طرحها وهاهي تحققت ولله الحمد
اشكرك مره اخرى ويسعدني ان اتقدم بمشاركتي وهي مختارات من بعض القصائد التي اعجبتني
ضمن قصائد مميزه وكثيرة لاتحصى لنجوم الشعر من الاعضاء المبدعين 00

القصيده الاولى للشاعر الكبير والمبدع / ضحوي الاسلمي
بعنوان (الشمــالــي ضــاق)



صح الشمالي صدره أوسع من الكون=بس إنتبه ..!! لاضاق صدر الشمالي..!!
وصح انك الغالي وانـا فيـك مجنـون=بس انت ماقدرت من قـال : غالـي..!!
خيبـت هقـوات ٍ كثيـرات وظـنـون=وأخلفـت ماكـان بخيـالـي وبـالـي
وخليت كـل النـاس عنـدي يقولـون :=(مسكين يمشي بالهوى دون والـي..!!)
والناس ناس ..!! وأكثر الخلق يـدرون=باللي معك صايـر .. وماقـد مضالـي
كم قلت لـك لاتفعـل اللـي يسـووون=خلك معـى مخلـص .. بـأول وتالـي
كم قلت لك إترك هل الهـرج يحكـون=وأرفـع مقـام الحـب دايـم بعـالـي
لأن الهـوى مبـدا وحكمـه وقـانـون=شي ٍ كبير .... وشي .. شـي ٍ مثالـي
الله لو تـدري اليـا غبـت وشلـون ؟؟=حالي ... اليا من غبت.. وشلون حالـي
لارحت ضلعي من عنا البعـد محـزون=حتى منامـي ... لاحشـا ... ماهنالـي
وإن جيتنـي دمـي وروحـي يغـنـون=دبكة غلا .. من بعـد طـول إنشغالـي
واليـوم مانـي فيـك مغـرم ومفتـون=اليوم أنا فـي غيبتـك صـرت سالـي
مالك ومالي .. ماانـتْ للخافـق تمـون=وان قلت ليه..؟؟ اقول : مالـك ومالـي
وأكيد لـك رجعـه وأنـا اكيـد بكـون=أحرقـت صفحاتـك ولا لـك تـوالـي
وبسّمعك ( أحلام ) .. لاجـرت لحـون="وش ذكـرك حـب ٍ طوتـه الليالـي"
نعـم طويتـك والغـلا مـات مطعـون=حتـى خيـالـك بقتـلـه لاطـرالـي
ملعـون أبـو قلبـي إذا جـاك ملعـون=وأنـا معـرب مـن عمـام وخـوالـي
انا شمالي صدري اوسـع مـن الكـون=بس انت ماخليت صـدري شمالـي..!!
شعر
ضحوي الاسلمي

والقصيده الثانيه للشاعر الكبير المبدع / فيصل بن طوال
بعنوان ( البرتقاله)



وش يضر (( البُرتقاله )) والرجاجيل ,, القشور=مابقى رجال فينا .. ماسمع باالبُرتقاله

بس مافينا ولا رجال ناظرها .. غيور=والدليل : (( أبو البنيّه )) من يجي فينا .. بداله..؟؟

ليه (( يابنت العراق , الماجده )) هذا السفور ..؟؟=هل كذا (( حُرية الشعب العراقي )) وإحتلاله..؟؟

من سلب منك الإراده \ واغتصب فيك الشعور..؟؟=الحيا .. فينا (( من الله )) وش أدوات إغتياله..؟؟

هل صحيح إنك (( بعشره )) ياصبيه .. للبزور..؟؟=هكذا قرأت في (( إحدى الصحف )) تِلك المقاله..!!

أطربينا ياحزينه .. وإبعثي فينا .. السرور=ارقصي لأحزان شعبك ,, واطربينا للثماله

ياجميله .. وش أشاهد فيك أثناء الظهور..؟؟=وجهك الطاهر \ تشوّه من (( تخاذلنا )) جماله

هزي الإيمان فينا ,, ياموْلِية الدبور=واقع الأمه مرير (( وصمتنا المُطبق )) دلاله

مافهمنا عاقبة (( إن حُصّل مافي الصُدور ))=كيف نفهمها (( يارقاصه )) وأنا .. وياك .. داله..!!

المصيبه (( شايب الرحمن )) لاشافك .. يخور=من طلعتي \ قام يطرد , عن (( تلفزونه .. عياله ))..!!

واجد اللي قالوا : إركد .. قلت : لاوالله .. بأثور=دامني (( مؤمن )) فأنا \ ميقن بأن عندي \ رساله..!!

من يعيش اليوم ,, باكر يصبح من أهل القبور=والا انا .. كل يوم (( موتي )) أنتظر .. حطة رحاله..!!

جيت أنادي (( للفضيله )) ياعرب .. بين السطور=والفضيله مستحيل تكون (( بدعه أو ضلاله ))

إنزلوا (( لاهل الشوارع )) يامقيمين القصور=إحتقار (( الفكرالآخر )) يُعتبر حُمق ,, وجهاله..!!

شرقنا الأوسط .. تزامت (( من معاصيه )) البحور=إفطنوا (( للشرق الأوسط )) قبل يأذن ,, بإنحلاله..!!

التّفُحش \ زاد فينا .. وإنتشر فينا .. الفجور=الوعي \ أصبح جريمه ,, ونضرة الواقع \ خماله..!!

قمت أشوف (( بنِيوات الدين )) يربطن الخصور=والشباب (( موظفين )) اليوم في بند \ البطاله..!؟

بعض (( تجار العروبه )) للقيم .. علة انحور=البلاد الينزلوها .. بدلوا (( هَلها )) عماله..!!

مايصير إن (( الفقارى )) مايلاقون .. الفطور=والغني \ مُسرف على (( معزوفة المنكر )) ارياله..!!

في مثل هاالشعر هذا .. ودك الواحد \\ حضور=والله يخلي لنا : شعّار يالاله .. يالاله ....

ومن يبي ياطا .. على (( الجُره )) حلاله .. لايدور=كاني أزعلته بكلمه \\ هذا انا .. كلي حلاله ...

لاأنا (( مُصلح سياسي )) ولاني (( معقّد أُمور ))=من قبل مني \ شكرته ,, ومن رفض \ مالي .. وماله..؟شعر /فيصل بن طواله


وتقبلوا خالص تحيات اخوكم/
محمد الشراري

[سلطان الشمري]

حين يصل بنا الحب إلى مرحلة " الاندماج " التااام

نبدأ باصطناع الخلافات لأتفه الأسباب

فقط لنضيف بعض البهارات على هكذا... عشق!!

.
.
.
.
.

تهاوشنا على غلطة / و كلن سار في دربه = يقول إنت السبب فيها / و أقول انه هوَ الغلطان

تخانقنا / تباعدنا / و كلن ماسكن قلبه = يناظر مننا الثاني / عسا يبداه بالغفران

و لكن كلنا كابر / و غاب الشوف عن قربه = بدا جوّالنا ينطر / و زاد ف حيرة الحيران

أهو مثلي بعد عاشق / و حاسس حيل بالغربة = تأخّر ما سِمع صوته / و لا عوّدته ع الهجران

أحبّه زود هذا اليوم / و أنا ويّاه في صحبه = يقولِلّي على "الصامت" / يا ليت اللي حصل ما كان

أقولِلّه: كِسَرْ كوبي / جَعَلْ يِفداه من شربه = و هو قاعد بيقرالي / "بخت" من ضيّعه خسران

صرخ!! طاعن بإحساسي / و هزّ الإيد في غضْبه = يقول: الحين هذا الضيم / لَجِلْ إنه كسر فنجان؟

و اذا فيها مسج منّه / بريح المسك من صوبه = مسج فاضي و لكنه / عتب لايق على الخلان

مسج ظهّرني عن طوري / و هذا عهدي بْحبه = مسج فاااضي يخاويني / مسج و المرسل "الزعلان"

.
.
.
محبتكم

الدهور

[مستريح البال]

(( طاب فالك ))

:

:


سيّـدي ليـه السهـر .. لاتعلـل أنجـوم الليالـي=لا تسامرهـا مدابيـح(ن) تـلالا .. فـي سماهـا


أرحم الخفاق سيدي .. وأرحم أحوالـك .. وحالـي=ريّـح أعيونـك وخلـه تهتنـي بلـذة .. كراهـا


أترك أحمول الغرام أن شلتهـا .. مثـل الجبالـي=كل مـن شـال الحمـول الكايـده همـه كواهـا


كل طعنه في زمانك له جـواب .. ولـه سؤالـي=أنشد أطعـون الخناجـر فالحنايـا .. وش مداهـا


كل شي(ن) ياحبيبـي مالـه أول .. مالـه تالـي=ولاشكى الجمره سناها غير رجل اللي .. وطاهـا


سيّـدي تفاحـة آدم ذنـب مافيـهـا .. جـدالـي=لاتوسـوس ذنبهـا بالنفـس مايغّفـر .. خطاهـا


أدري أني مشغل(ن) بالك وأنـا مرتـاح .. بالـي=أشهد أني وسوسة نفسك واعرف أنـي .. بلاهـا


ماني قيس .. ولا أنت ليلي .. خلني داله .. وسالي=ماتت الدمعه عسى الله يجبـر بعينـي .. عزاهـا


دام أشوفك ناوي(ن) درب الجفى مالك .. ومالـي=كل عين(ن) تحتقرنـي أعتبـر فيهـا .. عماهـا


لا تقول أنه حبيبي ينتظـر لحضـة .. وصالـي=لا تباهـا فـي غـرورك لا تباهـا .. لا تباهـا


رح بمان الله سيـدي فـي طريقـك .. لا تبالـي=سيّدي تدري ربيع النفـس قالـو .. فـي هواهـا


سيّدي لا تشتكي لي من زمـان(ن) .. ماصفالـي=كل نفس(ن) في هواها .. وكل نفس(ن) في مناهـا


لا تشد .. وترخي .. أحبال(ن) تحسب أنه .. حبالي=سيّدي قصـة غرامـك مـن بداهـا .. انتهاهـا


لا تسولف قصة(ن) ماله مـن الواقـع .. خيالـي=لـو تّترجـم بالحـروف ألابجديـه .. ماقراهـا


سيّدي ليتك أتجـرب فـي زمانـي .. ماجرالـي=ليتك أتحس بخفوق(ن) ناحل(ن) حالـه .. طواهـا


عشت أنا قصة غرامك بين مـر .. وبيـن حالـي=عاشقـك قصـة غرامـك أبتداهـا .. وأنتهاهـا


أقطع أحبال الرجـاوي سيّـدي مالـك .. مجالـي=دامها تقصر حبالك .. عن أحبالي .. مـن وفاهـا


طاب فالك ياحبيبي .. بالفـراق .. وطـاب فالـي=لا تلّوع عـزة النفـس الحزينـه .. فـي مناهـا


خليف الجهيلـي

[مستريح البال]

اشكرك اخوي نبراس على مااتيت به .. فعلاً فكره رائعه

مع ان الاختيار صعب لكثرة الشعراء المميزين ولكن الشاعر خليف الجهيلي يجبرنا على متابعته ،،،

احتراماتي للجميع ،،،

[راعي الوقيد]

اربعــــــــــة شالوا جمـــــــــل والجمــــــــل ماشالهــــــــــم!؟ :)

اللــــــــه عليكــــــــــــم ياهل الشعـــــــــر النبطــــــــي .. الى هالـــــــدرجة تبــــــدعـــــــــــون !!

المايستـــــــــرو نبـــــــــراااس:thumb: ،،،

فكــــــــرة رائعــــــــــــــــة << ويمكـــــــــــن نقتبسها لمضيــــــــف القصـــــــة والمــــــــــوروث الشعبــــــــــــي تسان تصلــــــــح:a:

على قولتكـــــــــــم جيـــــــــت للإستمتـــــــــاع فقــــــط ليـــــــس إلاّ !!

تحيــــــــــــــاتـــــــــــــي ...

[سفاح الخريصي]

(( حــنـــا الـطـنــايــا ))

حنـا الطنايـا .. لاطنينـا .. طنينـا = تشهد لنا حايل .. واجاء .. والرعيلـه

وتشهـد بعـد كـل القبايـل عليـنـا = ان الطنايـا .. أسـم ذيـك القبيـلـه

أسـم الطنايـا تـاج فـوق الجبيـنـا = تـاجٍ ينومـس كــل راسٍ يشيـلـه

تاريخنـا وافـي لصـرحـه بنيـنـا = بأفعـال ربعـي كاسبـيـن النفيـلـه

للشمـس مرقـاب الطنايـا .. رقينـا = في قمته .. في قمتـه .. نرتقـي لـه

مثـل النجـوم الساطعـات أعتليـنـا = ومثل السحـاب وكـل عيـنٍ تخيلـه

يابنـت حنـا لازعلـنـا .. نويـنـا = ماهي سوالف الف .. ليلـه .. وليلـه

شمـر ليـاعـدو اعلـومـه تبيـنـا = افعالنـا بالطـيـب كــلٍ دريـلـه

كبار الصحون ونفتخـر .. لاحكينـا = وسـاع الطعـون وفعلنـا مايبيـلـه

لاجـاء نهـارٍ بالمـلاقـى رسيـنـا = مثـل الجبـال الراسيـات الثقيـلـه

يابنـت حنـا لامشيـنـا .. كفيـنـا = الله وكيـلـك مامشيـنـا .. بحيـلـه

نـزوم لاكـن لانويـنـا .. قويـنـا = للعـز نجـمٍ يستخيـل .. ونخيـلـه

عاداتنـا .. عاداتـنـا .. لاأرتكيـنـا = كـل الحمـول الكايـده .. نرتكيلـه

نشـوش لامنـه تعـزوى .. حدينـا = لاثار عـج الخيـل كـلٍ .. وخيلـه

حنـا مقابيـس الـوغـى لاأنتخيـنـا = نـارٍ تقابـس عنـد قبـس الفتيـلـه

اليـا ركبنـا ضهورهـن وأعتليـنـا = عيبٍ على اللـي مايناطـح .. قبيلـه

مثل المزون الناشيـات .. ان مشينـا = ولاكماسـيـلٍ تـحــدر مسـيـلـه

حنـا الطنايـا لازعلنـا .. وزميـنـا = نزوم زومـات البحـور .. الطويلـه

والله نقـط ارواحـنـا .. ماأنثنيـنـا = يوم الشدايـد والسـوف .. الصقيلـه

نشـرب قـراٍحٍ صافـيٍ لاضميـنـا = حتـى يبـل اكبودنـا .. سلسبيـلـه

نموت في عز .. وشرف .. ماشكينـا = لاماشكينـا ولابـتـي .. ينشكيـلـه

عاداتنـا .. يابنـت لامـن .. غزينـا = بسيوفنـا نشـف القلـوب .. الغليلـه

بالدم خضبنـا السيـوف .. وكسينـا = لجل العيـون الناعسـات .. الكحيلـه

كم فارسٍ من فـوق خيلـه .. رمينـا = من هامنـا تبكـي عليـه .. الحليلـه

حريبنـا يبلـش ولالــه .. معيـنـا = الياوقـع بيـن الصناديـد .. ويـلـه

اليارفع خشمه .. لخشمـه .. وطينـا = ناطا على خشمه .. وراسه .. نزيلـه

قاسيـن لاشـان اللغـى .. مانليـنـا = والمـوت لامنـه دعانـا .. نجيـلـه

بيض النوايـا لابتـي .. لـه وفينـا = حنـا الطنايـا يالقلـوب .. الهبيـلـه

وخوينـا لاصـار دالـه .. رضينـا = حنـا هـل الخـوه ومنـا .. دليلـه

والجار كنـه مـن حـدا .. والدينـا = لوكان يخطي نحتمل جـور .. ميلـه

ودخيلنـا لامــن زبـنـا حميـنـا = وليا عوى ذيـب الفيافـي .. نعويلـه

والضيـف نذبحلـه وتشهـد .. يدينـا = يكفي كرم حاتـم بذبـح .. الاصيلـه

ويشهـد لنـا ذيـبٍ تعشـى السمينـا = عشـوه ربعـي بالسنيـن .. البخيلـه

حنا هل الناموس .. رحنـا .. وجينـا = وأهل الوفا .. والكيف .. دله .. وهيله

وأهل الكـرم حنـا ويامـا .. عطينـا = ياما عطينا مـن العطايـا .. الجزيلـه

مثـل الجبـال ابطينـا .. شامخيـنـا = أفعالـنـا بالطـيـب .. ماينـقـولـه

يابنـت والله .. لاطنينـا .. طنيـنـا = ماهي سوالف .. الف ليلـه .. وليلـه


اخــــــــوكــــــــم


خــلــيــف الـجـهـيـلــي

[سفاح الخريصي]

اخي نبراس

فكره جيده وجميله كل الشكر لك

اخترت قصيده للشاعر الرائع خليف الجهيلي

واحترامي للجميع

سفاح الخريصي

[صدى صرخه]

مساء الخير يا اخي العزيز نبرااااااااااااس فكره طيبه ورائعه بس اتمنى ان تكون القصيد المنشوره من افضع القصايد والقديمه يكون احسن وقصايد تكون للتاريخ شمر وابطاله وشعراء شمر المعروفين وتاريخنا المجيد يا اخى ولا يهنون الجميع ودايما انت اسباق يا نبراااااااااااااااس ويعطيك العافيه يا بعد حــــــــــــــــــــــــــــيي اخوك 0صـــــــــــــــــــــــــــــــــــــد� � صـــــــــــــــــــــــــــــــــــــــ ــــــــــــــــــــــرخــــــــــــــــ ــــــــــــــــــــــــــــــــــه

[سنجار]

نبراس

موضوع متميز وفكره رائعه

ونحن ندون أجمل مانظمه شعراء المضايف المبدعون

لينتظم العقد بدرر الشعر التي تزين مضايفنا

بأجمل المعاني.

وسوف تكون البدايه أبيات رائعه

للشاعر الجزل المبدع

واحد من الناس

وهو غني عن التعريف:




..... ما..أ قول اني لمست الغيم هو الغيم قال
............................. اني لمسته والدليل الوبل وبروق المزون


..... اخترت مما طاب لي ومالذ واخذت الجزال
........................... واغلقت باب النافذه والا عيوني في عيون


..... قد ماتقدر تقول عيون سودا ولاتزال
............................ فيها مساحات السواد البدو فيها يضيعون

[سلطان الشمري]

عشرة عمر..


للشاعره...المبدعه..الاخت../

السنافيه ..


***


متواضعة اتمنى ان تنال على بعض استحسانكم


دنوا القرطاس يمي عندي همومٍ ثقيلة=ما يخفف عن همومي لين افضفض للشعر
لا انسكَب همي علي بيض الورق واخلى سبيله = تنجلي بعض الهموم اللي تسيطر عَالفكر
ياقصيدي.. اترك سلوم البدو ولا القبيلة = خذ كلامي واعتبررايي فقط وجهة نظر
يا قصيدي وانت تدري في حكاية ألف ليلة=وكيف مع جرح الليالي آتحلى بالصبر
والهنوف اللي مشت درب النقا ويا الفضيلة=حايرة بين (الاهل)و (الحب) والطبع العسر
لو تقول ولو تفضفض من أحاسيسٍ مهيلة = هي حدا الثنتين تاصل.. للعقوق او الكفر
صاحبي ان كان ودك تمشي.. الطرقه طويلة = وكانك مصمّل تحمّل لين تاطى عَالجمر
ولا تقول ان الليالي في عطاياها بخيلة = انتزع حقك وثابر لين تاصل للنصر
ولا انا.. عزي لحالي والطموح المستحيلة=ما جداي الا دموعٍ فوق خدي تنهمر
مجبرة امشي بدرب العاطفة مالي دليله = المشاعر مو بيدي لاجل انا اجبرها جبر!
والزمان اللي يشح ومدته مدة قليله=مالي ابداً ياقصيدي عنه ملجا او مفر
الغموض ملازمٍ طبعي ولالي عنه حيلة=اتظاهر بالفرح ولا الحقيقة ما تسر
لين صاروا يسألوني.. يحسبون اني عليلة= ما دروا همٍ بجوفي محتكر قلبي حكر
حظي اللي ما لقيت الا الردا به والفشيلة=بيني وبين الحظوظ الطايحة ((عشرة عمر))
ياقصيدي.. ويش رايك بالتوافيق الهزيلة=تعتقد همٍ بقلبي يمكن انه يندثر؟
ياقصيدي .. شوف عينك بين نيل وبين نيلة=وبين هم وبين دمع وبين جرحٍ مستقر
ياقصيدي.. لاتغرك ضحكة وبسمة جميلة=بسمتي اخفي وراها عبرة وضيقة صدر
ياقصيدي.. ويش اسوي مالي غيرك ارتكي له = خلني عندك افضفض عن همومي والقهر
ياقصيدي
°
°
ياقصيدي
°
°
؟؟
°
°
ياقصيدي لاتروح ارجوك... ادري بي ثقيلة= اسفة عكرت صفوك.. ياقصيدي اعتذر



وسلامة الجميع

السنافية

[شموخ]

اهلين بالأخ نبراس

كثيره القصائد الجميله والمعبره والمؤثره لكن فيه قصيده اعجبتني ولازالت بعض ابياتها عالقه في الذهن من جمالها وهي قصيدة الغايبه للشاعر ضحوي الأسلمي .

وهذه القصيده كامله يامشرفنا




ياغايبـه غبتـي ولاعــاد iiشفـنـاك
وينـك تعالـي زاد هـمـي iiبهمـيـن
شوفـي بقايـا هيكلـي مـن iiسوايـاك
كلـي نحفـت ولابقـى غيـر iiضلعيـن
ضلع ٍ يضم اللـي بقـى مـن iiهدايـاك
وضلع ٍ يضـم الدمـع لاهلـت iiالعيـن
شوفي دخيل اللي مـن الحسـن iiسـواك
شوفـي وحنّـي وإرجعـي iiلاتروحيـن
حنّـي لقلبـي دام نبـضـه iiبطـريـاك
دامي بنيـت لحضرتـك فيـه iiقصريـن
قصـرٍ وريـدي فيـه ياكـنْ iiشـبـاك
والقصـر الاخـر فارْشتـه iiالشراييـن
حنّي دخيل اللـي مضـى بالزمـن iiذاك
يومي معك في مامضى لي مـن iiسنيـن
يومي احـس البـرد واجيـك iiوادفـاك
مـره دفـا جمرك..ومـره iiبالإيـديـن
يـوم الحنايـا رحبـت فيـك: iiحيـاك
جيتي لهـا ضيفـه وصرتـي تمونيـن
كم كنت افاخر وافتخـر فـي iiمزايـاك
كم كنت لك وافي على الـروح iiوالديـن
ماكنت افكـر يـوم فـي يـوم ابجفـاك
عشتي بكـل اوقاتـي الزيـن iiوالشيـن
كلي مـع احساسـي ودمـي iiعشقنـاك
بعنـا البشـر كلـه وجينـاك iiشاريـن
غلاي صادق لك من اقصـاك لاادنـاك
غـلاي غيـر وغيـر كـل iiالمحبيـن
عطيتـك بجوفـي مـن iiهناك..لهنـاك
دولة غـرام وشعـب ياصـل iiملاييـن
عطيتـك الحكـم الغرامـي iiوالامـلاك
رشحت لـك اعضـاء وزاره iiوتكويـن
والـيـوم ودك نفـتـرق iiواتنـاسـاك
كذا نويتي..!! لأصدق الـود iiتنسيـن؟؟
وش ذنب من حبك على الخلق واغلاك؟؟
ازعل عشانك نـاس بالحيـل iiغالييـن
ازعلتهـم iiلرضاك..لرضاك..لرضـاك
ازعلتهـم لأجلـك علشـان iiترضـيـن
مدري وش اللي صار مني ووش iiجـاك
كذا بدون اسبـاب واعـذار تقسيـن!!!
ليـت الغيـاب ايـام يمكـن عذرنـاك
المشكله غبتـي يجـي حـول iiشهريـن
والمشكلـه رقمـك ادقــه iiولاالـقـاك
يدق لكـن ماحصـل لـي iiترديـن!!!!!


يـــاغـــاااااااااايــــبــــه



وشـــلـــووون iiابــكــتــب



وابــــــبـــــــداك ii!!!!؟؟





ياغايبـه وشلـون ابكتـب iiوابـبـداك
وانتي جزمتـي عـن عيونـي iiتشديـن
وشلون ابكتب كيف وشلـون iiابقـراك؟
في وسط نثري والقصـص iiوالدواويـن
حتى القلم حـزّن علـى يـوم iiفرقـاك
حبره نشـف ماعـاد يكفـي iiلسطريـن
ياغايبـه وشلـون ابسـهـر iiبلـيـاك
في ليلي الموحش..ابسلاك انا منين ii!!؟؟
مـن ويـن قولـي جاوبـي iiاترجـاك
من وين ابسلا كيف..من وين من iiوين؟؟
ياغايبـه عـودي تـرا مقـدر iiانسـاك
تكفيـن عـودي يـااول الحـب تكفيـن
ياغايبـه شـوفـي بقـايـا iiسـوايـاك
كلـي نحفـت وزاد هـمـي بهمـيـن
تحياتي
شموخ

[( نواف )]

هذي قصيدة الله يسلمك لشاعر عقاب الربع يوم يسب الدكتور ياليت القاه
واذا تخبره تراك تمون افتح المشاركه وحطه تراها حيل عاجبتن

اخي الغالي / براك الفريسي الجربا

هذي قصيدة الرحيم / عقاب الربع ( مكاااااااااااااااااالمة بايخه ) اللي انت بغيته ,,

يوم انه يسب الدكتور :


ألو مرحب..هلاوالله تفـــضل معك انا اهلين = اخوي ابغى ولي امر (يوسف عقاب) انا الدكتور

تنهدت ودريت انه مولم طعنـــــة السكين = وانا من دون سكيـــنه يـ كم سكين بي مـكسور

نعم امر يادكتور. وتلفض لي بعد يوميــن = تجي معك الطفل يوســـف ولاتفوّت عليه الــدور

سكتَ.. وقلت يادكْتْوْر انا ويني ويوسف وين = يادكتور وينكم عنّه وانااصرخ لي ثلااااث شهور

تجاهلتوه يا ابن الكلب طنشتوه يالوسخين = على شانه شمالي؟؟ اوعشانه مو ولـــد هامور

حبيبي مااااات يادكتور قدامي قبل شهرين = قبل شهرين كفنتــــه انا فــ يديني يادكتور

زهق من (مجزرة رفحاء)وغذايه وخبث ايدين = وتعب من (اجهزة عرعر)ومشفى كل ابــوه قصور

نخاكم بس يبي منكم سرير ينام فيه شويـن = وكسرتوا خاطر الطفل// وغدا من خبثكم مخطـور

تكاثرتواعلى يوسف (هوا الله) ليه ياشينين = كأنه من كثر غبنه بكم وادع وهـــــو مقهور

حرام انتم بشرواذابشرفـانتم من الضالين = بلا رحمه.. بلا دم .. وضميرٍ فاســــــدٍ مقبور

يــ بيخك حيل بايخ يااستشاري المسخره والبين = فـ برودة دم تبغاه يحضر؟من وين؟ من هالقبور

قبل مده وقفت وشافوا وقــوفي هكالغالين = رجعت ولا معي يوسف وعّمر هالحــــزن بــ صدور

رجعت لـ بيتنا ضايق حزين ولادمعت لي عين = لأني لو بكيت امه تموووووووووت وجيتها مسرور

واقول : اليوم لاتبكين غيره نُرزق بعشرين = ويُملا البيت يـ ام يوسف.وانا في داخلي مذعور

الى هالحين ماسكرّت علامك؟ وش تبي هالحين = عطاك العمر يادْكْتُوُرْ ولا قصّرت به مشكووووووور

يــ بايخ ظف وجهك ولا ابغى تتصل بعديــن = حبيبي مات من شهرين فماااااااان الله يادكتور




نواف

[بركات الشمري]

يحتار القارئ عندما يختار قصيدة لهداج الشعر (( فيصل اللويش )) ..
اخترت لكم أحد نصوصه الرائعه ألا وهو (صرختين وقنبله) .. محمد الدره ..
ولو كان الأمر بيدي لأحضرت الديوان أكمله هنا ..

أدعكم مع هذا النص الراقي .. شعراً وفكرا..



مانبي نبقى عباره عن براويز وصــــــــــــــــــــور=في أروقـــــــة مــــنزل قديـــمٍ أو كـــــراسي مهمله
ولانبي نبقى مجرد فهرســـه .. هامـــش .. خــــــبر=أو مسرحيات وهــــتافــــات وأغــــاني مخجــــــله
والمسجــد الأقصى حزينٍ بات بأحضــــان الكــــدر=وده يســـولف كـــم من الأطــــفال مـــات بمدخــــله
والـــــقـــدس تلفض آخر الأنـــــفاس ذل وتحــــتظر=تحلم بمــــن ينفض ثراهــــا من اليــهــــــود ويغسله
حتى رحل عنها الحمام وغصــــن زيتون انكـــــسر=والإبتســـــامه أصبحـــــت حلم الشـــــفايف تجهـــله
طفــلٍ يبي يركض ويركض لو يبلــــلــــه المطــــــر=وطفــــل ٍ يبي يلعـــب ويضحك والحكـــــايه تشغــله
وطفــــله صغيــــره تفرح ليا شـــافت الليله قمـــــــر=تفــــرح ليا من لبسوهــــــا خـــــاتـــمٍ أو ســـلســــله
دمعاتها صارت سلاسلها وخواتمــــــــها جـــــــــمر=والعندليب انبح صوتــه لين عــــاف الــــعندلـــــــــه
تشردوا وســـط الشوارع واعــــــرفوا معنى السهــر=طفله بكت والطــــــفل يبحث عن بقـــايـــا منـــــزله
ظلــــــــــــمٍ وطت أقدامهم أطفـــــال في عمر الزهر=وأكبــر خطايــــاهـــم حــجــــر تكبـــيرتين وهــــلله
حقــــد امتلت أفــكـــارهــم وقلوبهم ســـود وصخـــر=أكبــــر مبادئهم : طــــفل يحــــمل حــجاره نقــــتله
طفــــل انهشت قــلـــبه رصاصه شــــافوا بيده حجر=صار الحجر ذنبٍ يحـــاسب كـــل طفــــلٍ يحـــــمله
صار الحجر أكبر خطيـــــئه لقتل الأطفـــــال وعذر=صارت مبادئـــــــهم : عباره عن جنــــون ومهزلــه
أثر الحـــجر في عيـــــن من يسرق رغيفك له أثـــر=وأثر الحــــــجـــاره في يدينٍ صــــادقه كالقنـــــــبله
الله وأكـــــبر كـــــم رصــــاصه سكتت صوتٍ جهر=والإنتفاضه صوت يصــــدع والصــــــدى له زلزله
لو حرقــــــونا وقطعـــــــــونا لألف قطــــعه في قبر=أحياء تبقى أجــــــــسادنا تحت الــــــــــــتراب مبلله
وينه صلاح الدين وينه ويـــــن أبو بــــكر وعمـــــر=ســــيف الله المســــــلول وينــــه والســــيوف الأوله
الصـــــبر علمنا القــــــــساوه لين صاحبنا الصبــــر=والصبر ملّ من الثــــــــــــكالى ومللته الأرمــــــــله
غربــــه نعــــــيش ليا حكـــــينا وإن تصبـــــرنا قهر=يبقى بــــــحناجرنا سؤالٍ مــــنهو اللي نســــــــــــأله
وش ذنب طفلٍ ماتجاوز عمره أكــــثر من عــــــشر=يصرخ ورشاش اليهــــــــــودي مارحـــــمه وجندله
صورة طفل بلّت دمـــــائه الأرض وأغصان الشجر=قـــــــدام والــــــده إنطــــحن حبٍ ومــــاتت سنـــبله
ومحمــــد الدره شهـــــيدٍ عــــاش بعيون البـــــــــشر=مات وبقى في كــــــل قلب ٍ صرخــــــتين وقنـــــبله
مات وبقى في كل شــــــبرٍ مــــــن أراضـــــينا درر=أطفال علمها صلاح الدين بـــــــــــــاس ومـــــرجله
ومحمد الدره إمـــــــــــــــتدادٍ للغــــــــــلام اللي قدر=يحيي قلوب أصحاب الأخــــــــــــدود بسهام البسمله



فيصل اللويش

[الأدهم]

الشاعر الرائع .../

زيـــــــــــــــــــــد..





يطيب الشعر في روضٍ روى من مزنة الهملول =سقت مفلى نيـاقٍ وضـح . وخيـل . ونـار مشبوبـه
نبت فيها النفل والشيـح يمـاري سـدرة الغرمـول =على طعـسٍ حمـر يزهـى جبيـن الطعـس وجنوبـه
يفوح من الحيا عشـبٍ خضـر والكـادي المبلـول =يـداعـب وردهــا نـحـلٍ عشقـهـا بــاروع اسلـوبـه
تخافت في مرابيعه حبـاري . والقطـى المذهـول =وغـنّـت بـالـفـرح ورقـــا تـهــادى بـالـفـلا دوبـــه
علـى هـذا لمحـت الشمـس تـدوّر للغيـوم حلـول =تبـي ترسـل خيـوطٍ بيـض حريـر تـقـول مسلـوبـه
وأنا واقف .. خذت عقلي هنـوفٍ جيدهـا مفلـول =تغوض الماء على هونه . تمسّك فـي طـرف ثوبـه
هنـوفٍ لانثـى عــوده يهـيـم الضـامـر المسـلـول =تحـت هـاك السنـود اللـي عـلـى كيـفـه ومطلـوبـه
عذروبها لامن مشت تخاف من أشقـر المجـدول =تعثـربـه هـنـي مــن هــو يعـثـره طــول عـذروبـه
سـلام الله علـى عـيـنٍ تـعـدت بالـحـلا المعـقـول =عسـى الله مـا يواخـذهـا وأنــا واحــد مــن ذنـوبـه
على هاك النحر موتي .. مع الفضة وعقد اللول =وتنوح لجلـي نيـاقٍ وضـح . وخيـل ونـار مشبوبـه

[ريم شمر]

فكره مميزه يامشرفنا المميز

شكرا لك

واذا تمكنت فلي عوده للمشاركه


ريم

[ابو خليف]

انا صراحه معجبتن كم قصيده ولخصتهن بهالرابط

هذي القصائد الي معجبتن (http://shmmr.net/vb/forumdisplay.php?f=3)

[عبدالله الجعيثن]

قصيده رائعه للشاعر الغائب

الكاسب...واللي نتمنى عودته


قبل القصايد اشقـر الكيـف دنـه=صبه من اللـي كنهـنّ الغرانيـق
بغـداد كيفـي ياسعـد يطربـنّـه=فنجالهن مثله من الكيف مـا ذيـق
اشقر كما انـه للخونـدات حنّـه=ينعش شرابـه يابسـات المعاليـق
يطرب مزاجي ريـح هيلـه وبنّـه=واغيب لي لحظه عن الناس وافيق
اوجس خفوقـي يومهـن ينعشنـه=كنه دبـا بـه ذر بيـن الصناديـق
انا اشهد انه كيف وانا اشهـد انـه=كيفٍ يروق عامس الراس ترويـق
يبري جـروح ٍ بالحشـا مستكنـه=مثله على خطو الردييـن ماسيـق
واليا ارجهن الكيف واليا ارجهنـه=روح المعنـا استمـع للطواريـق
اسمـع نديمـك والليالـي لـونـه=يسهر يوثق بالحـروف المواثيـق
غنيت قافي وانـت يالقـرم غنّـه=قـافٍ لـك الله ماتجيـه التلافيـق
لا ياسعد ماني مـن اللـي تظنّـه=ماني من اللي بالعـذارى مطافيـق
ماقلبـي اللـي ياسعـد يجرحنـه=من دونهن كـل المـوارد مغاليـق
عيب ٍ علـى اللـي مثلنـا يفتننـه=من روحن للسوق ويـا السواويـق
ماهو انـا اللـي بالهـوى وهقنـه=الا اذا العارض يسير على ابقيـق
مثلي يعيي عن هوى الخـود لنّـه=تنزيـل نفسـه للغناديـر مايطيـق
لا ياسعـد واللـي بقلبـي اكـنـه=انه طموحي نايـفٍ كنـه طويـق
واللـي طموحـه عاليـه يتعبنـه=مثله من اللـي للمعالـي مشافيـق
وان يسر اللي ساير الـرزق منـه=غاية طموحي مالها غيـر تحقيـق
واليا بغينا العشق والعشـق سنّـه=مانعشق الا مـن بنـات المطاليـق
كـل القبايـل طيبـهـم يعرفـنـه=اللي سمو بالطيب فوق الشواهيـق
بنت اللـذي يامـا السرايـا نخنـه=في حزةٍ يابسبها العـرق والريـق
واليـا العـذارى فرعـن فزعنـه=يودع طوابيـر المعـادي تفاريـق
واخت اللذي يوم العـزاوي دعنـه=فيها تعزوى وانتخا ساعة الضيـق
اللـي نفـل كـل العـذارى بفنـه=سيد العنـادل لابسـات المخانيـق
هاف الحشا والعنق منتـوق كنـه=عنق الفريد اللي بروض الزماليـق
والعين حـرٍ برقعـه شيـل عنـه=عين العديم اللي يشـوق التفافيـق
والـزول مهـره لقموهـا الاعنـه=اقفت مع اللي ينطح القوم ويعيـق
ماهي من اللي لبسهـن خصرنـه=ولا هي من اللي غنجهن بالمساحيق
في غنجهـا ياكـود كحـل وحنـه=طرقا عليها يرهـم الغنـج ويليـق
الـراس طـول قرونهـا يجهدنـه=من فوق نابي ردفها كنهـا تويـق
الجادل اللـي كنهـا حـور جنـه=ياحيث ماهو وصفهـا بالمخاليـق
عينـي وروحـي مثلهـا يعشقنـه=على النقا عشق ٍ يفوق العشاشيـق
وعزاه من بيض العـذارى كونـه=كية غشيم ٍ عمـق الكـي تعميـق
واستغفـر اللـي رزقنـا مايمنـه=واطلب من الله رحمته والتوافيـق

الكاسب

[الثقيل]

كـم نصحـتـك ياحبيـبـي ماتطـيـع
الجفـى آهــات كـلـه .. والتـيـاع


أشهـد أنـه مـوت للعاشـق .. سريـع
الجفى هذا ضيـاع(ن) .. فـي ضيـاع


مثـل حـد السيـف مايرحـم .. بتيـع
والله أنـه يرفـع الضغـط .. أرتـفـاع


مثل قرم(ن) لا غزى قوم(ن) .. شجيـع
يركي الطعنات .. وطعونـه .. وسـاع


الـوصـل لابــارك الله .. بالقطـيـع
وش خبرنـا تحـت ضـل الانقـطـاع


غير هـم(ن) ينـزع الخافـق .. نزيـع
لا نصحتك حس قل .. سمعا(ن) .. وطاع


لوتجينـي طايـع(ن) .. جيتـك مطيـع
أتـرك الفرقـاء معانـاة .. وصــراع


نشتـري حبـل الوصـال .. ولا نبيـع
أن جيت شبر(ن) بالوفاء .. جيتـك ذراع


كـل يـوم أيمـر بغيابـك .. يضـيـع
ماحسبته من زمانـي ضـاع .. ضـاع


هـم ذاك اليـوم بالخافـق .. فضـيـع
يـوم(ن) أسـود لا لقـى فيـه .. وداع


الزمـن لـو طــاع .. ولا مايطـيـع
ماخبرتـه روض الخافـق .. وطــاع


لـو هجـم وقتـي بهجماتـه .. جميـع
كـل هجماتـه لهـا الخافـق .. دفـاع


مايفوز الوقـت فـي زهـرة .. ربيـع
دام حبـه فـي خفوقـي .. بـا أرتفـاع


ماقـدر يـاخـذ زمـانـي يستطـيـع
صاحبـي زيـن الحلايـا .. والطبـاع


ماقـدر يكسـب رهانـك .. يـاوديـع
مابقـى للوقـت مجـداف .. وشــراع


دام حبـك يسقـي أعروقـي .. جميـع
الزمـن كاسـر جناحـه .. والــذراع


خليف الجهيلي 000

[أسير الماضي]

م
ح

ج


ج

ووووووووووووووو

ززززززززززززززززز


م

ح

ج

ووووووووووووووو

ززززززززززززززززز
ووووووووووووووو

ززززززززززززززززز

[Abduljaleel]

أضم صووووتي للأخ محمد الشراري بإختياره قصيدة الشاعر المبدع فيصل الطوالة ( البرتقالة )
كما اشيد للشاعر بالشكر على حمله هموم الامة ومحاولة إصلاح بعض شروخها0
تحياتي للجميع0

[ولد الـطـنـايـا]

السلام عليكم ورحمة الله وبركاته

:goooood: اود المشاركة بقصيدة اعجبتني جداً جداً وهي للشاعر نايف الجهيلي : ـ



يابـن الجنـوب أن كنـت بالفكـر تعـبـان

بااعلـمـك وشـلـون عـــز الطـنـايـا
ماهيـب شمـر تنجـرح وســط نـجـران

شمـر تجـيـب ارقــاب مثـلـك هـدايـا
لاتجعـل لسانـك علـى اخـطـاك نيـشـان

ولاتمـشـي بـشـوك الطنـايـا حـفـايـا
لاتزعـل الطنيـه علـى ضحـكـة افــلان

لاتعـجـب بنفـسـك بخـدعـة مـرايــا
لاتـحـرق القـرطـاس يعمـيـك دخــان

لاتـتـرك طـيـورك تـحـوم بسـمـايـا
دامـك صفـر سبعـه مـن النـاس فسقـان

تبـطـي ولا تـاصـل لشـمـر سـوايــا
الشمـري هـو شمـري ويــن مـاكـان

ان كــان فــي مـدريـد ولا بـتـايـا
أن كنـت تخطـي فالبلـى فيـك شيـطـان

وان عــاد شيطـانـك بيلـقـى مـنـايـا
شمـر هـل الطـولات فـي كــل مـيـدان

شمـر هـل الـصـولات لـيـن النهـايـا
شمـر وسـاع اطعـون واعـداه خـسـران

شمـر كبـار اصـحـون وقــت العطـايـا
شمـر هـل الوقفـات والسيـف شـامـان

شمـر هـل النـخـوات فــوق المطـايـا
شمـر مـلاذ الضيـف لاصــار بـحـلان

شمـر ذرى المضـيـوم بـيـض النـوايـا
شمـر هــل الـبـارود لاثــار دخــان

شمـر تـرى تــآرد حـيـاض المنـايـا
شمـر هـل التـاريـخ يــاورع نـجـران

شـمـر لـجـل عــز الطنـايـا فـدايـا
قبـلـك رجــالٍ حـاولـو دون جــدوان

مـاتـو : ويبـقـى كـبـريـا الطـنـايـا

الشاعر / نــــايــــف الـجــهــيــلــي

[ابو مرشد]

فكره جيده جدا اخوي نبرااس

و اعجبتني قصيدة اخي العزيز نافع بن طواله و هي باتريوووت



بــــــاتــــــريـــــــوت
سلامٍ إرسلـه يـم الصمـود وأكتبـه بكتـاب
كتابٍ يكشف الصوره يوضّـح كذبـة سنينـه

كتابي بصوت باتريوت هذاك الحـر ماينعـاب
حـر وماكـره ماكـر رجـال العـز بانينـه

باتريوت سلاح الجو بفضل الله كشرنـا النـاب
يهد بصيحة الصقّار يمـاري بـرف جناحينـه

وقلّه لو يجـي يـومٍ تـزاح الغيمـه وتنسـاب
ليعرف كل هالعالم حقيقـة مـن طغـى وينـه

وقلّه مانعـادي شعـب تربطنـا بهـم أنسـاب
ويجمعنا بهـم ديـنٍ وأبـد مـا نقبـل نهينـه

مير إن البلا طاغي ذبح مـن ربعـه الأقـراب
غدر بالجار ومن يغدر بجـاره عاصـيٍ دينـه

ألا ياللي يسمونك صمـود وللصمـود أسبـاب
صمد منهو على طعنة قصيره صابـر لحينـه

صمدنا ومن حلل دمّنـا جعلـه طعـام كـلاب
ومثل ما قالوا الامثـال عـدو إعـداك بتعينـه

نعيـن اللـي يخلصنـا مـن طغيانـه النّهـاب
ويخلص شعبه المظلوم من شـرّه ومـن بينـه

ألا يامـن يبشرنـي عــدو الله راح تــراب
ويبشّر شعبـه اللـي كلمـة المبـروك ناسينـه

ألا يامن يبشرنـي بأسيـرٍ بطّلـوا لـه بـاب
ويبشّر أمه اللـي عافـت البسمـه بعـد عينـه

أنا طالبك ياللي تفعل المعجـز برمـش اهـداب
تزيح الغمّه عن أرض العـراق وكـل بساتينـه

ألا يالله مثل صـدّام لا تقبلـه لـو هـو تـاب
وتْضاعـفْ عذابـه قـدر ماتدعـي مساجينـه

وليت اللي يحكمك يالعراق يعوّض اللـي خـاب
ويرجع بسمةٍ تاهت مـن أعـوامٍ قحـط شينـه

عسى به من أخو نوره فزعه ونخـوة الحـرّاب
هذاك اللي خـدم بيتيـن ربّـه وكـل ميادينـه

أبو فيصل بوقت الجد عصب راسه وفزع طلاّب
ولبّى نخـوة المظلـوم وحـاز المجـد بيدينـه

وعسى به من عديل الخير زايد والهبوب أطياب
بـادر بالشجاعـه يـوم ماتنـفـع قوانيـنـه

زايد والهموم اليوم تبـي زايـد يفـك أنشـاب
تبي شهمٍ يقول الصدق يـوم الصـدق جافينـه

وإرفق مع سلامي للجيوش اللي غـدت ترتـاب
وقلّه هالكويت اليـوم مهـي كويـتٍ تخبرينـه

ألا ياكويتنا الحـرّه بقيتـي والطمـع ماغـاب
فداك اللي عرف قدرك ولـك الأرواح مهدينـه

ألا ياكويتنا تبقيـن لومنّـا العمـر مـا طـاب
وبخيت اللي عظامه من ثراك إغطـاه وتكفينـه

نــافـــع بــــــن طـــوالـــه

اخوكم ابو مرشد

[احـمد الـطـرقي]

دائما راقي ايها النبراس

فكره جميله اخي الكريم وشاعري


الكثير هنا مما يسطره الرائعين يعجبني



ولكن استوقفتني هذه كثيرا


رهبه/قلق/رعشه/وخوف/والسـاعـه الظاهر/ثـمـان
ألـم/ يشتتنـي رحيل/حفـنـة أمــل/ تسترجـعـه

وهم/يطـاردنـي ضيا/يـصـدح بنور/اللامـكـان
يرجـع يدورنـي يضيع/واضيـع ادورنـي مـعـه

يعنـي نهايتنـا تصير/لحظـة دخـول (الزمـكـان)
يعـنـي اختلاف(الأمزنه)حـلـم(ن) ولازم نتبـعـه

شف يااااخي...افهمني وروق...يالفارس الشهم الجبان!!
صحصح على قـد الكـلام/ واشعـل فتيـل الأقنعـه

اكتب هنااا/اشطـب هنااا/بعثـر طقـوس الأمتحـان
دور على اسـراب الفراش/والصـدر انـزع برقعـه

قم طيـر اسـراب الحكي/عسعس/تنفـس/ بالرهـان
قم حـرر اصفـاد السكـوت/دام الفضـا كلـه سعـه

ولاتنحني..ياصاحبي..لاتنحني..يـمـكـن تـهــان
واحسب حسابات الطويـل مـن الـدروب الموجعـه

كثـر الخطا/كثـر الذنوب/قـدم جزيـل الأمتـنـان
كـل الشكـر للحـزن لمـا يـذكـرك بالمعمـعـه

ولو تحترق...لاجـل العطا...لاتنتظـر مـد الزمـان
خلك علـى طبعـك كريـم ابـواب مـدك مشرعـه

يمكن بعـد تنصـف ويمكـن يصبـح الدائـن مـدان
لكن بعـد مهمـا يصير....الجـرح نكـد مضجعـه

غربه/ضياع/وبعثره/واشـيـاء يرهقها/الـم...كـان
والساعـه متأكـد عشر/المـوت يشـر بااصبـعـه




للرائع بوح الصمت




تحياتي لك اخي نبراس


لي عوده مع رائعه اخرى

اذا سمحت اخي